Le Viet

店名：Le Viet地址：尖沙咀彌敦道100號The ONE 4樓L402號舖1.串燒雞，牛，豬三串$68呢個串燒真係一定要點！燒得啱啱好，肉身嫩滑彈牙，肉汁保留咗喺裏面，一咬肉汁出晒黎，再配埋個沙嗲醬真係冇得彈！最重要係大大串，抵食夾大件2.金不換虎蝦煲 $188虎蝦粉絲煲好足料，虎蝦大大隻，香料滿多，再用粉絲索味，將虎蝦嘅汁同香料味道索晒入粉絲，每一啖食落去香味都係口腔爆出黎😋😋3.牛油雞翼 $78雞翼好大隻，用爆多蒜蓉加牛油油炸而成，一上枱個一下，己經芳香四溢，鼻腔充滿住蒜頭嘅味道，夾起準備放入口中時，已經聞到牛油嘅香味，再入口感受到表皮嘅鬆化，將香，酥，脆發揮到極致，還有雞肉嫩滑，每一啖都有肉汁，極度推薦👍👍4. 越南咖哩牛腩鍋（配法包） $108同正常見嘅咖喱牛腩鍋有少少不同，外邊嘅咖喱偏橙紅，尼度係偏黃，但相同嘅係佢哋牛筋，牛腩，甚至係薯仔都煮得好淋👍👍神來之筆係隨咖喱附上嘅法包，髤軟重要係加熱左，將啲咖哩汁放上法包，再食一啖，真係一大享受😋😋（重有一個隱藏食法，就係將牛油雞翼嘅蒜蓉加上，就會變成蒜蓉法包）5. 大蝦菠蘿飯$96大蝦菠蘿飯，米飯粒粒分明，有菠蘿粟米等配料，再加上肉鬆同埋大蝦，非常惹味，肉鬆有提鮮嘅味道，大蝦廚師好好將蝦殼退去，方便我地享用，還有一點係用原個菠蘿盛放，賣相靚得嚟又可以打卡添，一舉兩得午市套餐加特飲$8叫咗個三色冰，有三種顏色，打卡影相好靚6. 焦糖燉蛋 $40尼個焦糖燉蛋極度出色，超級Creamy入口即溶，勁香雲呢拿籽味，再配埋個焦糖真係冇得輸，係我現時食過最好味嘅焦糖燉蛋，世一👍👍連加一係645…Read More

行The One一定會見到依間越南餐廳🤣開放式設計 好開揚舒服Weekend黎食都有set lunch! 包一個飯/麵+飲品～✿ 生牛肉湯粉 $62 ✿牛肉份量多 粉嫩嘅牛肉口感柔軟唔柴🐮湯底好清唔味精～河粉好滑溜唔會痴埋一餅✿ 大蝦菠蘿飯 $78 ✿有三大隻蝦🦐份量多到就黎瀉出黎😂炒飯好香好乾身 菠蘿肉好多 唔酸好開胃🍍✿ 牛油雞翼 $68 ✿超級多蒜蓉！！！！🧄雞翼好大隻入晒味 外皮黃金香脆😚✿ 凍咖啡 +$5 ✿咖啡果香味濃唔苦澀易入口☕✿ 三色冰 +$8 ✿三色綠豆條配料好多 椰汁香濃順滑不過如果飲管粗d就好啦🤣…Read More

