The Stadium

係工廈林立既觀塘，係興業街有一幢外觀特別，活化自工廈設計時尚摩登既THE WAVE，上面有各式各樣既餐廳，而4樓甚至有一間有室外露台，可以望住觀塘街景既運動主題美式餐廳The Stadium。呢間運動主題既餐廳會播唔同類型既球類賽事，例如英超、歐聯等，好適合有球賽既時間光顧，而且仲有足球機、桌球枱、飛鏢機等比客人玩，岩哂中場休息可以做既野。而食物以美式為主，大廚曾為五星級酒店廚師，水準有保證。招牌菜有安格斯牛肉大菇漢堡、美國極黑毛豬、扒類、意粉等等。-環境🪑面積達三千多呎，空間非常寬敞，工業風設計，有一個大廳同兩個房間區域，配有幾部大電視，兩個房間只要夠人多就可以包房，唔包房時就全部都開放。The Stadium餐桌紙設計別有用心，會有英式足球場、美式足球場、籃球場、棒球場等等。-🫕 南瓜忌廉湯 （👅: 7/10）Set Lunch會有包餐湯、主食同飲品。餐湯係南瓜忌廉湯，味道算濃郁正常，唔會太鹹，南瓜味重，湯杰身。-🍫 Iced chocolate （👅: 7.5/10）我叫左iced chocolate，所以要另外加多$20。Iced chocolate，幾香朱古力味，外觀吸引會睇到漸變色，算係唔錯既朱古力。-🍔 安格斯牛肉漢堡 💰128（👅: 7.5/10）呢個算係最多人叫既招牌菜，餐牌上寫左要製作15分鐘，不過等左10分鐘已經有得上菜。份量非常多，正常人應該會食唔哂，我每次都係食哂個包，薯條最多只可以食到一半。個包非常高身，但勉強可以一啖由頭咬到落尾，我通常會將個包由頂切成一兩口可以食到既份量，務求可以一口食到所有既配料。漢堡份量大，配料有煙肉、芝士、蕃茄、牛肉、蘑菇、洋蔥、生菜。可以睇到漢堡既麵包皮有烤過，有小小焦，食落口感脆脆，因為香港唔多漢堡會烤個皮做法馬虎小小，所以食到脆既皮係有驚喜。芝士可能溫度唔夠高，無完全溶哂落塊肉度，只係溶左小小。漢堡既醬汁只有菜上面既沙律汁，會略嫌醬汁唔夠多同豐富。煙肉既咸香同油份有為個包加分，不過如果再脆D會更好。牛肉有小小肉汁，大小唔算厚，不過會食到有肉味，入口唔韌，我覺得如果再juicyD會更好。有蕃茄、蘑菇、洋蔥同生菜會令個包清新D無咁油膩。薯條會配有茄汁同沙律醬，迎合食死一隻味會覺得厭既人既口味，食得出係用新鮮薯仔做，薯條厚有溫度，食落都脆，較乾身，不過唔會話有邊條炸到焦左。沙津菜唔苦，有落小小意大利黑醋。-🌟而味道黎講係及格既美國菜餐廳，不過如果以漢堡黎講我覺得同區有更出色(The Cool Cousins Cafe & Noodle Bar)，無論包既脆度同肉既發揮，而同區都有更出色既朱古力(Him’s)。味道佢唔係觀塘最好，但勝在空間夠大，每次下午去都一定有位唔駛等，比起食物我覺得環境更出色，如果唔係趕時間可以慢慢嘆唔駛急住食。-👅味道: 7.5/10🍴環境: 7.5/10💰消費: $128 + $20 (服務費: 10%)…Read More

