。所以，今次老友叫到話試試海鮮蒸鍋，就投其信心一票，加上天氣有點轉寒，正啱食蒸鍋嘅日子，就嚟到「漁港薈」品嚐一下佢哋嘅海鮮蒸鍋:)。餐廳地方唔算大，但裝修得都頗雅致，燈光柔和，而且，高椅背嘅梳化櫈，相對更舒適。我哋就揀坐晌一邊嘅卡位，非常闊落好坐。身後就見到有一座水缸，養住好多生猛龍蝦同大蟹，喺「新鮮」嘅保證。順帶一提，店員嘅服務都好到位，除有禮之外，更不斷幫我哋蒸海鮮、換碗碟。今晚嚟到我哋嘅目標喺食蒸海鮮，共有兩款套餐供選擇：$398 / $328，較特色喺除蒸海鮮之外，套餐內仲包乳鴿同炒蟹，唔使全程都只得蒸海鮮咁單一
。好耐無食海鮮蒸鍋，今次豪少少揀咗前者：金裝海鮮蒸鍋。此外，店家亦提供燒味、小炒、海鮮……等等，而且，款式頗多，所以，就算唔喺嚟食海鮮蒸鍋，炒餸食飯都無問題，睇落定價亦相宜實惠。落好單之後，店員捧上醬料架，有蔥花、金蒜、銀蒜、辣椒醬、XO醬、莧茜及豉油。因為今之嚟喺食蒸海鮮，品嚐海鮮原味為主，所以，個人覺得簡簡單單嘅蔥花、XO醬加豉汁嚟吊吊鮮味已好夠，太「混醬」反而本末倒置
。頭兩道菜喺乳鴿同炒辣蟹，店員問我哋有無興趣試試佢哋新搞作嘅特飲，幾夾以上兩味餸，兼且當喺俾吓意見，再者，見都唔喺好貴，結果就試了兩杯加入益力多嘅「多羅羅」。
香芒多羅羅 $20
友人要芒果口味，佢話賣相又幾OK喎，加咗塊檸檬片做裝飾，面頭又放唔少菠蘿粒。佢話芒果味再濃啲就更好，而且，冰粒稍多，但整體都唔錯，入口冰涼清爽。芭樂多羅羅 $20我就要芭樂，即喺蕃石榴，賣相、色澤跟杯芒果多羅羅差唔多，入口嘅蕃石榴味幾突出，清新酸香。小小貼士，飲前記得攪勻，因為啲糖漿可應沉底，其次，落單時緊記要求少冰。無味精靚燉湯先嚟一客燉湯，入口就知喺心機燉湯，湯味濃而不濁，非常清甜，尤其依然入秋季節，感覺就更滋潤。撈一撈，用料十足，雞件、圓肉、蟲草花，實在無欺場。脆皮妙齡乳鴿每位客人有半隻，咬落熱辣辣，新鮮即炸，果然外皮好脆口，肉質肥美細嫩而富肉汁，沾淮鹽就惹味啲，沾喼汁就清爽啲。招牌黃金川辣蟹店員話喺師傅嘅信心之作，的確，大大隻肉蟹可以講喺色香味俱全，除咗用鹹蛋黃，仲加入四川式嘅花椒，所以，味道鹹香，帶少少麻，卻有點辣勁，甚具層次，最好嘢喺仍然食到蟹肉嘅鮮味。值得一提喺師傅稍稍將蟹鉗扑過，一咬即開，方便咗食用。食完兩道熱葷，就喺嘆蒸鍋嘅時候。店員捧嚟一大份海鮮拼盤，擺得好靚仔，最觸目當然喺中間隻龍蝦啦，並順便開爐燒開啲熱水。枱上有個小牌已標示每種海鮮所需嘅蒸煮時間，俾提供埋一個計時器，不過，基本上都唔使你操心，因為店員全程會幫手蒸煮各類海鮮，而且，佢哋更不時幫手換碟，服務態度非常之好。生猛波士頓龍蝦唔喺講笑，隻龍蝦新鮮到仲有少少郁，而每位客人有半隻份量，睇見啲肉晶瑩剔透，又多蝦膏，真喺好期待。