Lung Mun Cafe (Closed)

今晚去咗金馬倫道《龍門冰室》， 作為一間冰室， 食物絕對合格有餘兼且有驚喜～除了基本量度體溫， 成枱都放滿消毒酒精，搓手液， 有些還是自家品牌， 仲有信封畀你裝住除低嘅口罩， 唔係淨係得告示標語， 仲有實際行動👍👍俾食客。奶茶紅豆冰配合甜甜嘅紅豆蓉， 茶味甘香， 感覺放少咗奶， 所以整體味道恰到好處， 茶味和紅豆互相平衡！鐵板鰻魚汁大蝦球炒出前一丁晚餐$70鐵板出品特別吸引， 特別爆炒到好香嘅洋蔥，仲有芽菜，蔥， 分量也很有睇頭， 炒麵成個山咁高～！ 出前一丁麵質冇被炒到好腍， 醬汁均勻沾滿麺條， 超惹味！ 大蝦就比較乾一點 ，並不特別鮮甜， 相信主角還是炒丁麵～咸檸七夏天飲特別醒神冰涼，又中和七喜嘅甜味， 啱啱好！鹹牛肉牛乳玉子燒因為見到圖片嘅咸牛炒蛋， 忍唔住加錢叫咗一客， 都怕會太多吃不完。 炒得好香嘅蛋包住咸牛肉， 貌似日式玉子料理。 炒蛋鬆軟有蛋香， 包住的鹹牛肉又滑又香， 超美味！跟餐嚟多一塊厚厚的牛油多士， 配上炒蛋， 簡單用心做 都係絕佳嘅美食！！紐西蘭羊架拼香草腸晚餐$105 熱辣辣鐵板加上燒汁～ 香氣撲鼻。 紐西蘭羊扒外皮煎得脆脆的， 香口惹味 ，冇羊羶味。 香草腸也美味可口， 還有很多配菜 ，豐富滋味👍😋晚餐嘅餐湯，忌廉粟米湯， 係兒時快餐店嘅味道～😉餐牌還有許多親民，糧尾套餐， 貼近香港人嘅現實 ，而且抵食夾大件㗎！❤️🥤🍝臨走仲送咗支自家品牌消毒酒精～😘😌 👍👍 唔使多講，一定要繼續懲罰这间小店😎😎💪…查看更多

今日來咗尖沙嘴消費，當然要支持下！之前見其他分店都好多人支持，所以一直都未來試下，今日終於都有機會啦！由於疫情關係好多人都少出街食，或者只係屋企附近食就算！今日去到真係勁少人！望住個餐牌一陣，真係太多選擇，唔知揀咩好😂最後揀左個有望落好吸引玉子燒嘅常餐，有個麵食+奶醬多士+玉子燒+嘢飲，份量都唔少！本身今日都無點食過嘢，應該係好肚餓嘅，但佢嘅份量真係太滿足啦！份玉子燒一切開好似漏煤氣咁嘅味🤣，因為我揀咗黑松露雜菌芝士玉子燒，黑松露味十足！加埋大大隻菇，正👍🏻另外揀左個快餐 蔥油雞扒撈丁，個汁分開上，好貼心，可以自己調教撈丁嘅咸淡！塊雞扒又嫩滑，味道又唔會太濃！加埋個蔥油更加香！…查看更多

