The Story of Wharf

雖然係大熱天時但都無阻我打邊爐嘅興致🍲，之前見朋友喺IG post過勁有中國風嘅餐廳原來就係碼頭故事，網上睇完menu又覺得都唔算貴，所以就一於試下，好彩有訂位，估唔到星期四晚都咁爆場。我哋雖然兩個人，但都好好彩有張四人檯，咁我哋就可以叫多啲嘢食喇哈哈🤣。首先嗌咗個湯底先，牛油鴛鴦鍋($138)，即係一邊係辣🌶嘅牛油紅鍋加一邊自選湯底，問店員有無推介，佢話大骨百味湯鍋同蕃茄湯都好食，最終決定要前者🐷🦴。個鍋底好快就上喇，四四方方勁大勁深，兩邊各有一個細兜方便淥啲細件嘢，一邊深紅色有好多辣椒八角胡椒等等，望見已經覺得🥵哈哈，另一邊就係奶白色嘅豬骨湯。聞唔到香唔香，因為一入餐廳已經充滿住好引人肚餓嘅麻辣火鍋嘅湯底味😂。店員見我哋未落調味，就好詳細咁介紹檯面有啲乜醬料，佢話食牛油辣鍋最好就係落果個罐仔裝嘅芝麻香油碟(連茶位，每人$20)，因為可以解辣會食落舒服啲，個油食落無咸味，但就好濃麻油香😍。我再加咗啲醋落麻油調味，好似食海蜇嗰啲汁哈哈，但真係救咗我好多，因為個辣對於我嚟講真係太辣了，不過淥完辣鍋再點麻油中和返就ok👌。但始終辣鍋都係唔啱我，所以我主要食豬骨鍋，而佢嘅豬骨鍋係好出色，好香濃，一啲都唔味精，我專登剩飲咗幾啖🤤。但如果食完辣先食，就會變到無味，所以建議飲啖茶散返味先再食，同埋盡量分開筷子🥢淥兩邊，唔好混濁個豬骨湯哦。到火鍋配料喇，有好多選擇花多眼亂，我哋兩個女仔叫咗好多嘢食，眼闊肚窄。如果多啲人嚟食會好啲，因為佢每樣嘢份量都唔細，少人食就食唔多咁多種類🥺。btw佢張餐紙有提示每樣嘢要淥幾耐✌️。第一樣係安格斯肥牛🐂($138)，諗咗陣要呢樣好定一米肥牛好(個碟勁長好有霸氣)，但見安格斯牛嘅造型靚啲，同埋牛肉好似無咁肥就叫咗。果然無令我失望，雪花紋好靚，油脂分佈好均勻，每人食到好多塊，而且每塊夠大夠厚，唔會有唔夠喉嘅感覺👍🏻。第二樣叫咗竹筒墨魚滑🦑($98)，個籃底有好多冰作保溫，上面就插住三支竹筒墨魚滑，自己再用匙羹刮落去，每支大概刮到四至五粒，份量十足。味道富有鮮味，但個人認為如果彈牙少少會更正。第三樣係手工青笋片🎋($48)，青笋係我至愛😍。估唔到個造型勁精美，每片捲起咗再加埋啲紅棗點綴形成一個中式花形圖案。不過略嫌薄咗少少，淥落湯底索完湯都仲食到好清甜，但記住唔好淥太耐，如果唔係會無咁爽無咁好口感。第四樣係西洋菜手工餃子🥟($68)，八隻整整齊齊放喺木盒到。西洋菜餃真係比較少見，我好鐘意陣味，而一咬落呢隻餃我就食到滿滿嘅西洋菜，非常正；另外個皮嘅厚薄亦啱啱好。第五樣係脆炸魚皮🐟($48)，朋友想食所以嗌咗，本身自己一般。但呢到嘅魚皮令我完全改觀，因為係餐廳即炸㗎，同平日嘅包裝魚片簡直有天淵之別❗️❗️❗️上碟時仲有微溫，而且勁鬆脆，丁點硬都無，輕輕啅一啅湯，食到停唔到口。超級推介！第六樣係養生黑豆花🌷($58)，即係蜂巢豆腐，大約有九嚿，打邊爐一流，可以索哂湯啲精華，但如果索辣湯的話就真係要小心會被辣親哈哈。不過呢樣相對地無咁特別，比較大路。第七樣係鮮紅薯粉($38)，非常粗身，滑得嚟又夠煙韌，不過好難夾😂😂，手殘嘅我條條都要朋友幫手。呢樣亦係索湯之選。最後一樣就唔係火鍋配料而係小食甜品，紅糖冰粉($20)。我一開始就落咗單，以為係甜品會後上，但好快就同啲配料一齊上，唔知係咪俾啲人一路食麻辣火鍋一路解辣😂😂。我就當佢係餐後甜品，冰粉本身係啫喱狀就無乜味，但配埋啲糖水就唔同哂，糖水唔係得個甜字，有少少酸酸哋，因為有山渣，同埋又有啲其他配料如菠蘿、棗類等等，幾夾幾好味，而且只係廿蚊好抵食🤩。總括嚟講，我哋食咗好多嘢，唔明點解咁大食，但又真係食得哂🤰。餐廳質素令人滿意，就算好多客但店員嘅服務都好好，好有禮貌好友善😊，又會推介有乜好食。由於有茶費，每枱會有一壺茶，係麥茶嚟，幾正，可以自己添茶，唔使煩店員。湯底同食物都好味，而且份量夠，如果有啲食物可以叫半份就更好了，咁樣可以食更多。每樣食物單價其實唔算貴，但嗌下嗌下又唔係好平，不過見到openrice原來可以買半價coupon或訂枱app有優惠，咁就好抵👍🏻。環境方面，中式裝修幾靚啱哂打卡，亦夠闊落夠位放哂咁多碟嘢，但抽氣散味就一般，喺餐廳唔覺因爲夠冷氣同成場充斥住陣邊爐味，但一出餐廳就好覺🙈，不過餐廳都好貼心俾個籃你裝袋同個人物品，記得放入去哦，我就唔記得咗😅😅。五星⭐️推介呢間尖沙咀特色火鍋店。…Read More

