Hoi On Cafe (Closed)

海安對住信德中心，干諾道呢個位經常有五金工程類嘅車人出沒，有少少大塵嘅感覺，不過咁又增加咗茶餐廳嘅懷舊氣氛。十一點幾十二點去到，冇乜人，不過差唔多所有卡位都有人留座。坐落冇耐，就陸續有客到。生意應該唔錯。坐落點咗個招牌鍋仔公司麵同奶茶紅豆冰。後者先上，前者後至。此冰基本上係紅豆加凍奶茶。唔會太甜，奶茶亦算中上級數，加埋紅豆一齊飲，味道十分有層次。奶茶本身味重，等啲冰溶到咁上下個味就最正。鍋仔公司麵可算係香港comfort food嘅精神代表。簡單快捷又好食，速戰速決，要comfort都要講效率。公仔麵加麻油，麻香一上枱已經撲鼻而至，其中加上太陽蛋，煎餐肉，腸仔，生牛，五香肉丁，同小量菜。原本應有叉燒，不過早到未有，以鴨胸取代。每樣少少，加埋算配料十足。每樣其實都唔算特別出眾。老老實實，一個咁樣嘅麵自己嚮屋企都整到。而且呢類嘢食真係好難會難食或者特別好食。不過無論如何食起上嚟的確夠晒comfort。呢個都算係香港特色：平凡有效率，雖無驚喜，卻令人滿意。總結：有懷舊嘅本土氣氛。路過可以一試。下次我都會嚟再試下午茶先供應嘅西多類食品。…Read More

來到有著 60 多年歷史［海安咖啡室］，給我的感覺是＂舊＂，＂很舊＂。這間是香港目前僅存的兩間最古老的茶餐廳之一。店內的裝飾簡之又簡，至今仍保留著舊時的長燈管、風扇、黑色有線的電話座機、墻上的剪紙貼花等等，好似將時間退到了半個多世紀之前。我置身於這間餐廳之中，不僅被濃厚的復古氣氛包圍住，還深切地感受到來自店員的濃濃的人情味，笑臉相迎😊，笑臉相送😊。餐廳出品的食物看似選材普通簡單，卻精心烹調，呈獻給食客的不僅僅是美味，更是一顆真誠的心❤。招牌［鍋仔公司麵］HK$45 ，足料又足量，叉燒、五香肉丁、雞蛋、腸仔、餐肉、鮮牛肉、菜、麵等，包羅萬象，應有盡有。招牌［香蔥碎牛炒蛋厚多士］HK$32 ，有烘底厚多士、蔥、蛋、牛肉、調味料等，味道非常似某個進口品牌的＂鹹撻＂，小小分別在於＂鹹撻＂重芝士味，這個＂厚多士＂重香蔥味。飲品［凍檸茶］HK$18 ，中規中矩。飲品［奶茶紅豆冰］HK$30，有奶茶味的紅豆冰，賣相似＂黑牛＂，味道超正！由此看來，店家在極力保留舊時食譜的同時，也應時創造一些新的食譜，滿足現代人的需求，使得餐廳客如雲來。餐廳的門外有兩條長長的路軌，同樣懷舊復古的，有著百多年歷史的＂叮叮＂電車正在這裡來來往往地駛過，與［海安咖啡室］相得益彰，互相映襯。尋覓懷舊之餐餐飲飲，箇中滋味奇妙無窮，我自樂在其中😄！…Read More

今次終於就啱時間過嚟試下個蔥花碎牛滑蛋厚多，蔥花勁多，碎牛就稀疏左D，滑蛋都好滑，再加小小黑椒，整體味道都夾得幾好！食左2/3就飽左。奶茶紅豆冰都唔錯，雙重感受！…Read More

