San Nam Yuen (One Capital Place)

約左阿爸阿媽食住雞煲，打住邊爐，睇住大電視欣賞奧運會閉幕禮，一大享受，今屆香港成績真係非常好。灣仔站C出口，過馬路行去3分鐘左右，到海德中心2樓「新南苑私房菜」，服務員態度不錯，閒時同阿女玩下，傾計，家的感覺。雞煲任食有辣度可選， 先食一個小辣， 再叫一個唔辣比小公主。件件都係滑雞件， 啖啖肉， 香噴噴。配搭脆卜卜油炸鬼。食返罐冰凍可樂，解熱氣，爽。飲品櫃都係任飲架。。韓式飲品，馬蹄爽，台灣鳳梨烏龍茶等等。。。火鍋湯底就揀左比較特式的 花甲蟹窩。。有個南瓜冰蠟筆小生浸溫泉咁， 好有心思。有3款海鮮/至尊/牛魔王， 食肉獸家庭就揀左牛魔王餐， 有美國黑毛和牛肉眼， 安格斯牛小排， 美國肥牛。。仲有紐西蘭羊肉卷，美國肥牛心片。。。我地仲追加左台灣鴨血（好滑），包心丸（流心彈牙），墨汁墨魚丸（超級非常咁彈牙，帶點軟糯添）。。。食完已經勁飽最後每位一小瓶3.6北海道牛乳奶凍， 阿女食埋我個杯。。。仲有獨立房間，每人頭加20元咋， 增加私人空間感。非常滿足的一晚。…Read More

逛完銅鑼灣，晚上走到灣仔吃火鍋和雞煲。先上前菜冷盤，豆角和雲耳，加上蒜蓉粒和辣油，微辣，十分開胃。吃雞煲前，我們先到飲品櫃拿飲品。飲品選擇多，有基本的可樂、韓國罐裝飲品，還有五花茶。我先拿一罐蘆薈汁解熱，然後只喝五花茶。朋友說五花茶比涼茶舖的好喝，最後我們喝了兩大瓶。雞煲上桌，蓋上後待滾，然後兩三分鐘就炒一炒再蓋上，以防變焦。切開幾件雞肉，看見熟透才關爐。份量很多，而且可以再添。可選辣度，選了BB辣，雞肉嫩滑。有自助調味料區，拿了些蒜蓉和葱，為雞肉添上香蒜味。吃過雞煲後，店員把雞煲拿走，換上一個火鍋。選了香茜海底椰花膠窩，下火消暑解膩。花膠嫩滑，海底椰帶嚼勁，湯底清甜。凍蟹，即食，看到鄰桌吃得津津有味，可惜我敏感，暫時不能吃，只好交給朋友吃了。店員送上隨餐的配料，生猛海鮮拼盤。有蝦、鮑魚、  蜆、蠔、蟶子和魚片，全部都很新鮮，而且洗得很乾淨，沒有沙。本地手切牛頸脊，牛味自然濃郁，油脂分佈適中，而且份量很多，兩人吃很足夠。菜類多而新鮮，放得如一束花般，很快便被我們吃光了。小籠包和鯪魚球共上。想不到小籠包放在這個清湯底是如此適合，咬下多汁。鯪魚球更令人驚喜，魚肉新鮮，爽口彈牙，品質上佳。奶凍，小小的一個甜品作結尾，但一點也不馬虎。奶凍嫩滑，濃郁的奶香，不會過甜。吃到這裏已經很飽，沒有再點額外的火鍋配料，十分滿足。…Read More

