homemadecafe

星期六同朋友去灣仔行完動漫節後, 夜晚去左旺角食飯。今次去左一間樓上cafe, 餐廳座位寛敝，入面擺左好多boardgame, 好啱同朋友過黎玩。我哋叫左幾款食物，香辣虎蝦海鮮意粉，入面有青口，虎蝦，魷魚和蜆肉等海鮮，虎蝦肉質彈牙，意粉煮得剛好，微辣惹味。黑松露意大利飯，黑松露味香濃，意大利飯口感煙韌又有咬口。另外叫左兩款小食，椒鹽魷魚鬚, 酥脆香口, 魷魚鬚爽口彈牙。越式炸蟹餅，炸得鬆脆，配合特製醬汁，十分開胃。最後叫左豆腐芝士蛋糕，味道清新，口感細滑，甜度適中。…Read More

今晚同朋友食飯 朋友輕鬆揀左間CAFE☕️係位於旺角樓上的CAFE-部屋咖啡室📍-這家地點都算方便 同朋友約食飯容易☑️可以有唔同board game 不過我同朋友以食飯為主🥢食物以西餐為主 我揀左意式辣肉腸意粉🍝有驚喜🧡以茄醬，辣肉腸，蘑菇，洋蔥，青椒 夠開胃🫑🍅少少辣🌶夏天食岩晒 而且足料呢😋-朋友點左All day breakfast 🍳有齊麵包，沙律菜，滑蛋，牛仔腸，煙肉，炸薯條🍟🥗麵包好脆🥪不過其他食物相對簡單🔎所以價娥我覺得唔算平 少少偏貴❗️-飲品方便我點了巨峰提子Q果梳打🍇普通一點朋友點了奇異果沙冰🥝反而有小清新感覺💚-總的來說同朋友快食不錯🤣不過環境相對簡單一點 未必好舒服坐得好耐⚠️…Read More

⪡ Combo for two 二人套餐 ⪢ ($388)🍕10吋手拉pizza - 千島夏威夷pizza最鐘意加咗菠蘿嘅pizza🤪批底好鬆脆，菠蘿、煙火腿呢個簡單嘅配搭再配千島醬都好惹味！手拉pizza唔係浪得虛名，芝士真係拉到絲😍正呀！🍝香辣虎蝦海鮮意粉海鮮配料好豐富，有虎蝦、青口、蜆肉等，虎蝦好大隻啖啖肉；意粉軟硬適中，掛滿蕃茄醬食落好開胃～🦀炸蟹餅外面炸得金黃色，口感彈牙，點埋甜酸醬好香口惹味🤪🥝奇異果沙冰 (+$23)甜度恰到好處，奇異果味道香甜，做成沙冰解膩一流～🍫榛子朱古力 (+$8)朱古力都有靚靚拉花🤎散發住淡淡的榛子香氣，味道唔會太甜唔錯👍🏻…Read More

旺角呢間樓上Cafe既環境好有Party room feel,好適合一大班朋友黎聚會,傾下計挽下board game咁😂食物既選擇唔算好多,但board game既選擇就幾多,有得食又有得挽,係有Party room元素既一間休閑Cafe✨價錢方面都唔算好貴,去Party room都唔止啦😂性價比方面唔錯👍🏻呢度既落單方式幾得意😂係要自己寫係塊白版到,叫店員同埋單都要㩒鐘叫,好處係唔會有人成日行黎行去,可以專心傾計😂《二人套餐 $358》呢個二人餐包一個10吋手拉Pizza,一碟意粉或飯,一份炸蟹餅同兩杯野飲,性價比幾高,幾抵食😌如果小食想轉其他野就要加錢,餐飲都係🙈飲品既選擇都幾多,有好多特飲揀,想飲熱飲既話仲有一大壺花茶俾你慢慢嘆,有個熱座keep住保暖,咁就唔洗驚啲茶凍晒啦🙈《炸蟹餅》炸蟹餅好夠熱,應該係即刻炸起,都幾好食😋《西西里Pizza》Pizza既味道唔錯,有辣肉腸,腸肉粒,蘑菇同火箭菜,用蕃茄醬做base,食落唔會咁漏,Pizza個Size都唔會太大個,兩個人都食得晒🙈《香辣虎蝦海鮮意粉》雖然呢個虎蝦海鮮意粉睇落好似好普通咁,但食落都幾好食,個人認為可以再辣啲,覺得冇乜辣味,辣啲應該再惹味啲😋《手沖冰波奶茶 +$22》呢杯奶茶幾香茶底,用奶茶整成冰波唔怕溶左會溝淡左,飲落都唔太甜,幾好飲🙈《奇異果沙冰 +$22》呢杯奇異果沙冰就相對偏甜,可能係因為加左奇異果汁,而個果汁本身就比較甜🍹整體食物質素都ok,不過不失,未至於好有驚喜,正正常常咁,勝在有個地方可以傾吓計hea下😂部屋咖啡室旺角登打士街43H號登打士廣場12樓[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️⭐️推薦⭐️⭐️⭐️…Read More