黃店 💛 #龍門 #龍門冰室 #尖沙咀🟡 多次出post及於節目上表明立場🟡 自2019年9月起推出免費香港人加油餐比學生🟡 多次捐助星火基金🟡 老闆於2019年11月入理大煮飯比抗爭者食最近有啲人傳關於龍門冰室嘅傳言，老闆都一一解答咗。喺我心目中，龍門老闆係數一數二有良知嘅黃店老闆。身為一個foodie點可以唔試吓呢？今日收工我就去咗尖沙咀排隊食一次啦😆🥩🍣 星級雜扒鐵板餐 （$105）雜扒包括有雞扒同西冷牛扒，兩樣嘅成熟度都啱啱好，一啲都唔會韌或者老，係鮮嫩嘅肉，西冷扒係未熟透嘅，入面見到好靚嘅紅色😚 而且兩塊扒唔會太肥、唔多脂肪，女仔都唔洗咁驚，雞肉更加係皮薄肉厚🤤以為呢個係普通雜扒餐你就錯啦！除咗兩塊扒，呢個餐仲有英式腸、煙三文魚同兩粒炸帶子！炸帶子超好食，外面炸到好鬆脆，但帶子嘅味道又可以保留到🤤 三文魚份量都超有誠意！卷起咗一大塊！英式腸有兩條，一咬開佢啲肉汁係會彈出黎嘅🤤 正！🌽 餐湯：粟米湯首先上嘅係粟米湯，我一飲就已經驚艷到，完全同連登仔女講嘅唔同🙊 個湯好creamy又好多料，明知自己姇唔嘥啲嘢我都飲曬個湯🙈👍🏻🍹 奶茶紅豆冰我由細到大都勁鍾意飲紅豆冰，但溝埋奶茶其實都係第一次！奶茶好重茶味好正，紅豆就比咗啲甜味個飲品，跟餐只係加$9，好抵飲😋…查看更多

今日放假專程出來尖沙咀支持下良心冰室，良心香港人一定支持香港人，到了下午1:30時間很多市民排隊或許很多真心的人慕名而來支持小店，真的很感謝！入到冰室，見到好多支持的圖片及字句，好親切又感動，還有很多物資供給有需要人士免費拿取，出心出力。是日午餐 －焗茄汁豬扒炒蛋飯 ($55）份量大，而且茄汁濃，焗得香，豬扒肉質鬆軟，不會鞋口感覺，雞蛋非常滑焗芝士汁雞扒意粉－($54）非常多芝士汁，而且雞扒嫩滑土匪雞翼(6隻) － ($40)炸得非常香脆，食到一半才記得影相，非常之好味，雞翼還有肉汁，外脆內嫩黑松露薯條 － ($40)非常推介，薯條炸得香脆無比，自家黑松露醬，味道適中不會太濃，但還食到黑松露的味道，吃不停Ice cappuccino (跟餐＋$3)Ice cappuccino，咖啡香濃，而且配搭香滑的泡沫，沒想到冰室也做到這效果綠茶鮮奶 (跟餐＋$3)奶味香濃，份量正常奶茶紅豆冰 － ($26)非常值得推介飲品，奶茶香濃滑口，而且配合大粒軟綿綿的紅豆，這個絕配組合，心思製作總括裝修非常有親切感，服務員雖然很繁忙，但也服務親切，地點方便，在尖沙咀地鐵站行5分鐘就到達，真心小店，大家一定要支持，份量大，而且價錢非常親民，味道也很好，沒有藉口不支持，香港人加油！…查看更多

龍門是一間連鎖茶餐廳，但食物卻不只局限於茶餐廳常見的中式炒粉面飯或即食麵撈丁等，同時也有全日早餐、鐵板扒餐、玉子燒和意粉，如果不介意茶餐廳環境，食物款式和味道絕不比中低價位的西餐廳差，絕對是糧尾飯堂之選。    餐廳冷氣夠凍，大熱天時進來都好快cool down。土匪雞翼($40）一客有五大隻，孜然味雖然不重，但煎得夠乾身不會太油，調味也適中。    芝士煙肉焗薯皮($40)內有超多薯皮，都幾飽肚的，建議人多才點。 芝士拉絲明顯，芝士味也香。    咸牛肉芝士玉子燒撈丁配煙肉($65)玉子燒份量十足，有成隻手掌般大，裡面釀滿咸牛肉，玉子燒不會過老過乾，味道不錯。 撈丁上面沒有醬汁，入口比較乾，食時建議要與玉子燒上的醬汁拌勻而吃。    美式雜扒餐配燒汁+餐湯($85)內有豬扒、雞扒、煙肉、煎蛋和腸仔，下面還有大量薯條墊底，份量非常多，建議可二人分吃。 薯條夠熱，入口還帶點脆口，豬扒和雞扒都不過韌。 餐湯是羅宋湯，酸香味十足，裡面有很多紅蘿蔔和椰菜,非常足料。 跟餐包咖啡或茶，也可以補差價轉其他飲料。    羅宋湯咸檸檬七喜($22)套餐全部有包咖啡或茶，如要轉其他飲料，補差價即可。咸檸七咸咸甜甜很透心涼。    奶茶紅豆冰($26)奶茶底茶香奶滑，紅豆很大粒，煮得也夠軟腍。總結，雖然是茶餐廳，但食物一點也不頹，無論款式或味道都不比中低價位的西餐差，糧尾又多一個好選擇。…查看更多

