Running BBQ

這天朋友帶我來到旺角人氣的running燒。這間店位於樓上，我們搭𨋢上去8樓。上到去很旺，有幾位食客在等位，幸好朋友一早book了位，我們很快便入坐了！入到去感到很舒適，即使坐無虛席，個個都在韓燒，但一點都不熱，還有冷氣的涼快！抽氣做得很好！很喜歡位與位之間有空間感！侍應很細心地告訴我們，這個白色是蘿蔔，可以清潔鐵板用。另外有小食可吃，有我喜愛的醃芽菜啊！看一看食物紙，比我想像中選擇還要多！當中最令我感興趣就是這3張！有很多海鮮、肉、熟食可以叫，見到都肚餓呀！我唔客氣啦！大蝦非常新鮮，大推！名副其實的大蝦，燒完啖啖肉！仲好香添！此外，蒜蓉芝士生蠔、扇貝、龍利魚片、帶子都值得點！小妹都ENCORE左2輪，幾鮮味啊！咖喱魷魚鬚有少少似沙嗲味，一D都唔辣。這裡的熟食都做得好出色！幾欣賞佢係新鮮炸起，保持脆身，而且脆漿唔太厚！炸魷魚鬚、原味炸雞係必點！不會炸到過乾，仲有D鹹鹹地，好好味！小妹見身邊很多食客都有點呢樣，一問，原來是醬汁牛五花肉。這不是一般韓燒都有的食材呢！小妹更喜歡，味道好濃郁！小妹是需要有些五穀落肚的人，所以點了韓式炒粉絲。沒想到有驚喜，裡面的材料實在不少，有菇、紅蘿蔔、洋蔥、芝麻、香蔥等。味道甜甜地，好好味！好岩我！還有甜品時間，選擇好吸引！小妹當然要選韓國大熱的蜜瓜雪條啦！透心涼，正！韓燒不可或缺是飲品，它有兩個大雪櫃裝飲品，如果大家都想試d特別既野飲，小妹首推這兩款︰竹蔗馬蹄汁，味道清甜，可平衡韓燒的熱氣感。toktok粒粒橙汁，則不太甜，最like是它超多粒粒橙。自助吧亦有超多醬料可供選擇。小妹拿了很多醬，卻很少點來吃，因為這裡本身D食材都幾新鮮，不用特別點醬也可以。小妹回到家也念念不忘D野食，不但好吃、性價比高、上菜又快，而且地方坐得舒適，好想再食多次啊！…Read More

一班朋友GATHERING，最開心莫過圍住個爐一邊食一邊吹水。除左打邊爐之外，韓燒都係一個非常不錯的選擇。因此要等個FD放工，唔可以早食，所以食唔到優惠時段。唔緊要LA~~~~~到韓式食店必然可以食到幾款前菜，雖然我唔太鐘意食辣野，不過個芽菜酸酸味味咁，都幾開胃。飲品除左酒要俾錢之外，都係可以自己去雪櫃度拎，種類都充足。職員好好，一坐低就介紹下有咩食，同邊度拎野飲醬料。特別提醒我地唔好燒果塊蘿蔔黎食，係用黎清潔個鐵板。餐廳燒肉的種類都好豐富，豬牛都有，最正係連扇貝、生蠔都有。雖然扇貝燒完會縮到細細粒，不過勝在係放題，當然就要係咁加單LA。個蒜蓉芝士生蠔好正，芝士蒜蓉融同D蠔味配合得天衣無縫，大家記得要試下。除左肉之外，都有唔同小食可以選擇。炒粉絲值得一試，因為真係好入味，口味彈。另外要試下原味炸雞、炸魷魚鬚，新鮮炸起脆扑扑。當你燒緊肉，等緊熟果時就可以食住D小食先! 其餘大蝦都可以一試，D蝦大大隻，唔會覺得霉。燒到後段就可以燒D菜食下，中和下無咁燥，生菜都好新鮮。賣單俾錢時重可以俾客揀食枝雪條AR.... 好正!  …Read More