碼頭故事，尖沙咀寶勒巷嘅樓上鋪富有中國特色，宮廷味道每一個卡位都好似獨立包廂🌠 麻辣鍋 加 番茄鍋 $138🌠麻辣鍋非常重料， 聞一聞已經分泌非常多口水，香味撲鼻番茄鍋屬於濃湯，鮮茄味道濃烈食火鍋最重要當然係個湯底，呢兩款都好好味👍🏻🌌 安格斯肥牛 $138🌌安格斯肥牛本身肉味較香較濃，所以係不少港人喜愛之選，個人比較鍾意放落麻辣鍋內，因為麻辣鍋的香味跟牛肉較夾，令到味道更加好，食到停唔到😋😋🌠 宜賓小香腸 $48🌠小香腸幼幼一條，其實係臘腸仔，但味道無一般臘腸咁鹹，店家已調至適合火鍋的口味，食落香香甜甜，幾有特色🎆 鮮鴨血 $32🎆一片片先入血色澤光滑，非常新鮮，食落口嫩滑，絕對要叫一碟👍🏻🌠 脆炸魚皮 $48🌠魚皮脆口鬆化，唔會過硬，一開始沾少許麻辣湯再食，辣得過癮又吸到香味，魚皮最緊要炸得鬆化脆口，但又唔可以過火變燶，而呢碟就剛好👏🏻🌠山根 $38🌠食火鍋最鍾意就係叫吸味嘅食材，而山根個人係非常鍾意，而呢個山根放落蕃茄湯到食非常正，而麻辣湯食之前要沉落湯底下邊，去走面層油，咁就唔會油膩😋🌌 蔬果豬肉丸 $58🌌呢個豬肉丸質感幾特別， 佢並不彈牙，但食落似丸狀肉餅，味道唔錯，吸埋火鍋湯食好過癮😂🌠 山藥 $38🌠 山藥食落粉粉地，質感似煲湯嘅落嘅淮山🎆 竹筒墨魚滑 $98🎆竹筒墨魚滑一共有三支，份量都幾多， 墨魚滑夠彈牙， 夾雜小小墨魚肉，甜甜地又香香地😋總括嚟講， 時間碼頭故事嘅火鍋都幾唔錯， 食材都幾新鮮， 而且有唔同配料唔同嘅湯底選擇， 種類繁多， 火鍋店嚟講算係幾高質， 而且還境舒適冷氣強勁， 食得幾爽，下次再嚟👍🏻👍🏻…Read More