依家通返關同朋友都想plan去越南旅行，時機未到都可以食住越南菜止癮嘅。我哋去The One行街喺4樓見到呢間搶眼嘅越南餐廳，望餐牌幾吸引大家都餓就入去開餐啦，最後點晒泰國嘢食！Com Xao Khom Tom▪︎Baked Rice in Pineapple 大蝦菠蘿飯 (Lunch Set)> 份量足夠2人食有餘，3隻蝦燒到香口蝦膏甘香唔錯，菠蘿唔係罐頭貨甜得嚟帶啲酸幾開胃，其餘配料有火腿、腰果雜菜和肉鬆等還算豐富Che Ba Mau▪︎Iced Jelly and Green Beans三色冰 Lunch Set +$8 配特飲> 我叫咗少甜少冰啱啱好，最鍾意食爽甜嘅三色馬蹄，椰奶亦不錯Ga Hai Nam▪︎Boneless Hainan Chicken (Half)去骨海南雞 半隻 > 推薦度高！一上枱初初望覺得有啲肥，夾起層皮睇脂肪又唔算太厚，一食落去見真章 - 啲雞肉滑、腍、嫩，雞味適中唔騷啲皮滑捋捋，全部起晒骨真心正，我哋猛攻呢碟雞食唔停口！點三色醬食幾鮮味，唔點醬啲雞一樣咁好味Cai Trang Xao Toi▪︎Fried Cabbage Shoots with Garlic 蒜蓉炒椰菜苗 > 椰菜苗夠鑊氣只係油份高咗啲，啲菜軟身少少更佳；覺得啲蒜頭炒得好味，又香又腍Xoi Xoai▪︎Mango Sticky Rice香芒糯米飯 > 就算食到幾飽都叫肚仔預留位置比甜品，尤其我至愛芒果糯米飯。我同朋友都異口同聲讚呢間餐廳整嘅mango sticky rice，佢有一球糯米一球紫米，係暖暖哋食落份外煙韌好𡁻，配椰奶一絕！啲芒果並非最甜、帶啲果酸好有南洋風味…Read More

📍 Le Viet小編平時好少食越南菜😮‍💨 見到尖沙咀有間越南餐廳見到價錢都合理 菜式都幾吸引 就同朋友去食～-大蝦菠蘿飯 $88個飯係用半邊菠蘿裝住🤣 造型好正🤭飯上面有三隻蝦同肉鬆做裝飾🥰 撈埋一齊食 食落去酸酸甜甜 鹹鹹地咁 飯入面仲有冇豆、菠蘿粒、粟米同埋蘿蔔等 食落去有口感又唔會油膩😬套餐我另外加$8轉特飲～ 椰汁紅豆冰飲落去椰子味重 但係如果紅豆分量再多啲嘅話就更好🙆🏻‍♀️同埋餐廳提供嘅飲管太幼飲唔到啲紅豆🥺生牛肉湯粉 $65碗湯粉熱辣辣上枱仲見到牛肉係紅紅地色～只要將牛肉浸落去熱辣辣嘅湯底一陣間就會熟😜肉質嘅口感食落去啱啱好🥰 湯底食落濃郁 湯粉食落滑溜 口感唔錯✊🏻另外午市套餐免費送飲品 我就叫左凍奶茶😜飲落去奶茶味都濃郁🙆🏻‍♀️鮮蝦米紙卷 $38一碟有四舊 每舊都包住一隻蝦 再配醬一齊食食落去酸酸甜甜 口感幾特別～越式甜品拼盤 $108甜品拼盤包括有芒果糯米飯、焦糖燉蛋、椰汁糕三樣嘢～小編三樣入面最鍾意食焦糖燉蛋🥰 食落去外脆內軟 表面嗰層焦糖脆夾埋下面凍凍地嘅燉蛋一齊食口感唔錯😻芒果糯米飯有兩大塊芒果🥭 芒果食落去好甜🥰 仲有兩舊糯米飯加醬一齊食 都好味😋椰汁糕就食落去煙煙韌韌 椰子味都重😛-大家睇完我哋嘅食評之後 想試嘅話可以參考下面嘅地址😚👇🏻✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ ☆ 回頭率：★ ★ ★ ★ ☆抵食指數：★ ★ ★ ★ ☆✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎想睇相關食物？！？😋可以參考🙊⇊ ⇊#loeyfoodies越南菜想睇相關地區？！？🤤可以參考🙊⇊ ⇊#loeyfoodies尖沙咀-地址：尖沙咀彌敦道100號The ONE 4樓L402舖- #越南菜 #尖沙咀 #theone #leviet #hkfoodies 🇭🇰 #米奇吃貨日常😋…Read More

