Ushi Shabu

鐘意食野既朋友必選，任食任飲！牛之鍋全新「風味烤鰻火鍋放題」鰻魚烤魚可無限追加（麻辣味、醬香味）食完加湯打邊爐超正😋九周年期間限定無限添加原隻鮮鮑魚、花膠、拖羅壽司😊🍣🍱🍲另有超過150款日本料理+火鍋配料+即製甜品🤗包括：和牛、刺身、海鮮、壽司、炸物、燒物、甜品及多款火鍋配料，仲有汽水啤酒㗎，2小時任飲任食吃到大滿足，記得留肚食埋甜品先走呀，壽星仔女更有生日優惠呢，就快生日要再黎🎂我地揀左B餐：$316（醬香味烤鰻(不辣)+150款日本料理+火鍋+甜品）壽司：口感不錯又新鮮炸物：香脆可口脆卜卜炸鰻鍋：湯底新穎配搭一流，好喜歡的湯底，推薦大家嘗試，而且風味十足又足料肉類：口感好蔬菜：選擇多而新鮮甜品：除賣相吸引燉蛋白口感很滑溜，抹茶芭菲很治愈，食左超開心飲品：種類多，有喜歡的羅漢果水清熱，岩哂打邊爐，甘甘甜甜味道剛剛好，亦有其他汽水可選最喜歡是風味烤鰻火鍋，超讚！店員上菜迅速又有不錯的服務，位置靠近大窩口地鐵站，位於熱鬧的悅來坊，位置好找！😀…Read More

頑皮既小犬讓我第一次體驗到連續工作18小時的滋味，今晚緊係出去食餐好慰勞一下自己先啦！😋近近地出荃灣悅來坊食「牛之鍋」兩小時任飲任食火鍋放題，一人一鍋，多款湯底選擇，而我地就選了冬陰公同花膠荳香魚湯，這裡最值得一讚既是員工上菜很快手，app落單後不用幾分鐘就送到桌上。主打吃牛，美國極上牛肉，澳洲牛肩胛肉眼，牛舌，牛肉切得很薄身，羊肩肉吃不了騷味，最估唔到就是火鍋店的甜品做得這麼出色，一般都是取貨回來，但這裡的甜品可以讓你食出他們的用心製作😋甜品必食推介:宇治抹茶芭菲榴蓮芭菲法式焦糖燉蛋榴槤甘露芒果布甸…Read More

🍲任飲任食火鍋就食得多 今次呢間嘅特別之處係除左有日式刺身外，仲有多款即叫即做甜品🍲晚市放題2小時 $238包括日本料理，火鍋，甜品湯底可選一人一鍋或share 一大鍋 我地揀左比較特別嘅香檸藤椒金湯 湯底濃郁帶有香濃胡椒味🍣第一盆刺身係升級刺身，包括珍寶赤蝦，珍寶帶子，吞拿魚，劍魚腩，花螺。任食嘅有三文魚，甜蝦，希靈魚，帶子等。刺身新鮮，任食推薦 甜蝦 希靈魚。🐮肉方面，每位送澳州手切牛肉一客，牛味甚重。任食推薦英國草飼牛肉同羊肩肉，肉質幼嫩，肥瘦適中🍤揚物很有驚喜，黃金蝦多士同紫心香芋丸 我哋encore左2次。炸得好酥脆，蝦多士隻蝦好大隻 唔會炸到太乾。香芋丸滿滿芋蓉，超級正！🫓燒物同日式料理款式都好多 ，燒物每粒份量比較少 ，比較難食到肉味。日式料理嘅味噌煮蜆都唔錯🍧大家一定要記得留肚食甜品，有多於十款。我食到飽飽都仲試左5款，必試宇治抹茶芭非同軟雪糕窩夫。🍦抹茶雪糕香濃，連埋脆米粒同cream食口感一流。🧇窩夫有濃香蛋味，食落唔會一舊粉咁，同雲喱拿軟雪糕一齊食 冷熱交融。有比較少見嘅糖不甩， 薑味都幾重，好薑者必試其實我仲想食仙草芋圓同綿綿冰，但實在太飽了。🍲呢個價錢可以滿足打邊爐 食炸物 食刺身 仲有任食甜品 真係好抵食😋…Read More

