The Story of Wharf

天氣慢慢開始轉涼就心郁郁想去打邊爐暖下個身🤓今次第一次試呢間係銅鑼灣市中心嘅火鍋店 係正公司對面收工就去左裝修都幾特別，一入門口有霓虹燈牌寫住長江黃河 夾曬個主題醬料架旁邊仲有一次性圍裙提供，唔驚整污糟一坐低就有2碟小食，一般都唔expect d咩，不過少見d瓜子就試下，一試就食到停唔到口清左🤣價錢雖然較為高檔次 但一分錢一分貨🤓叫左幾款主食 湯底揀左菌湯放底就聞到濃郁既菇菌香 湯底冇咁濃味 可以食到主食既鮮味脆毛肚 - 可以係近年非常鐘意既邊爐料😋淥幾下就熟 食落就係爽脆！打邊爐點可以少得牛肉同羊肉🤤安格斯肥牛雪花好平衡 食落唔會油膩如果2者比較我會更加推薦羊肉 (如果你係鐘意個陣羊味🥳)宜家既我打邊爐絕對唔可以冇寬粉😍有埋個小筲箕 放落去淥就唔怕要係個大鍋到尋寶~當然食寬粉都係食埋湯底 吸曬d菇味唔洗加任何調味另一個食川菜既指定動作就係食冰粉呢個食落都有驚喜🥳因為平時冰粉都係加d蜜/糖同埋上邊有少少脆脆但呢個中間加咗啲菠蘿蓉 食落更加fresh …Read More

好耐無食麻辣火鍋，所以黎呢度食麻辣火鍋😋😋🌟牛油鴛鴦鍋（$159）正宗嘅麻辣火鍋會加上牛油，令湯底更加香😋😋雜菌湯底菇味濃郁，而且清甜😋😋🌟 一米鴨腸 （$128）鴨腸新鮮，而且份量多，無肥膏，仲有一大盤冰保持新鮮😋😋🌟 安格斯肥牛 （$182）牛肉唔太肥，油脂同牛肉分佈得好好，食落牛味重，牛肉好新鮮😋😋🌟 精選五花腩 150g ($78)五花腩新鮮，切得薄好快熟，食落口唔會太油膩😋😋🌟鮮鴨血 （$58）鴨血係麻辣火鍋必點既餸菜，鴨血同麻辣係好夾，而且唔會散開，價錢唔貴😋😋🌟 油麥菜（$37）油麥菜本身打邊爐係好夾，但再加落雜菌湯煲，令到菜既鮮味更加突出👍🏻👍🏻🌟 紅糖糍粑 （$55）食完麻辣火鍋，必點甜品，紅糖糍粑，一來可以解辣，而且唔係間間既火鍋店可以食到，加上即叫即整，外皮香脆，內裡軟熟，再加黃豆粉同黑糖一齊食😋😋…Read More

喺正SOGO隔離嘅澳門逸園大廈集中左多間食肆, 門口阿姐落力派傳單: 碼頭故事試業有coupon送, 喺2樓連𨋢都唔使等索性行上去. 門口已望到入面裝修靚靚, 一個個中式木屏風形成勁有privacy嘅環境👍🏻. 入座前店員仲會同我地消毒雙手&鞋👍🏻.🍲牛油紅鍋x大骨百味湯鍋 (HKD159) 一坐低order住個鍋先, 牛油🧈紅鍋真係一大舊四四方方嘅牛油+勁多款辣椒🌶️調製而成, 未食都feel到辣得真材實料呀. 而豬骨湯底味道就非常香濃, 入面仲加入左紅棗香葱+兩件午餐肉, 啱哂唔食辣嘅朋友.🍲每人HKD30醬料$仲包埋花生🥜&瓜子各一碟, 出面醬料吧非常整齊企理, 連蠔油, 鹽, 醋都有提供呢. 飲啖茶先, 係好香嘅蕎麥味☕️.🍲安格斯肥牛 (HKD182)必食嘅肥牛大碟又高質, 每塊都好大塊, 肉嘅脂肪適中, 唔會多到唔知食緊肥膏定係肉, 淥一淥勁濃牛味, 正a!🍲鮮紅薯粉 (HKD38)店家有個專for淥紅薯粉(or其他麵類)圓桶型”撈”真係一條都無浪費到, 淥起時口感QQ配牛油紅鍋湯底perfect.🍲山藥 (HKD38)擺左一陣都keep到白雪雪嘅山藥, 鐘意爽身嘅淥一層就食得, 我就淥到佢有d粉粉嘅口感.🍲鮮鴨血 (HKD58)自從上星期食過麻辣鴨血一試就愛上, 成為打邊爐必嗌之選.🍲脆炸響鈴 (HKD67)唔會嘥左個咁正嘅湯底, 點都淥1秒連湯食.🍲唐生菜 (HKD32)最後食埋唐生菜🥬, 平衡返食左咁多肉同辣野嘅邪惡感😛.🍲用QR code order實在方便, 店家嘅火鍋生料價錢真心reasonable, 而且地點perfect, 店員又主動+nice, 今個冬天可以encore呢!…Read More

