Encore Kitchen

是日阿媽無煮飯，阿爸就話叫外賣返黎食啦！我就話不如出街食好DD啦，最多我請喇，兩老二話不說立即換衫出門。知道阿爸最鍾意啤啤佢飲返兩杯，阿媽就鍾意食D特色野，特別係一D佢認為佢唔會煮到或者唔會煮得好既菜式，於是就同佢地行多幾步，黎到呢間小店食小菜。呢度好有街坊地道飯堂feel，食客都係邊食小炒邊飲啤酒，成個氣氛好親切，出品就勁有大排檔冬菇亭果D風味，完全同集團食肆或酒樓果D好唔同。阿爸鍾意飲啤酒，就幫佢叫左碟豉油皇肥鵝腸佐酒，食落入味又爽脆，三爬兩撥就比我地掃清光！阿媽鍾情海鮮菜式，所以特別D叫左個新加坡麥皮蝦同安哥一口蠔，新加坡麥皮蝦可以話係當地大排檔必食菜式，大蝦香脆味濃，燕麥金黃酥香，兩樣一齊擺入口味甜香口，口感又豐富，見阿媽食得相當滿足！至於安哥一口蠔，應該係招牌菜之一，一碟有成接近30隻蠔，份量充足，炸到金黃鬆脆，炸粉唔厚，入面蠔肉豐富，蠔味又濃郁，三個人你一件我一件，又係比我地秒殺左，哈哈！店員推介話必食金牌咕嚕肉，其實佢唔介紹我都諗住叫架喇，事關次次出街食小炒我都幾乎實會叫呢個餸，最啱我呢亭食肉獸，又好適合送飯。食落甜度恰好，唔會過甜或者過酸，啖啖肉好香口，外脆內鬆，唔怪得差唔多枱枱都有叫呢個餸。最後又點可以無D澱粉質落肚呢？如果唔係返到屋企又會好快肚餓要煮杯面食。叫左個澳門燒肉炒飯，飯粒炒得夠乾身，粒粒分明，燒肉勁香，飽晒！…Read More

有道曰：男人的浪漫，豆腐火腩飯……查實個人認真男人的浪漫又豈只豆腐火腩飯，只是貪其順口而已，正式來說應該是三五知己放下身 段坐街邊，食小炒，飲啤酒，高談闊論，風花雪月，夠麻甩才是真義。深水埗區鑊氣小炒雲集，大排檔或横街小店都是卧虎藏龍之地，懷 舊地道兼而有之，一點也不會被大酒樓比下去，所以亦成為三五知己 聚腳的好去處。前陣子跟朋友兩個大男人行去深水埗覓食，放棄平時喜歡去的大排檔 ，試了一間位於界限街及深水埗交界的"男人食堂"。這店裝修隨意地道，門口鮮黃紅字的招牌十分搶眼，店内地方不算大 ，環境整潔舒適，Tiffany Blue的牆身貼滿菜牌及圖片，簡單的街坊舖格局，滿有舊式小炒 店的風味。坐低望望餐牌，很多都是香口送啤酒的小菜，亦有傳統地道菜式如招 牌醬油碌鵝，狗仔鴨，水煮魚和新鮮羊腩煲等，都是十分合筆者口味的選擇，攪到樣樣都想點，最終選了豉油皇肥鵝腸，金牌咕嚕肉，安 哥一口蠔，新加坡麥皮蝦及潮式反沙芋。店員率先放低一碟惹味佐酒餐前小食，就像是外邊的餐前小碟炸花生一般，但這裡的小食明顯較用心製作，裡頭除了有炸花生外，還有豆 卜、花生和菜甫等，集香脆爽軟於一碟中，鹹香惹味，讓人吃過不停 。