Transformers The ARK (Closed)

全球首間變形金剛主題餐廳喺年中已經空降銅鑼灣，位於將軍澳中心第二分店變形金剛主題餐廳 Transformers The ARK 都登陸將軍澳啦！🍬餐廳樓高兩層，周圍都係變形金剛主題嘅裝飾同佈置，－定要嚟朝聖呀！🍬不得不介紹最受歡迎食品嘅黑松露蘑菇披薩 ：融合黑松露同埋香脆嘅蘑菇，加上芝士簡直係完美結合。披薩即叫即焗，烘烤至金黃酥脆，每一口都能品嚐到黑松露濃郁嘅香氣同蘑菇的鮮嫩滋味，嚟一場味覺盛宴。🍬另外，勁脆無敵雞套餐（二人套餐）$138，套餐性價比高，包咗勁脆無敵雞、脆雞翼、 旋風翹翹薯、方舟沙律同 埋特飲藍色星光&四季冰晴！真係夠晒豐富。雞肉炸得香脆，而且全部食物都即叫即整，熱辣辣脆卜卜。🍬安格斯松露漢堡，係我自愛，嚴選優質進口穀飼安格斯牛肉製成，肉質鮮嫩多汁，並融合秘制黑松露醬汁，獨特嘅香氣隨之湧汁，即叫即做，令人一試難忘。🍿Transformers The ARK ：銅鑼灣羅素街 38號金朝陽中心地下至1樓A&B號舖…Read More

變形金剛電影風靡世界，全球首家變形金剛主題餐廳Transformers The ARK 於去年登陸銅鑼灣。餐廳以變形金剛中博派使用的大型太空飛船方舟The Ark 為設計理念，門外重磅打造之立體飛船引擎，配上全港首個結合實體建築之裸眼3D螢幕和澎湃音效，吸睛度極高。博派乘坐The Ark逃出斯比頓星飛近地球時，因耗盡能源而失去動力，不受控地臨時降落香港銅鑼灣鬧市中，從此進入地球人的世界。場內必影打卡位當然是全亞洲首個3米高柯柏文巨型機動式模型，頭部會定期轉動，生動之餘亦氣勢十足。精心打造出達電影製作級別戰損版模型，從多個細節位可見其製作認真，值得粉絲去朝聖。地下樓層設有香港首間官方變形金剛商品專賣店，獨家發售變形金剛多款模型、服飾及精品，限定節慶禮物盒折扣更高達5折。餐廳樓高2層，上層牆身和天花板螢幕會播放著飛船外的太空「實況」，恍如置身於在宇宙航行中的太空船艙內。有別於一般快餐店，店內環境寬敞整潔，充滿空間感，於各個角落都可以盡情打卡。透過巨型螢幕還可看到大黃蜂於「食物研究所」內為人類用心炮製美食，十分有趣。用餐途中更突然出現飛船被狂派襲擊的彩蛋，完全投入充滿感染力的沉浸式視覺盛宴。珍藏版利是封一套4款，設計獨特，分別有紅、粉紅、黃同綠色，每個利是封上仲印有博派的大型飛船The ARK，凹凸的燙金效果好有觸感，Fans過年必備。即日起只要於Transformers The ARK消費美食或商品滿$380或以上（最多兩張當日發票），即可免費換領「變形金剛珍藏版」利是封套裝 乙套（8個/套），每張發票最多可換領2套利是封，任何消費即送限定揮春一張，數量有限，換完即止。臨近新年，「龍」重推出全新「得獎漢堡披薩二人餐」，比單點更抵食。得獎漢堡披薩二人餐 $238二人餐包括安格斯松露漢堡、黑松露蘑菇披薩、勁脆爆炸雞粒、海鹽薯條、紫晶葡萄、黑牛戰士和2杯雪糕，份量澎湃，可以一次過享受兩款FHC國際大獎美食。FHC為世界廚師聯合會官方認證的大型賽事，在2023年的賽事中，Transformers The ARK的安格斯松露漢堡獲得FHC最具創意及味道漢堡大獎，而黑松露蘑菇披薩得到最受歡迎食品大獎。安格斯松露漢堡餐廳最具標誌性的必點美食當然是首創立體變形金剛造型Burger，以全麥麵粉製成，包身烘焙出外層輕脆的口感，內裡鬆軟有彈性。中間餡料更是多得滿瀉，夾著漢堡扒、煙肉、蘑菇、蕃茄、生菜及秘製黑松露醬汁，層層疊起後確實是一口無法掌握，漢堡扒嚴選優質進口穀飼安格斯牛肉製成，肉質鮮嫩多汁，融合秘制黑松露醬汁，綻放馥郁菌香。黑松露蘑菇披薩就連Pizza 盒都有變形金剛專屬博派標誌，名副其實內外兼備。Pizza 即點即焗，熱烘烘出爐，邊緣烤得很焦脆，餅芯卻帶着柔韌。芝士可以造出拉絲效果，黑松露、蘑菇與火箭菜的食材配搭菌香滿溢，不會吃得飽飽滯滯。勁脆爆炸雞粒一口大小的無骨炸雞粒炸得脆卜卜，而又保留到肉汁，吃得方便又衛生。海鹽薯條漢堡包配薯條可說是永恆經典配搭，薄切薯條炸得金黃酥脆，保持乾爽不油膩。雪糕有兩款口味：能量海鹽和特濃可可，質感軟滑，而且不算易溶。兩杯飲品紫晶葡萄和黑牛戰士冰涼又解渴，混合蒟蒻果凍和粒粒果肉，口感更有層次。勁脆無敵雞(2件) $50無激素炸雞即叫即炸，大隻厚肉，外皮炸得夠香脆，鎖緊肉汁，內裡肉質嫩滑。肉醬意粉 $55蕃茄肉醬味道惹味醒胃，調味亦不會過濃。幼身意粉煮出Al dente輕微韌度的口感，濃郁的肉醬剛好掛在每條意粉上，…Read More