喺荃灣悅來坊搵到間日式火鍋放題料理，未加一都係$228，價錢都幾平，一於試下！有得任食日本料理、火鍋同甜品，日本料理有壽司、刺身、天婦羅、一品料理、沙律等等，好豐富！食物都好快送到，份量都跟足落單嘅數目，去到火鍋嗰邊，可以一人揀一鍋湯底，咁我哋就揀咗蟲草花湯底同壽喜燒湯底，蟲草花湯底都好足料，十分有驚喜！火鍋料亦都好多選擇，肉類除咗有牛肉、豬肉、雞肉，仲有海鮮例如海蝦、廣島蠔、青口、帆立貝，除此之外仲有丸類、豆品類、烏冬等等，如果唔夠，仲可以喺出邊拎多種嘅蔬菜。甜品方面都幾出色，超過十款比你揀，全部都係細細份，食多幾件都唔怕濟，味道幾有驚喜，特別係宇治抹茶芭菲，拍得上出面專食甜品既級數！…Read More

經過悅來坊，見到有呢間餐廳有得食刺身放題加打邊爐，好豐富，而且價錢唔貴，加上肚餓，於是入左黎😂😂入到去果然無失望，有好多配菜，野飲選擇多，醬料區都好豐富👍🏻👍🏻🌟 胡椒豬肚湯底 x 蟲草花松茸湯胡椒味香濃，豬肚爽脆，湯底煲左好耐，味道都好濃郁😋蟲草花松茸湯，清甜，好香既松茸味道，配打邊爐一流😋🌟刺身x 炸物刺身新鮮，鮮甜，炸物即叫即炸，芝麻雞翼香脆，榴蓮炸彈外層香脆，做到流心效果，鍾意食榴蓮既朋友必點，小弟都食左6粒😂天婦羅都係一樣即叫即炸，粉漿唔會太厚，好鬆脆，必食之一😋🌟美國極上牛肉 x 紐西蘭羊肩肉牛肉新鮮，即叫即切片，牛味濃郁，切得唔會太厚，而且大塊，打邊爐時唔會散哂👍🏻羊肉無羶味，新鮮，有好重既羊肉味，切點😋🌟 甜品：宇治抹茶芭菲抹茶芭菲好多配料，抹茶雪糕濃味，唔會太甜，丸子🍡口感彈牙，雪糕中間有脆脆，最底層有啫喱，好豐富，有去左日本餐廳既感覺😋…Read More

荃灣出名多放題火鍋店，之前住荃灣的朋友都介紹過幾間，但今次他帶我來到悅來坊食，同層還有幾間酒樓，住在附近的朋友有口福～——————————🔹刺身/壽司這裏的刺身款式不算太多，但都有我最想食的幾款(三文魚和甜蝦)～三文魚厚切肥美，甜蝦大隻而沒有腥味😋帶子很軟滑😝 整體刺身質素不錯~壽司叫了花之戀、鰻魚壽司、加州反卷、海膽手卷等等，其中花之戀太多沙律醬，對於唔太喜歡食沙律醬嘅朋友，就有點太膩；海膽手卷鮮甜，紫菜新鮮脆口，似係新鮮包🥰-🔸炸物/燒物這裏的炸物和燒物質素不錯，所有食物都是熱辣辣，芝麻雞翼和榴槤炸彈encore三次，芝士春卷算是比較特別，未試過係其他放題店見到😝一咬開入面勁濃郁芝士味，好好食～-🔹一品料理醬汁金菇肥牛卷、醬汁牛舌和黑松露牛油粟米都是我和朋友很喜歡食😋 肥牛卷煮得入味多汁，但牛油粟米太重黑松露味，還有點不夠熱😖-🔸火鍋湯底今次想食得清淡啲，就叫咗清甜椰青湯。這個湯底有淡淡的甜味且不會油膩，啱晒食完炸物再食火鍋！-🔹火鍋料我們四種肉都有叫，每樣都切得薄薄一片，我和朋友特別喜歡美國極上牛肉，牛味濃且脂肪較少👍🏼其他配料質素普普通通，有我最喜歡的響鈴卷😍 還可以出面夾菜，就一定唔會食唔晒☺️-🔸甜品每次食完放題火鍋，最後點都會留肚食甜品❤️餐牌上的甜品大部分都有叫，其中宇治抹茶芭菲最特別，抹茶味濃，底下還有甜甜的紅豆😍榴槤甘露更加encore兩次，店家非常用心，勁多榴槤蓉，好大方❤️❤️整體甜品可算是數一數多款，而且好高質素👍🏼👍🏼…Read More

