Tempura Makino

香港真係好多日本話江龍嘅餐廳😃今次介紹係位於沙田新城市廣場入面嘅其中一間日本大阪過江龍專食天婦羅嘅餐廳🍤😀============================天丼蕎麥麵定食 $148 （可轉烏冬)因為我鐘意食烏冬多過蕎麥麵，所以我轉左熱嘅湯烏冬🍜佢仲可以揀冷or熱添定食入面已經有齊前菜、麵豉湯、烏冬同埋飯🍚添😆呢個定食嘅天婦羅包括有：虎蝦🍤、魷魚🦑、北海道舞茸菇、茄子🍆、南瓜🎃、法國邊豆、日本雞蛋🥚佢所有天婦羅個外層個炸漿唔會好厚，炸到好酥脆，唔會油淋淋😆😆虎蝦仲要都幾大隻😁😁呢個定食我最鐘意其實係天婦羅流心蛋🍳一咬開流晒啲黃落啲飯到，真係送飯一流👍呢個定食仲要有飯有烏冬，仲要有咁多件天婦羅，食完真係好飽🤤🤤============================至福天婦羅便當 $198另外我地仲叫左個便當🍱，呢個便當就淨係得飯就冇麵嘅，但佢多左啲刺身🍣，分別有吞拿魚赤身、三文魚同帶子各兩件天婦羅方面就有虎蝦🍤、鱚魚、魷魚🦑、北海道舞茸菇、雞胸、蘆筍😃另外仲有沙律🥗同埋麵豉湯呢個便當貴啲，但就多左個鱚魚同刺身，但就少左茄子🍆、南瓜🎃、法國邊豆、日本雞蛋🥚，我覺得如果一心想黎試天婦羅我覺得食天丼蕎麥麵定食個個會好啲，唔洗揀咁貴😁刺身唔係太特別總括黎講，以呢個百幾蚊呢個價錢食到日本過江龍嘅餐廳，仲要個餐有飯有麵有前菜有湯，天婦羅仲要係好食，所以性價比都幾高，可以再試😁jan_foodie …Read More

沙田呢間舖食咗好幾次每次都淨係會嗌佢嘅天丼蕎麥麵定食首先因為我女好鍾意食佢哋嘅凍烏冬(佢可以揀凍或熱嘅蕎麥麵或者烏冬🍜)另外係呢一個定食其實份量幾大我哋一大一細share食加多一兩件天婦羅就好夠飽佢個定食已經有虎蝦、魷魚、茄子、南瓜、北海道舞茸菇、法國邊豆同日本雞蛋👍🏻👍🏻仲有埋麵豉湯同埋前菜所以其實都幾抵食佢哋嘅天婦羅雖然唔可以話係非常出色但其實都幾好食唔會太油膩, 炸粉亦唔算太厚只係略嫌個雞蛋同舞茸菇淡口咗少少嗰日想試多一款前菜所以就試咗佢個沖繩水雲醋物酸酸甜甜幾好食幾開胃…Read More

發覺好耐冇食天ぷら, 喺香港如果想用親民價錢食到的話, 除咗金子半自助之外, 我會諗起呢間Tempura Makino喺香港只有一間分店, 落戶沙田新城市廣場, 主打當然係即叫即製天婦羅🍤坐吧枱可以睇到廚師工作, 視覺衝擊味蕾👍今日就點咗天當蕎麥麵定食, 包括有虎蝦，魷魚，舞茸菇, 茄子, 南瓜同炸蛋🥚 (同埋突然好想食soba😋)基本上食得出材料新鮮, 虎蝦彈牙, 茄子同南瓜都炸得剛剛好好出色，而個炸蛋亦都恰到好處, 外脆內流心; 再加上味噌湯, 滿腹度100%…Read More

沙田新城市廣場呢幾個舖位近年經常轉換，已經唔記得之前係咩了。見到新開嘅天婦羅店唔使排隊就入去試下。 天婦羅一般黎講好似炸蝦同野菜嘅天下咁。其實又唔係嘅，仲可以有其他野，例如魷魚同雞蛋之類。 🥩紫蘇牛柳喺餐牌見到幾有趣就試下，最有趣係幾乎見唔到粒牛柳。 🧂沖繩苦瓜配沖繩海鹽沖繩苦瓜都食得多，天婦羅就真係第一次。 🍤天丼蕎麥麵定食（虎蝦、魷魚、北海道舞茸菇、茄子、南瓜、法國邊豆、日本雞蛋）呢個有少少中伏，唔係唔好食，係我無睇清楚原來有飯，好飽。 整體都唔錯，天婦羅炸得夠薄又乾身，只係坐得逼少少同埋店內油煙感比較重。…Read More

呢個星期想食吓天婦羅，怕上火嘅筆者叫咗醬漬三文魚配天婦羅雞蛋丼，醬漬三文魚唔只大份，而且好新鮮，油香味好夠，估唔到配搭外脆內軟嘅天婦羅蛋幾夾，而且兩樣都好好配飯！天丼配蕎麥麵呢個碳水化合物組合非常日式，但蕎麥麵同汁個種清新好適合油份重嘅天婦羅。呢度嘅天婦羅都係熱辣辣上菜，又唔會有油益味，配搭菇類、南瓜等軟身食材，口感好豐富，特別鍾意呢個set入面嘅魷魚天婦羅。紫蘇牛柳係另一個驚喜，紫蘇味唔勁，筆者討厭紫蘇，但都覺得唔錯。海苔明太子新鮮，不過因為明太子本身幾咸，如果想試嘅話，記得要留返幾啖飯送住食。菠蘿梳打唔會酸，解油膩一流。個人覺得性價比唔算低，而且就算怕熱氣都有刺身類或其他丼類食物可選擇，可以再戰。…Read More