見到餐牌靚咗整齊咗，又有大特寫靚相做招徠，告示牌仲有中、英、日文對照，相信呢度已經由下一代接手。縱使有呢啲轉變，呢度鮮棗紅色嘅油漆木檯櫈、牆上披 口嘅防火膠板、行到條邊甩哂色嘅地磚、樓底嘅吊扇，同埋用福麵做嘅麵厎，等等嘅老店特色，都一一被保留，仲有，個常餐係配菠蘿油，而個福麵係淥而唔係泡嘅 (有食開你就明我噏乜㗎嘞)！呢度嘅叉燒好出色，茶餐廳嘅價錢，做出大酒樓嘅味道！另外，最難得嘅係各位待應阿姨非常殷勤有禮，老店中少見！在裡吃個下午茶，實在太幸福了！在香港，要找一家在食物上枱時，模樣與餐牌的照片有九成似，而且講究擺碟，presentation一絲不苟，更要係幾十年 嘅茶餐廳老店，實在係難！因為全都要用心，而用心是無價的！這裡的西多士蛋味極濃，由三片薄麵包組成，中間沒有塗上花生醬之類(最怕！)，而都是蛋，令整件西多士充滿蛋香，包面的蛋漿非常均勻，炸出來的顔色非常漂亮，但差不多感覺不到油膩感！正！至於奶茶紅豆冰，紅茶的澀味跟紅豆不太夾，還是原味最好！…Read More

星期一, 早上11:30am, 呢個未到lunch既時間就人流少, 不過lunch極爆.當然茶餐廳就係服務粗皮d, 不過茶膽靚, 茶味香濃.奶茶紅豆冰, 雖然貴d, 但集奶茶同紅豆冰於一身, 一次滿足哂. 雖然唔係咩新款野, 不過好飲.平時紅豆冰太甜, 加入奶茶就冇甘甜, 而且又有茶香奶滑既口感. 紅豆大大粒, 不錯.薑蔥叉燒撈麵, 貴價唔飽, 味道普通.薑蔥叉燒都冇咩野, 同平時去燒味鋪買既一樣, 但個撈麵太差啦, 而且超乾身, 冇碗湯, 太乾點撈.我返屋企自己整仲正過佢.…Read More

仲記得去食個時係情人節，行完附近西港城同港澳碼頭海旁，見2點半餓餓地就去左附近呢間既海安咖啡室食野！如果係去左海旁行或者係孫中山紀念公園附近就可以用行人天橋行番去干諾西道，一直向左手邊行好快就到，或者係西港城個邊既其實好快就會行到去初初行到去呢間咖啡室個時都唔係好覺！因為佢既店面真係好陳舊，而且睇落有D細，初頭都驚情人節仲要星期六要等位，但係入到入面都幾寬敞，左右兩排有卡位，中間放左幾張圓台入面真係好懷舊feel,我估應該都開左好耐啦係上環，話哂上環都係一箇既陳年海味鋪同餐廳既集中地講番正題先！我就同男朋友嗌左個窩仔公仔麵，香蔥碎牛滑蛋多士同埋一杯奶茶紅豆冰！最早黎既係鍋仔公仔麵($39)因為去到既時候,叉燒已經賣哂！所以老細就用左鴨胸代替，老實講我幾開心！因為我好中意食鴨胸！禁因為我係同男朋友share既，一order個時服務員已經好nice禁樣問我地洗唔洗要碗仔，好貼心同周到呀:)個碗仔仲要好得意，好似細路用既，明符其實既"碗仔"呀哈哈!禁個麵呢，我估就得一個公仔麵，d湯應該都係湯包黎既不過d料就真係好多！入面有午餐肉，蛋（仲要係半生熟!正!)，鴨胸(正常係叉燒)，雞肉腸，沙嗲牛肉同生菜，真係兩個人分都食到有d飽我覺得呢個公仔麵好岩比較細食既女仔一地share食,或者係好大食既人自己一個食啦哈哈!之後食食下奶茶紅豆冰($28)就黎到啦!一開始睇個樣呢，仲以為上面個舊圓碌碌既係雪糕，點知近睇d先知原來係冰黎架！第一啖飲落去呢，係好濃既奶茶味，冇乜紅豆既味，但慢慢飲落去順便食埋d紅豆就覺得個奶茶味同紅豆味幾match，真係唔錯唔錯架！其實單嗌呢杯紅豆冰我覺得有d貴，下次食應該會跟餐嗌，禁就平十幾蚊啦！最後呢，係呢間冰室比較出名既香蔥碎牛多士($25)，呢個都係我覺得最值得推薦既！想食多士既讀者們就記住2點後先去啦！因為多士係2點後先會出爐既，早過2點就冇得食。一黎到個時，就已經嗅到好大陣香蔥味！D滑蛋仲要半凝固禁,真係睇到都流哂口水！仲要個多士真係好大份，同個鍋仔公仔麵個鍋差唔多大，我就問侍應拎餐刀將個多士切開4份，唔係真係唔知點食法好啦！食落口真係好脆呀個多士！加上個蔥牛蛋係暖粒粒，邊食仲要因為D料好多，好易流出黎，食呢個真係又暖胃又滿足呀！凍冰冰個時去呢度食呢個做下午茶真係PERFECT！最後因為個日係情人節，我見到隔離台好多嗌左西多士既，上面塊牛油都係心型架！店主真係好貼心又聰明呀！仲有D侍應既服務態度真係好好，嗌香蔥碎牛蛋多士既佢會主動行埋泥問你要唔要加黑椒，好有禮貌。而且呢間冰室既位都多，唔洗等位同唔收加一真係好好，我臨走埋單個時收銀員仲比左兩封利是比我！話情人節快樂呀，真係好窩心！個利是仲係印住"海安咖啡室"都幾靚，入面當然唔係錢係朱古力金幣啦！…Read More