韓烤店愈黎愈多，不管喺連鎖定係小店，人氣未曾減退過，食過唔少單點嘅烤肉店，畢竟人少食，價錢都唔太划算，份量較多，我地都試唔到咁多款式，所以好多時都選擇放題或者有套餐嘅烤肉店。喺附近番工，都經常喺呢棟大廈食午飯，週四晚等埋男朋友收工食晚飯，試左呢間韓燒。餐廳位於9樓，位置比想像中少，幸好都夠闊落，枱與枱間有足夠空間。裝潢接近韓國燒肉店，坐嘅係圓櫈，裡面可以放置個人物品。平日晚上都近乎滿座，而且大部分人都有預先訂位。我地7點後入座，收費係$228/位，任食110分鐘。如果6pm前入座係 $178；9:30pm後收費 $198，仲話全單7折，其實幾抵食。店內都係例牌播住Kpop，最正都係聽到《鬼怪》OST！店員好快就送上泡菜、芽菜等，仲有一件蘿蔔（清潔鐵板用）。呢度嘅泡菜唔辣架，帶甜，幾好食。客人畫紙仔落單，放題時段完結前30分鐘就會截單，自己預時間。餐牌選擇唔算好多，有牛類、豬類、雞肉、羊類、腸仔共17款；9款海鮮，另有蔬菜、麵、飯、湯、小食等，一律任食。飲品方面以汽水、道地飲品、韓國果汁為主，由客人自取。韓式辛辣麵我地係平時出街食麵都會加錢轉辛辣麵嗰種，見呢度居然有，所以我地都點左一客辛辣麵，煮得幾好（笑）唔會好腍，而且都夠辣，兩個人share啱啱好。牛肉類就有肥牛、牛脷、雪花牛仔肉、西施牛肉片、牛肋骨、牛柳片、牛柳粒。牛肋骨、雞翼、牛肉片開頭幾次落單，都有跟足數量，不過後來加單，都係照人頭俾。牛肋骨唔會太韌，牛肉片就要用心啲燒，否則會好易老。雞翼做成單骨，方便燒。當中以雪花牛仔肉最好食細細塊，肉質夠腍唔韌。豬肉類方面我地點得較少，其實都有9款，熱門嘅五花腩、豬梅肉、厚切豬腩肉都好食牛舌雖然薄身，不過肉質較鞋。海鮮方面主要我地都係試左龍脷魚片、扇貝、大蝦、帶子，放題任食黎講，交足功課啦蝦肉當然唔會期望好新鮮，但食落唔會霉嘅。炸魷魚鬚幾脆口；韓式炸餃子食落較硬身。韓式炸雞，少少厚粉。炒年糕合格，唔會太辣，煙煙韌韌韓式炒粉絲生菜籃燒肉不能缺少嘅生菜籃，平時喺燒肉店單點都要廿幾蚊，好掠水。所以一去放題，我地會狂包肉食，一來冇咁熱氣，自我感覺良好，二來可以食得更多肉，冇咁飽滯。什菜沙律臨夠鐘前30分鐘，店員就會遞上一張甜品紙，每人限點一條/碗。蜜瓜雪條、芒果雪條、香蕉雪條、時果西米露，不過講真，差唔多價位好多放題都提供甜品任食架喇。揀左蜜瓜、芒果味雪條，韓國原裝進口，唔會雪到硬哂。整體黎講，呢度嘅放題價錢合理，食物質素都ok，肉類、蔬菜、海鮮等都幾好食。服務方面正常水平，始終客人頗多，都係幫你落下單、收拾碗碟等，要求換鐵板佢地都樂意。當然唔會好似單點咁，間唔中會有人幫你燒下。抽風一般、冷氣唔夠大，所以離開嘅時候真係臭得好緊要…店家有提供除味劑，臨走記得喺門口位置噴幾下，如果唔係好似我咁上到車都聞到自己一陣味，尷尬呢。餐牌：…Read More

發現咗一間可以喪燒海鮮嘅韓燒店，未見過一間韓燒店有咁多海鮮燒，仲要任食，叫幾多就俾足幾多，一啲都唔孤寒。今日主要狂攻四款海款，大蝦、帶子、扇貝、生蠔!!攻呀攻~~大蝦，大隻又彈牙，仲要冇黑頭，睇到啲蝦膏就知正帶子本身已加左少少調味，光滑、柔軟、有彈性，爽口又鮮甜，呢個係必食之選。加上燒得快，擺上去燒一燒，兩面都好快封煎好，外皮脆口。扇貝，都唔細，連殼燒都要燒幾耐下，係好食，但好考耐性。生蠔，好鮮甜，燒完都仲有好多蠔汁，要一淡飲埋佢先正，但都係要燒好耐。如果唔連殼燒，好快就熟，蠔汁盡失，所以要食好野都係花啲時間。喪燒~豬大腸係我嘅必食推介，如果係食豬大腸嘅朋友一定要試，厚度適中，好快就熟，最重要係燒完兩邊都好脆皮，好正好正阿珠媽靚湯，日日唔同。以為係頹湯，但今日係牛骨湯，好香濃牛骨味，飲左三碗。雜菜沙律，成塊面咁大碗，出乎意料。不過我自己一個人食晒，一邊食肉一邊食沙律，燒完成餐都唔覺飽飽滯滯。韓式炸雞，雞肉幾嫩滑，多肉汁。烤肥牛，刨得好薄，燒幾秒就食得爽~最後有甜品，食韓燒最好當然配返韓國甜品，唔係好想食本地頹頹雪糕囉食完野，講返個環境。一般韓燒店嘅裝修，枱數唔多，得十幾枱，要食就要預早訂位。價錢中等，雪櫃飲品選擇少。食物選擇亦唔係話超多但勝在食物質素好，仲有正海鮮，完全俾足數，會再黎架…Read More