Lung Mun Cafe

今晚想食平d，但又想飽d，於是去左港人之選 - 龍門餐廳！😂我order 左個餐包括3.6特濃牛乳芝士流心玉子燒(香辣肉醬)、沙爹牛肉辛辣麵、奶醬多、奶茶紅豆冰，跟餐仲送羅宋湯！嘩，一次過滿足哂口癮！我最喜愛既元素個餐都有齊！正！我尤其鍾意個芝士流心玉子燒，好滑，又有蛋香，加埋辣辣地既肉醬好惹味😋男友就order左星級雜扒餐，有牛扒、雞扒、英式腸、煙三文魚、炸帶子，d醬冧上去仲會熱到”zaza”聲，正啊！😋佢都一樣飲奶茶紅豆冰！作為紅豆控既我，當然會食哂d紅豆！😋又甜又夠冧，好味！配合奶茶，意念夠新鮮！👍🏻我地另外仲叫左小食蜜糖雞翼同黑松露醬薯條！我真係好鐘意食黑松露醬，再加上薯條又大條又脆，不知不覺間我差不多食哂成兜🙊🙊🙊我地2個食完都捧住個肚行出餐廳，哈哈！…Read More

最近武漢病毒肆虐香港，搞到少左人出街食飯，連平時大排長龍ge龍門冰室都唔洗排隊，咁岩今晚太夜收工，屋企無飯食，就同朋友去支持下啦。餐牌都幾多選擇，小食、常餐、粉麵飯、鐵板都有，飲品仲有特色咖啡添。雞翼新鮮出爐熱辣辣，表面淋上蜜糖，皮香肉嫩幾滋味。雖然叫玉子燒，但其實似港式奄列，配芝士吞拿魚都係第一次試，幾足料濃厚。吉烈蝦唔算油膩，夠熱。燒汁撈丁又係第一次試，燒汁本身味濃，撈埋都唔錯。韓式泡菜鐵板珍珠飯其實同鐵板配飯差唔多，不同之處就係用上朋友鍾意嘅泡菜同珍珠米，再配埋龍蝦汁，朋友嘅配搭真係幾新奇，但食落又出奇地唔錯喎。鐵板西冷大大塊，雖然冇得揀幾多成熟，但煮出黎又唔會全熟咬唔開，牛味尚可，好彩有香而不膩嘅黑椒汁搭夠，香草腸大大條非常香，薯條亦都夠脆，唔會腍晒。奶茶紅豆冰呢個組合之前係第二度試過，但飲落得奶味，而龍門呢杯就保留到茶香，同紅豆幾夾，但甜左啲，下次要叫少甜先。咖啡同朱古力味道雖平衡，但整體較淡。估唔到係冰室飲到Green Tea Latte，雖然奶泡唔多綿滑，但茶味同奶味配合得幾好，好飲。…Read More

銅鑼灣登龍街一向有唔少貴價餐廳, 臨近糧尾豈不是要止步?! 行經發現一間港式茶餐廳, 門外看看Menu, 價錢相對唔貴, 而且冇加一。見入面環境整潔, 就入去一試!呢間茶餐廳原來都有鐵板餐供應, 對於喜歡食扒餐既我當然要一試!【星級雜扒】HK$110 (配餐湯+餐飲)是日餐湯為薯仔湯, 薯仔打成蓉, 入口很滑, 甜甜地雜扒非常豐富, 包括有西冷扒、雞扒、英式腸、煙三文魚、炸帶子, 自選配薯菜+左黑椒汁,鐵板熱辣辣上檯, 自行淋上黑椒汁, 個汁偏杰, 當淋上汁時, 散發出香噴噴~西冷扒好大件, 質地唔算得上嫩, 有咬口雞扒幾嫩滑, 雞肉脆皮腸皮脆, 入面帶少少鹹, 煙三文魚大大塊, 炸帶子香脆,  薯條份量好多, 夠哂飽!!【奶茶紅豆冰】茶味唔太突出, 紅豆很林, 整體甜度剛剛好【芝士煙肉焗薯皮】HK$45芝士唔係拉絲個種, 而係有淡淡奶味既芝士鹹香, 薯皮原來係薯仔切成一片片, 保留外皮, 薯仔好林, 索左個芝士汁, 都幾正!【蜜糖雞翼】HK$45雞翼脤卜卜, 表面唔算多蜜糖, 但內裡keep到juicy肉汁【鮮茄汁配肉醬意粉】HK$56茄汁酸度剛好, 好開胃, 碎肉份量適中, 整個意粉唔會太油膩, 如果意粉份量多d會更好。【麻辣肥牛米線】HK$47麻辣味十足, 食起黎好惹味, 米線很滑, 份量夠多, 肥牛索左麻辣湯底更加正。【菠蘿冰】味道極淡, 完全飲唔出有菠蘿味, 似飲緊極微甜既糖水, 不過就有大量罐頭菠蘿肉食下~…Read More

