Sinsa-dong Pocha (Tai Ching Street) (Closed)

係打泰拳🥊附近見到有間韓風十足嘅餐廳「新沙洞大排檔Sinsadong Pocha」，小妹最鍾意食韓國菜，就一於試下啦！😏餐廳有超多打卡位📸，裝修以韓國🇰🇷現時最流行嘅newtro（뉴트로）為主題，復古嘅同時，又加入現代流行元素；如仿韓國巴士站嘅室外座位，內裏則還原了新沙地鐵站和路邊攤大排檔嘅環境，配上色彩繽紛嘅桌椅和韓式油桶圓桌椅，以及霓虹燈箱和帳篷裝飾，尤如置身韓國街頭~餐廳供應多款韓國地道美食：如紫菜包飯卷、炸雞、部隊鍋、牛肋骨和醬油蟹等；餐具更用上復古小鐵盤和彩色碟子。前菜小食有泡菜和涼拌芽菜。⭐️推薦❗宮廷燉牛肋骨鍋（$288/2-3人份）店家參考咗韓國宮廷御膳食譜，加入紅棗、冬菇、栗子、蘿蔔等食材一齊熬煮，以食材天然甜味帶出牛肋骨嘅肉香～牛肋骨份量多，有4-5大件，肉質炆煮得軟腍入味，3人share食都冇問題。☺️⭐️推薦❗辣豬肉紫菜包飯卷（$98）材料好豐富，有青瓜、紅蘿蔔絲、醃黃蘿蔔 、辣炒豬肉等，另外，店家加左紫蘇葉、芝麻等增添其香味和口感，比平時嘅飯卷更惹味。泡菜煎餅（$98）煎得好香口，泡菜味道酸酸辣辣，惹味又醒胃。⭐️推薦❗秘製蒜蓉醬油炸雞（$88/半份）炸雞炸皮薄而酥脆，入口滿滿蒜香，內裏肉質嫰滑多汁，佐酒一流！韓國🇰🇷今期流行加原粒蜂巢蜜係飲品裏面，有酒精或冇酒精都得。酒鬼嘅我地就叫左招牌原粒蜂巢蜜特飲—新沙洞米酒（$98），真係有原粒蜂巢蜜係裏面架！蜂巢蜜令米酒更香甜，同韓國🇰🇷米酒酸酸甜甜嘅味道好夾。我同小妹最鍾意食麻糬❤️，所以一見到刨冰有麻糬就梗係要試下啦！😌黑糖蜜黃豆粉麻糬我刨冰（$68）刨冰上淋上香甜嘅黑糖蜜加上大量黃豆粉和煙韌嘅麻糬，不錯嘅配搭！…查看更多

.‼️❤️ 記得CLICK我PROFILE關注我呀 ❤️‼️.🇰🇷 Hιρ Kσɾҽαɳ Eαƚʂ @ 🌟 新沙洞大排檔《👽食神大媽愛韓食》.💁‍♀️ 圖片展示美食為：秘製辣醬炒魷魚 HKD 168新沙洞柚子味炸雞（半份）HKD 88宮廷燉牛肋骨鍋 HKD 288泡菜煎餅 HKD 98草莓牛奶酸榨冰 HKD 78草莓牛奶配蜂巢特飲 HKD 88.👽 最近就有朋友仔帶大媽去一間打卡一流嘅韓國餐廳，地道汽水箱子、螢光招牌、韓星海報、狂播K-Pop 😍 呢度絕對稱得上係裝修特色，整個主題就係類似韓國嘅夜攤，但係喺室內嘅，超有氣氛！.🦑 大媽聽朋友仔介紹話必食呢款「秘製辣醬炒魷魚」果然無介紹錯，大大碟啖啖肉，配埋生菜包住一齊食，真係不得了，超惹味！.🐔 食韓國嘢又點可以唔叫炸雞，食左辣魷魚，一於叫柚子味試下 🍊 好多汁，同埋有柚子皮，清香甜蜜，同埋唔會多炸粉，雞肉嫩滑大舊，完美配搭其他惹味美食。.