Kopitiam Bagus.Bagus

#🍎👧🏽行經深水埗想食碗蝦麵🤤無意中發現一間同蘇媽·蘇媽相似度十足嘅馬拉菜😲 由門面到食物款式都好似🙈仲要兩間都排曬隊 一於試吓邊間好食啲先~🔻鮮牛油咖央多士🥪($29)咖央多有三件 都脆嘅但可以再熱啲 咖央醬份量唔算多但偏甜🙈 加埋牛油嘅軟滑真係超邪惡!!😼 不過美中不足係牛油厚薄不一🤔 🔻舊街白咖喱麵🍜 ($65)🔻檳城福建蝦麵🦐 ($65)🔻娘惹喇沙🌶($65)三碗麵嘅配料都大同小異 有蝦 魚片 豆卜 仲有通菜同芽菜 👧🏽最鍾意呢種短肥芽菜🤣好清甜~白咖喱麵多咗兩件豬紅 福建蝦麵就有豬腩片🤪湯底方面 白咖喱相對清淡 椰漿味較突出 唔落辣醬的話成碗麵係完全唔辣的🙈喇沙湯就係微辣呢度嘅蝦湯比較清 冇蘇媽·蘇媽嗰碗咁橙紅色 蝦味都重但鮮味爭啲 不過最大問題係麵質偏淋☹️🔻馬來亞拉茶🌱<熱> (跟餐+$8)🔻怡保白咖啡☕️<熱> (跟餐+$8)拉茶嘅茶味好濃 微澀白咖啡都好香滑但比拉茶略甜~(整體都係私心蘇媽·蘇媽🤫)－－－－－－－－－🍴食物：6/10🏝環境：5.5/10🛋服務：6/10💲價錢：6.5/10💥翻兜指數：6/10✨CP值：6/10…Read More

來到深水埗，想吃馬拉菜，於是第一次嚐嚐這間門口長期有很多人等位的捌哥。店內掛有多幅怡保既相片，裝修有馬拉風，店入面仲有座位安排比我們等候，唔洗企門口熱等了廿分鐘左右入席，我們點了很多食物。這裡是要自己落單的，對住餐牌寫返要食既no.落完單，即上肉骨茶既湯，免費任添，湯好重藥材味不錯最推薦吃我知你啦薄餅，熱辣辣，醬汁好配咖咉多士，芽菜雞，肉骨茶，炒菜，喇沙面都好好味全部都要點！店員服務也不錯，值得常吃最後3人吃了$404，咁多野食算抵啦…Read More

係深水埗睇完鋪當然係該區覓食，選人氣食店食晚餐😋今次選了捌哥捌哥，環境較大舒適，裝修有特色，適合打卡！馬拉菜食物較特別！終遊說到嘴刁大少 Raymond Hei Chan 大駕光臨🤣🤣以為晚市會少人，但都多人要等位！老公等位時，我就周圍逛逛睇鋪。原來 汝州街 都多美食餐廳，有些餐廳都幾full。等了20分鐘後，終於可以入鋪內等位區，一邊坐住等一邊選食物。間鋪好細心呀，安排座位俾人坐住等。因為限制令😷 關係，坐得較鬆動及唔駛同人搭枱😌 當然等的時間會較耐🤣 好多特色食物想試，最後選了細滲（雜錦肉骨茶）、娘惹喇沙、鮮牛油咖央多士，玻璃魷魚蕹菜，魚仔醬蘿蔔糕，仲送左辣魚蛋🌶 添（唔知點解呢）。🥪鮮牛油咖央多士：最緊要係唔會燶底又夠脆香口！醬料份量適中，牛油咖央好match,唔會有膩感👍😋🍲肉骨茶：有些藥材味，飲完唔會渴，我鍾意食豬手，豬肚及豬腸😋🍜娘惹喇沙：麵彈湯濃，滲滿辣味既豆卜好好食🐠魚仔醬蘿蔔糕：蘿蔔糕較淡，加點魚仔醬較香惹味🐙玻璃魷魚蕹菜：魷魚彈牙，蕹菜雖淡，適合連同醬汁一起食肉骨茶可無限refil（如果你有無限既胃）👍下次想日頭來試飲拉茶及其他美食！會再encore肉骨茶、娘惹喇沙、鮮牛油咖央多士👍😋 深水埗對於我地來講較遠，希望佢地快來港島區開分店😁#MagicCherry攻飲食 🍒🍽 #MagicRaymond#嘴刁Raymond #Openrice😋#Cherry攻商鋪 #馬來西亞美食…Read More