1️⃣大蝦菠蘿飯 $168🤍4.5/5🌩大大份炒飯裝滿個菠蘿蓋超啱用嚟打卡💕🌩三隻大蝦鋪面，仲好細心咁己經剝咗☺️🌩炒飯炒得好香口，甜甜嘅粟米紅蘿蔔配上酸甜嘅菠蘿同鹹鹹嘅肉鬆香腸，四味交集既開胃又惹味🔥🔥😋🌩整體嚟好好食但係配上萬惡嘅青豆少扣分😵‍💫2️⃣ 香茅豬頸肉撈檬 $69 🤍4/5🌩 薄切豬頸肉燒得惹味焦香，而且肉質又軟嫩又彈牙超香口😋😋⭐️🌩有個布甸樽仔酸汁，好開胃，而且係特別調製嘅別有一番風味👍🏼😋3️⃣ 去骨海南雞(1/4隻) $78 🤍4/5🌩半隻啖啖肉海南雞髀😋🌩肉質超級嫩滑，而且海南雞嚟講真係唔算好肥好油膩⭐️🌩青瓜椰菜好清新解膩，唔會好草青🥰🌩下次叫海南雞飯，跟埋個飯送雞會再正啲😬4️⃣ 柚子海鮮沙律 $76 🤍1/5🌩 柚子沙律幾特別，好多柚子感覺好fresh好清新😁🌩海鮮有蝦、魷魚、蜆，份量都唔少，但係特別係蜆食落覺得腥，同埋同柚子唔match💦🌩 間中會食到薄荷葉，可能我加上我本身唔接受到薄荷，好似食緊牙膏味沙律咁🤢…Read More

今日帶阿仔攞完身分證，就喺尖沙咀周圍行吓街，順便搵個地方食餐晏，就嚟到TheOne，最後揀咗呢間Le Viet。原來呢度平日嘅午市都幾抵食，午市套餐由$65起，就已經包埋飲品，所以平日中午都不乏捧場客。另外主餐牌有更多選擇，我哋一行三人，但阿仔又食得唔多，所以就決定叫兩個午餐再加一啲小食。首先當然係叫返個大人細路都鍾意嘅炸蝦餅，總共有完整四件，蝦餅肉質都夠彈牙，炸得夠乾身，食起上嚟冇油膩嘅感覺。牛油雞翼就更加抵食，總共有五隻而且size都幾大，每啖都充滿牛油香味，再加上上面灑滿蒜蓉，真係非常惹味。午餐方面就揀咗大蝦菠蘿炒飯，上面有三隻大蝦，蝦身已經去殼，仲有啲豬肉鬆，而炒飯裏面就有菠蘿、火腿、三色豆等配菜，啱晒小朋友食。海鮮炒檬粉有原隻嘅蝦、小八爪魚、蜆肉，仲有炒蛋，檬粉炒得乾身，主要以胡椒粉作調味，清清地都唔錯。跟餐飲品叫咗一杯凍檸茶同埋加$8轉紅豆冰，紅豆冰唔太甜，如果有多啲紅豆就更加正喇！…Read More

好耐好耐冇食過越南粉又好掛住滴滴咖啡，行過 the one搵到間價錢一d都唔貴就去食個 lunch。越式生牛肉粉就必叫的，湯底好濃牛肉好嫩好滑冇得輸👍🏻👍🏻👍🏻大蝦菠蘿焗飯大大隻大蝦有成三大隻，仲有新鮮菠蘿加埋一齊炒味道好好。青木瓜大蝦🍤雞絲沙律，木瓜絲好爽口，雞絲一d都唔鞋口加埋個汁好開胃好好味，我個人覺得必試。香芒糯米飯，芒果🥭好甜，糯米飯上枱仲係熱辣辣加椰汁🥥正正正。越南滴滴咖啡☕️賣相已經好特別，有濃濃咖啡香，杯咖啡真心唔錯。…Read More

