安平蝦卷拌麵便當蝦卷咬落好爽好彈牙，外層都幾脆口，拌麵份量剛剛好，將滷肉及麵攪拌均勻，麵質有少少似闊條麵，
整體賣相好文青的台灣料理，擺盤好用心，除左主食外，仲有不同蔬菜作配菜，例如：西蘭花、粟米仔等，又睇得又健康～蚵仔煎食台灣野必嗌小食之一，蠔仔都幾大粒，食落唔會有腥臭味，煎左香香脆脆，搭配埋淋上的醬汁，少少辣辣地，都唔錯～甘梅地瓜條加左話梅粉的地瓜條，
食落酸酸甜甜，地瓜條又係熱辣辣，無得輸！甜不辣呢款甜不辣小食咬落煙煙韌韌，由於佢煎炸過，所以外層有啲脆口，更有口感！蜜桃茉莉愛玉菓子本來唔記得叫少甜，驚佢太甜，好彩正常甜度剛剛好，好多蜜桃粒粒，加卜上滑溜溜愛玉，值得推薦～
…Read More
📌地理位置好方便，就係兆萬中心對面的添置商業中心樓上一樓，落地玻璃的裝潢，站在西洋菜南街望上去一眼就望到店舖的位置，窗邊仲擺放着幾隻bearbrick🐻，非常搶眼。✨📌新店新裝修，入到餐廳，感覺非常光鮮。💡餐廳都幾大，有好多張二人枱同四人枱，仲有長沙發枱🛋，啱晒情侶，朋友們過來歇一歇腳，食個麵，飲杯嘢。
📋餐牌有地道台灣小食，台式滷味，台灣拌麵，滷肉飯便當，仲有麻糬愛玉甜品，菜式花多眼亂，有選擇困難症的熊妹真係有排揀，樹熊就提議一於全部試晒去唔洗揀，又好喎！
香酥雞球滷肉飯便當，$72📌飯桶樹熊食台灣菜梗係唔會放過滷肉飯啦，熊妹就揀左雞球做餸。
嘩！滷肉飯一上枱，賣相五顏六色真係好吸睛！香酥雞球有三大粒，炸皮好薄，雞肉唔鞋口都唔乾身，大大嚿啖啖肉，食落好滿足，熊妹揀呢個雞球真係冇錯嘅。滷肉肉碎汁都做得好好，唔會太鹹，肥肉位唔多，肉粒淋淋地撈埋飯一齊食，樹熊好快就爬完成碗。雞球以外仲有啲配菜，有半件溏心蛋，幾舊西蘭花🥦、粟米筍🌽、芽菜苗、洋蔥粒🧄，形成呢個改良版五色滷肉飯🎨，有齊各種營養素同纖維，有菜又有肉，比起本身就咁滷肉飯健康咗好多，保留台灣美食地道風味之餘，仲配合返香港人追求健康的文化，《三公》真係用心製作，熊妹都用心感受。
安平蝦卷拌麵便當，$72。試完個飯就梗係要試埋個麵啦！今次就輪到樹熊揀餸，佢就鐘意食蝦卷。
蝦卷🍤有兩大條，口感好彈牙，本身蝦卷入邊都有調味，師傅係面頭仲潵左啲椒鹽，令到炸物更加惹味，調味出色。
呢個麵🍜有驚喜喎！望落去平平無奇，食落原來係撈蝦子粗麵，咬落去好有嚼勁，調味咸咸地，份量剛好，唔會過多的醬汁太濃味。不嬲唔好食麵的熊妹竟然食哂成碗。同樣地，都係有五色蔬菜，咁多配菜拌麵一齊食，唔係得一碗麵咁單調，熊妹真係好欣賞《三公》的心思。💕椒麻拼盤，$56📌樹熊鐘意食大腸、金錢肚，熊妹鐘意食牛舌，呢個拼盤就岩哂喇。
想試下台灣小食，叫個拼盤可以試多幾款食物。拼盤包括金錢肚、牛舌同大腸，每款大概有四件，每件都大大舊，浸滿椒麻汁，好入味，麻麻辣辣，夠濃味又夠惹味，可以蓋過牛舌、金錢肚同大腸呢啲本身內臟味道重的食材，唔錯！
台式滷味台灣小食仲有好多滷味款式，價錢為$10-$25，咁抵食當然叫多幾款試下。:)點了串豆腐、杏鮑菇同雞翼，雞翼滷得幾入味，雞肉軟淋，串豆腐同杏鮑菇浸住滷味汁，加餸最恰當。
水蓮，娃娃菜有熊妹在，一定有蔬菜🥬。叫咗水蓮同埋娃娃菜！水蓮係台灣菜，好少地方可以食到，口感係爽脆，本身用上滷味烹調好入味。娃娃菜好新鮮，唔會煮得太淋，本身淡淡味的娃娃菜有滷水的調味又唔會太濃，又可以食到菜的鮮味。呢個蔬菜盛宴真係不得了！食到熊妹菜后大滿足！甜不辣熊妹喜愛甜不辣的煙煙韌韌，質感就係魚蛋同年糕之間，帶點彈牙又軟韌。
幾好喎！甜不辣🥠唔係以滷水調味，而係烤炸，外表邊脆脆地，內裡軟軟糯糯，唔係一味滷味咁單一！檸檬阿里山愛玉，跟餐價，加$8📌樹熊淨係喜歡檸檬味🍋，就試呢款檸檬特飲。好清新，酸酸甜甜！估唔到係偏啲酸味，好開胃又消濟！飲飲下仲有啲愛玉啫喱，又得食又有得飲！呢個就係台灣沖調飲品的特色。
百香果愛玉菓子，跟餐價，加$8熊妹就喜愛百香果的清甜，呢杯反而偏甜啲，入面除了有愛玉，原來菓子就係水晶球，多一份咬口，飲完都飽哂。
📌《三公》係鬧巿旺區，地理位置方便都唔洗講，價錢極度親民之餘，仲要唔洗加一，食物味道大眾化，仲切合香港人追求健康的潮流，而且可攜寵物進膳，相信一定能吸引一班愛寵物人士到來，絕對能夠在香港呢個飲食都市上面立足。
…Read More
原本胃民想齋食滷肉飯，但大胃見佢有蟹肉魚籽版，坊間少有，就嗌嚟試原來佢地同滷肉咁夾，溏心蛋好綿，加上醃菜，呢碗飯好惹味跟餐會有埋沙律同飲品，沙律都好鮮好爽口拌麵份量都唔少，拌以不同嘅蔬菜，口感不俗安平蝦卷炸得好彈牙，為碗麵畫龍點睛椒麻拼盤非常抵嗌，有金錢肚、牛脷同大腸，仲要每樣有好多嚿，醃得勁入味以滷水醃製嘅鴨舌都好食，一份幾平份量激多
食台灣嘢加甜品是必需吧？白玉同愛玉嘅組合，相當新穎，但都幾夾
淋上百香果汁，加幾片青檸，酸瞇瞇好消暑跟餐加特飲都只係幾蚊，雖然冬瓜茶冇得揀甜度，但都唔會太甜黑糖牛奶奶香極之濃郁，愛玉子好好咬，食椒麻時解辣啱晒…Read More