唔知而家一大班人仲興唔興去啲有boardgame提供嘅cafe度食嘢同玩呢？我以前都有去開呢類嘅cafe玩，實在太令人懷念了～呢間餐癮就係呢類，提供大量boardgame嘅cafe，仲會有嘢食提供～本來我都冇期望話會好好食，因為感覺呢啲都唔係主打嘢食嘅餐廳，但係味道竟然出奇地唔錯，而且我係平日夜晚去食，估唔到都時不時有客人入嚟食吓野～我叫咗個二人套餐($358)，份量都幾多，包10吋手拉pizza，意粉/飯，炸魚餅，同埋兩杯嘢飲，絕對夠兩個人食～( ˶ˊᵕˋ)੭♡  ✎ BBQ 烤雞蘑菇pizza 材料有烤雞、洋蔥、蘑菇同落咗燒烤醬。食落整體都幾惹味，唔會有一種材料嘅味特別突出，蓋過另一種材料嘅味，樣樣材料味道都試到！✎ 黑松露雜菇意大利飯 有啲餐廳煮到Risotto口感幾硬身，反而呢間嘅意大利飯食落口幾軟腍，不錯，個人比較鍾意食啲感覺煮熟咗嘅飯哈哈，同埋黑松露同忌薕味都幾濃郁，岩哂我口味～而佢啲菇都幾滑嫩～好味O̤̮K̤̮‬ ✎ 炸魚餅 表面乾身，入面軟腍，魚餅嘅魚味勁濃！！配埋泰式辣醬，酸酸地，十分開胃！✎ 奇異果沙冰 飲過一啲餐廳嘢飲，奇異果味道勁酸，而佢呢杯就唔會太酸，淡淡奇異果味～✎ 黑森林 Mocha有3條朱古力條、cream同雪糕，飲落有啲咖啡味，但主要都係朱古力味重啲，對於唔鍾意飲咖啡嘅我嚟講，呢杯都幾好飲～(⁎⁍̴̛ᴗ⁍̴̛⁎) …Read More

疫情之下，好多朋友都見唔到，乘情況好轉，就約番出嚟相聚。為咗方便大家，選址旺角，貪佢就腳。呢間部屋咖啡室從來未嚟過，但係睇到OpenRice上佢嘅評分幾好，環境適合三五知己傾偈，最緊要係唔會趕人走，所以就決定喺呢度聚會。因為對旺角唔熟悉，搵咗一輪至睇到個入口。呢幢樓其實都有幾多食肆，排隊搭lift上樓嘅人十分之多，我等咗成五分幾鐘先至入到個電梯。到達之後發覺我係第一個到嘅，對正電梯口嘅餐廳位置已經滿座，仲諗住唔通要等位？好在掃咗安心出行之後，侍應就帶我去另外一間房坐，冇幾耐啲朋友就上晒嚟喇。等朋友嘅時候我就睇咗個餐牌，因為今晚大家都係志在傾偈敘舊，所以人一齊就決定要個四人套餐。套餐$698可以選擇一個14吋嘅Pizza，一個沙律，兩份主食同埋四杯餐飲。我哋加咗25蚊要個越式炸蟹餅，另外又使多少少錢upgrade咗飲品。先上嘅喺Caesar salad，份量唔算多，味道還可以，但係如果醬汁俾多啲會更好。跟住上嘅係越式炸蟹餅，一份有六件，跟埋一碟泰式甜醬。蟹餅約麥樂雞咁上下大細，炸到金黃色，都幾香口好食，可惜一時之間唔記得影返張靚相😝。主食有意式辣肉腸意粉同埋黑松露雜菇意大利飯。我個人對意大利飯一向冇乜興趣，所以只係食咗一啖，都叫做食到啲黑松露味。至於個辣肉腸意粉，我就覺得一般般，可能係香腸類的食物一向都唔係我嗰杯茶，此外我仲嫌佢的意粉煑得唔夠腍。Pizza我哋要咗BBQ鷄肉蘑菇，尼度嘅pizza 餅底喺即整嘅，熱辣辣新鮮出爐嘅時候鬆軟，配埋啲鷄同蘑菇一起食的確好唔錯，值得俾個讚👍。餐飲四杯，我哋各自選擇自己所好。坦白講，因為係敘舊，所以大家嘅注意力都冇乜擺喺食物度上。雖然如此，整體上我哋都覺得啲食物係OK嘅，最緊要係我哋都食得好開心，冇俾人啤住趕我哋走。轉下眼就坐咗成兩個半鐘，約九時半就埋單打道回府去了。…Read More