我同媽媽好想食越南野，一於大擦一下！我地柯打咗蝦餅，咖喱炒大虎蝦及一個午餐菠蘿海鮮炒飯，好抵呀，因為包咗冬瓜例湯及飲品，我加咗$8 update 青檸梳打，仲要係泰國象牌！首先，上咗蝦餅，個蝦餅好厚好彈牙，啖啖蝦肉個菠蘿海鮮炒飯賣相好吸引，上面鋪上三隻蝦同肉鬆，原來仲好有內涵，不單只有菠蘿，仲有厚切午餐肉，粟米.紅蘿蔔同青豆，炒得香口味美到主角咖喱炒大虎蝦，我很喜歡依種越式嘅椰香咖喱，好足料足足有三隻大蝦，每隻味一開為二，所以特別入味，其他配菜都好惹味，惹味到，我哋追加咗簿餅，真係連汁都撈埋…Read More

這越式餐廳其實也吃過好幾次了，有好幾次朋友/同事聚會也選擇了來這裏，全因價格相宜，而且食物質素好，位置又方便，打風落雨也不用怕😆 再者，商場高層設有戲院，看完電影或看電影前也可以來這裏用餐，我和寶寶也有2-3次因為看完電影後很餓，所以來了這裏吃越南菜呢！這裡的菜式選擇包羅萬有，總有幾款合心意❤️我們今天點了「大蝦菠蘿飯」、「咖喱牛腩鍋配法包」、「越式拼盤」，再另加了一塊「印度薄餅」用來吃牛腩鍋裏的咖喱☺️。咖喱牛腩鍋配法包 $105印度薄餅 $25牛腩鍋上桌後會以火鍋爐煲著，確保顧客吃的時候熱騰騰❤️ 咖喱的味道調得不錯，散發着咖喱香而不太辣，還挺合我們口味的👍🏻。這種法包質感較硬，一定要蘸咖喱才會好吃！可相比起法包，我個人認為印度薄餅跟咖喱更匹配，因此還總是要點一份印度薄餅來伴咖喱🙈😝大蝦菠蘿飯 $88分量十足，有三隻蝦和很多菠蘿和肉鬆，菠蘿超級多汁，肉鬆的味道不錯，又不會太散，跟酸酸甜甜的菠蘿飯蠻配合的。菠蘿炒飯不僅配料多，也炒得很乾爽，粒粒分明。不錯👍🏻越式拼盤 $98有四款小食，蒸粉包、豬頸肉、春卷及炸蝦餅。蒸粉包餡料非常多，另有少量炸蒜及半片扎肉置頂。本來粉包的皮是很薄的，但底部包得過厚，吃多兩口已經很飽肚。豬頸肉口感軟嫩，肉汁豐富！春卷及炸蝦餅新鮮熱辣，香脆可口～…Read More

🥗 柚子海鮮沙律 $76 (4/5)🍲特別火車頭 $78 (4/5)🍤大蝦菠蘿飯 $88 (3.5/5）之前經過尖沙咀The one見到呢間食越南菜既餐廳都好想試，今次揾到人陪我食啦，哈哈😁餐廳唔算大，枱與枱之間好窄，張枱又細，叫多幾樣野都差啲唔夠位放。老實講，環境就唔算太舒服，不過野食都幾好味既😋同埋價錢係呢個地段都算係咁💸💸💸柚子沙律好食又大碟，海鮮份量都唔少，有🐙魷魚仔、🦐蝦，仲有好多好甜既柚子同腰果！開胃又清甜👍🏻推介特別火車頭有牛腩、牛丸、牛肉，蘿蔔，牛腩幾淋，牛丸彈牙爽口，湯底夠鮮甜，都值得試下。大蝦菠蘿飯我覺得不過不失🤭飯炒得幾乾身，有啲雜豆、紅腸、火腿、肉鬆。大蝦肉質結實彈牙，菠蘿好甜，食到尾狂挖啲菠蘿肉，正！🤣😍但下次會有興趣想試椰青焗飯，見到都幾多人叫，好似唔錯😛…Read More

