65 Peel

尋晚和朋友去左依間酒吧餐廳食，相當有驚喜。環境以懷舊香港風格，美食中西日交雜，場內氣氛高漲，負能量瞬間消失。菜名好很長玩味十足，味道比期望中更好，此乃好友飯聚開心盡興的好地方。脆炸蟹肉飯波配浙醋泡沫 $88飯波脆卜卜外脆內軟，內餡充滿絲絲蟹肉鮮味，醮下浙江醋汁中和下油膩。葱油涼拌泰國王鱔，配醬油漬牛油果，萵荀沙律 $128味道清新，鱔肉爽口窩荀鮮嫩爽脆，夏天作為涼伴小食唔錯。24小時慢煮伊比利亞叉燒，玫瑰露九龍園豉油皇鹵獅頭鵝肝配溫泉蛋，香噴噴豬油撈飯 $188想信係黯然銷魂飯升級版，半肥瘦叉燒厚切肉質軟腍，邊位有似食燒鵝皮般的焦油香。鵝肝入口即溶，飯粒粒分明，撈豬油的確幾香，而且比想像中無咁油膩，ＫＯ成碗飯無難度。撈埋溫泉蛋食更是完美配搭，蛋香四溢每啖飯都好滑好多汁，閉上眼感覺幸福來了！香辣白胡椒，白味噌煮紐西蘭鑽石蜆及粉絲 $168大蜆十隻鮮甜多肉，胡椒味噌湯味濃，非常醒胃好飲，粉絲索晒埋湯汁食，正呀！奶醬西式油炸鬼，花生朱古力醬，焦糖煉奶 $98油條酥脆，味道來自雲呢拿雪糕、花生朱古力醬和煉奶，甜美好味慢慢歎！總結：環境食物一樣咁正！…Read More

烤伊比利亞叉燒配黃金脆饅頭，蒜味乳液 $118呢道菜有中式版鵝肝多士之稱，厚切叉燒蜜汁香厚，肉質肥瘦均稱。配搭金黃脆身炸饅頭，香氣逼人。24小時慢煮伊比利亞叉燒，玫瑰露九龍醬園豉油王鹵獅頭鵝肝配溫泉蛋，香噴噴豬油撈飯 $188經慢煮後嘅叉燒同坊間食到嘅果然有分別，蜜汁入味，入口爽嫩不油膩。篤開溫泉蛋，流心蛋黃傾瀉而出，拌勻豬油撈飯及鵝肝同食，好有食緊西式燴飯嘅滋味。奶醬西式油炸鬼，花生朱古力醬，焦糖煉奶 $98甜品好有西班牙特色，西式油炸鬼香甜酥軟，融合花生朱古力醬同煉奶，倍添港式風味。伴以軟滑雲呢拿雪糕，冷熱交替令層次昇華。Beer Flight $150呢個set可自選4款酒精飲品，揀咗泰．好飲、獅子山下、Choco Rock Stout、是L但。每杯約200ml，2個人飲綽綽有餘，夠抵飲。泰．好飲味道最清甜，但比普通啤酒多份餘香。獅子山下果味較重，麥味濃但易入口。Choco Rock Stout奶泡較多，聞落較似雲呢拿香，飲耐咗有啲似BAILEYS。是L但香氣非常濃郁，一試上癮。值得一提係店員服務好好，雖然睇落以為有啲惡，但實際上每位都好nice勁細心，驚你啲袋無位放會主動幫手，又好願意同客人交流。有美食之餘，頂級服務態度絕對值得加分。…Read More