繼續尋找港式懷舊冰室的食旅！:)前陣子收到openrice的電影戲票，開場前的早上，我和baka先到上環的海安咖啡室吃brunch，一直很想試這間懷舊餐室，但因星期日休息和地點較遠的關係，始終未有機會享用，是日終於可以一嚐了，非常期待～從上環地鐵站走到海安咖啡室約需10分鐘，看到海安的門面時baka都嚇了一跳，原來是這麼舊的餐廳！baka之後跟我說初看店面時其實很擔心裡面的環境。門外有玻璃櫃陳列新鮮出爐的麵包和糕點，也可以窺探到餐廳裡面的環境。留意到店員以女性為主，態度親切，我們被帶到較裡面的卡位。海安雖是擁有超過六十年歷史的老式餐館，但卻毫無殘破感，裡面設計仍然保留著舊式茶室的風格，例如赤紅色的座位擺設、天花的大風扇等。:)另外衛生環境非常良好，座位舒適，想不到一間懷舊餐室竟然能保持在如此狀態，實在有賴經營者和店員們的悉心打理。:)在牆上有「禁示吐痰」的牌子，現在已經很少有這種提示字眼了。海安的餐牌主要分兩種，其一是列明所有食品的菜單，其二是圖文並荗的推介，方便特地來尋食的客人。baka點了一個常餐Ａ（＄３５），原本配菠蘿油，但我們加錢配奶油脆豬（＄８）。熱噴噴的奶油脆豬是本餐的最愛！從賣相看來脆豬烘得金黃，口感香脆鬆軟，脆豬上塗有很多煉奶和牛油，兩者配搭起來超好吃，煉奶和牛油那豐富的甜香味到現在仍深刻地記錄在我的味蕾上。:)常餐還配了牛肉米線，伴有幾片椰菜，配搭清淡。而我則試了推介之一的鮮茄羅宋湯雙拼麵（＄３５），選了雞蛋和叉燒。麵上放有兩大塊太陽蛋，蛋下有大量鮮茄羅宋湯配料及叉燒。鮮茄羅宋湯雙拼麵用上福字麵，麵條煮得軟腍，羅宋湯湯底味道濃郁，而且配料甚多，所以吃起來很滿足，整體不算特別，但可以一試。在落單時店員嬸嬸問我們要吃推介的香蔥多士，原本未有這個打算，但見有特意推介質素應該不俗，還是試一試吧！香蔥碎牛炒蛋厚多士（＄２５）製作需時，可見是即叫即製。落單的時候沒有留意到是厚多士，送上來時有點驚訝，因為從麵包皮看得出非常厚切！而多士上放有吸引的香蔥碎牛炒蛋，蛋香洋溢。要吃這款多士有點麻煩，我們將多士切開八大份，再慢慢吃。多士厚得來口感鬆軟，豐富的配料帶濃郁的鹹香味，炒蛋炒得滑溜，但難免油膩，不過整體仍然值得一試。飲品方面，我們將常餐的餐飲升級為奶茶紅豆冰（＄１８）。海安的紅豆冰選擇多，如奶茶、咖啡紅豆冰都是第一次見，顧名思義，奶茶紅豆冰是凍奶茶和紅豆的配搭，上面放有圓冰球塊，驟眼看還以為是雲尼拿雪糕！可惜味道只屬普通，尤其紅豆的質素麻麻，質感偏軟腍，未能發揮紅豆應該有豆香味，奶茶亦是不過不失的水準。不知為何，我對冰室、茶餐廳之類總有一種莫名奇妙的執著，或者惟有透過這些餐廳才能尋找到消失中的老香港味道吧？:)在芸芸餐廳的選擇中，比起只著重包裝的倒模式新店，那些關一間、少一間的舊式冰室還是我心目中的第一位。…Read More