🥘 另外呢，就揀咗主打嘅「宮廷燉牛肋骨鍋」。一上枱就覺得真係冇揀錯，視覺效果已經係超吸引。咬落啲牛肉非常之嫩滑，D牛排骨大大嚿都唔會韌。調味真係做得真係好出色，係好惹味好濃郁嘅湯汁，白蘿蔔索曬味，超滋補，好味又大份，就算三個人都夠食 😍.🌶 本身好想食年糕，但見到呢一款「泡菜煎餅」真係好想試。好厚身，同埋醬料獨特。裏面超多泡菜，不過有唔會過份辣，食完完全唔覺得口渴，絕對滿足！.🍯 同埋呢度酒水價錢相對黎講好相宜，兩人份量嘅特色「草莓牛奶配蜂巢特飲」連埋大大舊原粒蜂巢，奶味好香甜，唔會覺得確喉，食惹味嘅嘢食一定要配埋呢個！😇.🍧 最後當然要叫甜品啦，食韓國嘢點可以唔叫刨冰，試咗「草莓牛奶酸榨冰」！出品當然好味啦，超多士多啤梨肉！透心涼！.🤩 整體黎講真係超級驚喜呀！嘢食超好味又超級IGable！❤️.🤩 而家仲要因為元朗開咗新分店而有超級大優惠，可以用半價叫「招牌醬油拼盤」！！！🥳 原價 HKD 288，折左之後 HKD 144咋！😱拼盤包括：招牌醬油蟹 🦀️ 醬油蝦 🦐 麻油紫菜飯 🍙.⭐️ 優惠期間：5月1日至5月31日 ⭐️.⚡️優惠條款 ⚡️1）必須電話訂座預留拼盤,方可使用優惠,walk in 不可使用優惠2）只限大角咀分店3）逢星期一至日(公眾假期除外),七時前結賬離座方可使用優惠4）二人起計算,每二人限購一份拼盤5）需按優惠價收取加一服務費（$144 + $14.4）6）不可與店內其他優惠使用7）新沙洞大排檔保留最終之決定權.📍 大角咀大政街10號地舖📲 +(852)2666-6220.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

因為我當天跟朋友約好一齊食晚餐，結果我早到咗少少，因為佢由入座起開始計用餐時間，咁我決定係門口等埋我朋友先，等嘅期間梗係要睇吓四周環境怎樣咁可能係因為我去嘅時間比較早，所以當時餐廳並沒有太多人，但整體佈置真係好似去韓國旅行會見到那種路邊檔，不過當然呢度就大啲同舒服啲宮廷燉牛肋骨鍋（2-3人份） $288推薦指數🗯️：🌟🌟🌟🌟因為天氣凍凍地，咁就想食啲熱辣辣嘅嘢，平時成日都食部隊，食到有啲厭，所以今次就揀咗一個平時比較少食嘅牛肋骨鍋；份量都唔少，大約數一數都有五六嚿牛肋骨，而且每一嚿都大大嚿肉，因為煮到好淋好入味，基本上唔需要點用力就已經可以做到骨肉分離，而且食落好淋，唔會痴牙味道方面，比較偏甜少少，朋友就話冇係韓國當地咁重口味，算係符合香港人口味，我就覺得都唔錯，不單止牛肋骨煮到好入味，其他配料（冬菇，蘿蔔這些）一樣煮到好淋好入味，絕對唔會係馬虎了事甜薯芝士條 $58 推薦指數🗯️：🌟🌟🌟炸到剛剛好，唔會有燶邊，食落外脆內軟，味道方面就正正常常，甜薯份量都唔少，食落唔會一口粉，不過芝士就比較少，而且唔算好拉絲，應該都係急凍嘅即食食品，價錢略嫌有啲小貴韓式醬牛肉紫菜飯卷 $98 推薦指數🗯️：🌟🌟🌟🌟本人首先聲明，我係一個紫菜飯卷嘅愛好者，基本上每一次食韓國嘢我都一定會點紫菜飯卷！