雖然呢排好熱，但係都無阻阿魚打邊爐的決心！.因為去左荃灣行街，上網睇見到悅來坊有間打邊爐，所以就去試下～～～.🐟💬：.上到去悅來坊2樓，就見到餐廳了.餐廳都幾闊落，如果想坐卡位，記得要出聲，餐廳職員會幫手安排！.原來呢到唔止邊爐，重有刺生仼食，一次過滿足阿魚想食邊爐又想食放題的願望！.阿魚同朋友叫左2個湯底：（1）椰子🥥北海道牛乳湯，重奶味，幾正（2）蕃茄薯仔牛柳粒湯.講下幾樣必叫的野食先：.（1）美國牛肉，肥瘦適中，竟然會好過極上牛肉😱（2）三文魚刺生，幾肥美！（3）海膽魚子壽司！好正，海膽都幾新鮮，細細舊可以食多d！！（4）天婦羅同炸蠔都係即炸，熱辣辣😍😍.🐟FISH'S REMINDER🐟💡阿魚提醒💡.（1）有生雞蛋仼拎！（2）記得留肚食甜品呀！（3）要坐卡位，記得入座時要求呀！（4）蔬菜🥬、飲品都係出去仼拎的.🐟📝：8/10.🍽🐟📝📌牛の鍋 📍 荃灣荃華街3號悅來坊2樓202號舖（港鐵荃灣站 B2 出口, 港鐵荃灣西站 D 出口）📞電話: 26138178⏳營業時間：星期一至日12:00 - 23:30…Read More

朋友搬左黎柴灣之後就好少返荃灣食好西,有日佢心血來潮叫我收工配佢去大邊爐.反正天氣涼左,都係好時候!鍋底佢有唔少選擇,但我最想試係椰子北海道牛乳鍋,美顏滋潤嘛XDD等去滾之前,可以出去蔬菜吧度自己夾蔬菜有好多紙包飲品~~醬汁都有幾款,最特別係柚子醋!點牛肉都幾特別架未食shabushabu之前,呢度都有多款食物可以食~~~好似刺身類:鮑片﹑北寄貝﹑三文魚我覺得北寄貝最好食，食到新鮮味道口感都好彈牙，三文魚都幾有咬口，而且唔會有腥味前菜我就叫左基本野：蟹籽沙律﹑芝麻八爪魚﹑味付螺肉Ｄ前菜份量剛剛好，２個人每樣都可以食ＤＤ又唔會太飽～當中蟹籽沙律最好食，Ｄ青瓜絲好新鮮好爽脆，螺肉都好入味好好咬黑松露牛油粟米鐘意重口味的話呢個就o岩曬你啦～～一睇就知道黑松露超級多，入口咸香豐富，不過未必個個接受到黑松露壽司類都不錯，腐皮壽司有驚喜！腐皮好甜，裡面Ｄ飯一Ｄ都唔林唔散，加上size剛剛好一口ＫＯ，食得過！加州飯卷同芒果吉列蝦卷感覺差不多，我自己係比較淡口味的，所以沙律醬我只係食左少少，其實咁樣都已經好夠味～～炸物類又如何呢？佢就完美滿足左我朋友嘅願望！榴槤炸彈朋友表示榴槤控需要叫10粒！首先上台已經好重榴槤味，咬落去中間Ｄ榴槤餡爆曬出黎，真係超足料！黃金炸生蠔細細件，但外層唔係後，所以生蠔部分都有好多，裡面依然嫩滑，就咁食都好好食！紫心香芋丸係本人至愛～～～香芋味一咬即刻飄出黎，雖然裡面全都是芋頭，但佢唔會太甜又唔油，食多幾粒都無問題！搞一大輪，終於都開始淥野～～order紙有一張高級肉名單，４款裡面，最好食係極上牛肉，當然其他其實都好高汁：美國極上牛肉脂肪成分非常少，可以放心狂食！牛肉牛味最重而且入口即融，因為薄薄地食都食得方便Ｄ～～美國牛肉比極上厚身少少，雖然無前者咁濃牛味，但換來更出眾的口感，似平時食開的牛肉，點麻醬食都幾夾呢～～紐西蘭羊肩肉一向都好驚羊會好羶,佢又唔會wor,不過口感夠厚實,又有D脂肪,都幾容易入口特選豚肉咁多款肉類口感最豐盛一定係特選豚肉,因為比其他厚,所以一定要淥耐少少先好食.肉質彈牙而且油脂豐腴,好適合要風味嘅朋友呢度值得一讚嘅係好少機會浪費到食物,因為你寫一件佢真係只會上一件,o岩曬我呢D眼闊肚窄嘅人~~BTW 廣島蠔都幾有份量,好飽滿!而土魷魚就相當爽口,建議大家一次叫多幾條~~墨魚滑墨魚滑超可愛,一人份好迷你,剛好可以一人一球~~~味道黎講佢都好彈牙,幾鮮芝士波波腸呢個都幾特別,好少見到圓碌碌嘅腸仔,外皮好爽脆,咬開裡面真係會爆芝士!食完一輪宜家先係重點!!就係甜品環節!!呢度最大特色就係有超多即製甜品,主打,係佢!仙草芋圓感覺好似食緊涼粉咁,芋圓好好咬仲幾重芋頭味,加上有珠珠,口感豐富又唔會太甜,正!宇治抹茶芭菲+扭紋抹茶新地兩者基本上相似度80%前者綠茶部分多D,後者加埋雲呢拿雪糕.抹茶雪糕微微滲出綠茶澀味,剛好可以降低甜度,配合小丸子同脆脆增加口感,果然係推介軟雪糕窩夫大家唔好因為覺得好簡單而唔叫呀!呢個係5星之作!首先軟雪糕本身已經超好食,好奶好滑,加落超脆蛋味濃郁嘅窩夫真係高質,不過記得要趁熱食!榛子朱古力香蕉pancake賣相精美,裡面一半以上都係香蕉,上台時仲係熱辣辣,撈埋朱古力醬食確實係絕配呢整體甜品都係唔錯的,我仲要特別推介榴槤甘露,聞都已經聞到強烈榴槤味,入口榴槤密度相當高而且好水潤,榴槤控再度高呼要encore,重點係唔會太甜,好少地方有呢個甜品,食榴槤的朋友不妨try try~~~…Read More