這間位於尖沙咀寶勒巷萬事昌廣場內的「碼頭故事」，來頭都不少在中國四川成都擁有多間分店，食材和做法都非常正宗，都是由當地運來香港，跟足當地做法當我和朋友知道後都很想來試一試，不用到四川就可以食到，而且地點在尖沙咀實在非常方便。四川火鍋和其他火鍋最大分別是他們的醬料，一坐低店員便把蔥粒、芫荽粒和蒜蓉放到桌面上，還有幾瓶芝麻香油，店員說把以上幾樣東西混在一起然後加上黑醋或蠔油作為醬汁，不需加上醬油還有降火的作用，還是第一次試到這樣的醬汁，真的很香。大骨百味湯鍋 $118大骨百味湯鍋，奶白色的湯加上大蔥、杞子、青瓜片、紅棗和午餐肉和湯一滾起，香濃的豬骨味道即是每人飲了一碗，入口香醇絕不肥膩。千絲牛舌 $78千絲牛舌，還是第一次看到這個千絲牛舌，把牛舌切成絲狀再用麻辣醬汁醃過，在碟上一圈一圈，圈成賣相非常特別，入口有麻辣的味道但又不會太辣而且非常嫩滑，唔食麻辣的都可以叫來一試。耗魚兒 $88耗魚兒，這條魚非常新鮮味黃色的非常吸引，入口肉質較為結實卻不失滑溜。脆炸魚皮 $48脆炸魚皮，即叫即炸上枱的時候還感受得到那股熱辣辣的熱氣，千祈不要心急，入口脆卜卜，放湯或點醬汁一起食冇得彈。安格斯肥牛 $138安格斯肥牛，切得較為厚身入口有質感，加上油脂分布平均，牛肉味道非常香濃。鮮鴨舌 $58第一次打邊爐用上鮮鴨舌，入口柔軟幼滑，喜歡鴨舌的絕對不能錯過。金牌牛黃喉 $88金牌牛黃喉，這裏的牛黃喉，切成條狀較為厚身不像一般的薄薄一片，入口感覺爽得來還有一種厚肉的感覺，非常過癮。皇帝菜 $38皇帝菜，新鮮除咗洗得乾淨食得放心。洞庭烏冬 $38洞庭烏冬，最後當然來過洞庭烏冬，烏冬入口煙煙韌韌，盡吸湯中精華非常滋味。…Read More

位於尖沙咀寶勒巷萬事昌廣場的＂碼頭故事＂裝修古色古香，位置方便,既有四川麻辣火鍋特色又可以選擇不吃辣，店員還細心解說如何配搭他們的醬料，原來四川火鍋點的醬料可不用豉油改用蠔油加醋，當然唔少得加佢哋嘅秘製麻油，這樣會令食材更加提鮮，新嘗試真係要試吓喎😆😆大骨百味湯鍋$118一大鍋湯鍋是奶白色的，材料豐富濃而不膩，感覺很暖補安格斯肥牛$138賣相吸引，一大片一大片呈現在眼前，只放在鍋底滾幾秒牛肉非常柔軟耗魚兒$88耗魚兒肉質結實爽彈，魚骨也很軟身一點也不腥，大人小朋友都好啱食養生黑豆腐$58黑豆腐像蜂巢豆腐，口感又像上海人的烤麩，完全把湯的精華吸收晒👍🏻鮮鴨舌$58未試過鴨舌打邊爐，原來是那麼滑溜，一口一啖，正到冇朋友西洋菜餃子🥟$68手工西洋菜餃子，隻隻肥美飽滿，最喜歡西洋菜獨特的氣味👍🏻酥炸魚皮$48即叫即炸的炸魚皮，酥脆香口，無論放湯或即食都一樣咁好味…Read More

返到香港又頻頻約食火鍋，朋友搵左呢間火鍋店，入到去裝潢偏向中國古典風，發現原來係黎自四川既過江龍，未夠七點全店已經差唔多爆滿😱一坐低店員好迅速就問要咩湯底，因為我唔係好食得辣，所以即刻睇下有咩揀先，好彩都有好幾款唔辣既選擇，朋友就我叫左個鴛鴦兩邊都唔辣既湯底🥺之後店員介紹調味料有蒜、蔥、芫茜，加上每人有一樽既自家芝麻香油，另外就係唔似坊間般加豉油，而係加黑醋同蠔油🤔講到咁勁連平時唔多加調味料既我都忍唔住要試下，其實芝麻香油係類似麻油咁，兩個人夾埋加一樽都足夠，連埋黑醋一齊估唔到係幾唔錯既配搭😳打完邊爐感覺成身由頭到腳都係嗰陣調味料既味，香到再三回味😅▪️ 大骨百味湯鍋（7/10）+ 蕃茄鍋（7.5/10）💲118店員話大骨百味湯鍋係用上豬骨熬製，上檯係呈奶白色既，有紅棗、青瓜、午餐肉，用作打邊爐會略為清淡🤭蕃茄鍋就係有蕃茄、青瓜、午餐肉，入口係偏酸嗰種夠開胃，而且落配料時會較為入味，個人鍾意後者多啲😛▪️ 安格斯肥牛（7.5/10）💲138呢度既牛有嫩滑牛肉、一米肥牛同埋安格斯肥牛😯最後要左安格斯，出到黎油花比較多，肉質鮮嫩，肉味就不過不失▪️ 手工餃子 白菜（7.5/10）💲68手工餃子有三種口味，分別係白菜、韭菜、西洋菜😉個皮薄滑，入面白菜份量亦唔少，夠曬足料飽肚🥬▪️ 竹筒墨魚滑（7.5/10）💲98三條墨魚滑入口都頗為彈牙，食到有啖啖墨魚粒😍▪️ 唐生菜（7/10）💲28蕃茄湯同唐生菜係絕佳配搭😙▪️ 鮮鴨血（7.5/10）💲32啲人通常都係食麻辣鴨血，不過即使無麻辣都幾無話食到血腥味，質感軟嫩滑身🙈🔎 整體評分（7.5/10）…Read More

