The Stadium

今晚和朋友銅鑼灣做完運動，打算找一間坐得舒服的餐廳傾下計，剛巧在波斯富街天橋見到有間裝修很特別的餐廳，門外有一張卓球枱及手動足球機，起初以為是娛樂中心，再細看下見到門外有晚餐餐牌，見食物相當吸引，決定入去試試，中途還見到飛標機、運動場跑道地板、棒球場燈光特效牆，整間餐廳都坐得很舒服，侍應安排我們坐在近窗邊位，可以看著人來人往的街竟食飯傾計，相當不錯。時間都差不多10點，餐廳內仍然有很多顧客，電視都播放著足球賽事，餐牌以美式食物為主，有手搓粉、美式漢堡、沙律、炸物拼盤、Pizza、甜品及多款手工啤酒及其它不同類型的酒類。我們點了炸魚薯條 $138、美式芝士通心粉 $98、安格斯牛肉漢堡 $139、Hoeggaarden $68。炸魚薯條 - 魚肉厚且多汁，炸後仍然能夠保留魚肉的肉汁，入口外脆內香滑。美式芝士通心粉 - 份量比想像中大，芝士味極重，又不會太膩。安格斯牛肉漢堡 - 選了5成熟，還可切成一半，方面給我和朋友平分，牛肉漢堡嫩滑多汁，配合配菜絕配！總評：酒吧、娛樂、餐廳應有盡有，環境分了多個區域，100分！…Read More

正所謂相請不如偶遇，約好的胖徒們不來，到了的胖徒不如來個即興的，更感開心。先到的特色炸物拼盤來來去去都是炸雞翼、洋蔥圈、雞塊、芝士條之類，說及的特色全無，感覺只是一盤美式炸物而已。小人酷愛的炸魚做的不差，炸皮均勻，魚無雪味，魚肉尚軟；小人吃了大半！安格斯牛堡乃另一佳作，牛肉爆汁之餘，包亦鬆軟，中間的菜蔬更是鮮爽，至佳組合，吃完想要再吃……烤雞肉薄餅也是很好，有烤味的燒雞一點不乾，還加上超多的佐料和汁料，無與倫比！超大食的胖徒們雖然只是半捧腹，但都覺得物有所值。…Read More

好耐之前去過觀塘嗰間分店，知道佢喺銅鑼灣開咗，今日行過走嚟試吓先。今日實在熱得緊要，呢度冷氣好勁，一上到嚟舒服晒！安格斯牛肉漢堡 ($118)好肚餓，不過呢個真係好吸引，所以就算佢話要等15分鐘都照等！不過不消一支香嘅時間已經有得食！成個漢堡非常豐富足料，有大菇、生菜、蕃茄、洋蔥及煎到勁香嘅煙肉，旁邊仲有好肥嘅薯條。烘過嘅麵包外脆內軟好鬆化；牛肉味香濃，一切開非常juicy；基本上要切開嚟食都好有難度，因為實在太厚身，一切就會散，不過咁大個漢堡，就咁咬真係好難喎！但食完呢個漢堡真係非常滿足忌廉汁帶子義大利麵 ($118)帶子外層煎得頗脆身，入面軟熟；有好多蘆筍、青瓜及其他雜菜，夠豐富，否則得麵及帶子會好寡及顏色冇咁靚；個汁好杰身，每條麵都沾到忌廉汁，好味好鍾意呢度仲有好多遊戲，同小朋友嚟佢哋都有野玩唔會悶。呢度有好多窗旁座位，有好充沛嘅太陽光，影相都靚啲，感覺比觀塘分店更開揚及舒適！…Read More

早前試過The Stadium的午餐，是次特意再訪一試晚餐的水準。叫了一個DinnerSet另加了脆烤雞翼和特色球迷沙津。餐湯是南瓜湯，甜味天然不膩。安格斯牛肉漢堡肉味濃度，配上芝士煙肉，邪惡非常。特色球迷沙津有水波蛋、無花果、沙律菜、栗子、梨、欖、番茄仔等，份量頗大，伴上黑醋汁，酸酸甜甜，很是開胃。脆烤雞翼外表和水牛雞翼相似，外層裹了一習厚厚的ＢＢＱ醬，酸甜惹味，令人驚喜的是雞翼仍保持一定的脆度，不會因為醬汁而變得軟爛，相當不錯，是今晚我最喜歡的菜式！…Read More