餐廳極具70 80年代 舊香港特色，本土風味濃厚🇭🇰，特别是餐廳名😆，裝修怖置上好花心思，例如：鐵閘、霓虹燈、細磁磚牆、燈泡、公雞碗碟、橙色筷子。餐枱紙就已經係menu，選擇雖然唔算多，但每一款都好岩胃口😋，菜式都是以中西日fusion為主，感覺好獨特好新穎😊。🐟 雙籽三杯風味三文魚他他 (三文魚籽、飛魚子) 配香脆雲吞皮💲148三文魚刺身粒粒好肥美👍🏼，三文魚籽同飛魚籽粒粒分明，非常鮮甜😋，他他仲用左醬汁去調味，酸酸甜甜非常開胃，配埋大大塊脆卜卜既雲吞皮一齊食，口感相當豐富有層次，PERFECT MATCH 😍💯。.🍟炸薯條 配 辣蕃茄醬 蒜味沙律醬💲70炸薯條用煲仔飯嘅砂煲裝住，份量超多🤩，薯條即炸熱辣辣脆卜卜👍🏼，上面灑上了大量BBQ味粉 好惹味😋，蒜味沙律醬調教得非常出色，真係食唔停😋。.🍗好L正脆炸雞 配 甜雞醬💲92外層嘅炸粉有少少厚，但做到外脆內軟既效果，雞肉都好嫩滑好juicy，炸雞上面撒了七味粉，再點埋甜雞醬，真係好惹味😋。.🐷 24小時慢煮伊比利亞叉燒，酒香獅頭鵝肝配溫泉蛋，香噴噴豬油撈飯💲188叉燒半肥瘦，經慢煮過肉質果然唔同啲，真係好林好嫩🥺，鵝肝用酒烹調而成，酒香四溢👍🏼，溫泉蛋生熟度剛剛好，水溜溜既狀態望住佢覺得好治療☺️，豬油飯香口無比😳，入口完全唔覺得油膩同滯，唔小心仲食哂成碗😝。.🥪 奶醬西式油炸鬼，花生朱古力醬，焦糖煉奶💲98色香味俱全🤩，仲有隻好靚嘅懷石料理磁碗黎載住甜品，油炸鬼細細條炸得好鬆脆可口，上面灑上沙糖，外型有啲似歐洲嘅玉桂條😋，有一大pat雲呢拿雪糕、花生朱古力醬 同 焦糖煉奶 點黎食，食到完全停唔到口🤤。🌟必點…Read More

呢間良心小店過捐錢！雖然店內並無太多文宣 但居然比小編發現佢救過人嘅證據💛！食物中西合璧超高質！-1️⃣「24小時慢煮伊拉比亞叉燒，酒香獅頭鵝肝配溫泉頭，香噴噴豬油撈飯🐷($188)」Slow-cook 24 hr Iberico Char-siu, drunken goose liver, 63 degree egg and aromatic pork fat akita konachi rice🐷($188)叉燒係小編食過最淋而不肥嘅叉燒！鵝肝有花雕酒香味！粒粒飯香-2️⃣「卡邦尼式臘味炆和牛臉頰肉配煎腸粉🥩($182)」Braised Wagyu Beef Cheek in Chinese Sausage Sauce “Carbonara style”, with Rice Rolls🥩($182) 唔好睇佢咁嘅樣 食落醬汁好特別好濃 和牛入口即溶！腸粉香脆！正！-3️⃣「是日特式糖水 - 桂花貝利酒燉雪梨🍐($68)」Daily Sweet Soup - Bailey’s Stewed Pear🍐($68) 桂花清香配甜酒清甜好滋潤！-4️⃣「奶醬西式油炸鬼，花生朱古力醬，焦糖煉奶🍫🥜($98)」Churros with Peanut Chocolate Sauce, Caramelised Condensed Milk🍫🥜($98) 係中西fusion菜 即叫即整！花生醬入口香滑 冰火交融！-⚠️相信佢地嘅酒都會好有驚喜 有朱古力奶酒 caramel酒 ...酒鬼可以一戰！🤪-💰：$150 - $300📍：中環蘇豪卑利街65-65A號地舖性價比CP value：🤤🤤🤤⚪️⚪️飽肚fullness：🤤🤤🤤🤤⚪️味道taste：🤤🤤🤤🤤⚪️環境environment：🤤🤤🤤🤤⚪️(幾岩影相)服務service：🤤🤤🤤🤤🤤(polite, nice🤣)Score：90/100🔖(bookmark)…Read More

新一年新立志，人要成長就要落吓bar，以前自覺唔夠秤，今天的大胃飲杯酒告別小學雞的我次次嚟港島經過都好想幫襯，不過好似未開門，今次上完堂就嚟，機會嚟喇想幫襯嘅原因好明顯啦，大胃好鍾意本土文化，咁local嘅設計，點忍呀？Menu同餐具都好香港呀，令人好想加油呀鹹檸七就成日飲啦，鹹檸cocktail仲正呀呢個啤酒仲得意，叫熔岩啤酒，火炙之前先嚐一啖原味跟住店員會火燒鐵棒幾分鐘燒夠300度，一嘢隊入去，啲泡立時冒出唔會太熱，仲有幽幽焦香，相傳係喺寒冷地方工作嘅礦工發明蝦醬雞翼超出色，又脆又濃味煮足24小時嘅叉燒真係唔係人咁品，齒留香都比唔上佢唔好意思，呢個油炸鬼，好食過local油炸鬼多多聲成個體驗chill到核爆，下次gathering必選…Read More