不過依間嘅份量唔算好多，但係因為大嚿，所以一啖食落去都好有滿足感，而且入面卷住青瓜、醃蘿蔔這些爽身脆口嘅食材，可以減輕食完牛肋骨鍋嘅甜膩肉桂鮮奶咖啡蜂巢特飲 $88推薦指數🗯️：🌟🌟🌟🌟首先佢嘅賣相已經好吸引，兩隻玻璃杯分別各有一枝叉叉住一嚿蜂巢，就算淨係用嚟打卡已經足夠，而且佢唔係剩係得個樣，味道方面都唔錯架；咁本身肉桂咖啡味唔算好出，飲落奶味比較特出，而且都係滑身，唔會係用粉沖出嚟，不過配上蜂巢會再甜少少，但唔會好甜，就算唔鍾意甜嘢嘅朋友都覺得OK，而且份量好多，就算3個人分享也好足夠雖然有限用餐時間，不過基本上都夠時間，就算我同朋友一直打卡都唔會話食得好趕；食物質素都唔錯，幾適合女生聚會以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。…查看更多

放工約埋同事去大角咀搵食，行入橫街見到新沙洞大排檔五光十色嘅門面，即刻吸引我哋嘅目光，所以二話不說就衝入去。入面環境唔算好大，估唔到平日夜晚都會座無虛席，出面仲有人喺度等位，好彩我哋進場時間尚早，可以佔據有利位置。韓國菜通常都會有泡菜，而新沙洞另外仲有芽菜做前菜，其實份量係多一倍，不過因為太肚餓，食咗一半先記得影相😅😅依家食韓國菜又點少得食炸雞，我哋就揀咗柚子味嘅新沙洞炸雞，韓式柚子醬上再灑上芝麻，簡直係令人胃口大開。炸雞外皮鬆脆，肉質嫩滑，配個甜甜酸酸嘅柚子汁，可以減去油膩感，食多幾件都得。宮廷燉牛肋骨鍋嘅牛肋骨大大件，配有豐富嘅配菜一同燉煮，我就最鍾意佢嘅蘿蔔夠晒入味，個牛骨湯仲好甜，份量好大，如果落埋個烏冬食應該仲正。由於我覺得牛肋骨湯係需要配澱粉質，冇米氣到肚真係搞唔掂，所以就揀咗個炸蝦芝士紫菜飯卷。大大件嘅飯卷賣相吸引，食到脆炸大蝦之餘又有香濃芝士及沙律醬汁，頓時豐富了味覺享受。秘製辣醬炒魷魚嘅每條魷魚都軟綿綿好易咬，配上辣辣嘅醬汁，刺激味蕾，另外仲可以用生菜包住食，即刻解去辣度，真係越食越想食。飲品方面，我哋揀咗二人份量嘅草莓牛奶配蜂巢特飲，粉紅色嘅賣相絕對係女士們嘅最愛。入口時會品嚐到香甜草莓味，之後會嚐到蜂蜜清甜。最特別係每杯都有粒草莓及蜂巢蜜俾客人浸入飲品中，細味之下，仲有香甜嘅蜜糖，味道更顯濃郁 。最後甜品就揀咗宇治金時抹茶紅豆刨冰，份量好大又足料，每啖刨冰都係香濃嘅抹茶味，加埋絕配紅豆蓉，真係好滿足。…查看更多

