Hakka Shop (Cheungs Building)

朋友大力推薦這間餐廳於是便在lunch Time去試一下！一到餐廳便聞到撲鼻的黃酒雞湯味，老實說我個人十分喜歡藥材煲的湯譬如肉骨茶！所以未進食的時候已對這間店的期望很高！😅我點的是黃酒雞湯面 —本來是配伊面，但我轉了米粉，因為感覺米粉跟湯配合應該更入味。雞湯面的材料有很多，份量也不少！裏面有雲耳，桃膠，很滑的雞肉和有點蔬菜。我把整碗湯都喝光光！感覺是一個很健康的午餐。餐還有附送一個甜品，但是真的十分不推薦！🙃🙃…Read More

有一陣子無過黎，午餐質素依然好高，人流亦依然好多。十二點放飯要即刻衝過黎先食到。到既時候都已經八九成滿。餐牌選擇以雞同蟹為主。豉油雞係好受歡迎，如果遲少少到會賣哂的。我聽到附近好多失望既聲音😂😂😂。再一次到訪當然係要食番我既最愛-客家黃酒雞湯麵。佢有麵同米粉揀，我就要左麵。一如以往，佢既湯係最驚艷。黃酒雞湯好濃郁，入面又有元肉紅棗，飲完會feel到個人暖暖地，好適合手腳冰冷既女仔。我好少響餐廳會飲食麵既湯，不過呢個湯又有益又好味，我係將成碗飲哂。佢既配料都好足。雞功房唔洗講都知啲雞好滑。好特別地佢個麵會配一舊桃膠的，幾有趣。唯一挑剔係略嫌個麵太腍身，小妹偏好Q彈啲既麵質。順便一提，之前試過佢既晚市都幾好食。有興趣記得要book位，因為店鋪都幾細，先book先得。…Read More

又係我認識左呢間小店短短2個月，已經食左4-5次，真係好好味！一啲都無誇張！上次食評主要寫左客家黃酒雞湯米（https://s.openrice.com/QrbT0Ni0i00）。今日冬至，Lunch帶埋屋企人會一會其他野食先海南雞飯，俾左雞肶，多肉夠嫩夠滑！油飯好香雞油味！掂豉油雞飯，原本$75，留意返：轉雞肶要加$10架豉油雞飯係要早啲打電話黎留定嘅，如果無留，就要睇你同豉油雞嘅緣份嘞不過今日12:30左右，豉油雞已經全部售罄講返豉油雞味道，唔好睇佢好似好深色，一啲都唔會過鹹，豉油有少少甜味，都係雞夠滑夠嫩，飯係白飯，但勝在夠豉油汁，撈飯真係好正！我媽媽都話非常好味蟹肉乾燒伊麵，都算多蟹肉喎，伊麵夠煙韌彈牙，個麵仲有啲蟹味，又係我媽媽至愛喎客家黃酒雞湯麵，今次叫左上海麵，雞湯都係保持一貫水準，好味但個人覺得都係配新竹米比較入味上次忘記左提到，記得加埋餐廳內提供嘅辣菜脯落個麵度食，好有特色好好味呢個係叫海南雞飯配的，個人認為同黃酒雞湯麵個湯底應該係一樣，但阿妹話覺得呢個湯更好味、更濃味餐後食埋滑滑朱古力布甸，做冬午餐好滿足！不過順帶一提，餐廳的服務態度確實麻麻，尤其係其中有個阿姐！我明白你餐廳多人幫襯係會好忙，但唔好每次叫親都應「得、得、得，等陣」，但等親都一去無回頭囉，次次都叫起碼3次先有人真係過黎應，呢樣真係要改善！否則，啲食客occupy你張枱嘅時間咪盞更長。今次終於記得影埋私房菜個餐牌俾大家參考下…Read More