30-7-2023 (Sun)因為老公有動漫節嘅VIP飛,我哋就出嚟行吓啦,既然係動漫節,咁就先嚟呢間食嘢,我哋嚟到,佢哋係啱啱ready好,我哋喺地下影咗啲相後就諗住買嘢上上層食,收銀話上面都可以買嘢食.哦?!咁就上去啦,上到去原來未有客人,我哋係第一組客,又影完一輪相同睇完menu後,老公要$105.00嘅安格斯松露漢堡,加$25.00成為套餐,有四季春茶同薯條.而我就要$95.00嘅黑松露蘑菇披薩同$40.00嘅藍色星光.兩個都等咗幾耐至有,我先試薯條,薯條係幼身,脆口同微甜,OK 嘅.味道:3分安格斯松露漢堡,老公食嘅時候,我嗅到松露嘅香,我食一啖試吓,個包有烘脆,安格斯算鬆軟同juicy,都OK 嘅.味道:4分四季春茶呢?味道較淡,裡面係有軟腍腍嘅蒟蒻.味道:2.8分我嘅黑松露蘑菇披薩呢?原來佢哋已將佢切成6份,呢個味道鹹咗啲,批底好脆.味道:4.7分藍色星光呢,佢係青檸梳打,味道有少少澀,同樣都有軟腍腍嘅蒟蒻.味道:2.5分而其實我都飽,不過同老公一場嚟到,佢話要食埋蛋糕或雪糕,最後佢揀咗$35.00嘅後者,味道就要海鹽朱古力扭紋.老公拎到嚟,我哋影好相就準備食啦,但呢個時候,經理拎杯同樣嘅嚟,我愕一愕然,我哋只要一杯.佢話頭先嗰杯整得唔靚,送返呢杯俾我哋.多謝晒,但其實我哋唔介意,不過都整咗出嚟,我哋就一人一杯啦.呢個朱古力味道係濃但唔太甜,海鹽就唔太鹹,兩種味道混埋一齊又幾好味,唔錯.味道:5分而佢哋推出一盒四種味道嘅月餅,喺地下時個女仔同我講會喺馬來西亞製造,𠲖o家買劵就$288.00,8 月15日後買就正價$388.00,咁我食完後就買一張啦,佢有蛋黃夏日皇見皇(榴槤),蛋黃班蘭,蛋黃芝意延年同蛋黃豆沙各一個.服務:全部都好有禮貌,其實應該係客人自己留意食物整好未而出去攞,但我未及睇到,佢哋就自動送嚟,實在太好喇.當我食完出去買月餅劵時,有個10歲左右嘅細路橫衝直撞,個女職員就提我小心.環境:除咗一直播𡁵啲片(製作漢堡包)外,重係咁播音樂,增加投入感.而冷氣都係適中.…Read More