🎀 宮廷燉牛肋骨鍋套餐（宮廷燉牛肋骨鍋，海鮮葱煎餅，韓式炸醬麵，黑糖蜜黃豆粉麻薯刨冰）（$508）▫️ 宮廷燉牛肋骨鍋本身想嚟試醬油蟹但可惜賣曬 🫠，於是叫咗另一個牛肋骨套餐，估唔到都有驚喜 🤭。肉肉份量好多，肥瘦相間，墩得比較淋軟，另外仲有紅蘿蔔、白蘿蔔中和返咁多嘅肉肉，湯底加咗紅棗偏甜味。▫️ 海鮮蔥煎餅煎得比較焦，海鮮落得比較多，唔會食落好粉。▫️ 韓式炸醬麵肉肉、青瓜絲、洋蔥同煎蛋做配料，撈埋炸醬甜甜哋好惹味（成碗差唔多係我食曬 🤣）。▫️ 黑糖蜜黃豆粉麻薯刨冰份量都幾大，加咗煙韌嘅麻薯令刨冰更有咬口 🤪。✨ 新沙洞炸雞半份（甜辣味）（$88）無骨炸雞咬落比較方便，甜辣醬惹味 😝，份量都唔細。✨ 蔬菜紫菜飯卷（$68）偏淡味，比較清。✨ 肉桂鮮奶咖啡蜂巢特飲（$88）肉桂味幾突出，鮮奶咖啡本身冇咩甜味，但攪拌棍上面有一粒蜂巢，鮮奶咖啡倒落杯攪拌棍嘅蜂巢就會融到少少甜味出嚟，唔錯 🤪。·之前去過位於長沙灣嘅新沙洞澡堂覺得唔錯同幾有特色，於是今次就嚟到位於大角咀嘅分店。呢一間係以韓國大排檔為主題，Menu亦同長沙灣店有所不同。環境真係幾有風味同埋有唔少打卡位，鍾意影相應該會比較欣賞 🤭。整體嚟講出品都唔錯，當日我同朋友都比較夜去（晚上8.00）依然滿座（我影嘅相冇人係因為我同朋友坐到接近收舖時分 🫣，早少少滿座唔太好意思影相影響到其他食客），可見其高人氣。·🧾 需加一服務費💰 $827.2❤️ Follow @852foodietraveller ✨…查看更多

係韓國嘅另類風味，平時喺香港食韓國菜都係裝修比較韓風，但係今次係利用咗韓國復古大排檔風格，呢間亦都係上年1️⃣1️⃣月先啱啱新開張，亦都係長沙灣韓國菜🇰🇷「新沙洞澡堂」既姊妹餐廳，長沙灣嗰間都一直想試好耐，但係今次試咗呢間先，店內利用咗韓國巴士站做主題，而且仲有霓虹燈做裝飾，所以打卡影相非常出色👍🏻😍未食之前都決定咗係要食佢哋嘅醬油蟹，去到已經賣晒，所以都叫咗個小編最鍾意嘅宮廷燉牛肋骨鍋，湯底味道適中，而且每一舊牛肋骨都係啖啖肉，仲係大大嚿，而且一直都係用GAS煲加熱，所以前牌天氣凍嘅時候食真係啱啱好。炸雞🍗揀咗甜酸口味，味道都唔錯嘅而且亦都幾抵食。飲品方面叫咗個兩人分嘅草莓牛奶，奶味香濃，仲有淡淡嘅士多啤梨味，兩人分都可以每人飲兩杯添，個味道都令人難忘🥹…查看更多