由於本人超愛辣，亦曾於成都吃過正宗的以及新派的麻辣火鍋，所以便來了碼頭故事挑戰一下。先說一說鍋底，我們點了一個鴛鴦鍋底，一邊是麻辣（大辣），另一邊是大骨湯底。先說明一下，我和友人真的吃的很辣的。麻辣那邊，香是夠香的，麻度也足夠（還可以再多一點），但是辣度卻真的不太足夠，我們叫店員加辣之後還是不夠辣，之後店員下次可以叫廚房做一個地獄辣給我們。下次可以嘗一下。大骨湯那邊，卻是慘不忍睹，首先沒有所謂的「大骨」，他還加了火腿在裡面，我不知道它是用來取代大骨還是鹹火腿，但真的超不行。食物方面，鴨腸與海帶芽是必點的。鴨腸鮮甜爽滑，海帶芽量多而且爽口。安格斯肥牛花紋合理，特別一提他的黃喉是厚切條狀的，本人感覺與片狀的口感不一樣，多了點爽脆，少了點彈牙。最後紅糖冰粉是like fb送的，與四川的很不同，多了點配料，正宗算不上，但還是好吃的。二人花費大約九百多，是挺貴的，不過食材尚可。或許，還有別的選擇。…Read More

麻辣火鍋愈開愈多，又一間過江龍新店，愛辣既我當然要試下😍去到見裝修都幾中式，而且坐位算幾闊落，不過見人就唔太多，算清靜。我地叫左牛油鴛鴦鍋，一邊清湯、一邊麻辣小辣。清湯個邊都ok，但麻辣做得幾好，辣得黎食到味道，而且夠香，又幾好鴨血很推介，覺得拍得住台灣鼎王個d，本身已有d味，實淨爽滑，配上麻辣超讚🤤羊肉片份量唔少，肉質嫩，厚身。木耳爽脆大大片，份量多。毛肚淥兩淥好快食得，吸湯爽脆，新鮮。安格斯肥牛，雪花分佈平均，又淋又juicy🥰呢個我超愛，牛黃喉，脆卜卜咁，淥耐左都唔怕，脆得很有質感。牛柏葉就一樣比較吸味，欣賞佢切得細細，容易食。鴨腸較少見到，比鵝腸爽脆，無肥膏，10秒食得。鵝腸就較一般，都爽脆但略嫌厚左少少，但有肥膏痴住就香d。呢個萵筍片食到最後先發現無影到，好在仲有少少可影返😂切得非常薄身，淥一陣就食得，勁清甜但又保留到脆嫩，係咁薄身先做到🙆🏻‍♀️另外仲試左佢個*墨魚滑*，呢個我都係5星既..墨魚好香又有綿綿既感覺，口感好正試埋甜點，第一次食紅糖冰粉，好似寒天咁，唔算甜，但因為有花生，我就麻麻地喇😅…Read More

今日和朋友往碼頭故事食火鍋, 我們點了牛油鍋和朱骨鍋, 配料我們點了安格斯肥牛, 脆毛肚、果蔬朱肉丸、午餐肉和脆肉鯇, 另外我們點了醬油炒飯和可樂。一入座有桶盛載衣物和有圍裙提供, 避免有油煙味, 火鍋桌前提供了香茜, 蔥、蒜、自家製香油和蠔油一起拌來做醬料, 口感味道十足,牛油鍋辣油適中, 味道帶一點麻, 朱骨鍋朱骨味香濃, 雲腿食落鹹度適中, 粟米味道鮮甜,安格斯肥牛入口即熔, 肉質鮮甜；脆毛肚火鍋店主打美食, 食落香脆爽口；果蔬朱肉丸肉質鮮甜, 有蔬菜香味, 口感彈牙；午餐肉食落惹味配上湯底一起食, 惹味可口；脆肉鯇肉質鮮甜食落爽脆鮮甜；醬油炒飯飯粒炒得乾身, 食落有醬油香味, 飯食落軟綿；玄米茶茶味香濃, 有助去油解膩,火鍋店古色古香, 座位舒適, 湯底美味高質, 火鍋料新鮮美味有特色,我和朋友都食得盡興,高質的火鍋體驗…Read More