#🍎👧🏽難得有假期 當然想搵個地方hea下食個飯🍹呢間餐廳位於駱駝漆後面嘅The Wave 佔全層位置 環境闊落之餘仲有outdoor area~天氣開始轉涼🍃戶外嘅梳化位就啱曬啦😆冇諗過假日都有set lunch供應😮價錢都合理 所以叫咗三款試下~套餐包餐湯 主食同飲品🙆🏻‍♀️(朱古力同鮮奶咖啡類要另加$20)🔻牛肝菌雞肉飲管粉🍝($118)🔻安格斯牛肉漢堡🍔 ($128)🔻碳燒西冷牛扒🥩<8安士> ($148)飲管粉質感好特別🤩 外型係意粉x米通粉🤣 質感比米通粉硬身 偏爽口~醬汁creamy得嚟唔膩👍🏼 略嫌配料嘅雞肉硬咗啲🙈牛肉漢堡份量適中 牛肉可以再juicy啲~西冷牛扒都幾大件 本身叫咗五成熟 不過上枱嘅生熟度似七成🥺 除咗筋位韌啲之外 整體質感都ok~薯菜有烤意大利青瓜 蕃茄 南瓜同薯角 薯角夠惹味夠脆！😋餐湯係羅宋湯 好足料👍🏼 加咗牛肉所以味道好濃郁🤤飲品方面 除咗普通嘅咖啡同茶 最多人推介呢度嘅Lemonade🍋 果然賣相好啱打卡 味道都好清新🍃 最緊要係唔太甜😋好飲~🔻黑松露薯條🍟($68)好大盆的薯條！🙀 (最後要打包走🙈)本身諗緊叫芝士定黑松露口味 店員推介後者 上枱發現原來黑松露薯條都有大量芝士粉😂😍 但黑松露醬份量相對少 味道俾芝士蓋過咗🤭🍴食物：7/10🏝環境：7/10🛋服務：6.5/10💲價錢：6.5/10💥翻兜指數：7/10✨CP值：7/10 (食物夠大份👍🏼…Read More

約左朋友係觀塘lunch，揾到呢間The Stadium  入到去好有feel,好多運動元素又舒服，佢仲有室外sofa位，但個日諗住快食就冇坐出去 Lunch set都幾多選擇，價錢都係合理，因為佢包埋餐湯同餐飲 😍碳燒西冷牛排😍 嘩，呢個西冷有勁令既格紋切開佢都係粉嫩色調味夠，肉汁都仲有鎖住係入面，食落唔會乾😝😝😝 另外仲配左薯角同烤蔬菜，所以呢個餐真係勁飽肚😝😝😝  🤤安格斯牛肉漢堡🤤 呢個漢堡同樣高質，入面有新鮮既生菜，蕃茄，芝士，好香既洋蔥同勁juicy既牛肉切開佢見到佢係肉汁滿滿，咬落去又層次分明，香氣四溢，真心正😍😍😍 配左沙律菜同一大筒薯條，薯條仲配左兩款醬比你點，真係好貼心🤤🤤  餐湯跟餐既餐湯係南瓜忌廉湯，望落隻色好鮮豔開胃，味道都濃郁 餐飲餐飲就跟左熱檸水凍朱古力，凍朱勁好飲，超香朱古力味，佢仲要做左層次好令😝😝😝  呢餐埋單人均$174，唔算太貴就可以坐得舒服咁食正野，下次都會再黎encore🤗🤗🤗 …Read More

觀塘返工的朋友相約星期六放工後食lunch， 次次都係佢提議食乜，今次到我話事餐廳位於觀塘的The Wave, 整棟大廈提供私人辦公室，展覽/多功能活動場，共享工作間，更少不了食肆呢度面積非常龐大，空間感十足，還有戶外雅座。牆上有大電視播放球類比賽⚽️🏀🏐，還有棒球牆⚾️，足球機⚽️，飛鏢機🎯，各適其適，名副其實，有得玩有得食叫咗兩個set lunch，包餐湯，主菜飲品。 餐湯是粟米湯，香濃好味。安格斯牛肉漢堡，賣相非常討好，安格斯牛肉，肉嫩多汁，配上波特菇，生菜，蕃茄，洋蔥，煙肉，醬汁，很豐富的口感。還有一小籃剛炸好的薯條，很脆口呀!碳燒西冷牛扒(8oz)，叫咗7成熟，碳燒過的西冷，更為焦香，肉味濃郁及有嚼頭。薯角香脆。一人一杯Rosemary Lemonade，紫色飲品好夢幻，淡淡的迷迭芳香和檸檬味，頗清新。在充滿活力感的運動館內，享受美味的午餐，心情輕鬆愉快…Read More

今日一早同小朋去去左觀塘既playroom玩, 玩完1pm 就搵地方食lunch。對於觀塘完全唔熟悉既我, 即刻問下o係附近返工既朋友有咩好介紹，當我同佢講完我想食西式野後，佢就二話不說介紹左呢間餐廳比我！當日星期六去到因地方夠大, 所以仲有好多位唔洗等。坐低唔洗5分鐘就決定要叫兩個lunch set– 燒春雞 & 安格斯牛肉漢堡個餐一黎到即心心眼, 因為份量都幾大, 同埋好豐富! 我同老公分工合作, 我切burger佢切雞, 佢一路切一路話聞到好香! 食落口雞肉好嫩同埋好juicy, 讚!而個漢堡因為實在太大, 只能分開幾層切黎食, 芝士配牛肉真係無得輸, 整體黎講, 食物既分數都幾高, 但可惜最後order左杯餐飲熱奶茶非常難飲! 好似加左勁多水, 又冇茶味, 扣哂分! …Read More

