耐不耐食下素菜覺得對自己身體好啲😆😆所以今日weekend同屋企人黎食下素食lunch呢度午餐時段有兩個套餐可選，符合私房菜精神，餸菜唔需要多選擇，樣樣做得精就係最高境界😃我地最後揀左套餐B:1）🧡如意卷千色拼盤感覺似係一款日式沙律前菜，沙律汁好醒胃，有日式芝麻醬、黑醋汁，灑有芝麻粒好香口，菜種有黑木耳、青瓜絲，同埋新鮮柚子粒，整體口感爽脆，味道清新！2）💛杏汁海膽豆腐有海膽嘅造型，係用清甜嘅南瓜蓉整成，同磚豆腐，清爽杏汁湯底一齊，完全冇膩感 。3）🧡黃金繡球（配雜莓醬）黃金繡球炸到開曬花，運用雲吞皮切絲做個表面，炸到淺金黃色，一啲都冇過火，外型真係成個金黃色菊花球，內裏係用素雞肉嘅爽脆口感 。食嘅時候點上酸甜雜莓醬，好似食緊炸蝦球雲吞 。4）💛有機蘑菇芝堡外型創新，本以為會係用素食嘅方式去整個麵包部份，點知原來係用咗有機蘑菇去整個漢堡皮同個包底 ，咬落去好Juicy，中間夾住芝士片、蕃茄片同埋青瓜，材料好齋，但係一啲都唔乏味，「漢堡」入面嘅配菜加左啲沙律醬，配埋碟邊嘅黃芥末醬，令個「漢堡」在惹味一點。5）🧡藥膳翡翠包高麗菜素菜包浸喺啲藥膳高湯入邊，非常入味，藥膳入面嘅當歸味最突出，但係亦都唔會過濃，係一款滋補嘅素菜包湯。6）💛姬松茸雪梨養生湯係一款好住家feel嘅素菜湯。材料豐富，見到有竹蔗茅根、姬松茸、又有新鮮雪梨肉嘅足料養生湯，非常喜愛呢個湯！7）🧡咸魚雞粒炒飯口感同味道，簡直有99%同真正嘅鹹魚雞粒炒飯相似 。估唔到連鹹魚碎嘅口感都做到出嚟，真係犀利！炒飯粒粒分明，係一個好有鑊氣嘅素炒飯。8）💛蟲草花油揚扒菜苗菜苗係選用菠菜苗，配埋油炸麵筋，味道一點都唔覺得油膩，配埋有益養生嘅蟲草花，整體係好清淡嘅一個菜 。9）🧡甜品：石榴桃粒果凍非常有韌度嘅一個果凍，帶有陣陣黃桃同石榴香氣，再加上水果肉粒，既有視覺美感（花型），口感層次又有提升！餐廳感覺非常整齊清潔，每張枱都會用屏風間住，食飯有私人空間，用餐感覺良好。餐廳服務非常優質，會細心同你介紹每碟上枱嘅餸叫咩名，同埋有啲餸會溫馨提示你要注意碟邊滾燙 ，非常細心。👍🏽👍🏽👍🏽…Read More