今晚住在荃灣的好友約我去荃灣「牛之鍋」吃飯，本身是九龍人，少有去荃灣吃飯😅 餐廳位於荃灣悦來坊，出荃灣地鐵行約10分鐘左右，我到步後已見朋友坐低並向我招手，走埋去看到火鍋滾燙著冒出蒸氣，似乎朋友已準備就緒，萬事倶備，獨欠我😽朋友喜歡吃辣，知我怕辣，叫了鴛鴦湯底，看著冒出的誘人麻香，使我不其然也想試試麻辣味道😋 此時朋友問我喝什麼，我趕著走過來沒有主意，說聲隨便就可，誰知朋友遞上Jolly Sandy令我喜出望外，天時暑熱飲罐Jolly Sandy 的確不錯😊 現時超市賣的Jolly Sandy不便宜，此餐廳讓顧客任飲，真濶绰。我們傾了一陣，食物陸續送到，先來是壽司及手卷，味道是標準以上水平，飯粒微微黏的軟硬適中，醋酸度也不錯，好吃。而炸物方便，炸蠔外脆內暖，豪氣一啖一件絕不手軟。天婦羅也炸得好吃，不會太厚粉咬落更爽脆。此外，火鍋配料應有盡有，選擇豐富，想食的都有提供，而且也新鮮不欺場。最特別的是甜品，好吃得像是主角一樣絕不遜色，因為一般放題店將甜品放在次要位置，所以食客對甜品的要求只是食飽就算，相反，此餐廳提供的款式及味道俱佳，當中“宇治抹茶芭菲”的造型簡直與日式茶座出品的賣相一模一樣😻😋雪糕底下有小米果、紅豆、湯圓與果凍等等，一層又一層，吃完真是超滿足😻😻😻「牛之鍋」一改我對放題店的觀念，食物選擇多元化而質素不錯，每款食物皆有水準，尤其甜品是值得再嚐，下次定與朋友再度光顧😋👍🏻…Read More