冰室同茶餐廳一向係我心頭好，今晚竟然比我係銅鑼灣登龍街入面，揾到間平靚正既茶餐廳-「龍門冰室」! 入到冰室，裝修企理，人流不少，不過好彩仍有卡位，坐得算舒服。餐牌上既食物種類同套餐有好多選擇，中式晚餐，西式鐵板套餐，玉子燒常餐，粉麵多士餐，韓式雞扒飯套餐，意粉，意大利飯，小食等等，連特色咖啡都有，總會揾到一樣啱食既野!~忌廉粟米湯: 非常夠熱，有粟米同少少薯蓉，好creamy招牌鐵板餐星級雜扒 (配芝士汁，薯菜) hk$110星級雜扒份量極大，有豬扒，牛扒，雞扒，香草腸，煙三文魚，仲配有好多粗薯條，西蘭花，蕃茄~!! 扒類都煎得非常香口，不會又乾又韌，肉質仲有點點juicy!!~香草腸配芝士汁真係好夾，非常惹味。煙三文魚有差吾多三大件，又厚肉又好味。配埋西蘭花同蕃茄，可以平衡下，冇甘油膩。鐵板羊架拼香草腸 (配龍蝦汁，薯菜) hk$110羊架有兩大件，用香草醃得非常好味，完全沒有羊騷味，而且煎得又香又juicy, 不會過老，係水準之作!!~ 香草腸大大條，配埋龍蝦汁，非常好食!!~雞翼薯條放題 (加$20升級任食)冰室做緊推廣，惠顧招牌鐵板餐或精選晚餐，可以加$20食雞翼薯條放題，有蜜糖雞翼，椒鹽雞翼，瑞士雞翼，土匪雞翼，黑松露薯條，雞翼醃得非常惹味，黑松露醬汁既黑松露味特出，同薯條好夾，仲可以任食!!~餐飲:奶茶紅豆冰 ($9)啖啖紅豆肉，軟綿綿，加埋奶茶夠特別~菠蘿冰 ($7) 有吾少菠蘿肉，夠曬冰凍，夏天最啱!龍門冰室係茶餐廳來講，真係抵食又好食之選，值得再次惠顧!!~…Read More

天文台近來起勢話會落大雨，結果兩星期都時雨時晴，大胃梗係唔理，照約胃民出嚟去沙灘游水，游完水脫水又脫脂，又渴又餓，喺銅鑼灣平平地咁食個茶記就至啱喇茶記上菜快就梗㗎啦，其實水吧更快手奶茶依然好有茶記水準，紅豆都幾腍夜晚飲奶有助安眠，我估咋第二快就係上湯，嗗一聲飲晒落肚雜扒果然唔係惹小，層層疊咁，頓時冇乜信心清得晒𠻹玉子燒好有黑松露味碟意粉又幾多海鮮㗎喎估唔到冰室都有雞翼放題，呢個世界真係咩都有可能…Read More

放工買左戲飛睇戲，所以就搵左一間冰室食下，貪佢多選擇同埋快!今次黎到呢間位於登龍街既冰室，平時lunch經過見到好多人等位的，夜晚就冇咁多人唔駛等位，但都滿座的。茶餐廳通常都有好多唔同的食物選擇，今次我跟友人分別點了all day breakfast和玉子常餐。傳統英式早餐($75)，初初以為只有一碟早餐，但點知原來呢個餐還有餐湯、沙律同埋野飲。餐湯為雜菜湯，非常多蔬菜，酸酸地幾開胃。沙律什果碎蛋沙律，夠大碗同埋冇出水，碎蛋切得夠細粒!英式早餐包括有炒蛋、煙肉、雞肉腸、煙三文魚、薯餅、大啡菇、茄汁豆同埋多士，炒蛋炒得夠滑而且有蛋汁，煙肉唔會煎得太燶，整體份量多而且都整得不錯!3.6特濃牛乳芝士玉子常餐($48)，呢個餐有粉、芝士玉子燒、多士同埋飲品，份量都好多!湯麵我揀選了榨菜肉絲通粉，通粉係用中型size那種！芝士玉子光餡料有幾款可以揀，而我就揀選了咸牛肉，咸牛肉很多，連埋芝士蛋一齊食味道剛剛好！多士既醬亦可以揀，我揀選了奶油多，煉奶很多！奶茶紅豆冰，如果跟餐只需加$9就可飲到！紅豆都幾多，連埋奶茶一齊飲又幾特別！黎食個快飯也是個不錯的選擇！…Read More