天氣又開始轉涼，正好打邊爐的好時機，今晚來到灣仔這家新南苑私房菜火鍋鷄煲，放縱一下。一入門口就有一個大魚缸，各式各樣的海鮮，保證生猛。海鮮火鍋放題，三位以上可以免費食雞煲，雞煲可以任添，之後選一款湯底火鍋，每枱有一個海鮮拼盤及本地手切牛頸脊，另外有多款火鍋配料任點任食。飲品在雪櫃自取，有多款任君選擇。混醬區乾淨企理，選擇亦十分多樣。羅宋湯甫入座侍者立馬送上羅宋湯一客，先暖暖胃，味道溫和，不太刺激，正好開開胃。招牌麻辣雞煲一上枱一股麻辣香氣撲鼻而來，一嚐雞件，辣得舌尖發麻，味道令人上癮，注意雞煲會越煮越辣，加入油炸鬼收吸醬汁精華，增添食趣。新鮮蟹窩花甲湯底吃完雞煲侍者就換上火鍋湯底，今次選擇了新鮮蟹窩花甲湯底，有一隻以南瓜蓉做的熊仔，十分有趣，而湯底味道剛好不會過濃，可以突出食材本身的鮮味。生猛海鮮拼盤海鮮拼盤絕對是賣大包，料精而鮮，龍蝦用上真正龍蝦，並非常見次一等的波士頓龍蝦，蝦頭有膏，肉質爽口鮮甜，貴妃蚌鮮甜多汁，鮑魚亦新鮮大隻，帶子肉質飽滿，鮮甜有嚼頭。本地手切牛頸脊雪花紋理清晰，分佈均勻，口感軟腍，入口帶著油脂香氣，牛肉味濃郁，可惜只有一碟，不過少吃多滋味。小籠包/豬肚丸小籠包用來作火鍋配料非常有玩味，而味道出奇地美味，值得一試。蔬菜拼盤蔬菜拼盤同樣有心思，有多種蔬菜，當中以韭菜花最令人回味，入口鮮甜清爽，一解火鍋的油膩。吃不夠的話還有其他任點配料，今次加點了韓國芝士麵作為結尾。奶凍最後侍者送上每人一客奶凍作為甜品，入口幼滑可口，奶味濃郁。…Read More

新南苑雖然開業已久，但小編遲遲未有試過，今天終於有機會喇！店內沒有太多的裝潢，最大特色是已牆上的彩繪作點綴。午市餐廳不賣雞煲火鍋，而是一般大路的小炒客飯。 先來的「蘿蔔瘦肉湯」足料可口，建議追加更多的雞腳更合小編心意。「砵酒焗生蠔」雖然酒香蠔味勻不算重，但成品經炸煮後質感外脆內嫩口味都算不錯。 「薑蔥霸皇雞」評價中規中矩，雞香嫩感合理。薑蔥的投入量可再增加。「奶凍」甜品奶味芳香，以敬送的甜品而言值得一讚。午市無加一，人均消費約一百元性價比合理，可以再訪。 …Read More

觀塘重建計劃，令近廿年新南苑撲鼻火鑊香味暫別觀塘，先後到牛頭角駐足，隨後擴張至旺角彌敦道，更衝出九龍進入港島灣仔，帶來更多美食小炒。持續對每道小菜的高質量要求，於今年取得‘星級私房菜品牌大獎’及‘香港百道經典美食’ 入圍熱店的兩個獎項。同中學同學雙雙灣仔下班，訂了位，托著吉吉的胃，隨樓梯踏上2樓。門口左邊整潔放置雞煲火鍋的調味配料；另一邊則是一缸缸的海鮮，包括象拔蚌、龍蝦和大魚等等，目測都是肥肥大大，小菜專用。除了中間的長橫檯之餘，有大圓檯、更設有多個獨立房，以配合不同顧客用餐需要。牆身豐富的壁畫，表現著香港大排檔大伙兒熱熱鬧鬧的境況，主題鮮明。更有趣的是，每間獨立房皆以學校課室為名，校長室、實驗室、美術室等，非常特別，也勾起不少話題呢！仲有數間，下次可以留意下。吃著木耳花生，快手開了忌廉鮮奶和冬瓜茶（罐裝任飲的!!），點了以下推介主菜。仕應們動作都很快；私房菜有別於餐廳，其中一環是親切感。主菜 1,2：深海龍躉兩味 ($398) － 1. 紅燒頭腩等左差不多十分鐘，終於上菜啦! 大大煲龍躉香噴噴，龍躉大大舊肉、腩、腐竹和豆腐等。呢個組合，真係無得輸！頭腩炸得較厚身，相信是大骨較多需煮的時間長而致。碗內的紅燒腩，即使龍躉是主角，紅燒紅潤色澤，亦顯而易見師傅的用心。半肥瘦呀！友人即喊道：男人的浪漫呀！鍾意食魚的我，快手搶到多幾塊黎食！－2. 油泡龍躉球開初以為是一球球上，誰知是片片上，弄了一會才知道呢～不說不知是油煮成的。油泡煮熟，不致肉質粗糟，反讓魚肉保持滑口剛熟的狀態，而魚亦非常新鮮，這樣一煮，吃下也特別嫩口。真係好滑，無骨亦是重點！很養顏呀～～！主菜3: 辣子雞 ($138/半隻)來一碟四川家常小菜，難得都吃得下辣。望落雞件外層的粉，沒有掉到滿碟也是，乾淨利落。辣子雞的香味，必然是靠炒香料的功夫，四川辣椒和花椒亦是精華、味道的支柱。未食都已經流晒口水呀～好滿足的乾爽四川辣，半隻吃下一件又一件，很好食！主菜4: 鮮蟹肉蟹籽海鮮脆米炒飯點左小菜，飯是跑不掉的。主要有三款飯，鍾情海鮮，所以點了這個。非常非常香炒味，飯都粒粒分明，啖啖鮮蝦、珊瑚蚌等。即使炒令水份盡失，但蝦肉依然有彈性同好水潤。這碟飯都足夠三人食，但由於好好味的關係，同友人清晒！驚訝我倆的食量！最後還有甜品奶凍送，好好味！環顧其他食客都點了龍蝦，有的就雞煲。好香好吸引，下次要試下!!!…Read More

