Oreryu Shio Ramen (Millennium City 5 (apm))

今日係非常肚餓嘅情況去食呢一間野，佢個叉燒鋪滿左芝士，呢個做法幾聰明，適合一啲唔鍾意食肥肉但係鍾意食芝士嘅人，芝士浸左落湯會有半溶嘅效果，但係拉麵同湯底就真係一般。星期日見到排晒長龍所以平日專登過嚟試吓，麵嘅口感正常，有少少鹼水味，湯底唔拖唔水香味唔夠龍味又唔夠，佢又唔算係清湯。半熟蛋嘅蛋黃熟咗一半，呢個都係扣分扣得好嚴重嘅位，叉燒得一片，然之後食完覺得有啲肥膩，應該唔會再試，唔係難食，只係呢個價錢好食過佢哋有好多…查看更多

🇭🇰 香港觀塘觀塘道418號創紀之城5期apm L1層1號舖🇭🇰Shop L1-1, Level 1, apm Millennium City 5, 418 Kwun Tong Road, Kwun Tong, HK.人均消費: HK125.味道: 👅👅👅👅賣相: 👀👀👀👀價格: 💰💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.話說係日本時誤打誤撞地食過一次俺流塩らーめん，鍾意到不得了❣️主要原因係佢原味清香！知道香港有開，有拖延症的我，係佢開咗8間分店先的起心肝去食😂😂😂😂😂晚飯時間，都要排10-15分鐘，不過侍應哥哥好好禮貌好客戶👍🏻排隊時點餐，坐一陣就上餐了✨.⭐️俺流鹽湯拉麵🍜HKD59湯底好清只有鹽味，但我覺得同拉麵好夾而且好香😋麵選擇普通，口感唔錯𥚃面有豚肉，菠菜同蔥，豚肉還可以，菠菜沾湯好味，重點係啲蔥好香，連清湯食好好味我喜歡清淡湯底嘅麵，所以我好鍾意，但唔係個個啱，但HKD59好抵食.⭐️玉子🥚HKD12加咗HKD12有隻玉子，味道剛好，蛋漿口感好味蛋是凍的，比熱更好味.🆗俺流熟成濃湯拉麵🍜HKD59濃湯略帶陣奶油香，但相對不是我杯茶，入口感覺有少許膩拉麵同其他配料都差不多.⭐️唐揚炸雞🐔HKD48唔知點解每次食拉麵時小食都會揀唐揚炸雞😂好少可有咁大件嘅唐揚炸雞！每件都炸得好靚，真係皮脆肉嫩！HKD48都算幾抵食.🆗大阪燒餃子🥟HKD39其實只係大阪燒嘅醬淋係餃子上面😂係有大阪燒嘅醬汁味，餃子細細隻好的色皮薄，但餡小，食落口感差少少，同個汁都算夾嘅.⭐️波子汔水🥤HKD14.好多人話普通，我覺得可以啊，性價比高！雖然無係日本食咁好味，但都已經好唔錯！喜歡食清淡的話真係可以試下✨.…查看更多

星期日夜晚想係apm覓食，被呢間拉麵店嘅期間限定 - 柚子檸檬冷麵吸引到，就決定入去試下☺️柚子檸檬冷麵 $79 （再加一）湯底有淡淡嘅檸檬和柚子味，有微微嘅酸甜感，好清新☺️ 冷麵口感煙韌得來又清爽～ 一碗冷麵有3大塊雞排，肉質厚實得來又算嫩滑，同湯底味道好夾👍🏻 大阪燒餃子（6隻）$39 （再加一）大阪燒就食得多，將大阪燒mix落餃子度都幾特別～ 餃子入面係豬肉餡，加上蔬菜微粒亦豐富左佢嘅口感～ 同大阪燒醬味道亦好夾😉總結，大推柚子檸檬冷麵，味道非常清新，大阪燒餃子質素都唔錯～😍…查看更多

今晚約左朋友去APM食飯，朋友話想食拉麵，結果就揀左這間。等位時間不耐但要齊人先入得。環境光鮮，張枱比較細，與隔離枱好近，不是慢慢坐傾計的好地方。今次揀左兩碗拉麵一小食，拉麵份量比出面食的多，食完好飽肚，而且價值唔貴味道不錯，CP值高食得過。黑蒜油熟成濃湯拉麵 ($75)湯底係用豬骨雞骨及香蔥餚制湯味濃，但黑蒜味唔太突出，沒有蒜味唔夠惹味。叉燒一大塊好厚身好咬口但邊位欠香口。俺流男盛拉麵 ($89)同一樣湯底只係無黑蒜油，同樣麵面有小小柚子皮碎，柚子味好清香好突出，菠菜出奇地彈牙好食。叉燒有三塊咁多，炸雞有兩件仲要好厚身大件感覺抵食，炸雞件跟麵一起浸左落碗麵湯，層粉皮淋左比較可惜。兩碗麵都有玉子，蛋黃流心但過於流質不是我喜歡的，而蛋白不太上色醃得不夠入味，大阪燒餃子 ($39)有6隻餃子，餃子上滿佈木魚絲，醬汁跟真正大阪燒一樣有沙律醬和燒汁，味道好夾好出色，皮薄餡多一啖一口好美味。…查看更多

APM 新開拉麵🍜，新鋪就梗係走去食下啦！之前經過無咩人排，果次無諗住食。今次專程去食反而有人排隊等位，見無拎飛機，就跟大隊排呀～等左一陣見職員過黎問幾位順就派Menu，反而一兩人剛好即入，多人朋友就要等等啦⋯⋯因鋪位不大.....點完拉麵🍜，都好快上枱黑蒜油熟成拉麵🍜一上，見湯有落到柚子咁，第一淡試下湯底先，ok 喎....點知越食越咸，唔太岩我，最後頂住唔咸度，食淨D麵。而叉燒、溫泉蛋可以啦大阪燒餃子🥟係灑上木魚，醬汁類似章魚燒咁。餃子size偏小淹流男盛熟成拉麵🍜除左基本叉燒、溫泉蛋基本野，仲有2件炸雞🍗同樣湯底第一淡ok，之後越食越咸，絕對岩晒重口味人士。總結.....試過就算…查看更多

注冊咗咁耐，第一次post食評，請各位多多指教。今日約媽咪到觀塘apm試試新開的日本新開嘅拉麵.2點05分到埗，滿座需要排隊等候。等候期間職員俾了菜牌點野食。等了18分鐘就可以入座，5分鐘就上食物了，兩人點了梅子/柚子拉麵、柚子椰菜及大阪燒餃子.俺流柚子拉麵：湯頭有濃郁的柚子汁香味，麵身選了普通，柔軟而有彈性，雞蛋是醃製過的糖心蛋。個人覺得很好味。俺流紫蘇梅子拉麵：其實個食後感同柚子相同，只不過湯頭有濃厚的紫蘇香味，而梅子味只有附送的梅子才有，湯裡沒有梅子味，是比較失望的。 大阪燒餃子：一共有6小隻，餃子面蓋上木魚碎，味道很野味。但餃子偏細，像一口餃似的。柚子椰菜：味道酸酸的，有開胃的感覺，份量不多不少，個人覺得可以的。…查看更多