活水和風食堂

長沙灣仲有兩間呢種主打定食既日本餐廳一間叫做大丈夫另一間叫做活水兩間應該都係香港人開既係連登同關注組都唔少人會講而後者仲係黃店所以我又真係有特登去食過位置係長沙灣呢邊既福華街門口有寫話佢地選用鹿兒島黑豚同埋有部美國引入既刺針斷筋機可以令豬肉牛肉更加鬆軟入面有連豬仲用個水缸襯托餐廳名座位比想像中舒服有二人檯同四人卡位午市餐牌都好多選擇可以用優惠價點小食揀左份炸魷魚炸得好香口佢寫話期間限定既南蠻雞定食每一份都有跟前菜沙律同味噌湯即係以南蠻雞黎講醬係太少皮淋不過肉唔嫩雖然麻麻地竹里但真係比呢一份出色重點係吉列豬扒有芝麻可以磨同埋上檯份量真係多不過感覺佢炸得過左龍表面已經有少少黑無肉汁係基本野仲有d柴比連登仔不斷吹奏又真係失九望既最後個牛肉鍋反而係最好食有肉味而且個湯調味幾好亦都有隻蛋可以玩下呢度服務算正常雖然姐姐比較多但上檯竟然會有介紹可能吉列豬扒係招牌掛會教埋你點玩d芝麻平日唔洗加一三個定食平均每人106價錢就真係唔貴比起一般劣食高質但又唔可以稱之為美食如果係附近做野就可以試下唔同款但如果特登去既話就真係試過就算我估大丈夫大概都係差唔多水平就真係唔應該對小店存在太多幻想一分錢一分貨如果想用呢個價錢貼近日本口味真係未必得…Read More

🌟👼🏻吉列極上鹿兒島黑毛豬🐖 上菜之前店員會好貼心咁指示我地親自磨好芝麻同準備醬汁🫙黑毛豬食落炸皮厚薄適中好脆口肉身比較厚生但肉質都仲係好嫩🥹仲有椰菜絲做配菜🥬醬汁唔會話好鹹蓋過黑毛豬嘅味道🥰👅味道:8.5/10🙋🏻‍♂️推薦:8.5/10👼🏻安格斯牛肉鍋🐮牛肉鍋湯底似關東壽喜燒鍋🍜配料有軟豆腐、雜菇同埋蔬菜🍄仲配咗一隻日本生雞蛋🥚由於壽喜燒湯底牛肉好入味牛肉煮到岩岩好熟，食落嫩滑🤤油脂唔算多但牛肉味濃🐄👅味道:8/10🙋🏻‍♂️推薦: 8/10👼🏻天婦羅盛合 (海虎蝦🍤2隻+菜4件）$72上菜嘅時候真係新鮮滾熱辣🔥天婦羅蝦係原條虎蝦仲好彈牙🤩其餘蔬菜就比較普通比較特別嘅係會有提供一樽鹽俾客人🫙如果想重口味啲就可以再自己加🫳👅味道:7.5/10🙋🏻‍♂️推薦: 7/10📌價錢尚算親民而且有芝麻提供俾機會客人自已磨都係一個幾新奇嘅體驗😆…Read More

放假到長沙灣覓食，想食果間餐廳排長龍，就決定轉戰日本嘢。見到食評都幾好。就試試佢。月見牛肉丼，牛肉份量好足料，食哂個飯都仲有牛肉剩低。甜甜嘅洋蔥牛肉汁，加生蛋撈飯真係無得輸！有驚喜😋估唔到咁好食，牛肉又靚又夠味。朋友叫咗牛肉鍋。壽喜燒汁好味，配料有娃娃菜、金菇、豆腐、波菜⋯⋯等等，仲配咗隻日本生蛋。樣樣都好入味！甜甜哋，我連湯都飲埋🥲🥲小食方面叫咗芝麻雞翼，香脆多汁🤤 芝士年糕都好食，好流心同煙韌！鋪頭外表平平無奇，但食物同服務都好高質😌！一定會再幫襯😋…Read More

本來係想去食長沙灣既壽司郎既，但太多人啦，排兩個鐘都應該排唔到我於是search到附近既尼間日式餐廳💛門口睇佢餐牌食物選擇都幾多，又唔貴，又係良心小店💛所以睇啱食咩就即刻入去食，好彩仲有位唔使排隊🙌安格斯牛肉鍋定食。 7.5/10牛肉份量多而且唔肥👍🏻鍋既配料有滑豆腐、雜菇、蛋、同埋娃娃菜，湯底似壽喜燒汁湯，偏甜！必須要配飯先好食😋其他跟餐小食都合格，味道新鮮！南蠻炸雞定食。 7.5/10炸雞炸得幾脆幾香，朋友非常滿意！但我就略嫌有薑味（我唔鐘意食薑🙈）， 所以我都係專心食自己既牛肉鍋啦～…Read More