朋友食過觀塘分店，一直大力推介！得知銅鑼灣有新開分店，港島人梗係試左港島店先啦！希慎廣場行過少少就到，交通200%方便就腳。地方超級寬闊、完全無焗促感，亦好有睇波氣氛！晚餐完全唔貴，甚至係銅鑼灣地區黎講，屬於抵食價格！通常依種餐湯都唔會有咩特別，不過今次特別在於湯面上既香蔥出乎預料香甜，竟然可以有昇華碗湯既威力！到主角—牛肉漢堡登場！非常新鮮熱辣製作，漢堡同薯條都係熱到辣手既！店員亦好細心，詢問我地洗唔洗將漢堡開邊一分為二、方便Share。橫切面：安格斯牛肉非常足料，牛味濃郁，芝士同煙肉都好香好邪惡！為左減輕罪惡感，所以叫個沙律食！除左醬汁較為偏咸外，整個沙律都好完美！烤雞真係一切落去雞皮就啪啪聲，羅馬生菜都夠凍夠鮮甜爽口，麵包粒亦無潮濕變軟、相當脆口而且帶香辣，絕無hea位！雞翼做法似水牛城雞翼，都係酸酸甜甜，外軟內脆，雞翼肉質唔算入味，奇怪在有少少羶味，但陣羶味又會引我食下一隻😂！最後上埋餐飲同甜品，朱古力香濃幼滑、雪糕新地配料非常多，飽到舉左個肚出黎！ 埋單兩個人都只係食左五舊水，性價比高，非常抵食，銅鑼灣區買少見少！難怪當晚全場爆滿、又有公司包場開Party。…Read More

這天放工後，我約了朋友去銅鑼灣吃晚餐，經家人介紹，我們決定來到這間位於閙市的美式餐廳試一試，餐廳的地板模仿運動場上跑道的風格，十分創新，店內環境十分寬敞和清潔衛生，場內有飛標機，免費美式桌球任玩，有英文歌聽，娛樂性十足豐富，帶給我輕鬆的感覺餐湯，用新鮮番茄和蝦肉熬成的湯 ，番茄味和蝦味非常濃郁安格斯牛肉漢堡($138)軟彈煙韌的煙肉，香稔軟嫩厚身的的牛肉，新鮮又爽口的生菜，清鮮甜美的番茄，爽口微彈的菇，用新鮮薯仔炸成的薯條，非常香脆，材料非常多，新鮮，而且質素高，價錢相對非常非常合理甜薯條($68)薯條係用紫薯和薯仔而制成，紫薯的味道又不會蓋過薯仔的味道，味道十分特別和創新，薯條的份量很多美國特級肉眼扒($288)格紋焦痕的牛扒十分香稔軟嫩，牛扒質素非常高，份量十分多，配上爽口微彈的瓜，軟彈煙韌的薯角，鮮甜的番茄整體來說，食物的用料非常新鮮，食物的質素非常高，食物的份量非常非常多，食物是即叫即製的，所以食物的温度足夠新，因此我認為價錢相對非常非常合理，店員有良好的服務態度和有禮貌，而免費的桌球任玩，非常吸引，所以我認為這間餐廳值得再去惠顧…Read More