最鐘意每次做完gym都食好野🤓個人會好開心🤪好耐冇去啲樓上cafe，講緊係有baord game玩個啲cafe。呢度落單係自己寫落塊白板再交俾店員就ok🤣.🍔自家制手打牛肉漢堡 $118 (4/5)佢啲野食全部都即叫即整，所以好熱辣辣🤩牛肉漢堡好juicy，配埋溶溶地既芝士，配菜有蕃茄、洋蔥等，都好新鮮。本身睇圖以為係薯角，點知上枱係波浪紋粗薯條，不過唔緊要～都係我最鍾意既😍😍😍. 🍝香辣虎蝦海鮮意粉 $158 (4/5)呢個意粉材料超😮豐富，有大蝦、青口、蜆肉、帶子青椒、蘑菇、洋蔥等🤪食落少少辣，不過可以接受，似tabasco～不過因為有落茄醬，所以食落酸酸辣辣幾開胃～.🦑椒鹽魷魚鬚 $52 (3.5/5)味道其實唔錯，炸粉唔厚，但略嫌偏油左少少. 🍰豆腐芝士蛋糕 $48 (4.5/5)雖然係芝士蛋糕，但一啲都唔漏，又唔會好甜，質感軟滑，我自己一個食哂成件🙊味道相對一般芝士蛋糕清淡，做飯後甜品啱哂👍🏻. 🥝奇異果沙冰 (特飲跟餐+$22) (4.5/5)炎熱既天氣飲番杯沙冰簡直透心涼💦酸酸地幾好，加上食完意粉burger，唔想飲啲太甜既野，呢個奇異果沙就啱哂，解渴又解膩🤓…Read More

朋友相約出來聚一聚， 在旺角區可以坐耐些的地方我就想起位於登打士廣場12樓的部屋咖啡室， 之前來過感覺食物質素都唔錯，又有很多不同的board game，食物種類有意粉、小食、pizza和甜品等等。 朋友就喜歡點二人套餐$308，西西里pizza， 香辣虎蝦海鮮意粉， 炸蝦餅、熱水果茶$30、 奇異果沙冰$20。香辣虎蝦海鮮意粉～ 材料非常豐富，有茄醬、虎蝦、青口、海鮮、洋蔥和青椒，酸酸辣辣的很惹味。西西里pizza～ 有茄醬、辣肉腸、腸肉粒、蘑菇和火箭菜， 喜歡辣肉腸和茄醬的味道， 還有我最愛吃的火箭菜， 即叫即整， 好有住家的感覺。炸蝦餅～ 點泰式甜酸醬吃， 味道香口。熱水果茶～ 有很多新鮮水果和薄荷葉， 但味道稍為有點甜。奇異果沙冰～ 夏天很喜歡飲沙冰， 解渴又清涼。餐廳價錢親民， 店內雖然細細的， 但坐得幾舒服。:)…Read More

今天同柑太係旺角行街行到攰攰地，於是就搵左間樓上cafe坐下嘆個tea，入到黎部屋咖啡室，發覺佢地有好大塊落地玻璃可以眺望到九龍甚至去到何文田方向，坐低發覺其他食客都係年輕一輩為主，亦有後生情侶同夫妻帶埋小朋友黎幫襯，而且發覺佢地有好大個boardgame櫃，放左好多table game畀客人玩。店內有很多特色擺置和佈置，現在是萬聖節便多了一些萬聖節的裝飾言歸正傳，我地睇完餐牌，就係留言板自己寫番要乜野野食交畀侍應，點左卡邦尼意粉，雪糕加香蕉朱古力多士，黑森林mocha同埋一杯奇異果沙冰。蛋黃汁卡邦尼意粉($56)意粉較為腍身，而醬汁味道清淡，兩者配合剛好，當中的洋蔥和黑椒提升了意粉的味道，刺激了食欲和口感，煙肉的分量頗多，整碟意粉的分量較一般食肆提供的為多，保守估計達1.5倍呢。雪糕伴朱古力香蕉厚多士($54)多士厚身，朱古力醬很濃很多，雪糕及香蕉都是穩陣的配搭，而味道亦是佳作，唯一美中不足是若香蕉可以烤一烤火灸一下，味道必定更為突出。黑森林mocha($48)咖啡味夠，而且配料亦很配合整杯飲品的味道，有雪糕之助令口感更滑。奇異果沙冰($43)甜中帶點酸，醒胃又易入口，奇異果味濃。就算唔鍾意玩boardgame，係呢度仍然可以眺望窗多景色，店內的氣氛柔和舒適，看到其他食客三五知己盡情在店內放鬆玩樂，聽著播放的音樂，與玻璃外的街道完全隔絕，擺脫繁囂，讓自己放鬆一下，品嚐精美的食物，實在係一個難得好去處。…Read More