新南苑喺旺角都已經開左一段時間，有唔少好評，加上早前有電視節目介紹過，又再喚起我想試之慾，原來港島區已經有分店，更加方便我，週二晚收工就過左黎食晚飯。一早聽聞過佢地嘅半放題海鮮火鍋抵食，但由於我最近食得太多韓燒打邊爐，預先睇過其他人上傳嘅菜牌，見呢度有小菜可點，就比較放心。餐廳位於2樓，驟眼睇位置唔算好多，尤以大枱為主，枱與枱間空間感足，環境唔錯，坐得舒適。細看之下先知原來佢地設有獨立房間，裝潢都幾有心思呢，廳房以學校為主題命名，例如電腦室、體育室等。特別係頭頂嘅大燈，木桶造型都幾特別。一出lift門已經好快有店員招待，而且聞到好香雞煲味，原來3位以上可以先享用雞煲再轉湯底打邊爐，都有唔少火鍋店走呢個路線而好成功。仲要見到佢地9:30pm開始會做8折，$228就食到半任食火鍋，免加一、醬油，真係抵。搵日收夜要再黎試下。因為我地選擇食小菜，所以店員都好細心，幫我地拆走電磁爐，以免阻礙。餐紙上印有關於新南苑嘅小小背景，係以前觀塘仁愛圍最旺嘅食肆，後來因為重建以結業，輾轉經歷時間，又再喺旺角開店。小菜選擇不少，部分菜式例如鵝掌、花膠海參等，需要一日前預訂，另外中式小菜、炒飯麵飯都有供應，定價中上。食小菜嘅客人佔少數，即叫即炒，但都唔洗等好耐已經上菜。另外店員都送上熱茶，見賬單上並冇收取茶芥~用嘅係透明茶壹，有個好處，店員會不時留意住，會主動加水，對服務好滿意菜膽上湯雞 (半隻) $138上湯雞做得相當出色雞肉啖啖肉，肉多骨少，而且非常滑溜，雞胸位都可以接受。雞皮睇落晶瑩，食落唔肥唔膩。上湯唔會太稀，微微稠身，沾上雞肉，調味適中，加上有菜膽伴碟，食落帶甜。雖然另外附上薑蓉，我覺得單食都好夠味。（實在食過太多上湯雞鞋到冇朋友，所以對呢道菜好滿意。）蛋黃黃金蝦 $148花多眼亂之下，想食蝦，喺油泡大蝦球、茄汁生煎蝦、黃金蝦中糾結…最後男朋友揀左後者，因為平時自己唔會煮，哈哈。確係另一推介之選！蝦嘅size夠大隻，蛋黃平均沾滿蝦殼上。淨係聞到都好香，急不及待要食。蛋黃味道香濃，但食落完全唔會鹹，配埋爽口彈牙蝦肉，夠新鮮，食完一隻又一隻西蘭花炒帶子 $148西蘭花炒帶子其實冇乜花巧可言，但味道都屬中上。蘭花保留爽口口感，帶子夠新鮮，點炒都唔會唔好食沙嗲炒牛肉 $138炒牛肉都以芥蘭墊底，有菜有肉，而且給得大方，菜嘅份量不少。牛肉夠嫩腍，炒得入味，加上有少少彩椒、沙嗲醬，幾惹味，送飯之選不過當日坐正冷氣位，加上大部分人食火鍋，可能冷氣較大，都有少少凍，食完飯都冇特別坐好耐就離開。叫埋單之際，店員話有個甜品送哈哈，見對面食火鍋埋單前有食，仲以為食小菜冇份奶凍呢個奶凍好正奶味重，而且夠滑，臨走同店員講聲話奶凍好食，佢話係3.6牛乳做嘅~難怪！整體黎講，雖然主打火鍋，但小菜都相當唔錯喎，幾有水準。環境唔錯，坐得好舒服，有機會同朋友黎都會訂房食火鍋！服務都合格有餘，比好多任食火鍋，中菜館好。近門口位嘅調料區：餐牌：…Read More