疫情嚴峻，口罩價錢未見回落，最近就去咗深水埗買物資自製布口罩，難得黎到深水埗呢個美食天堂，當然要搵啲特色食物啦。🤤今次就試咗呢間捌哥.捌哥特色馬拉茶啡廳，個人最喜歡係娘惹喇沙，喇沙湯底充滿龍厚嘅椰奶味香，一啲都唔辣，所有配料，蝦、豆卜、魚蛋都浸滿喇沙的味道，尤其是豆卜特別入味，和喇沙嘅味道很合🍜👍🏻。除咗喇沙麵，仲叫左兩款小食，第一款係咖央多士，多士入面塗了一層滿滿嘅咖央和牛油，咖央充滿香甜嘅椰醬，再加上牛油，十分邪惡🥥！另外一款嘅雞肉串燒，雞肉嫩滑，無烤過龍，沙爺醬汁好惹味，隔離配上青瓜，食到飽飽可以冇咁膩🐓。最後，當然一定要飲返杯馬拉特色嘅拉茶啦！曾經係馬來西亞飲過，茶淡奶重，口感幼滑，而捌哥嘅拉茶完全飲返馬來西亞口味。喂，老闆多來一杯丫，唔該☕️！…Read More

馬拉菜最近係香港愈開愈多，有幾間雖然舖頭名唔同，但係餐牌上嘅食物都有八成相似，唔知其實有無關係嫁呢😯不過個晚見捌哥.捌哥唔洗等位，所以就直接入去試下啦🧐**********<娘惹喇沙> $61喇沙可以話係馬拉菜嘅代表作，食下就知間餐廳嘅功力去到邊😂依間嘅喇沙個人評價就一般，唔差嘅不過又未去到話好好食，椰汁味係有嘅，但味道就唔係好濃個種，另外配料都算多，有蝦、豆卜、魚蛋，都算足料，總括黎講就未去到想encore嘅水平啦！…Read More

Happy Friday!!約埋班同事一齊去深水埗覓食本身有個同事係馬拉人，就帶佢去試下佢既家鄉菜啦😝😝望到餐牌第一眼就俾辣死他啦 （藍花飯）吸引住個人鐘意藍色，估唔到飯都有藍色既視覺真係好特別呀😍💙💙食落有少少椰汁味甜甜地，配左個咖哩雞肉，點埋個參巴醬味道好惹味呀同時有椰菜絲，紅洋蔥，豆角配料感覺好爽口清新同事叫左娘惹喇沙，湯裡加左好多椰奶味道好有濃郁既咖哩同椰子香味，鐘意淡淡既甜味值得一試小食就叫左我想食好耐既咖央多士咬落去成pat牛油再加埋啲咖央醬邪惡得黎好滿足呀燒烤肉串叫左一份都唔錯食完今餐棒住個大肚腩走了~~…Read More

其實都係咁岩去開深水埗，搵餐廳發現呢間野好似唔錯所以入去試吓，覺得都幾值得嚟試食物❤️❤️❤️❤️每樣食物都唔錯，我最鍾意份多士同埋杯奶茶，仲有無限添飲嘅肉骨茶都係我覺得比較特別嘅地方，感覺上幾開心🥳份量❤️❤️❤️❤️由於有無限添飲嘅緣故，一定會夠飽，所以份量滿分。環境❤️❤️唔算非常舒適，因為枱之間嘅距離比較近，好容易撞到隔離，而且枱面唔太夠位擺野。服務❤️❤️❤️侍應生比較忙，但係服務態度都唔算差。價格❤️❤️❤️❤️❤️感覺上超級抵食，因為食完出嚟好飽，食物又唔差，每人出嚟都唔使一舊水！😁…Read More