之前已經去過佢位於觀塘嘅分店, 估唔到港島區都咁快開多間面積雖然無觀塘果間咁大, 但比我預期中都大喎, 始終港島區租金幾咁貴先得架!一貫以球類運動項目作主題, 以球類混入作裝飾牆身掛上大電視不停播放各類球賽, 今晚係網球比賽, 作為籃球FAN嘅友人有少少失望........哈....咁咪可以專心D用餐囉!餐牌上提供有散叫論抵食嘅當然會選擇套餐, 今晚有以下選擇 :是日餐湯係蕃茄湯, 湯質頗濃, 食到蕃茄茸, 味道酸中帶甜, 飲完都幾開胃!夠晒份量嘅就係呢客安格斯牛肉漢堡 ($138), 伴以一籃薯條及沙律菜, 賣相靚仔一啖係無法食晒咁多層, 皆因有牛肉漢堡扒, 多塊煎香煙肉(唔太肥), 芝士, 蕃茄, 洋蔥, 大啡菇爽脆多汁生菜!  牛肉漢堡扒仲食到肉汁, 唔會一咬即散開, 咁多種食材混合於口中, 無論口感及味道都相當豐富; 飽內煎香左令表面變得帶少少脆口, 口感鬆軟, 滿足到超爆燈!牛魔王友人點了呢客烤美國特級肉眼扒 ($238), 有成9安士都幾夠份量, 伴以脆炸薯角及雜瓜作伴菜最愛扒上嘅燒烤紋, 增添左燒烤嘅肉香味落左medium-rare, 切開時望見內裏唔見有微紅色, 以為搞錯左! 侍應代為問廚師後得知無搞錯, 肉嘅顏色係咁的, 好彩口感唔會變得嚡口及乾, 反而仲保持到肉汁, 肉味算幾出!  就咁單食唔落汁都好味!套餐唔包甜品, 散叫左呢個美式蘋果撻 ($78), 賣相簡單但吸引!將脆口蘋果撻伴以雲尼拿雪球一齊食, 雪糕嘅甜味加埋中間蘋果粒嘅微酸味, 預期中嘅味道就係咁樣囉............哈..哈!餐飲另加$20可轉至特色咖啡, 我就鍾意呢杯Cappuccino, 整左2個心心係好泡面, 走糖都未飲先SWEET!  奶泡幼滑, 咖啡味香濃, 呢$20抵加!…Read More

星期日好朋友為我慶祝生日，知道我喜歡運動，喜歡睇波，專登搵了一間以體育館為主題的餐廳！好驚喜！地下是跑道，有桌球可以玩，還會播球賽, 最最最重要是待應很好服務態度!!!點了2份set dinner, 包餐湯，飲品, 最後再點甜品, 可寫字, 也點了蠟燭給我墊枱紙是籃球場, 水杯像欖球首先是跟餐餐湯, 是carrot ginger soup, 其實甘荀湯飲起來有點像南瓜湯, 有少許薑味, 不錯~跟餐有飲品, 我要了凍檬茶, 大大杯凍檬茶, 朋友想要特飲所以另外加點朋友的Midnight in Stadium是最近流行的蝶豆花, 她就有是酸酸甜甜, 有熱情果的味道, 好飲, 我單看賣相就比高分Set Dinner分別要了烤雞沙律及安格斯牛肉漢堡烤雞沙律: 新鮮的生菜, 有點麵包粒, 似凱撒沙律, 炸雞有香烤味, 並不是濃郁的醬料味, 而是淡淡的雞肉有烤肉香氣, 絕對是夠味道的, 但建議先食烤雞沙律後再食其他味濃的菜式!再來是安格斯牛肉漢堡, 很大份, 例牌是配薯條, 大件的漢煲中間夾著牛肉漢堡扒及煙肉, 咬落去充滿肉汁正!!最後加點兩份甜品, 朋友問是否可在甜品上寫名, 店員便抄下, 更想不到是幫我點上生日蠟燭芝士蛋糕很香澴芝士味, 食得多會有少少溜, 最適合和好朋友分享一下!另一個蛋糕寫上了Happy Birthday and my name, 平時出街買個蛋糕都要百幾蚊, 入餐廳食又要收切餅費, 如果有時人少少慶祝, 餐廳可以點蠟燭及寫名, 值得推薦。另一款是特濃朱古力蛋糕, 真的很濃郁朱古力味!!走前看到外面的桌球有人在玩, 我也走去另一枱足球機玩兩下, 下次可以約多幾位朋友過來食飯加玩桌球!…Read More