💛好味指數:4.8/5💛💜回頭指數:4.8/5💜之前食過新沙洞澡堂覺得好正，發現原來佢有姊妹店，係一個大排檔風格😂餐廳色彩繽紛，感覺好歡樂🎈✅宮廷燉牛肋骨鍋套餐$508套餐相對抵食啲，咁啱呢幾樣都想食😋🔸海鮮蔥煎餅睇佢個樣好似燶燶地以為唔好食，點知勁好食，我唔應該以貌取餅🫣特別係個蔥餅醬汁，簡直係個精髓👍🏻👍🏻👍🏻🔸宮廷燉牛肋骨鍋(2-3人份)牛肋骨煮得好腍，啲湯勁足料，有紅蘿蔔、蘿蔔、栗子、冬菇、紅棗，所以個湯底超好飲，同埋偏甜小小☺️最出色係啲蘿蔔，非常入味，好中意❤️🔸韓式炸醬麵呢款炸醬麵算係偏甜小小，朋友覺得太甜，但我反而好中意，覺得呢款好啱我胃口！而且呢個炸醬麵仲有隻蛋係上面，撈埋啲蛋黃更加香🍜🔸黑糖蜜黃豆粉麻糬刨冰刨冰偏粗粒，撈埋麻糬同黑糖一齊食味道唔錯🍧不過黃豆粉再多啲就好啦～✅甜薯芝士條$58趁熱食仲可以拉絲🧀甜甜地幾好食🍠次次見到韓國嘢都會嗌😍✅新沙洞炸雞$88選咗半份蒜蓉醬油味，份量都唔少，炸雞用雞脾肉好鮮嫩🍗✅招牌原粒蜂巢蜜米酒$98本身諗住選鮮奶系列，點知見到多咗個米酒蜂巢飲品，賣相又好Q用個酒樽裝住🍶米酒都幾好飲，每個杯入面仲有粒蜂巢🤣有小小蜜糖味，都幾特別可以一試～🐻總結新沙洞系列嘅韓國嘢都係咁好食😊上菜速度快，啲嘢都好好食😌如果有埋部隊鍋就好！📍新沙洞大排檔 (大角咀)大角咀大政街10號地舖…查看更多

經過大角咀見到有間走新派復古風嘅韓式大排檔，以江南style酒館裝修，好特別，平日夜晚門口亦大排長龍，等咗一陣先有位。小食試咗脆炸韓式紫菜卷同埋甜薯芝士條，韓式紫菜卷沾左薄薄既漿汁炸，外脆內軟，幾特別；甜薯芝士條口感煙靭，仲食到甜甜嘅味道。每次去韓國餐廳都一定叫韓式炸雞，今次試咗半份新沙洞炸雞 - 柚子味，雞炸得好脆，肉質保持有肉汁，柚子既酸甜中和返油膩感。主食試左宮廷燉牛肋骨鍋（2-3人份），用爐熱住，冬天食一流，湯好清甜，飲完吾覺得口渴，牛肋骨肉質好軟腍，配料仲有紅蘿蔔，白蘿蔔、蔥等等，非常高質。韓式炸醬麵麵質Q彈，有好多豬肉粒，醬汁味道甘甜。甜品要左養生既蜂巢特飲 - 草莓牛奶配蜂巢特飲（2人份），牛奶入面有士多啤梨碎粒，口感滋潤仲飲到少少蜂蜜甜味。甜品要左黑糖蜜黃豆粉麻薯刨冰，超級大碗，黑糖味突出，配料小丸子非常煙靭。…查看更多

*✲ﾟ*。 🛺必試新開人氣韓國料理🇰🇷呢間韓式大排檔裝修好特別 食物都好高質🤤周圍放滿霓虹光管 鐵桶 汽水膠箱 有大量打卡位📸
🍲 宮廷燉牛肋骨鍋見到呢間有醬油蟹🦀同醬油蝦🦐 本身諗住去試吓 不過可惜當日冇供應😢叫左呢個宮廷燉牛肋骨鍋 點知勁有驚喜😍佢有個爐keep住個溫度 冬天食暖笠笠好正🥰個湯約幾清 入面有紅蘿蔔 白蘿蔔 栗子同紅棗 飲完都唔會好口渴👍🏻有幾大舊牛肋骨 牛肉味香濃 咬落去好腍🤤 必試💯🍢 新沙洞炸物拼盤呢個拼盤有哂咁多款炸物：炸芝士條、炸紫菜卷、炸年糕及炸韓式餃子推介炸芝士條同炸年糕😆🍳 韓式炸醬麵 呢個炸醬麵食落甜甜地 入面都幾多豬肉粒
