Modern China Restaurant (Telford Plaza 2) (Closed)

其實依照地點、裝修、服務，金滿庭又不是特別貴。北京烤鴨- 片皮鴨質素不錯，皮脆肉嫩，肥瘦適中，配料亦足。美中不足是薄餅太像越南春卷皮般太有彈性，又近乎沒味。生菜鴨崧- 叫北京烤鴨再加$78的第二道菜，炒得味道一流，但生菜份量有點不夠。砂鍋雲吞雞- 比起吃過的所有砂鍋雲吞雞都驚喜很多，首先只係半隻雞都好大鍋，大約分到十個細碗十隻雲吞。湯味好濃、菜味好甜、雲吞彈牙、連"湯渣"的雞肉都夠味不乾。看到餐牌另有四份一隻版本，相信二至四人都可試試。招牌燻魚- 醋味較重，雖然煙燻味不重，但因為魚件夠大，都算好食。雞絲粉皮- 醬味濃的普通雞絲粉皮，價格及份量偏向是一味小菜。脆皮素鵝- 份量多，燻香味重，但外皮沒其他餐廳的脆。鮮肉小籠包- 肉的口感及湯汁味道都不錯。嫩雞煨麵- 夠大碗，夠味夠料。只是我在JADE吃過更好味的，比起金滿庭，JADE的連麵都入味及湯底極濃。豆沙鍋餅- 奉送免費的，外皮沒其他餐廳的脆。薑茶湯圓- 奉送免費的，薑味非常香濃，湯丸煙韌。…Read More

收工餓餓地，就提前電話落單，外賣自取德福金滿庭既嫩雞煨麵，去到直接有得拎，爽快👍🏻佢地將湯、麵分開上，唔怕浸到個麵林哂，食果時先倒埋一齊，不過可能時間耐就乾硬左，要浸番下。個麵有菜有菇有雞粒，雞粒有點柴皮，上湯都ok，正正常常咁，份量偏少點。…Read More

今餐是客人請的，次次和九龍灣德福廣場的客人食午餐都是來到這裏，因為任坐任傾，地方夠大，食物選擇方面餐牌夠闊，實有幾款啱你。1. 奶油津白，個汁感覺比較肥膩，傾計傾來左食落去特別有這種杰撻撻嘅感覺。2. 嫩雞煨麵，營養師話係減肥之選，金華火腿湯並不燶，最好就係比一般上海餐廳多了草菇，味道同口感都豐富很多。3. 有豆腐粉絲湯是客人點的，既然沒有上海油豆腐的供應，我覺得還是不做好了，不好味。4. 醉雞，可能有雪櫃攞出黎不太久凍得滯，有啲琼左嘅脂肪，感覺不討好。其實這個份量兩個人食實在多了一點，應該可以省了油豆腐粉絲湯，但係環境比較舒適，適宜商務午餐。客人話買單$366，平均每位消費$183。…Read More