天氣開始涼涼地又到左打邊爐既時候喇🤩呢日同朋友去左銅鑼灣試左呢間新開既火鍋店～份量好多同埋d野食好新鮮！一坐低緊係叫左湯底先啦～我地見鴛鴦鍋都係貴少少，就叫左個牛油紅鍋+菌湯鍋 ($159)～菌湯鍋真係比較少見，食落菇味都好重，清清地，唔食辣既可以試下呢個湯底，幾特別👍🏻👍🏻辣湯底好香，唔會死辣又唔會太咸~~鮑魚 - $48隻一上枱見到鮑魚仲識郁架😱😱真係好新鮮！煮完之後一d都唔難咬，食多幾舊都唔驚難消化😂😂呢個真係值得叫黎食👍🏻日本蟹籽丸 - $67平時出面食叫蟹籽丸都唔平，可能$60幾得三四粒，呢度真係比我想像上多，$67有成8粒！好彩小弟同朋友個日都幾肚餓，如果唔係都驚食唔哂😂脆肉鯇魚片 - $88認真，個侍應上枱個陣小弟真係以為佢比錯，因為真係無諗過$88 個份量會係咁多😨塊塊都勁大塊又厚肉，一份仲有成10塊咁多！而且仲好爽脆👍🏻🤩安格斯肥牛 - $182碟肥牛又係勁大碟，兩個人食極都食唔哂咁😂大塊之餘仲唔會太肥，唔錯～～黃金魚片頭 - $78呢個係可以即食既，上到枱熱辣辣，外皮炸到好脆，正！略略係辣湯底度煮兩三秒仲正😂鮮紅薯粉 - $38紅薯粉+麻辣湯底真係絕配😍呢度既紅薯粉又粗又厚仲好滑，好好食😍😍😍…Read More

銅鑼灣碼頭故事地理位置非常好，正正係Sogo隔離的大廈。去到門口已經feel到有強勁的冷氣🥶坐底後枱面有一碟陳皮花生🥜，一人一樽食物調和油。之後店員先幫你order左個湯底先，我選擇咗牛油鴛鴦鍋。一邊係雜菌鍋，另一邊係牛油紅鍋(小辣)。雜菌鍋味道同清湯差唔多，適合烚菜😆牛油紅鍋～小辣已經食到我標晒汗🥵但會令你食唔停口😋😋即炸響鈴 ～ 火鍋必食配料之一，吸收左辣湯的精粹，份外好味🤪蝦滑 ～ 彈牙貢丸 ～丸類之中我最愛，味道正常紅薯粉 ～ 一定要放係雜菌鍋到，熟左先係紅鍋到燙一燙，如果唔係就會太油膩🤩安格斯肥牛 ～ 好難口，竟然係最失敗的食物😖西洋菜～食咁多肉點都要食D菜，唔係好多火鍋店有西洋菜食👍🏻👍🏻👍🏻脆肉鯇魚片 ～ 好脆，係全晚最好食🤤，好食到想encore👏🏻👏🏻👏🏻👏🏻👏🏻麻辣牛舌 ～ 食左幾件，終於諗到似咩味，就係羊肉串味😂😂，可能佢d醃料有d孜然粉掛.....但係好食既，牛舌都好滑好爽口👍🏻👍🏻…Read More