豉油皇肥鵝腸，豉味香濃，色澤潤黑一看已知很入味，鵝腸明顯是新 鮮貨色，每條鵝腸都帶點點脂肪組織，咬落爽脆中帶點軟糯嚼勁，口感不錯，唯一就是去得不夠盡，腸中脂肪不多，欠缺了肥鵝腸應有的 脂香，不夠邪惡，如能改善一下就能完全俘虜著客人的味蕾，但其實 現時已做得比一般的出色了。金牌咕嚕肉，咕嚕肉以豬頸肉入饌，沾上脆漿炸脆再撈上甜酸汁拌炒 ，咬落肉質脂香爽口，脆皮薄身外脆中空內軟，不像一般死硬的中式脆皮，反而有點像英式Fish & Chips 的啤酒脆漿，跟外面一般的沾蛋漿拍粉炸脆更大異不同，口感特別。而甜酸汁除了洋蔥及三色椒外，還加有酸蕎頭，味道調得酸甜中帶果香，醒胃滋味。安哥一口蠔，上枱架勢十足，一碟有差不多二十多隻蠔仔，粒粒圓碌碌脹卜卜，份量十足。蠔仔每粒都炸得金黃酥脆，炸皮很薄，蠔仔肉 嫩多汁，蠔味香濃，拌上炸蒜、蔥段及椒絲， 傳統微辣惹味的避風塘風味。新加坡麥皮蝦，原隻中蝦拍上麥皮炸香，再撈上乾麥皮調味料。 口感黏口帶麥芽香，唯蝦肉不夠爽脆，質素一般。最後老闆提意試一下外面少有的潮州甜品潮式反沙芋， 皆因工序繁複，火喉又要控制得宜，而這裡的反沙芋做得頗出色， 芋頭條炸得外脆内粉，以砂糖拌炒但沒有變焦糖，火喉控制得很好，咬落鬆化甜蜜，但就較為膩口，小吃一兩塊已很足夠。整頓飯質素不錯，尤其炸物做得很出色，小炒亦很到位，價錢合理，筆者跟朋友吃吃小食，喝喝啤酒，不知不覺渡過了歡愉麻甩的一晚，我們還相約下次再來試一下要預訂的狗仔鵝煲和新鮮羊腩煲。…Read More

雖然睇開小妹既分享都好似偏向食日本菜和西餐多，其實小妹都鍾意食中菜架，好似咕嚕肉，金沙蝦球、粟米班球、炒飯等等都係小妹喜歡的菜式。係長沙灣至深水場一帶其實都有不少地道小菜館，仲記得讀書時仲未有開飯網時，是但入左一間小菜店，點左個好好食既黃金蝦球足已令我印象深刻。是晚去左一間位於深水場界限街的小菜館，店子就是在劉皇發中學隔離，地理位置有點偏，幸好有GoogleMap帶路。店內的環境不大，就是簡單的街坊小菜館格局，放了數張圓檯，內裡光鮮企理，還滿舒適的。周圍的牆壁上貼滿了很多不同的菜牌和推介菜式的相片，確實花多眼亂，選擇困難症又來了！(餐牌在文末)餐廳除了一些地道小菜外，仲有各款海鮮、雞煲、水煮魚、潮式小菜，反沙芋、蠔仔粥、蠔仔煎蛋等；其他像脆皮新鮮牛坑腩、柚子明蝦球、豉油王肥鵝腸、原隻風沙豬手等，也是小妹覺得滿有特色的小菜，奈何胃部容量有限，唯有等下次先試吧！我地兩人總共叫了三款小菜和一個炒飯，要讚的是小菜都上得很快。店子也有提供一些飯前惹味小食，裡頭有豆卜、花生和菜甫等，我們都食過不停。薯仔牛柳粒 $98薯仔有煎過，連埋牛柳粒同蜜糖（味道甜甜地）炒過確係惹味！薯仔粒外皮仲帶點微脆，內裡軟腍，如果你牛柳粒可以再鬆化少少會更正。金牌咕嚕肉 $98由於小菜款式太多，所以問左店員有邊款小菜推介，佢就推介左呢款招牌咕嚕肉，咁就一於試下。咕嚕肉連同洋蔥、紅黃青椒一齊炒，可以見到咕嚕肉的份量不少啊！