蒸熟之後，一拆就成件肉起出嚟，再沾少少XO醬，蝦肉鮮味到不得了，輕易拆埋隻蟹鉗，又喺啖啖肉，質感彈牙，新鮮嘅表現。鮮甜海生蝦餐牌就寫住兩隻，但實際就俾咗3隻，搵支竹簽篤住就好睇啲。生蝦當然唔及龍蝦咁大啖大啖肉啦，但夾口彈牙程度絕不失禮，沾點豉油，其鮮味更出。蘇格蘭蟶子皇再嚟梗喺嘆蟶子皇啦，隻蟶子皇有成7、8吋長，外觀好有光澤，店員蒸煮時間拿揑得好好，隻蟶子既有海水嘅鹹鮮味，卻又有蟶子肉本身嘅鮮甜味，口感唔止爽彈，仲有種「脆」嘅感覺。北海道大元貝就算元貝有幾大隻都好，蒸過後都會縮一縮，所以，好多人就鍾意食元貝刺身，但總有啲人唔食得生嘢。蒜蓉粉絲蒸當然喺惹味啦，但清蒸，沾點XO醬，亦都一流，肉厚肥美，夠鮮甜嘛。游水海斑件店員話今日喺法國多寶魚，其實我都唔太認識，不過，確實太細件，而且，份量少
，雖然，蒸好嘅斑件鮮甜味十足，啲肉質亦好嫩滑，但份量不似預期。溫馨提示，呢隻魚魚骨較多，小心食。鮮甜大花甲啲蜆的確好大隻，食蜆就最怕就喺食到有沙，幸好店家呢方面處理得好，食咁多隻都無問題，而且，蜆肉清甜帶少少海水鹹鮮味。安格斯手切肥牛食完海鮮，仲有一份肥牛，聽到安格斯個名都知唔會差得去邊，雖然啲油花唔似啲日本和牛咁多，分布咁平均，但入口肉味濃，亦有油脂嘅香味。粗糧拼盤食咗咁多肉，都喺時候食番啲蔬菜平衡吓，送上一籠已蒸好嘅粗糧拼盤。雖然話喺粗糧，包括紫薯、南瓜、香芋、粟米，但一啲都唔粗，尤其啲紫薯同南瓜，。又香又粉甜。招牌海膽炒飯怕你唔飽，近尾上個炒飯你填肚，其實去到呢個位，都可以講九乘半飽，女生嘅話我相信飽到十足。個飯炒得幾好喎，唔好睇佢個樣平平無奇，一來夠乾身，飯粒分明，二來少油，三來就頗有海膽嗰種香氣。鮑魚綠豆沙要一餐有完美結束，又點可以少得一客甜品，套餐內有兩款選擇，當然各要其一啦。益老友試碗鮑魚綠豆沙，佢話件鮑魚好堅喎，又大隻，又有鮑味，無將貨就價嘅感覺，鮑魚搭綠豆沙，真喺長知識。桃膠綠豆沙雖然我碗唔喺鮑魚，但桃膠都喺好嘢嚟，被喻為平民燕窩，喺好有養生保健嘅食材。其實桃膠本身無乜味，味道就靠晒碗綠豆沙，味道不俗，煲到起沙，又無過甜，真喺為今餐完美作結。臨尾，阿姐仲送咗張紅燒乳鴿券俾我哋，話嚟食午飯或茶市，二至四位就送一隻，完全無咩消費要求，算喺餐廳對顧客嘅小小心意。並且，推介埋佢哋嘅午市套餐，話好抵食，但我話我唔晌銅鑼灣返工喎，佢話無問題，啲午市套餐日日都用得，着我記得用埋張乳鴿券。的確，佢哋有好多粉麵飯仲做到半價添
，尤其啲籠仔飯，晌茶記都食唔到啦，加$10仲多碗燉湯，真喺驚喜價到爆。雖然依家疫境咁困難，但睇得出店家都好有心做，加上新張關係，推出好多優惠，就連今晚我哋所食嘅蒸鍋套餐，優惠價之下再打個八折俾我哋，兼免加一，真喺賣大包，真心希望餐廳捱過呢個寒冬，之後萬事都順順利利啦。…Read More