去食好野都要識搵個好碼頭 在openrice見到個名咁得意, 冬天又來又係時候去打邊爐, 所以就約埋肥豬一齊去食~因為早去食晚餐, 所以客人唔算多, 我見有2個包廳的房仔, 如果怕出街食多人, 坐入面就感覺安心一些。餐廳好乾淨, 似是新裝修的, 中國風的裝潢加上搶眼的燈牌, 小食有一碟花生比你咬下~點了個蕃茄湯底, 入面有唔少的蕃茄同青瓜片, 我最先食的生菜滾完後, 菜上有淡淡的蕃茄香味~手打牛丸好食!牛丸好juicy, 咬開見到入面充滿"牛肉汁",而且好彈牙, 可是只有6粒, 不過我係重質不重量的蝦滑分開3個竹筒又幾方便, 我2個人食每次就落一條的分量, 剛好一粒一口的大小。蝦滑夠新鮮, 食落唔會硬實實的安格斯肥牛份量十足, 一上碟就好吸引!!! 滾兩下要即刻食, 最怕滾太耐浪費了片肥牛><烏冬係每次打邊爐都要必點的, 今次專登試下在川菜的餐廳點薯粉, 果然有驚喜!!比烏冬還要好食!! 薯粉夠厚身又煙韌, 最重要是吸晒蕃茄湯味!!!平時的薯粉好易斷, 碼頭故事的滾完依然是一條條完整的。座位算大, 放得晒我所有食材, 而且旁邊有個雙層鐵架可以放食物, 咁就方便晒啦!!! 食物質素唔錯, 夠新鮮, 今次因為怕熱氣唔敢食太辣, 下次可以試下個麻辣鍋, 我聞到隔離位的麻辣湯底好香!!!!…Read More

喺銅鑼灣返工，坐車成日都經過澳門逸園中心，最近就見到呢間新開嘅火鍋店，見人地影d相又幾吸引，果然冇令我失望！入面裝修有中國特色，店員有禮貌，座位都幾闊，坐得舒服！銅鑼灣地段嚟講，價錢適中，全部配料都幾新鮮。 🍴 牛油鴛鴦鍋 ($159) ⭐️⭐️⭐️⭐️ 麻辣味幾正宗，有得揀辣度。因為驚太辣食唔到，所以叫多個番茄湯，味道比較平淡，可能因為麻辣味掩蓋左。 🍴 安格斯肥牛 ($182) ⭐️⭐️⭐️⭐️💫 雪花紋幾靚，油脂分布平均，薄切得嚟所以入口即溶！ 🍴 精選五花肉 (150g) ($78) ⭐️⭐️⭐️⭐️ 切到好薄，食落唔會韌，配番茄湯同麻辣湯都好味。 🍴 彈牙牛丸 ($90) ⭐️⭐️⭐️⭐️💫 食落特別彈牙，完全唔同超市買到嗰d，感覺好新鮮。 🍴 脆炸魚皮 ($55) ⭐️⭐️⭐️⭐️💫 估唔到份量咁多，仲要又香又脆，就咁食又得，浸下湯再食又得！ 🍴 養生豆花 ($48) + 豆皮 ($44) + 日本烏冬 ($38) ⭐️⭐️⭐️⭐️ 配菜好好味，加上麻辣湯底，吸哂湯底嘅精華，食到停唔到！ .............................. 碼頭故事 地址📍: 銅鑼灣軒尼詩道525號澳門逸園中心2樓 總評分: 8.6/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️⭐️💫 服務👨🏻‍🍳: ⭐️⭐️⭐️⭐️💫 衛生🧹: ⭐️⭐️⭐️⭐️ 抵食💰: ⭐️⭐️⭐️⭐️ …Read More

銅鑼灣行完街，係時候食晚餐。有點涼意，打邊邊之意不其然提高了。同朋友揾吓又行吓，發現了這裡。入到去企企理理乾乾靜靜，原來係試業。雖然客人唔多，但店員們服務熱心。點了個鴛鴦鍋，有牛油紅鍋同菌湯鍋，來鍋香氣撲鼻，香辣味十足！吃一口辣湯，沒有鹹與苦，卻有鮮辣同麻香。吃的過程不會有麻卑的難受，反而，我嘗試把其花椒放在舌尖上，是我第一次覺得它在舌尖上留給我陣陣香麻及清甜味，上癮！食物方面屬新鮮，牛肉鮮味重且抵食，魚爽脆好味，蝦滑算抵食，花甲同埋蟶子都新鮮，萵苣也清甜。基本上，拿回來的調味完全唔使用，如果再來一次，我只會取生蒜，配海鮮就已經頂呱呱。不得不提是它的蕎麥茶，完全是喚起味蕾的清新香氣。全班都充滿回香味！試吧！…Read More