仲有隻煎蛋喺上面😍🍤 炸蝦芝士紫菜飯卷呢個飯卷好足料 味道都幾好 因為入面加左芝士🧀🍓 草莓牛奶配蜂巢特飲呢個飲品打卡好靚 而且好好飲😆平時士多啤梨飲品最驚係藥水味 不過呢個完全冇👍🏻杯入面放左蜂巢 加埋草莓牛奶個甜度啱啱好😋份量幾多 夠一人飲兩杯🙆🏻‍♀️🍧 宇治金時抹茶紅豆刨冰 食落有少少細細嘅冰粒 份量好多 有大量紅豆粒 足夠幾個人share🤣
下次一定要再嚟試吓個醬油蟹🦀同醬油蝦🦐先得😆平日去都好full 建議大家要book定位‼️-✨ 宮廷燉牛肋骨鍋 (2-3人份) ($268)✨ 新沙洞炸物拼盤 ($98)✨ 韓式炸醬麵 ($98)✨ 炸蝦芝士紫菜飯卷  ($88)✨ 草莓牛奶配蜂巢特飲(2人份) ($118)✨ 宇治金時抹茶紅豆刨冰 ($78)+10% service charge-📍 新沙洞大排檔 @sinsadong.pocha.hk大角咀大政街10號地舖…查看更多

夜晚翻風需要暖一暖胃，踢波韓國未必係第一但暖胃料理方面，韓國一定不遑多讓大角咀有間韓式大排檔，裝修同食物都好地道，連韓國通朋友都話好味道細個睇《大長今》，見啲mamani成日食牛肋骨煲今次食吓呢煲宮廷煲，牛肋嚿嚿都好大塊，肉質軟彈，連蘿蔔同菇都熬得好入味紫菜包飯好難抗拒㗎，呢間仲要包得唔錯，牛肉香夠，飯唔會散颼颼，啖啖實在炸雞亦係韓國料理名物，蒜蓉醬油味非常香口，蒜香濃而不攻至於柚子味炸得勁脆卜卜，柚香清甜年糕通常係煲熟佢，脆炸版本較少見，仲要比較幼身，食落更脆口，辣醬香得嚟又唔會太刺激暖完胃就cool down吓，嚟一大碗刨冰，食完真係凍到口震震，但佢啖啖都滿有抹茶香同紅豆嘅甜，唔會太寡:)夜晚黑先嚟飲牛奶，咁先係大人嘅世界。呢杯唔係普通嘅牛奶，而係加咗甜蜜蜜嘅蜂巢喺裡面再將充滿莓香嘅牛奶淋上蜂巢，大人嘅世界真美好…查看更多

/新沙洞大排檔🇭🇰/#sa大角咀篇 ➖➖➖<大角咀新熱點✨韓式大排檔🇰🇷> ➖➖➖位於長沙灣嘅新沙洞澡堂近日係大角咀開左新分店 今次以大排檔為主題 店舖嘅設計就好似去左韓劇睇到嘅食店有室外室內位置🥰室外以橙色為主調 都幾搶眼！ 雖然新開但人流都幾多 食飯時間都有唔少人排隊～ ➖➖➖1️⃣ 宮廷燉牛肋骨鍋(2-3人份）$268 🌟呢個清清地幾好😆😆冬天食就最適合 入面有好多件牛肋骨～炆得夠軟腍🫶🏻 湯底清甜 仲有啲紅白蘿蔔、冬菇想邪惡啲可以試芝士年糕雞鍋/ 醬油蟹✨➖➖➖2️⃣ 韓式醬牛肉紫菜飯卷 $78 飯卷份量幾多 亦都幾足料入面夾住酸青瓜、蘿蔔絲同牛肉！紫菜都無腍到👍🏻➖➖➖3️⃣ 新沙洞炸物拼盤 $98 🌟雖然係炸物 不過都唔算太油膩有年糕串、炸餃子、芝士番薯條、炸紫菜卷 年糕串煙煙韌韌 唔會太硬 加埋甜辣醬幾惹味炸餃子幾大隻 外皮香脆 豚肉幾juicy 芝士番薯條中間有番薯夾心 咸咸甜甜最後幾鍾意件紫菜卷 入面係粉絲餡 ➖➖➖4️⃣ 韓式牛肉炒粉絲 $108 整體份量多 最後都食唔晒要打包！