每次經過銅鑼灣都看到這棟大樓在裝修，終於等到裝修完成，原來是變形金剛主題餐廳！餐廳從門口到內部都設計成太空船，船艙內的電子屏幕花了不少心思，地下這一層還有一個重重重點，就是近3米高的「柯柏文」機動式模型，上面有磨損的痕跡，頭更會轉動，另一邊還有不同的變形金剛商品販售，剛好在等餐的時候可以逛逛。食物方面都很有太空船特色，包括變形金剛造型的漢堡包，和像能量晶體的梳打水等等，這天我和朋友試了蟹肉牛油果漢堡和安格斯松露漢堡，前者粉紅色的麵包好吸睛，麵包脆脆甜甜的很有咬口，蟹肉炸成餅搭配綿密清新的牛油果醬會讓你吃不停；至於安格斯松露漢堡中間有一層咸香滿滿又像薯片的煙肉豐富味道，和咬開有牛肉汁爆出的安格斯一起超滿足，牛魔王一定要試！藍色星光的顏色好有夏天氣息，梳打水加蝶豆花做出夢幻藍色，在加了青檸、薄荷及蒟蒻果凍，入口微甜帶點清爽冰感；四季冰晴則用了四季春茶葉，我喜歡它茶味特別濃郁而且幾乎不甜，有種解膩的效果。…Read More

作為一個變形金剛迷，我當然要去試試啦。4月28日正式開業，約埋朋友一早排隊去試，眼前出現的是一個裸眼3D宇宙飛船設計的餐廳，真係好震撼！整個餐廳的裝潢和設計都非常有變形金剛的感覺，好似係一個博派的基地咁。食物方面，我試咗兩款漢堡包：安格斯松露漢堡同埋蟹肉牛油果漢堡。兩款漢堡包都好好味，特別係那個安格斯松露漢堡，肉質好鮮嫩，黑松露醬汁更加令我一試難忘！蟹肉牛油果漢堡亦唔錯，蟹肉餅好鮮甜，同埋牛油果醬好香滑， 配上漢堡麵包就好食啦。除咗漢堡包，餐廳仲有其他變形金剛主題嘅美食，好似「戰鬥之塔」薯條同埋「迅猛龍」魚蛋，都好特別啊！除咗食物，餐廳仲有好多變形金剛主題嘅裝置，例如柯柏文模型同埋立體飛船引擎等，令我好興奮。另外，餐廳仲有一個變形金剛商品專賣店，可以買到好多變形金剛模型同埋精品，真係好滿足啊！最興奮嘅重有獨家發售限量版變形金剛模型，而且全球限售100件，真係好稀有啊！擁有一個限量版嘅變形金剛模型係一個夢想，而且附上專屬證書，收藏價值絕對非常高👍🏻無論係食物、裝潢定係設計，都好有去咗theme park 嘅感覺。雖然價錢稍微貴啲，不過作為一個變形金剛迷，我就覺得好值得✨🥰…Read More

等咗咁耐，全球首間以變形金剛為主題嘅餐飲概念店The Ark 終於開幕啦！啲架太空船依家降落咗響銅鑼灣，被譽為全球最貴租金嘅羅素街！餐廳背後非常猛料，係由由多位星級廚師成立嘅A La Carte 公司與玩具巨頭孩之寶聯手打造。餐廳名稱「The Ark」，其實就是以變形金剛系列中博派使用嘅大型太空飛船方舟The Ark 為設計理念。淨係餐廳門外嘅大型立體飛船引擎+巨型3d螢幕，再加上澎湃音效，已經夠晒架勢。走進餐廳內，絕對驚嘆萬分，2層高嘅餐廳仿造出The Ark駕駛艙內部，到處都是打卡位，恍如去咗主題公園一樣！食物方面絕對不馬虎，全部都係度身打造嘅美食，當中餐廳最標誌性的必點美食當然係首創變形金剛造型嘅漢堡包！從肉餅到醬料及配方，均採用了高級食材！🍔安格斯松露漢堡 $95選用了穀飼安格斯，肉質鮮嫩多汁，再加上秘制黑松露醬汁，令人一試難忘👍🏻🍔蟹肉牛油果漢堡 $85落足本以新鮮蟹肉打造嘅蟹肉餅，配上牛油果醬，味道鮮甜富層次。另外個麵包是由紅菜頭打造，味道更有所提升。🍟海鹽薯條 $30薯條好夠香脆，絕對好食過平時連所快餐店～勁脆雞塊 $30 一件 / $55 兩件炸雞有驚喜，超級juicy，因為選用了無激素優質白羽雞，外皮酥脆，肉質嫩滑 爆汁，必食推介！藍色星光 $40甜度適中嘅梳打水，藍色係來自天然嘅蝶豆花，配上青檸、薄荷及蒟蒻果凍，又好飲又好食！四季冰晴 $35選用來自台灣嘅四季春茶葉，鍾意佢加上了蒟蒻果凍，口感更加豐富，非一般茶飲！總括來說，The Ark 重磅打造出變形金剛系列中博派使用嘅大型太空飛船，每一處都是打卡熱點，而食物亦非常講究有質素，將成為香港其中一個必去嘅旅游景點！…Read More