橙色的甜酸咕嚕肉外皮很薄很脆身，和之前在某中菜店食到的冰鎮咕嚕肉很相似！肉質帶爽，酸酸甜甜的好開胃，是一流的送飯小菜。安哥一口蠔 $88老公指明要食的一口蠔，一碟有成二三十隻蠔仔，可見份量十足。蠔仔每粒都炸得金黃香脆，炸粉也不厚，每粒都食到實在的蠔肉，面頭再加上炸蒜香粒和辣椒等，很似避風糖口味，帶微微辣又好香口惹味。澳門燒肉炒飯 $98熱辣辣用鐵鍋上，店員也細心的提示"小心燙手"！加了雞蛋、切丁燒肉、菜框和芫茜一齊炒，飯炒得夠晒乾身，粒粒分明！也因為加了燒肉，食落更會多左重惹味度。初時見到炒飯裡有芫茜真係頗抗拒，幸好芫茜味道不算明顯，不過小妹見到都會照夾返出黎，如可以標明返就更好，不竟芫茜的味道不是人人能接受。部份餐牌…Read More

九龍中部，即深水埗、太子、旺角一帶，聚集了不少鑊氣小炒飯店，這個周末連續走訪了兩家。周五到了安哥食館，街坊飯店的格局，七點左右到達，已有七八成客人。我們來得合時，店子現在正有九折優惠，原來亦歡迎自來海鮮。無需花時間看餐牌，貼在牆上的盡是推介。首次光顧，自然在必食推介中尋。小吃雜錦香物包括炸豆腐、菜甫、花生及魚仔，口感集爽脆香軟於一身，鹹香惹味，佐酒一流。鼓油皇肥鵝腸 鼓油味香濃，見色澤已知入味，鵝腸非常之長而且肥美，定必來自肥鵝，見脂肪組織沾在腸上，邪惡非常，又正時吃鵝腸之最佳貨式，入口肥美爽口且有鼓油之鹹香，滋味得很，這個時候，最好配一杯冰涼啤酒。鵝腸下配上大量芽菜，爽口之外，有助解膩及鹹味。美中不足之處是鵝腸先灼後炒，並不脆口，美味指數扣了半分：4.5/5安哥一口蠔 想不到份量如此豐富，估計有二、三十粒蠔仔，粒粒飽滿肥大，炸至全身全黃焦香，但成功地走面不氾油光，反而沾上炸蒜。入口外酥內嫩滑，蠔仔肉肥有汁，對比明顯，香惹美味，吃至不能停口！找不到不足之處，美味指數：4.8/5乾逼胡椒蝦 心裡懷念著台灣的出品，滿有期望，可惜未能滿足！以黑胡椒及九層塔作主要香料，九層塔香味獨特有霸氣，出位無難度；可惜胡椒香味是有但未夠強，而且只藏在鍋內，雖然亦沾在蝦殻上，但未能逼入蝦肉內。大蝦連殻煎至焦香，蝦香樸鼻，但胡椒之香不足，而且調味未到位，蝦肉堅實，味道有些淡薄，估計是冰鮮貨，稍欠鮮味；蝦殼頗硬，不少蝦頭已經脫落，略有蝦膏。美味指數：3/5鼓汁蒸白鱔 新鮮靚貨，白鱔肉質鮮美彈牙，鼓汁味香，做法對辦。美味指數：4/5澳門燒肉炒飯 非常香惹的炒飯，夠鑊氣，米飯粒粒分明，吸盡醬汁，飽滿不油，切至小粒的五花腩肉香口略脆，成功倍增肉香，簡單的以蔥花、菜粒、雞蛋、燒肉及醬油炒成的飯，惹味非常。美味指數：3.5/5環境光猛整潔，唯獨洗手間設在店外，需從小巷走進，地茂了些；上菜快速，服務符合定位；街坊飯店，小炒到位，價錢合理，我們沒有來錯！…Read More