已有一段時間沒有來觀塘逛，先與友人在這裏吃個午餐，再到僅距離步程數分鐘的APM選購聖誕禮物和食物。餐廳設寬敞的戶外座，惜冬天太冷，還是坐在室內好了。室內有桌球桌，可免費玩桌球。喜愛安格斯牛肉的友人選了安格斯牛肉漢堡($128)，餐牌列明製作需要15分鐘。看見附近的食客都點這個套餐，相信是熱門之選，果真沒有我們失望。安格斯牛肉份量足，温軟的牛肉，鋪上大蘑菇片、蕃茄、洋蔥和大片的厚煙肉，滿口盡是肉香。而大蘑菇片、蕃茄和洋蔥為這份肉類為主的餐點添上一點清新。旁邊有一籃薯條，必須熱吃，才能嚐到新鮮香熱的馬鈴薯味。另一款比較多人選的雜錦海鮮意粉配微辣茄醬($138)，幼滑的意粉滿載微辣茄醬，茄醬量多卻不油膩，為意粉加添軟滑。海鮮以小帶子粒為主，份量十足，另有青口、吞拿魚、蝦、蜆和魷魚粒等海鮮。帶子粒與意粉均勻攪拌，每一口都吃到帶子粒或其它海鮮粒。另試了餐湯南瓜湯(+$15)，温熱綿滑的南瓜湯，輕嚐一口，濃郁的南瓜味，與茄醬意粉共吃甚為合適。Rosemary Lemonade，在其它餐廳，這是一杯特飲，而這裏不用加錢就可點。夢幻的紫色，為即將來臨的聖誕節添上一層浪漫。內有一片檸檬片，令這夢幻帶點微酸，是開胃的飲品。凍朱古力(+$20)，與Rosemary Lemonade相反，這杯是比較甜，如喝較淡的阿華田。…Read More

週末時間，當然要找個地方放鬆一下。最好的當然就是又有得玩，又有好野食。另一半知道之後，就專程預訂了位於觀塘的「The Stadium」，稱可以邊食邊玩。來到之後，「The Stadium」果然與其名字一樣，餐館內就如一個體育場，有著不同形式的球類運動的主題。餐廳門面就已經有一部足球機、餐廳內就有桌球枱、飛標機，及有體育台直播電視。心想，如果一大班朋友，一定會更加好玩，既可以玩、又可以食。我們中午到來，那究竟體育場有什麼野食供應呢？我們早上沒吃早餐，比較肚餓，所以就點了兩個比較飽肚的 Lunch Set。⚞ 1. 安格斯牛肉漢堡在這個氛圍下，吃個安格斯牛肉漢堡其實都頗為適合。這份漢堡份量相當充足，漢堡的配料有安格斯牛肉、美式煙肉、蕃茄、生菜及其漢堡sauce。除漢堡外，亦配上厚脆薯條。牛肉的味道相當不錯，入口不韌，而薯條除茄汁外還配有沙律醬，值得加分。⚞ 2. 烤連骨豬扒配鮮果沙沙醬這份連骨豬扒確實是比較驚喜，首先份量亦是不用質疑，而味道我就會覺得就是中式燒肉的西式煮法。豬肉烤得非常香口，而且啖啖肉兼入口即溶，沾上鮮果沙沙醬後，感覺變得新奇。而且豬扒亦配有薯角及烤蕃茄，值得一試。⚞ 3. Rosemary Lemonade凍的Rosemary Lemonade，配餐是不用額外加錢，而且味道頗清甜，飲悶了凍檸茶之類的，就可以考慮一下。⚞ 4. Americano我就點了杯熱Americano，亦是不用額外加錢的。相對而言，這杯美式咖啡不太苦濃，加上少許牛奶味道就剛剛好，容易令人接受。食物質素是相當之好，下次一大班朋友聚會就可以考慮來「The Stadium」，邊食邊玩，甚至可以邊睇波邊飲酒，一舉多得。…Read More