話説我平時都幾鐘意食越南野 但係就食黎食去都係越棧同埋仲係越棧 今次就為左試新野 約左兩個friend 食位於尖沙咀the one 嘅越南餐廳 -Le Viet 比起越棧 佢嘅菜式比較多 大把選擇由於我地三個人都大食嘅關係 都叫左幾多野食 分別如下牛油雞翼依個小食唔錯架 上到枱仲係熱辣辣岩岩炸起 唔好睇佢好似好厚粉咁 其實食落唔厚 而且牛油都上得幾均勻 上面仲有啲香蒜 幾香架沙爹串燒雞牛豬雖然相中嘅串燒好似好黑咁 但佢食落就唔濃嘅 係分唔出邊串係雞/牛/豬姐xdd 其實佢每樣有兩串 但食落啲肉都彈牙嘅 唔會孩 點埋個沙爹醬就好滿足牛肉湯河食越南野點少得食pho 呢 佢依到嘅pho都幾好味 湯底嘅清 而啲河粉淋容易咬斷 最好嘅係佢啲河粉唔碎 易夾！青木瓜絲鮮蟹肉雞絲沙律呢個前菜幾足料 我食到好多雞絲同蟹肉 而且正如佢個名一樣 啲蟹肉冇雪味 就係幾新鮮 幾開胃!大蝦菠蘿炒飯依個真心推薦 好好味😋 首先佢用個菠蘿殼裝住已經賣相吸引 份量比我相象中多 佢裏面嘅菠蘿色澤鮮黃而且切得大大粒好有口感 仲要多汁鮮甜 個飯除左用黃薑粉炒 裏面仲有雜豆 加埋上面嘅大蝦同埋肉鬆 食落真心正 海鮮酸辣鍋呢個份量唔算大 但海鮮係多嘅 而且裏面嘅蝦都好大隻食都好多肉 唔錯三色冰依杯就正正常常 唔太甜 我都幾鐘意飲總括而言 依到好多野食揀 質素都幾好 happy dinner😋…Read More

同閨蜜去食越式下午茶，下午二時去到還有lunch set，頗抵吃的。先來飲品越南滴滴咖啡 - 跟餐特飲加$8 咖啡很不錯，甜甜的煉奶配上濃濃的越式咖啡，苦中帶甜，很滿意😌。大蝦菠蘿飯 $78賣相很吸引😍，面頭有三隻蝦，炒飯入邊有菠蘿肉、豬肉鬆，還有些雜豆，酸酸的挺開胃，蠻不錯啊。😋蝦餅蝦餅很有驚喜，面頭脆卜卜，蝦肉很彈牙，還有點鹹蝦鮮味，最喜歡這一碟菜色🤤。豬頸肉米紙卷豬頸肉爽脆，粉絲彈牙，配合爽口的生菜和甜酸的醬汁，感覺10分清新。串燒 豬、牛、雞肉各一串，最適合眼闊肚窄的我們什麼都試，沙嗲汁很濃郁👍🏻。 越南綠豆拉椰糕 這個甜品也很特別，綠色的不是斑斕，而是綠豆，很有新鮮感，味道也不錯，而且是熱熱的，吃起來椰汁的香味特別濃郁。…Read More