今日入左荃灣搵朋友食飯，我地上網見到呢間好似唔錯，就決定試下。都有好多款唔同嘅飲品，連啤酒都有！火鍋豉油同醬料當然唔少得喇！仲有雪糕既toppings比客人自己按喜好加！一共有九類食物任你點！仲有好多唔同既菜類自己拎，野食多到數唔哂，包你食到飽！我地點左椰香沙嗲同壽喜燒，本身對沙嗲湯底無乜興趣，但係點知好好食！因為佢加左椰汁，令到成個湯底都好香，係充滿住椰香，非常惹味。反而壽喜燒就比較普通，無乜特別。然後就有兩碟牛同一碟豬放左係個架到，呢個設計我覺得幾好，慳位之餘又幾靚。<美國極上牛肉>呢款牛肉好好食，好腍好嫩，都好有牛味！<美國牛肉>呢款就好似肥肉咁，我覺得極上牛肉個牛味會香啲。同埋呢款略嫌肥左少少。<特選豚肉>薄切嘅豚肉，雖然都肥左少少，但係幾好食，好滑，好腍。另外如果想食好啲，就可以追加一碟澳洲和牛肉200g一碟$118(任食每位加$158)或者日本黑毛和牛肉200g一碟$178(任食每位加$198)。勝在可以加一碟，啱晒啲想食好少少又食得唔多嘅朋友！呢到仲有紐西蘭羊肩肉，不過我同朋友都唔太好羊，所以都無叫。<刺身>一共有十款三文魚、螺片、八爪魚、墨魚、鮑片、帶子、北寄貝、赤貝、有頭甜蝦同埋希靈魚。三文魚、墨魚、帶子、北寄貝、赤貝同有頭甜蝦都好好食！三文魚肥到好似三文魚腩咁；墨魚幾爽口幾好味；帶子都算好鮮甜；北寄貝爽口鮮甜；赤貝勁爽勁好食；有頭甜蝦都好甜好肥美。好少有火鍋放題嘅刺身咁高質！<火炙和牛壽司、 火炙三文魚腩壽司>呢兩件壽司就普通，不過不失。<黃金炸生蠔>不得了嘅炸生蠔，即叫即炸，熱辣辣，一咬落去仲有蠔嘅汁咇出嚟，超級juicy，勁正！仲有好多火鍋配料，不過我哋食得少所以叫咗少少食，以免浪費。值得一提白蘿蔔好鮮甜；韭菜豬肉餃都幾好食；芝士波波腸好芝士，鍾意芝士嘅朋友一定要試吓；其他食物都好正常。最後，亦都係全晚嘅重點，甜品！呢到嘅甜品真係令我好有驚喜，從來未食過任食放題入邊有咁好食嘅甜品。個宇治抹茶芭菲同埋窩夫我哋都要再Encore。<宇治抹茶芭菲>抹茶味雪糕唔會太苦澀，配上一啲朱古力嘅脆脆，又係好夾好好食。<軟雪糕窩夫>窩夫外脆內軟，配埋個軟雪糕好好食好香牛奶味，加上士多啤梨同埋小小嘅煉奶真係勁勁勁勁勁好食。<芒果班戟>芒果班戟就不過不失。我都幾推介大家去食，價錢合理，食物質素都幾高，而且服務都唔錯。最重要可以一晚食到刺身打邊爐再加上好好食嘅甜品都係$260(連加一)，我覺得算係咁。…Read More