今日第一餐叫豐富啲，細滲，咖央多士，蝦麵，喇沙，愛他愛她，美祿恐龍同馬來拉茶。先黎兩杯飲品，美祿恐龍嘅美祿粉無新加坡飲到嘅咁誇張，人地啲美祿粉成座山咁高；拉茶茶味淡，無練奶嘅香甜，都係茶記嘅港式奶茶好飲啲。咖央多士好脆，只食到甜味，無椰味同班蘭味；蝦麵同喇沙望落有啲似，不過兩個湯底係唔同嘅，喇沙正路，蝦麵個湯真係蝦味重啲，有蝦甜味，魚蛋唔腥唔彈，啲腩肉好乾好鞋，蝦係正正常常，唔好期望爽口彈牙，不過驚喜在於跟麵一齊上嘅辣醬，係蕃茄辣醬，好香濃蕃茄味，呢個一讚。細滲黎到，果然係combo，入面有金菇豆卜雞腳豬手豬肚豬腸，當中最好食係雞腳，唔係煮到爛溶溶，個湯有藥材味，不過好似聞唔到當歸香味，味道都可以；愛他愛她(睇餐牌係寫魚肉混有香料嘅魚條)，味道似泰式魚餅，但係肉質超淋，似粉團，呢個唔啱我口味。…Read More

門面裝潢風味十足，添一份懷舊風情。牆上掛上一句又一句毛筆字寫上的菜式句子，十分有特色。環境舒適寬敞，用餐空間闊落。下單只需要直接寫在點菜單上再交給店員便可。有多款的地道馬來菜選擇，如咖哩、粉麵、小食等，價錢亦划算。娘惹喇沙($48)可選米線/油麵/河粉/摻摻麵，只需於點菜紙上的備註寫明就可以了。湯頭内加入大量的椰奶，湯底擁有濃郁的咖哩和椰子香味，同時亦帶有淡淡的甜味及辣度。配料豐富，豆卜十分入味，魚蛋及鮮蝦亦很彈牙。咖央多士($20)新鮮即製，多士香脆可口，咖央醬塗得厚厚的。咖央醬椰子味香濃，再滲透出淡淡的斑蘭香，每一口都很香甜，十分美味！馬來亞拉茶(凍$20/熱$16)跟餐(麵/飯)的話只需加$13(凍) / $8(熱)可配飲馬來亞拉茶。茶味香而不澀，入口香滑，甜度適中！…Read More

又係每月跟朋友飯聚，之前病咗一排，好返好多又想食好嘢，朋友見新開了一間馬來嘢，當然要嚐吓新店啲嘢食。入了舖頭，全店滿座，好在我哋七點半去都係排三四個人，店舖有圓凳一邊讓你等，一邊可以睇定 Menu，寫定想食啲咩，但之後啲人就排到出店外。等了十多分鐘就有位，已落定單，我哋三人坐係半張六人圓枱。因為其中點了肉骨茶，就浸定啲肉骨茶俾我哋飲先，當日天氣凍凍哋，飲肉骨茶，暖吓個胃先，個肉骨茶重點係任添飲，開始以為啲料係邊，原來晚點係會上一煲肉骨茶，濃濃嘅肉骨茶，藥材味超濃，真係要飲多幾啖。之後唔夠十分鐘，就上其他菜。娘惹喇沙 $48，其實是店舖其中一個主打，但我跟朋友都覺得普通，味道唔係太濃，又唔有喇沙湯底那種酸味。魚仔醬啦啦 $35，點嘅時候唔知個名係咩，所以點係，原來係蜆類 嘅嘢，都幾鮮味。怡保芽菜雞 例牌 $60個雞都幾嫩滑，底部墊咗啲芽菜，整體好味。辣死他啦配仁噹牛肉 $48那個藍色飯係天然藍色的藍碟豆花染出嚟嘅飯，見介紹係馬來語Nasi Kerabu，音譯：辣死他啦。用咗仁噹醬去炒，醬料香濃惹味又帶椰香味，撈那藍飯食一流，48蚊係邊樹搵到。大滲肉骨茶 $118呢個煲啲料十足，有油炸鬼，響鈴，豬肚及三層肉，配上肉骨茶，啲料入晒味。馬拉沙嗲串燒 半打雞牛豬 $75燒烤醬汁濃郁，美味。嚟得呢度當然要叫咖央多士 $20及馬來亞拉茶 (熱) 跟餐 $8，跟餐叫確係平啲，我跟朋友都叫咗一杯，唔駛落糖，奶茶味香濃。整體真心好味又抵食，叫咗鬼咁多嘢都係每人一百蚊鬆啲不過要提提大家，啲嘢食上菜都幾快，如果你一次過叫曬7樣嘢，分分鐘叫到成枱都係，張枱面擺都冇位擺，真係要鬥快食曬佢，第二碟先有位擺。…Read More