天氣熱辣辣，係尖沙咀同朋友想食啲開胃啲既菜，黎到the one入面見到有間叫le viet既店竟然係食越南菜，睇餐牌個樣子都唔錯，就入去試下！叫左個柚子海鮮沙律，柚子好香甜😻木瓜絲爽口！有啲蝦呀，蜆肉，小墨魚咁成個沙律好豐富！加埋啲酸酸甜甜既汁，認真開胃🤩👍🏻！餐牌見到大蝦菠蘿飯個樣就好想食😍 最喜歡就係啲炒飯放係菠蘿入面既樣，食都食得開心啲🤤 上菜果然無令人失望，樣貌方面100分！但都唔係得個樣架！個炒飯真係炒得幾香口入味，加埋充足既菠蘿粒同配料，好味又開胃呀！仲有三隻蝦蝦蝦，好豐富🤤仲叫左個小食，le viet精選拼盤，老老實實真係唔錯，一次過滿足我想試幾樣小食既願望！蝦餅炸得香口彈牙唔油膩，又有好香既蝦味，春卷就好juicy, 香味可口！燒豬頸肉燒得好香又入味，係有啲啲乾，可接受，如果有埋豬頸肉汁就更正😇 札肉蒸粉包就好驚喜😻咬入口就有陣香味滲出，胡椒味更提升左味道既層次😇 值得一試！我叫左杯青檸梳打，無糖既，好清新呀～岩晒唔係好想飲甜野但又想飲汽水既人🤣朋友叫左杯椰汁綠豆冰，相對我杯青檸梳打緊係甜甜的啦，都唔錯的！環境都算寬敞舒適，同朋友相聚傾計都唔錯架！價錢黎講，係尖沙咀算係差唔多！兩個人三味菜二杯野飲都係三百頭！值得回頭…Read More

感覺上係有D西式既越南野, 見到個menu好似唔錯咁就入去試下啦, 2個人叫左4樣野食<串燒雞中翼>燒得好香, 好入味, 加埋佢旁邊個酸辣汁, 食完就想再食<香茅豬頸肉米紙卷>開胃既前菜, 米紙包得好實, 食落去唔易散, 入口清新帶少少肉味, 加汁酸酸地好開胃<大蝦菠蘿飯>勁有份量, 可以3個人食都得, 大蝦好新鮮, 炒飯夠香又夠多菠蘿<海鮮酸辣鍋>有蜆, 有蟹,有魷魚等等海鮮,湯好濃,  酸辣偏酸, 有好重菠蘿味而且多菠蘿肉係底, 最岩鍾意食海鮮加菠蘿既朋友味道的確唔似平似既越菜, 係西化左既味道, 係一種新的變化, 都唔錯既…Read More

今日興起想食越南菜，朋友提議呢間幾出名，食物質素不錯，所以就黎試啦~有lunch set，配熱飲~我地一行四人叫左大蝦菠蘿飯、生牛肉湯粉、香茅豬頸肉撈檬、春卷扎肉撈檬~大蝦菠蘿飯好大個菠蘿呀！！！ 仲有3隻大蝦添！！！外觀滿分！！！炒飯乾身，成個飯有好多菠蘿肉，連每粒飯都好香菠蘿味！！！呢個菠蘿飯份量比較多，男仔可能食得晒，女仔應該食唔晒，最o岩就緊係同朋友們share食喇~~~生牛肉湯粉生牛肉唔韌，生熟度剛好。另配九層塔，青檸，辣椒，可按自己須要添加，增添風味。香茅豬頸肉撈檬豬頸肉好香香茅味，唔乾，唔韌！撈檬汁用細樽仔裝，十分別緻，可按自己須要份量添加，亦唔會令檬粉變冧。撈檬汁酸酸甜甜，非常開胃，檬粉好滑，最o岩天氣熱既時候食！春卷扎肉撈檬春卷香脆可口~扎肉也不錯~整體來說食物質素不錯！而且服務員好貼心，記得每人所叫既飲品，直接放在各人面前！值得一讚！…Read More