之前見過網上有媒體介紹依間火鍋店，話佢同一般嘅火鍋唔同，仲做埋日本嘅刺身壽司，又有平時食放題可以叫嘅小食，睇落啲嘢食質素唔錯就嚟試吓夜晚七點鐘入座，入面已經滿左七八成座位。揀好湯底之後，店員會比一本簿你落單揀火鍋配料。另外其他蔬菜同麵食就喺大堂夾嘅，飲品只要係雪櫃自己攞就得枱上面有個架可以俾你放幾碟嘢食上面，唔怕叫得太多張枱冇位放壽喜燒同蕃茄薯仔牛粒湯美國極上牛肉呢款牛肉脂肪較少，每一塊都係薄切，輕輕一淥就食得，牛肉味濃美國牛肉呢款冇影到相，冇咗極上兩隻字，但我更加鍾意呢款，因為佢脂肪較多，食落有油香，口感更佳特選豚肉意想不到咁好食！比起上面介紹果脯美國牛肉更加有油香。本身豬嘅時間淥得比牛長，但佢咬落肉質更腍更好味呢度仲有海鮮食，叫咗日本廣島蠔、印尼海蝦、墨魚滑等等，海鮮新鮮無腥味，size不錯，唔會細隻到肉都無啖特別推介呢度嘅烏冬！雖然唔記得影，但呢個烏冬係好煙韌，唔係嗰種煮一煮就腍，而且煮耐左都仲keep到個種韌度！超級推介！！！😍刺身size有驚喜，冇諗到啲三文魚仲厚過元氣嗰啲，不過叫刺身嘅朋友記得一上枱就快啲食，如果唔係火鍋啲熱氣會攻到啲刺身變暖另外like同share佢Facebook一個post就會送一碟澳洲和牛肉。份量幾好，每人都有兩三塊左右，脂肪分布均勻，牛肉味更濃，呢款淥3秒左右就食得，切忌煮得太耐上菜速度唔錯，而且冇漏單，寫單上面有啲配料一件件計，寫兩件係比兩件，唔怕咁易俾人浪費食物。店員人數都足夠，唔會話等好耐先有人依家火鍋質素幾好，值得推薦比一啲嘴刁嘅朋友嚟食～…Read More

在荃灣逛得筋疲力竭，因為太多商場可以逛了行到最後只是走馬看燈!正正是晚飯的時間我和朋友便隨手選擇一間放題形式的火鍋刺身甜品店！順道醫一醫肚！因為真的是太餓了，一整天沒吃什麼！根據地圖走一走這間店只是在悅來坊的2樓非常好找！去到門口比想像中闊落因為是開放式的門面感覺整間餐廳都好大！入到去已經見到有唔少人晚餐中！侍應安排我們二人坐一個好舒服的卡位！食放題類似形式的一定要坐得舒服！因為時間唔短！可以慢慢食慢慢坐！這裡供應一款係包火鍋及甜品的放題或者包火鍋及甜品及日本料理的放題...又可以選擇單純食晒兩種類至嘅放題！我倆選擇付出多少少來一個大滿足！兩樣都試哂！哈哈...點餐紙嘅種類比想像中多！有：「沙律、一品料理」「炸物、天婦羅」「燒物」、「火鍋料」、「日本料理」、「甜品」你可以在點單紙自行點選喜歡的食物或者自己出去自助區取也可以！出面都有好多款式可以選擇！但是蔬菜類為主呢！見到都開心!枱上會有兩個大碗俾你自己出去夾野食的！湯底是免費的！壽喜燒及蕃茄薯仔牛粒  也很吸引...最後還是點蕃茄薯仔牛粒了...沒有加18蚊點雙拼！濃旭蕃茄味，仲有些薯仔粒！點了湯後即刻出去拎醬油發飲料！呢個行為就係預備我要開始瘋狂大吃特吃啦...飲料選擇都多款式！醬油亦有我喜歡的芝麻醬！太好了！刺身是放題中的Opening！點了些甜蝦、三文魚、八爪魚、墨魚、北寄貝等等！好新鮮啊都算甜！喜歡切得厚厚嘅三文魚呢度嘅上菜速度超快！！！壽司都到啦...嚟嘅數量準確！壽司細細件非常好！飽滯感即刻減少！又可以試多少少嘛！款式都幾多！火炙系列係我最愛...我覺得有火炙和牛同火炙三文魚腩壽司好好食啊！必點肉類都好快手咁登場啦...包左四款肉類：美國牛肉、美國極上牛肉、羊肩肉、黑豚肉仲每款分大份同細份，我地每樣叫左一碟！因為真係食得哂先好嗌啊！最怕就是浪費:)豚肉脂肪最多但夠哂薄！員工話係即叫即刨！食得出係新鮮有豬味的羊肩肉因為蕃茄薯仔牛粒湯底而去除腥味及肉羶味！淥幾秒就食得~!美國牛肉及美國極上牛肉較為滑嫩！睇相就知道質素不錯吧！每塊肥瘦相當分明！牛味濃旭！任食來說是非常好的！完全係食肉獸的天堂炸物值得提提～炸粉非常薄而且上枱時新鮮熱辣！無炸過龍芝麻雞翼、蟹棒天婦羅同榴彈炸彈是我的最愛，惹味十足！榴彈炸彈好香並且有榴槤肉在內！好味火鍋配料樣樣點了少少，丸類、響鈴、芝心包、海蝦、凍豆腐、粟米流心丸等等！粟米流心丸幾特別的！配料都算多樣化！記得留肚食甜品！記得留肚食甜品！記得留肚食甜品！重要的說三次！因為呢度嘅甜品比想像好吃多了！可以說是壓軸登場！好少火鍋放題有咁多款甜品選擇【宇治抹茶芭菲】、【抹茶新地】、【榴槤甘露】極力推介！其他都不錯有駐場甜品師傅即叫即制所以款式比外面的精緻...而且味道亦非常有驚喜！唔會過甜！【宇治抹茶芭菲】雪糕味濃又甘又夠滑！有幾層在內...底層啫喱同面層的白玉丸子好Q彈！整個充滿綠茶味【榴槤甘露】有絲絲榴槤肉在面！入面甘露香滑！榴槤控感該都會覺得合格的！小總結...服務不錯...環境舒服...食物質素高...價錢係優惠時段好抵食...推介的！…Read More

