Miyaha

今日約左朋友食晚飯，黎到太子都搵左一陣食咩好，見到呢間舖頭除左有日本丼、拉麵、仲有好多甜品，又多抹茶選擇，於是就入左去啦！（抹茶控見到不妨去試下）入到去無耐就揀好食物喇，雖然得2個女仔，不過由於好多款式都想試下，所以最後叫左一個親子丼、一個拉麵、水牛城雞翼、一杯飲品同兩款甜品！首先食左主餐先，親子丼同拉麵都正常，價錢黎講都幾平份量又多！另外，水牛城雞翼比想像中好食，有驚喜！可以一試！飲品方面就叫左櫻花蘋果果茶，可能飲唔慣咁清嘅口味，就覺得麻麻了！甜品方面就叫左個綠茶心太軟同芭菲！2款甜品都有抹茶啱曬我呢d抹茶控！整體來說，價錢合理，份量大！…Read More

同朋友去始創中心買完嘢，就喺附近覓食。行經宮葉 パフェ，見到有好多款芭菲，裝修亦好有日本風格。細個睇卡通啲主角都好恨食芭菲，所以我哋對芭菲都有種情意結。難得搵到間價格相宜嘅日系甜品店，一於試試！因為心太軟焗製需時，所以先上日本紫薯雪糕芭菲~好大杯芭菲！完全係我夢想中嘅樣T^T底層由火龍果、蜜瓜、脆脆米同抹茶凍層層堆疊而成。$48好多時只係買到球雪糕，呢杯芭菲咁多料感覺真係好抵。Top view可以見到配料相當豐富。紫薯蓉薯味濃陏，比較甜，但配埋水果就啱啱好。三色小丸子為芭菲添上日本風情。估唔到又幾黏韌軟糯。雖然三隻顏色都係純糯米味，但口感一流~仲有士多啤梨啫喱，酸酸甜甜，中和咗紫薯蓉嘅甜。原來雪糕並唔係紫薯味，有少少失望。不過佢嘅朱古力雪糕唔稀，仲混入咗唔少朱古力碎，而且一味紫薯都有啲漏嘅...咁就放過你啦XD始終唔係時令，蜜瓜唔夠甜。抹茶凍都稀咗啲。抹茶心太軟駕到~上次食咗人生第一次新鮮心太軟之後就一試難忘，今次一於食抹茶味！賣相極之吸引。抹茶雪糕盛於薄荷綠macaroon之上，中間用cream同士多啤梨砌成玫瑰，睇得又食得嘅擺碟係最值得讚嘅~心太軟比想像中大件，拳頭咁大，呢個價位好合理。抹茶蛋糕外層烘成啡色，邊位又透翻綠色~望到都開心~外皮都係脆脆地，一切就開~抹茶漿顏色唔假，伴隨茶香傾巢而出。因為比較大件，蛋糕皮都比較厚，好在做得濕潤味濃。不過唔同人分就會有點漏，畢竟全是抹茶味。顏色好濃~估唔到唔係喺雪糕專門店都食到咁實嘅雪糕，含水量唔高呀~味道冇心太軟咁濃，比較清香。本身以為只係加色素，估唔到會有陣抹茶淡香！比坊間唔少過甜嘅macaroon出色。同場唔少中學生，配料少啲嘅雪糕三十蚊左右就有~甜品款式豐富，但亦有售拉麵、咖喱飯...都幾適合情侶，可以滿足晒男女嘅口味~…Read More

天氣一開始凍又係女人最愛購物狂出動既時候～Happy Friday放工同同事仔去掃花園術掃平貨再直上聯合～行行下攰攰地就搵地方坐下～ 就係聯合附近發現新大陸－「宮葉」大家都知道旺角聯合花園街個邊大多數都係普通中式糖水，而宮葉就開正而家港女必食既綠葉～咁岩撞正10點幾依D時間，個個都食完飯食糖水，加上佢地方唔算大，都等左大概20分鐘～係等既時候就望下menu簡定食咩先～佢唔單止有甜品，仲有日本定食，價錢方面都唔算貴，$50有一個SET，望入去見到其他人叫個份量都OK，下次可以一試～講返點甜，佢唔止綠茶，佢仲有港人最愛既芒果同士多啤梨～所有甜品價錢都尚算合理等左20分鐘左右終於到朕喇～佢餐廳分左2邊，一邊係普通枱，一邊係高身既bar枱～我地分別叫左日式精選乳酪  $50以$50黎講佢份量都算OK，材料充足，但唔係好明點解叫乳酪。。。明明就係雪糕。。甜品仲配有綠茶蛋糕，日本栗子，日本桃(有點酸)，和菓子，mochi等，下面再配火龍果 (有點奇怪)，早餐脆脆粒，綠茶果凍，好多紅豆整體係視覺上係好豐富，但好似將所有野都放埋一齊，味道方面都係一般甜品味，冇話特別出色，以$50黎講都算係咁啦宇治綠茶心太軟 $46心太軟就等左15分鐘先有，流心心太軟綠茶味有，但唔夠綠茶既苦，同時有好大既蛋黃味，流心得黎有點"傑"身總結就係一分錢一分貨~而甜品黎講佢唔算難食，以價錢講黎講算合理，但冇得同中村個D比～至小係旺角個一條街都搵唔同轉食綠茶甜品既地方～有機會佢其實係主打咸食，咸食就有待下一次機會喇～…Read More