行入去店內有近3米高識郁嘅柯柏文戰損版模型、大型3D動畫牆直播食物製造過程、神還原飛船控制室嘅用餐區，聽講即將獨家發售全球限售100件嘅限量版變形金剛模型 ，變形金剛 fans 必去🦾蟹肉牛油果漢堡好有驚喜，塊炸蟹餅好足料，每啖都有一絲絲嘅蟹肉，紅色嘅漢堡包係用左紅菜頭，而蔬菜用左水耕菜，配搭牛油果醬，又好味又有營養🥹安格斯松露漢堡採用穀飼安格斯牛肉，肉質鮮嫩多汁，巧妙融合黑松露醬汁，相當juicy💦 配埋海鹽薯條🍟 同熱辣辣嘅勁脆雞塊🍗 大滿足！飲品方面， 四季冰晴用左台灣四季春茶加上蒟蒻，茶味香濃又有口感，幾得意😎 藍色星光用嘅係蝶豆花、青檸、蒟蒻同梳打水，好似飲左電影入面嘅energon咁，好refreshing ~甜品有能量海鹽mix特濃可可雪糕🍦 完美演繹斯比頓星人嘅甜品都特別過人😬…Read More

Transformers: The Ark📍銅鑼灣羅素街38號金朝陽中心地下至1樓A&B號舖━━━━━━━━━━━━━━━━━━━━━━━━━━━━WARNING⚠️WARNING⚠️ 方舟THE ARK 登錄香港🇭🇰 迫降銅鑼灣 餐廳門面為立體飛船引擎 將裸眼3D 螢幕結合實體建築之中 更加有同步燈光和音效 獨一無二呢!推開門就像進入了電影世界 穿越到博派的飛船上 享受變形金剛對人類的美食招待🫶🏻墻身黃灰為主調 墻上具科技感的紋路不曾重複 面面都精心設計 繞過一樓用餐區便能看到一個龐大身影 是柯柏文! 拖著微微戰損的身軀 穿越時空而來 歷經九個月的製作 是電影製作級別的戰損版模型😲另外餐廳的一部分是香港首間官方變形金剛商品專賣店 聽說有全球限售100件的限量版變形金剛模型 變形金剛迷可以留意官方開售👀 ━━━━━━━━━━━━━━━━━━━━━━━━━━━━ 🍔 安格斯松露漢堡 ▶︎ 變形金剛圖案的漢堡麵包 裡面夾有牛肉餅 黑松露醬 芝士片 水耕蔬菜 煙肉等 ▶︎ 使用嚴選優質進口穀飼安格斯牛肉 油香和肉汁都很豐富 另外黑松露亦有存在感 與肉餅非常均衡!▶︎ 這款的漢堡麵包似乎略微有咬口 加上內裡柔軟肉餅和爽脆蔬菜 口感上不錯~好味指數:●●●●◐━━━━━━━━━━━━━━━━━━━━━━━━━━━━ 🍔 蟹肉牛油果漢堡 ▶︎ 加入紅菜頭的漢堡麵包 裡面夾有厚身蟹肉餅 牛油果醬 芝士片 水耕蔬菜 沙律醬等 ▶︎ 蟹肉餅加有新鮮蟹肉 調味鮮甜清爽 而牛油果醬細膩順滑 整體搭配不錯!▶︎ 漢堡麵包是吸精的紅色和高達的圖案 打卡一流😎好味指數:●●●●◯━━━━━━━━━━━━━━━━━━━━━━━━━━━━ 🐔 勁脆雞塊 ▶︎ 炸雞分量頗大 炸粉已有調味 脆身而不厚▶︎ 雞採用無激素白羽雞 已預先用香料醃製 因此調味很夠~▶︎ 炸雞肉質嫩滑而帶有汁水 相當不錯🫶🏻好味指數:●●●●◐━━━━━━━━━━━━━━━━━━━━━━━━━━━━ 🍹 藍色星光▶︎ 夢幻蝶豆花梳打水 配上青檸 薄荷及蒟蒻果凍~▶︎ 入口有淡淡檸檬味 隨後便是薄荷的清爽感 蒟蒻果凍口感略有咬口! 好味指數:●●●●◯🥤 四季冰晴 ▶︎ 四季春茶 配上蒟蒻果凍 ▶︎ 餐廳選用台灣四季春茶葉 入口順滑 有茶味但不澀 當配餐飲品是絕配😉好味指數:●●●●◐━━━━━━━━━━━━━━━━━━━━━━━━━━━━ 🍦 特濃可可雪糕·能量海鹽雪糕 ▶︎ 兩款雪糕都非常不錯🫶🏻 可可雪糕濃郁順滑 有可可苦香! 而海鹽雪糕略有鹹味 比例非常恰當 是很清爽的感覺🫶🏻 好味指數:●●●●◐━━━━━━━━━━━━━━━━━━━━━━━━━━━━ …Read More