想約朋友到觀塘食飯，見The Wave有間西餐幾吸引。平時行街經過這楝大廈見好新，同埋開左好多食肆，但都未曾幫襯過，就今次黎試下啦！一出就見到有枱足球遊戲機可以玩。原來成層面積都真係幾大，而且都差唔多坐滿，好彩一早book定位。連枱墊都係球場圖案安格斯牛肉漢堡，肉汁幾juicy 見menu推介炸魚薯條，但有d失望，炸魚一般，食落有d厚粉美式芝士通心粉，估唔到幾好味。脆焗薯皮，這個要預少少時間製作，幾好味，適合做前菜，好開胃。場內有電視可以睇球賽，好啱邊飲啤酒邊睇波添。…Read More

想試呢間餐廳好耐，見到openrice評分好高～好彩有訂位，一黎到門口已經見到有人等位。一入到去，好大下，裝修好特別，係運動主題餐廳。今次我同男朋友兩個黎食，但見到呢到好多都係一班人黎，我地坐左係一班人男人隔離，成餐飯都好嘈😅我地叫左個香菇手搓粉，意粉口感煙韌，加左黑松露、幾香。安格斯和牛漢堡，拼薯條，漢堡好豐富，有芝士、蕃茄、煙肉、沙津醬、佢仲有個蛋黃醬比你加，好食～但薯條比較乾身。黑毛豬，整得好嫩滑👍🏻但我個人唔鍾意個蕃茄汁仲叫左個黑松露薯條，因為唔知漢堡餐已經有薯條😅所以食唔哂，勁飽！兩個人叫左咁多野都係5百蚊左右，好抵食，份量好多，好啱一班人黎食。…Read More

這天我約了朋友外出午膳，經過網上的推薦，我們決定來到這間美國菜餐廳試一試，店內環境寬敞，餐牌上的選擇很多，雖然是下午茶的時間，但不斷有新客入座，證明食物的質素應該相當不錯，餐廳還會播著一些流行的英文歌，有不同種類的體育賽事播放，有桌球，足球和籃球，提供飛鏢和打桌球供客人玩樂，娛樂性十分豐富安格斯牛肉漢堡($128)用新鮮薯仔製成的薯條十分新鮮，爽口微彈的沙律菜，芝士和安格斯牛肉融合在一起，十分香稔軟嫩，軟綿綿的漢堡，軟彈煙韌的煙肉，爽口新鮮的生菜，鮮甜的番茄，配料非常多，配上酸酸甜甜的茄汁，清新的沙津醬，整體份量非常多，十分抵食烤肉眼牛扒($138)格紋焦痕的肉眼牛扒十分香稔軟嫩，質素很高，爽口清甜的沙津菜，富有水份的番茄，配上清甜的燒汁，這個價錢可以接受整體來說，食物的質素很高，食物的選擇很多，食物的份量十分多，食物的用料非常新鮮，食物的賣相很吸引，食物的定價可以接受，客人可以選擇户外或户內的地方進餐，而店員亦有良好的服務態度和有禮貌，店內的員工十分多，證明老闆注重服務的質素，最後我認為這間餐廳是值得再去惠顧…Read More

星期六想搵個地方放空時，坐得舒服又有美食，唔限你交枱時間，唔會環境嘈吵，除左呢度，暫時諗唔到其他地方............電視不斷播放各類球賽，喜歡睇波嘅友人表示正呀...........呢度有各類啤酒/特式飲品供應，上黎飲嘢/吹水/睇波都岩望下午市套餐有咩食先，每次黎都有唔同，又可以試下其他食物啦!午餐另加$15可以有沙律/餐湯 : 餐湯為磨菇湯，滿滿磨菇粒好香菇味，質感幾稠，飲完都有飽肚感，如果熱D就仲好飲!首先出場嘅有呢客白汁鷄肉車輪粉 ($108)，份量好夠，一個個車輪粉舖滿碟上, 幾盞鬼!醬汁味道帶點微辣，中和白汁嘅膩感，幾開胃; 車輪粉軟硬度適中，用叉一叉叉起幾個放入口好方便; 鷄肉醃得入味，加埋磨菇及蕃茄，整體感覺同味道唔錯!呢客安格斯牛肉漢堡 ($128)，長期穩佔午市套餐一席位，可見佢幾咁受歡迎成個套餐除左主角安格斯牛肉漢堡外，仲有一藍薯條，備有茄汁/沙律醬點食，未食飽前先食番幾條先..............食過薯條，目光又去返個牛肉漢堡，多種材料令佢有番一定厚度，一口應該食唔晒全部材料!鬆軟嘅麵飽夾住肉香又多汁嘅安格斯牛肉;兩片芝士;再加埋爽脆多汁嘅生菜; 煎香左嘅煙肉; 另有蕃茄，陣容超級豐富!食晒成個真係可以飽足半日呀..............................包埋餐飲，係咁舒服嘅環境，加$20轉飲特式咖啡 - Cappuccino!  拉花雖然變得模糊，但味道香滑又夠熱，再睇多陣波先..........…Read More