同男朋友行完歷史博物館好肚餓，於是四周圍搵下有冇啲咩食……經過呢間餐廳，見到好多人喺度排隊！！仲要排隊嘅全部都係講廣東話，呢個情形喺景點遊客區嘅尖咀係好罕見嫁；而且香港人出咗名識食，所以咁多香港本地人都黎排隊嘅餐廳，相信一定係好值得推介！入到餐廳，發現真係除咗食物好好味之外，啲店員仲要好有人情味，播嘅音樂仲要係本土音樂～成個感覺好有「香港精神」，真係抵老闆咁好生意如果想體驗下地道嘅香港風味，支持本土餐廳，真係值得嚟呢間！好多雜誌都推介「流心奄列餐」，咁嚟到呢度冇理由唔嗌佢！配搭嘅汁方面，見到有「龍蝦汁」（好少餐廳有龍蝦汁揀㗎），我哋就揀咗佢。結果出到嚟，估唔到超級有驚喜！因為龍蝦汁嘅味道同蛋好夾啊！龍蝦汁有鮮甜嘅味道，但濃郁得來又唔會搶咗蛋嘅味道！ ！ 如果嗌呢個餐，10分推介揀龍蝦汁！（我哋嗰日食食下，就聽到龍蝦汁賣晒，真係好搶手！）另外，我哋仲叫咗「龍門三扒」，有牛、豬、雞扒。睇吓下面張相，真係份量超級大！ ！ ！當我地食完牛扒，再食埋個豬扒，剩低嘅雞扒同薯菜，仲可以做一個完整嘅雞扒餐！（笑）所以係一份扒餐嘅價錢，食咗三個扒餐！仲要係尖沙咀區， $70食三個扒餐，真係講出黎都無人信！值得一提嘅係，雖然佢價錢咁平，但扒餐質素一啲都唔hea！無論係牛、豬、定係雞扒，雖然份量大，但廚師仍然控制個火候得非常好無煮老到，啲肉質仲係好嫩口！特別係個雞扒，真係要讚一讚，厚皮燒得好靚。我平時唔識雞皮，都忍唔住食咗。最後值得提一提嘅係，佢嘅「菠蘿冰」，原罐七喜上得黎，仲要係俾足半杯菠蘿！一路飲嘅時候，一路就食到啖啖鮮甜菠蘿！真係勁好飲！咁好味都係加$7咋！我哋另外仲嗌咗「芝士焗西蘭花」（本身係嗌「黑松露芝士焗雜菌西蘭花」，但又係好快賣曬），同「奶茶紅豆冰」。前者好適合鍾意芝士嘅朋友；後者嘅味道好配搭。哩兩道嘅味道其實都唔錯:):):)整體嚟講，呢間餐廳嘅性價比好高， 10分推介！…查看更多

我哋自己鍾意食茶餐廳，上菜夠快又平。呢間龍鳳冰室好多分店，尖沙咀呢間環境幾舒服，座位都算闊落，以茶餐廳來講好少侍應會咁好禮貌而且好好笑容。我哋點左3個鐵板餐 + 2款小食，4個人share食，一來到原來份量係超級多，最後係食唔曬，食淨些薯條，個個要捧住個肚走。黑松露芝士焗西蘭花 $50熱辣辣上枱，焗得啱啱好， 西蘭花沾滿溶化的芝士，有淡淡松露味，推介！土匪雞翼 $40要趁熱食，啱啱炸起咬開裏面還有肉汁的，但略嫌冇咩孜然粉味。至尊海鮮 $100帶子，青口，蝦球都好鮮甜，薯條係波浪型的，香脆有薯味。奶茶紅豆冰 $26紅豆大粒，會食到原粒的紅豆。奶茶冇加糖，要攪拌低下甜甜的紅豆一齊飲。龍鳳檸樂 $24已經好耐冇飲啦，好懷舊既飲品，咸柑桔加檸檬可樂，甜甜酸酸鹹鹹的，唔錯。…查看更多