未禁晚巿堂食前去左食2人set dinner.經過見幾抵食，座位都多，排一陣就入去。✨味道62分，食物質素有待改善，服務75分。💰2人Set Dinner $298.🔸煙鴨胸雜菜沙律醬汁多得滯，食落好鹹。.🔸鹽燒雞翼燒得比較乾，雞翼唔係好入味。.🔸安格斯牛肉鍋味道不錯，湯底似壽喜燒，甜甜鹹鹹，牛肉剛剛熟，幾嫩，鍋內亦有雜菇，蔬菜，豆腐。.🔸吉列極上鹿兒島黑毛豬好得意，點豚既芝麻醬係我地自己整，佢比碗芝麻比你自己磨，再落適量既醬汁。見佢Menu有特意介紹呢個黑毛豬，所以揀左可惜咬落比較硬，有點乾，唔夠juicy。.🔸白飯及味噌湯🔸日式甜品及飲品佢嘅日式甜品今日係蕨餅，少少煙韌，味道不過不失。…Read More

喺荔枝角，長沙灣呢區嚟講 算係高CP既和食店味道價格都ok 裝修座位都舒服而且都多人食 去左2次都要等一陣先有位第一次食安格斯牛肉鍋 好有驚喜！牛肉好好味 個鍋都足料 （有5-6片牛肉，2-3舊大既軟豆腐，一粒冬菇，有啲金菇同其他菇，菜）不過叫呢個就要等耐啲 差唔多15-20分鐘同事們叫既野食到齊晒 有啲人食到一半 我個鍋先嚟 第二次食月見牛肉飯 味道都ok 佢用日本蛋 ，有唔少爽嘅洋蔥 牛肉係普通啲 如果佢轉用埋安格斯牛肉就好啦～ 價錢貴啲都會食！ 同埋午市冇加一…Read More

環境舒適日式定食近年係荔枝角番工，經常光顧茶記，好少周圍搵好嘢食，但近日老朋友約食飯，本身怕OT會趕唔到飯局，但朋友們特地約係長沙灣，方便我放工黎再聚。其實依邊近工業區，平日晚過咗19:00晚餐根本冇咩選擇。但意想不到，我地尋到依間小店。由 (荔枝角站B1出口)行6mins,又或者（長沙灣站C2出口）行6mins,小店設於小行間。*溫馨提示:如果大家用google map搜地址，輸入（長沙灣曉悅）會更準確。日式小店環境舒適柔和的綠色配原木嘅裝修，帶日式氣氛之餘，有一點大自然嘅氣息，我同朋友坐係店內卡位即沙化椅，店面寬闊，店內約有5-6張卡位枱及沙化椅，也有不少活動式枱及椅，係一個放工後同朋友閒聊休息嘅好地方。昔日令人著迷的蟹籽沙律（$38）一直都好喜歡日式嘅蟹籽沙律， 切咗做絲嘅青瓜，同一絲絲嘅蟹柳一直都係最佳拍擋，唔知由幾時起屋企樓下間元×賣嘅蟹籽沙律係切成扇形，個人認為切絲嘅蟹籽青瓜蟹柳絲沙律先最能保留到沙律嘅精髓。一絲清爽嘅青瓜，配合軟綿綿嘅蟹柳絲，一個開胃嘅前菜，如同一個清涼嘅冷麵，酷熱天氣警告下，係街到行到身水身汗時，依個小食就最討喜。嫩肉甜湯有菜有肉安格斯牛肉鍋（$92）一個定食，有湯有飯，有前菜（中華沙律）及沙律（柚子醋沙律）。 安格斯牛肉片肥瘦均勻，比平時食嘅肥牛更勝一籌質，嫩滑可口又唔似平時啲肥牛有膏冇肉食。鍋內有褔袋（ 腐皮夾齋菜）又有清甜爽口黃芽白， 菜同肉嘅份量達至平衡。 麵豉湯有豆腐粒仲有海帶，咸香好味，一啖湯配一啖飯一流。柚子醋沙律酸酸甜甜，非常開胃。朋友特別鍾意呢個壽喜燒湯底， 鹹甜剛好，仲有少少柴魚嘅香味，最後仲飲到一滴不漏。 酥脆可口軟殼蟹（$42）炸蟹嘅脆漿比較硬身， 但炸蟹嘅烹煮時間啱啱好， 連蟹蓋蟹腳都非常之鬆脆可口， 熱辣辣新鮮出爐食，令人再三回味。炸芝士年糕（約$30）賣相漲卜卜， 外脆內軟嘅拉絲芝士年糕， 芝士年糕一放入口芝士醬，一湧而出， 熱辣辣嘅芝士年糕外脆內軟， 係芝士迷嘅必點之選， 小心上碟時，太熱會辣親個嘴。甘甜香口麥茶店內嘅茶非常香口，店主話係佢地走遍多個地區先物識到番黎。大家黎食飯，可以認真品嘗兩杯先走。 喜歡嘅朋友可以添飲多幾杯，其他地方未必有咁甘香嘅茶可以飲。輕鬆嘅一個聚餐，大家都食得心滿意足。…Read More