近年觀塘出現左好多主題餐廳，呢一個間都算係其中之一。餐廳裡面出現各種球類的擺設， 餐廳嘅中間仲放咗一張桌球枱， 餐廳嘅另一邊有兩部大電視播放足球同籃球賽事，環境非常熱鬧，由於我哋係walk in大概等左一個鐘先有位，所以都比較建議早一兩日book位。 先講下食物方面，以美國風格為主，Dinner價錢由$88-300不等(連MEUN都係一塊大球場) 安格斯牛肉漢堡 $138 呢一個burger ,兩個女仔絕對要share好足料牛肉好厚又juice，以呢個價錢黎抵食 巴馬火腿配無花果 $88 因為burger已經配薯條又唔想食要咁多炸野見到，呢個幾得意就叫黎試下, 巴馬火腿嘅鹹香再上清甜嘅無花果再夾住garlic aloil，味道好溫和好match。 美式芝士通心粉 $108最後叫多個main course就亂叫左個通心粉，不過真係麻麻地，不了!  夜晚出黎消遣又點少得酒精飲品, 除左啤酒之外，仲有各式各樣嘅cocktail, mock tail。 （左）Hoegaarden, Asahi (右) Stella Artois …Read More

黎到官塘工業大廈既餐廳，地點近港鐵站，方便直行一陣轉左就見the wave衣幢大廈，可以從貨𨋢裡上去比較方便！內裡都幾大，又有露台！座位都坐得幾舒適，跟好耐冇見既老朋友一路傾一路食，坐得耐又冇感到壓迫感！食得好自在今天星期六，都有lunch set，價錢介乎$88-138，餐湯或沙律另加$15，happy saturdayfull set lunch食下啦單點餐牌、dinner set menu餐湯(南瓜湯)：濃郁，杰身沙律🥗：有少許蘋果粒、沙律醬...！唔中意有醋果種沙律，衣個就岩晒喇！飲品：iced cappuccino, iced rosemary lemonade 👈🏻有氣的卡邦尼三文魚扁麵 $128由其讚好個三文魚，外脆內軟，皮上仲灑上d調味，好味！就算傾計幾耐，放左幾耐，仍脆脆的安格斯牛肉漢堡 $128大大份，巨型burger餡，個漢堡扒厚厚的，好味道反而薯條可能炸得耐左，外層乾乾的！埋單$336/2位，就咁輕鬆自在傾左個下午、享受左個豐富既午餐…Read More

同老婆二人去了觀塘行街，之後過了The Wave食午餐，這間The Stadium地方大，靜靜地可以慢慢坐唔怕被人趕。午餐有沙律、意粉、牛扒，漢堡等，價錢大既一百元起。安格斯牛肉漢堡：burger很大個，麵包烘至脆口，有些生菜、番茄、芝士及煙肉配料，牛肉漢堡扒煎至焦香厚實，但不會太乾及鬆散，非常juicy，炸粗薯非常脆口而且不油膩，旁邊還有些黑醋沙律，清新開胃去油膩感。忌廉汁帶子意大利麵：意大利麵軟硬適中，有些雞肉粒及芝麻菜，大量的忌廉汁伴入意粉內，整體非常creamy，不過味道偏淡，帶子外面煎至微焦，裏面還帶點刺身狀，大粒又軟腍。…Read More

放工約姊妹食飯傾下，因為我地都係觀塘返工所以今次揀左呢間平時食lunch都會專登走過來食西式餐廳😋我地6:15去到無book位也不用等位😍每次過來食lunch都會叫「安格斯牛肉漢堡」今次當然唔例外啦😋店員已幫我們切成兩份👍🏼牛肉好juice果然能保持水準而漢堡內的蔬菜也很甜😊再配上炸得剛剛好的香脆薯條❤每次食完都會覺得好滿足😊另外我們再叫了一個「蘑菇雞肉闊條麵」，雞肉很嫩而且蘑菇份量很多，愛吃菇的人士可選🤣麵不會很淋而且醬汁會均衡沾在麵上👍🏼飲品方面我們選擇了蘋果汁和西瓜汁，就是普通的果汁😜我們邊吃邊傾竟然不知不覺在餐廳坐了三個幾鐘🙈🙈氣氛好,食物又好味的餐廳下次一定會再黎😎…Read More