SARASEI (Hysan Place)

星期二晚行過希慎 basement, 見到D蛋糕好吸引，問咗銷售員D飯糰蛋糕可以多久，佢話可以放2-3日，佢仲提議可以試戚風蛋糕，唔使放雪櫃。結果買咗4件飯糰蛋糕及3件戚風蛋糕，返到屋企先發現，其中3件飯糰蛋糕都係今日（25號）到期的，另外一件就過兩日（27號）先到期。我都明白鋪頭都會賣咗D快要到期貨先，但我問咗可以放幾耐，同埋又唔係買一件，都無理由俾3件仲有幾個鐘就過期的蛋糕俾我架。好彩戚風蛋糕係26號先到期D蛋糕算係幾好食，唔太甜，但$29/件就有D貴。推介三重朱古力飯糰蛋糕！…Read More

今日經過希慎廣場全新潮流生活空間「 URBANHOOD」，被其中一間和洋甜點專門店「更紗制菓 Sarasei」吸引住，店員介紹甜點店是將日本傳統手工藝，融入西式烘焙理念，打造可帶來滿滿幸福感的和洋甜點❤️主打外型可愛的飯糰蛋糕、迷彩戚風蛋糕、創意甜品杯、北海道生乳蛋糕卷等，每件甜點賣相都好吸引😍貓貓脆餅 $150貓貓脆餅是焦糖堅果脆餅，以糯米粉為原料烤製成威化餅般薄脆的貓貓形狀餅皮，並包裹著烤焗過的堅果，再注入香甜的焦糖醬，咬落去口感脆卜卜🫶伯爵茶朱古力飯糰蛋糕 $29士多啤梨飯糰蛋糕 $29宇治金時飯糰蛋糕 $29「飯糰紫菜」其實是班戟皮，中間則是鬆軟的海綿蛋糕包著輕滑的忌廉和煙韌的麻糬，外觀賣相似足御飯糰，幾可亂真～飯糰蛋糕有十款口味，包括焦糖香蕉、三重朱古力、士多啤梨、伯爵茶朱古力、藍莓芝士蛋糕、楊枝甘露、曲奇忌廉、京都焙茶、提拉米蘇及宇治金時等。伯爵茶朱古力蛋糕配合軟滑的慕絲，咬下去有陣陣伯爵茶香味；士多啤梨蛋糕有濃濃的士多啤梨味道，清新怡人；宇治金時即是綠茶配紅豆，不甜不膩，口感清香，係最佳的配搭！開心果士多啤梨戚風蛋糕 $19戚風蛋糕質地濕潤鬆軟綿密質地，選用士多啤梨及開心果製成，而且仲食到粒粒士多啤梨籽，幸福感滿滿。…Read More