Shanghai Lao Lao

今日同一班朋友去左#上海姥姥 食lunch，預先同大家打食個新年飯先。-#年年有餘老壇酸菜魚 ($108)特別推介，因為中意食辣嘅我係覺得好食嘅，因為辣味都適中。啲魚好大舊又滑，我最中意嘅係佢放係底個啲菜、粉絲、豆皮、蓮藕，因為索晒味(正)。不過如果唔食得辣嘅話都可以叫嘅，叫杯凍豆漿幫到你(哈哈!!)😋😋😋-#吉祥平安八寶飯 ($58)特別推介，點解中意？好簡單，因為糯米，仲要加入我嘅最愛：桂花。完勝！😋😋😋-其他食物呢就有#姥姥金湯全家福 ($168)個名叫全家福因為入面有好多材料，有：海參、蛋餃、鹹肉片、炸豬肉丸、百葉包、雞脾、鵪鶉蛋、蝦、粉絲、津白。清湯底，係男女老少都食得個種。叫多碗白飯已經好正，不過我略嫌豬肉丸啲豬肉同百葉包入面啲豬肉太粉。#大紅大紫小籠包 ($68)咁食上海菜就當然要有小籠包喇，一籠小籠包有四隻，出面個皮係紅色嘅，連入面啲湯都係紅色嘅，勁有新年feel。小籠包入面有帶子同埋XO醬，不過食落去味道同一般小籠包差唔多。另外，都有叫左四川擔擔麵，都足花生醬味，不過不失。…Read More

嗰日難得可以同屋企人一齊食個午餐，去咗上海姥姥試吓佢新嗰個新年Menu。作為餓底嘅我，好多嘢都鍾意食，特別係魚😁所以見到佢有酸菜魚好興奮，再加上以為佢份量應該唔會太多，所以就成版咁叫晒，職員呆左一下😂近排天氣凍左試咗佢杯紅棗雪梨茶，兩粒大大粒嘅去核紅棗加埋兩舊仔雪梨，又真係幾好飲喎，唔會太甜而且溫粒粒，飲完好舒服😌20分鐘唔夠嘢食上齊，餓底開餐喇！先食小籠包：皮薄多湯汁，帶子甜甜地加埋少少XO醬味，冇一般嘅豬肉餡小籠包咁油膩，好特別好味好味👍🏻👍🏻👍🏻金湯全家福：（影唔到嘅裏面其實好多菜同埋粉絲）食菜先，啲菜同粉絲吸晒啲湯底好甜👍🏻海參軟綿綿（但手指咁長嘅海參切左四件，我有啲嫌佢太細粒），蛋餃皮薄多肉，炸豬肉丸都好味😋我最期待嘅酸菜魚： 好正，啲魚好滑夠厚身又冇咩骨，粉絲都索左湯底嘅酸味同麻辣味，停唔到口。不過我覺得可以再辣啲，可能因為過年菜要老少咸宜嘅關係啦。八寶飯：我未食過八寶飯架😌佢個面啲汁打得好靚，加埋啲桂花喺度好似玻璃咁。材料好足，紅豆好棉好甜👍🏻整體：好食。而且職員見我哋停晒手，主動過嚟問我地要唔要打包👍🏻晚餐有着落唔使煩✌🏿餓底是這樣練成的。…Read More

農曆新年就到，我地都會一家人去食團年飯！今日見老公放假，就提早少少食團年飯啦！老公係上海菜愛好者，所以今次就近近地揀咗去上海姥姥到食！團年飯，梗係要食啲意頭嘢㗎啦！我地就哪咗呢個「姥姥金湯全家福」，有海参、蛋餃、鹹肉片、炸豬肉丸、百葉包、雞腿件、鵪鶉蛋、大蝦、粉絲、津白！好齊全，咩都有，希望新年全家幸幸福福！之後就到呢個「年年有餘：老壇酸菜魚」，酸酸辣辣，祝大家年年有魚！甜定鹹？點少得呢個「吉祥平安八寶飯」，有紅棗桂花，配埋糯米飯，甜甜地嘅飯，真係會食唔停口！上海菜點少得小籠包？呢個好有意頭嘅「大紅大紫小籠包」，就咁睇顏色都覺得意頭好啦！「大紅大紫小籠包」入面有帶子 (大紫)，配埋XO醬，好刺激嘅口感！小朋友唔食得辣？咁就叫個「招牌小籠包」啦！$39/4粒，抵食！小朋友鐘意食飯，我老爺都係無飯不歡！所以叫咗個「鹹肉菜炒飯」，我女成日唔食菜，炒埋落個飯到挑唔到！最啱我女食！一個炒飯唔夠食嘅，嚟多個「黃金蝦炒飯」，開頭仲怕好漏，點知又唔會喎！好香口好好味！大人細路都食唔停口！食埋甜品先夠完美：「雷沙湯圓」必定係首選！飲品，一定嚟滋潤飲品：雪梨紅棗茶，凍嘅貴啲！同埋小朋友必飲：豆漿一杯！女人唔好飲咁多凍嘢啦！熱雪梨紅棗茶，好甜好好味！…Read More

以後屋企人或者一大班朋友食飯又多一個地方選擇la😙今次7個女仔一齊食飯b li ba na 😂點左勁多樣野食～我又要肥多幾磅了#姥姥金湯全家福 $168有海參，蛋餃，鹹肉片炸豬肉丸，百菜包，雞腿片，鵪鶉蛋，大蝦，粉絲，津白 配料很多簡簡單單既一道菜咩營養都有 味道不錯#年年有餘老壇酸菜魚 (辣) $108入口魚肉夠細滑，酸辣比得上系內地食地道既酸菜魚。有水準得黎，又平又抵食👍🏻湯下的蓮藕片同埋粉絲浸住酸辣湯底好入味🤭喜歡吃辣的我食左好多😂#大紅大紫小籠包 $68由帶子同XO醬炮製而成嘅小籠包，好快手相機食先之後就趁熱擺入口😋 啖啖湯汁#姥姥手製排骨拉麵 $54湯底比較清淡 肉排炸得鬆脆，咬落幾有口感 #四川擔擔麵 $48每次食上海姥姥都例排都一定會Order既擔擔麵微微的辣好開胃☺️ #吉祥平安八寶飯 $58糯米紅米煙煙unun 中間仲有紅荳容 外面有甜棗芒果蜜桃，聞落仲有好清香既桂花味💕食完飯做飯後甜品 剛剛好❤️ ⭐️好味指數：7/10…Read More