每次都會食嘅餸😆➖➖➖5️⃣ 新沙洞炸雞半份 一柚子味 $88 /半份炸雞鋪滿柚子皮 酸酸甜甜 件數都幾多架 正常發揮除咗柚子味都有甜辣醬、秘製蒜蓉醬油可揀 ➖➖➖6️⃣ 肉桂鮮奶咖啡蜂巢特飲 (2人) $88 二人份量 share 剛好 都幾大jar 咖啡味道較温和 奶味香濃杯中仲有粒蜂巢 中和咖啡濃度會飲到少少肉桂香但唔算好濃！ 適合啲唔鍾意飲太濃咖啡嘅人另有草莓鮮奶揀👍🏻➖➖➖7️⃣ 宇治金時抹茶紅豆刨冰 $78 會食到抹茶嘅甘苦🆗有大量紅豆粒 混埋抹茶粉甜度岩岩好另外有黑糖蜜黃豆粉麻糬冰 係佢地嘅signature ✨➖➖➖📍新沙洞大排檔 …查看更多

又到新餐廳介紹時間，今次來到超人氣新沙洞澡堂Cafe的姊妹店--新沙洞大排檔🎊！延續一貫地道作風，poster，霓虹燈，啤酒箱櫈，鐵罐櫈，門口位的擋風透明簾，色彩繽紛的裝潢滿載韓風🇰🇷~設有Pet-friednly🐶🐱門口位，非常有心思~重點係食物非常地道惹味🤩！無論是大菜牛肋骨鍋，還是小食醬油蟹，都令人回味無窮！🍽️🅕🅞🅞🅓&🅕🅔🅔 💸 ♦️ 宮廷燉牛肋骨鍋（2-3人份）- $268一上枱就香濃撲鼻🐮，湯頭飲落又格外甘甜，肉質軟腍，牛香滿溢🤤，燉非常入味！配料有紅棗、粟子、冬菇、蘿蔔等，呢個天氣食暖笠笠好滋補呀💕~♦️ 招牌醬油拼盤配紫菜拌飯 - $288質感滑溜軟黏, 醬油帶著濃濃麻香, 唔會死鹹, 烘托出蟹肉的鮮甜😉，蟹膏香濃不腥! 醬油蟹的精髓當然少不了蟹膏撈紫菜飯喇，飽滿飯粒嗦足精華, 啖啖惹味😆~醬油蝦大隻重肉，同樣夠滑糯，隻隻逼爆蝦頭膏，送飯一流👍🏻！♦️ 海鮮葱煎餅 - $108好足料呀~外脆内Q彈，咬開可見魷魚躍躍慾出，點上秘製香辣甜醬油，停唔到口吖🤣！♦️ 新沙洞炸物拼盤 - $98炸餃子，炸年糕，炸芝士魚手指，炸紫菜包粉絲，熱辣辣，脆卜卜，加埋韓式辣醬更惹味！私心最愛炸紫菜包粉絲😝，香脆紫菜，軟糯Q彈粉絲，絕配！♦️ 新沙洞炸鷄半份（柚子味）- $88保持姊妹店的水準，炸衣香脆，内裏嫩滑，啖啖肉，柚子味可以減少罪惡感，🌿清新開胃不膩~♦️ 黑糖蜜黃豆粉麻薯刨冰 - $68食完咁多熱辣辣暖笠笠嘅美食，當然要食個刨冰消下熱氣啦，黑糖甜而不至於膩，Q軟麻薯，煙煙韌韌，一啖就感受到豆香和黑糖香~♦️ 韓國檸七 & 韓國梨汁 - $18 + 18多款韓式飲品任君選擇~💁 🅢🅔🅡🅥🅘🅒🅔 🛎  新店開張，店員已經非常熟練上手，當晚高朋滿座，上菜速度依然夠快👏🏻！熱鬧氣氛，滿場美食香氣彌漫，真係好有韓式大排檔feel! 無論三五知己聚會🍻，還是二人摸下酒杯底🍶，都係非常美味的美好回憶呢！…查看更多