Ma La Niang Zi (Lime Gala)

之前喺形薈食飯 經過見到隔離依間係食四川麻辣菜 令我諗翻起之前喺大陸食過嘅四川菜 所以成日叫埋朋友一齊嚟食 🤣 裝修得好中國風 入面座位都好闊落 坐得好舒服👍🏻 見到餐牌有好多選擇 有各式各樣嘅小菜可以揀 酸菜魚麻辣小龍蝦等等名菜都有～ 佢仲有阿里山台式飲品 真係未試過一路食麻辣嘢一路飲台式飲品 🤣 我哋主力都係叫想食嘅四川小食 🤣 拍蒜青瓜 $38 （小辣） 小辣唔算好辣 啱啱好 因為我哋都唔肯定如果要太辣大家頂唔頂得順 所以大部份都係叫小辣或者BB辣試吓先🤣 青瓜醃得好入味 應該浸咗好耐 食呢個特別開胃多多都唔夠😋涼拌萵筍 $38 （小辣）又係一個開胃嘅前菜 同埋驚之後辣嘢太辣 可以留返黎中和一下 好清新爽脆～ 脆皮小豆腐 $58 皮炸得好薄 裏面鬆化好軟熟 炸起記得趁熱食 攤凍咗冇咁好食 外面有層孜然粉 幫手調下味 👍🏻 夫妻肺片 $68 （BB 辣）聽得多但係冇食過 食緊牛嘅唔同部份 例如心、舌、肺、肚等等 全部切到薄薄一片 然後比四川嘅麻辣醬料浸住 有好香嘅香蔥芝麻 充滿麻香 😋🌶️ 川式口水雞 $68 （小辣） 口水雞非常嫩滑 真係食到流口水咁好味😆 好香嘅四川麻辣紅油加芝麻花生碎香蔥 雞皮爽脆彈牙 雞肉冰涼透骨 😆娘子香辣鍋 $151 呢個係自己叫嘅雜錦鍋 最少揀四樣配菜 然後乾炒 我哋揀咗蓮藕、滑雞片、娃娃菜、小雲耳～ 雞非常滑溜 配料亦都非常入味 有好多辣椒芫荽香蔥一齊爆炒 麻辣味好出👏🌶️估唔到仲有阿里山台式飲品！我哋當然每人叫咗一杯水果茶解一解辣 🤣 獮猴桃水果抹香綠茶 $32 微糖走冰飲落好清新 好香水果味 仲有好多新鮮嘅水果喺面！配合麻辣嘢飲簡直一流 透心涼😍 …查看更多

好想食川菜🤣🤣所以就同朋友試下呢間，放工去食，夜晚八點幾，唔太多人，所以唔使等位🙌🏻我哋叫左四樣嘢，涼拌萵筍，味道ok，如果份量多返少少就Perfect啦！脆皮小豆腐，呢個外面好鬆脆，裏面好嫩滑，食到停唔到口😜黑金流沙包，係好流沙㗎，不過我覺得稍為略甜，同埋個包係熱啲嘅話會再加分。香辣鍋我哋加左四個配料，鮮魷，嫩牛肉，肥腸同蓮藕片，我哋揀咗中辣，一上枱已經有陣陣嘅麻辣香味，仲有我最鍾意嘅孜然啊，超正🤤而且份量都唔少，我哋係食唔晒㗎😅下次可以試大辣🌶️應該會仲爽😮‍💨我哋仲叫咗兩杯手作水果茶，足料嘅👍🏻有好多水果，我哋重清晒啲水果🍎🍋🍍🫐🍊好滿足…查看更多

今晚係 筲箕灣 {形薈}1樓見到有間麻辣娘子我都幾鐘意食干鍋個類型式既菜8:30份座 基本上都唔需要等位可以係新開張既關係啦.佢店招牌既-娘子香辣鍋-呢個鍋就係要自選4個餸比佢煮出黎有菜有肉的,睇自己點樣去配搭!可能岩岩新開張,上菜同待客既速度都快!我叫左個-娘子香辣鍋-分別有:BB辣度做底,配肥腸,金針菇,椰菜花&包心菜淨鍋底$38+其他配菜既價錢加上去~個鍋既價錢就$166。注意:香辣鍋係淨餸菜式，唔跟白菜同飲品，白飯同飲品另叫。香辣鍋係黎既時候底下會有舊圓圓地既野，呢個我諗佢個作用係慶住個鍋唔好擺比佢咁快涼講個鍋既味道先，由於我唔知佢既小辣係咩程度，所以我揀左BB辣，個辣OK既唔太食到辣既可以叫BB辣，個麻香味好香好重。椰菜花 可以再將個莖焯焯佢唔係就會太硬，但有人稱呢個叫爽口放心 佢係有煮過係熟但一定唔係淋身。肥腸就先炸左炸先再炒就導致表面乾身左金針菇係份哂味，好正！ 包心菜都入味。店舖係行自助Scan落單，如果有某啲配料要走要叫店員處理。我就叫左走芝麻同花生粒，花生粒明顯無，但芝麻係眼見到中幾粒數量呢個特別叫佢走就做得唔太好。另外叫左杯-炭燒烏龍-揀左 半糖同半冰糖既甜度 應該無50% 少於50%冰既量度 應該有既 尚可接受我對佢個甜度份量 同我order既有啲出入。希望可以再調較下糖既甜度注意:外賣每個$1蚊外賣袋個logo好可愛…查看更多