早晏晝經過呢間老字號海巿冰室就入去試下佢, 由於LUNCH時間，　所以等左大慨５分鐘先有位入面環境：　十分舊式格局，　兩邊有卡位，　中間有圓枱櫈。　本身想試佢既既多士，　見好多食評都有講，　但佢十分有姓格，　多士類要２點後先有，　無緣唯有叫左個雜會公仔麵同奶茶紅豆冰，　公仔麵都係正常既麵，　入面有什餐肉，　牛肉都蛋，　蛋到七成熟，　不錯，　而個碗係高身，　令到溫度ＫＥＥＰ　得耐Ｄ，　都值得讚賞。奶茶紅豆冰特別第一次試，　係將香濃既奶茶取代左本身紅豆冰既奶糖，　奶茶味由於都有奶既關係，　所以同紅豆既味道都幾ＭＡＴＣＨ，　紅豆整得比較林，可以在飲管一吸就食到，幾好，　本身應該紅豆加奶茶係十分甜，　但佢上面嗰塊圓形冰做得好好，　可以中和番甜味，　整體感覺滿意下次食ＴＥＡ試佢個多士…Read More

星期六下午跟朋友有約會,朋友提議到上環的海安,一向為食的我竟不知道上環原來有間如似特別的咖啡室。下午大概兩點左右到達, 朋友比我早到要坐卡位當然不是問題。出門前上網一查,心裡已經鎖定某幾款食品, 一坐下便點了奶茶紅豆冰, 叉燒撈麵 (加辣), 以及西多士。奶茶紅豆冰茶味剛好, 紅豆煲得軟糯, 快餐連鎖集團的出品即時比下去, 個人認為品質亦比港式連鎖茶餐廳要好, 茶奶比例平均。叉燒撈麵也十分出色, 相信叉燒應該不是自家製的吧, 不過質素也挺不錯, 肥瘦適中, 也沒有嚇人的顏色, 撈麵的麵質亦可以, 沒有過淋的弊病, 只是我覺得可以再熱一點。辣味驟眼根本看不到, 一點跟辣有關的「紅色」都沒有, 可是一直吃下去辣味便浮現。有一小插曲是咖啡室職員忘記了我個 order, 眼見其他人客所點的食物也比我先上檯才發覺我個叉燒撈麵應該漏單了。店家提供兩款不同的西多士, 有用原片麵包炸的傳統式及切開一粒粒的新潮版本, 今次先試一試傳統手勢。西多士的賣相金黃而且脹卜卜, 四邊亦切得很整齊, 即時引起食慾, 淋上糖漿加上牛油, 一口咬落吃盡兩片麵包內的花生醬, 真是人間享受。聽說海安有六十年歷史, 咖啡室內的裝潢充滿懷舊氣氛。紅色絕對是咖啡室的主調, 卡位是用木頭造的, 連包在外頭的軟墊也沒有, 難得是沒有客人認為這是個問題。 吊扇、黑白照片, 以及菜單上寫得剛勁有力的書法, 均看得出店家的心思。正忙著欣賞這些的時候, 耳邊傳來呤呤的電話聲, 回望掌櫃位置先發現有一部還可運作的黑色撥號電話, 好媲美「花樣年華」的風情的確使人神往。最叫我感到貼心是如此懷舊的咖啡室竟然安裝了二十世紀不可缺少的空調, 可以在此悶熱的環境下舒服地懷舊卻又可享受著現代文明的好處, 有人說這是香港最差的時代, 那麼我們要趕緊在地產霸權再進一步雄據此地之前, 我們要珍惜時光了。…Read More