今次係第二次食，所以都係揀左晚市放題A，主打食日本料理同甜品。比上次進步既係刺身，全部都好新鮮又夠凍。三文魚切都得幾算厚，北寄貝同八爪魚都幾有咬口，所以兩個人都叫左三轉剌身。至於前菜必食既係中華沙律同芝麻八爪魚，凍凍地，加埋八爪魚既醬汁夠哂開胃。第一round壽司叫左三文魚、火炙三文魚腩、燒鰻魚同松葉蟹棒。值得食既係三文魚同燒鰻魚壽司，不過第二round既三文魚切得太薄，如果可以厚啲就好啦。火炙三文魚腩普通正常，蟹棒我就覺得可以硬啲，鐘意淋身啲既可能會鐘意食。之後仲叫左其他炸物，但一定要試既係芝麻雞翼！雞肉幾嫩而且size正常幾大隻，上枱既時候都仲熱熱地，食落真係有啲芝麻香。蟹棒同大蝦天婦羅味道係ok既，但略嫌唔夠熱，如果可以熱辣辣上枱一定會好味啲。輪到不得不叫既甜品！呢個係宇治抹茶芭菲，上次無試今次一試難忘，值得食！最上層有抹茶雪糕，配埋中間既coco可可脆粒同cream食可能更好、最底層有啫喱都可以一齊食埋。上次都食過既斑戟同綿綿冰，水準同上次差不多，充滿芒果既味道。呢個係軟雪糕窩夫，上次好似太飽無食，今次食翻，都值得一試。窩夫好軟熟，又唔會太甜，一個字正！而軟雪糕我就自己去左雪糕配料區度加朱古力碎同粒，仲有椰果同迷你棉花糖，隨個人喜好添加，食落就更合我心意。講起配料，依家打邊爐無左自助食料區，變多左枱櫈比更多客人入坐，所以邊爐食料變左人手落單了，都好既，可能大家會等少左時間。不過醬料同雪糕配料就仍然比大家自助形式咁攞，位置好似係唔同左既，但都係係飲品隔離。…Read More

窩夫與蝦子餅已經數不出今年冬天吃了多少次火鍋，日前試了荃灣牛の鍋的日式火鍋放題，選擇A有齊日本料理、火鍋和甜品，平日晚市成人收費每位218元，只吃火鍋和甜品的話，每位只需168元。兩小時任食任飲，飲品可選樂怡仙地或獅威啤酒等。除了醬油，還有窩夫喜歡的芝麻醬和柚子醋。可按個人喜好在醬油裡加入生熟蒜、辣椒和蔥粒等。火鍋配料選擇很多，自助吧提供蔬菜、菇類、年糕和芋絲等。肉類和海鮮等要劃紙仔落單，肉類可選大碟或細碟，像窩夫與蝦子餅二人行的點細碟便可試更多種類的食物。桌面的空間有限，餐廳特別準備了這個架方便客人擺放火鍋配料。湯底方面，窩夫與蝦子餅選了蕃茄薯仔牛粒湯。印尼海蝦、紐西蘭青口、日本廣島蠔、牛骨髓和墨魚滑等，水準不錯。特選豚肉。美國極上牛肉。紐西蘭羊肩肉。其他火鍋配料有粟米流心丸、腐皮響鈴和凍豆腐等，窩夫第一次吃粟米流心丸，誠意推介給喜歡粟米忌廉湯的朋友。蔬菜的選擇很多，有菠菜、油麥菜、唐生菜、粟米、蘿蔔和冬瓜等，全都很新鮮，洗得很乾淨。日本料理中的刺身是必點的，共有十款可選，窩夫與蝦子餅點了三文魚、螺片、八爪魚、墨魚、鮑片、帶子、北寄貝、赤貝和有頭甜蝦，窩夫特別喜歡墨魚和帶子。日本料理還有壽司、卷物、燒物和天婦羅等，沒有上鏡的醬燒牛舌燒得比較乾，可以不試。牛の鍋提供的甜品不是放題常見的杯裝雪糕、雪條或雪米糍等現貨，而是有誠意製作的的甜品，部分更是即叫即製的。在16款甜品當中，窩夫與蝦子餅點了首爾香蕉班戟，還有沒有上鏡的荔枝奶凍、咖啡奶凍和京都豆腐慕斯。壓軸登場的是宇治抹茶芭菲，軟雪糕的抹茶味夠香濃，配料有白玉、紅豆蓉和脆米等，製作一點也不馬虎，一定要留肚最少吃一杯。…Read More

😫前幾日俾爸爸投訴我，依排剩係同媽媽行街食野，唔預佢囉。🤷🏻‍♀️男人呢...唔好睇佢平時唔點出聲，其實呢...好鬼留意你既一舉一動有時仲好鬼小器tim🙆🏻‍♀️平時唔多肯出街，但又眼紅我同老媽子既溫馨時光-爸爸👨🏻一時話要打邊爐，轉頭又話想食放題 🤷🏻‍♀️三心兩意唔係女人既專屬特質經朋友推介，book 左依間餐廳滿足哂👨🏻既願望，同埋我好想試下佢既綠茶甜品🤤-食物種類好多選擇 花多眼亂1️⃣🌟火鍋方面🌟先點左個雙拼火鍋湯底（雙拼加$18 ）「九州豬骨湯 + 蕃茄薯仔牛粒湯」乳白色既濃湯，濃厚豬骨甘香蕃茄酸酸甜甜，不帶有半點油膩-2️⃣🌟火鍋配料方面🌟➡️🎁三週年Promotion ，讚好Facebook 有澳州和牛肉有一股甜香的牛油味道，口感嫩滑，沒有筋膜，入口即化 🤤-➡️美國極上牛肉色澤不錯呢油脂分佈平均，肉質嫩滑，牛味濃郁-➡️仲有自助蔬菜吧🥦🥒🥕🌽🥗蔬菜夠嫩綠新鮮👍🏼-3️⃣🌟飲品方面🍻🥂🍷🌟🤩啤酒任飲岩哂千杯不醉既老豆-4️⃣🌟放題方面🌟主要係沙律、刺身、燒物、壽司及天婦羅❤️刺身食左兩Round 三文魚厚切新鮮，赤貝帶子都爽甜-❤️必食芝麻雞翼皮炸得香脆，但又唔會好乾硬大大隻雞翼，淡淡既芝麻香-❤️👨🏻最愛醬燒牛舌、燒菠蘿、蕃薯🍠仔同海蝦🦐有水準呢 ～-5️⃣🌟甜品方面🌟甜品真係意想唔到咁出色水準可媲美酒店buffet ❤️最愛宇治抹茶芭菲綠茶甘香微甜，雪糕香滑芭菲層次口感豐富粒粒脆脆、香滑泡沫cream; 綠茶啫喱水準頗高隔離台個男人食左4杯🤭-❤️令人喜出望外既軟雪糕窩夫窩夫熱辣辣，既鬆化又香脆唔會又硬又實食完唔會過份飽滯👍🏼-❤️咖啡奶凍、京都豆腐慕斯咖啡味香濃少甜豆腐慕斯香滑，豆味濃郁微甜👍🏼-爸爸同佢既前世情人撐台腳好滿足呢💕…Read More