God of Teppanyaki (Sino Plaza)

踏入4月生日月，每餐都一定要食好啲😁今晚放工過嚟銅鑼灣「板神鐵板燒」，我地同另1 pair情侶一個包箱，由1個鐵板師傅專為我地4人服務，可以享受寧靜又豐富嘅晚餐🥰今次試咗2個15品週年慶鐵板燒套餐：主要分別1個係美國牛薄燒，另1個係厚燒好似骰仔牛咁🤤套餐會有前菜、沙律、南非鮑魚、大蝦天使麵、燒物、野菜、炒飯、湯、漬物、甜品，仲會送埋刺身三款😁當中我力推大蝦天使麵，我地將其中1個餐upgrade做龍蝦天使麵🦞脆卜卜嘅天使麵配埋龍蝦膏做成嘅醬汁，加埋龍蝦嘅爽口彈牙👍🏻此外，建議一定要追加埋火焰北寄貝，除咗火焰竄起勁打卡able，味道更加係一流無得彈！相比美國牛厚燒，我就更加欣賞薄燒😍牛薄燒中間會夾住炸蒜片，牛只需喺鐵板上燒幾燒，入口juicy加埋炸蒜片會比較啱重口味嘅我！甜品好特別係香蕉煎餅，好似瞬間變成泰國風味咁！香蕉煎餅用鐵板煎香，外皮變得極香脆，配埋入面嘅香蕉同埋淋上煉奶，為呢一餐加分不少✨…Read More

呢間餐廳最近推出周年慶鉄板燒套餐，只需$555起就食到13道菜，當中包括刺身、海鮮、牛肉等，水準相當高👨🏻‍🍳💗時令蔬菜沙律、季節前菜先送上甘荀沙律汁沙律同南蠻漬沙錐魚，味道酸甜又開胃🥗💗刺身三款分別有赤蝦、間八同吞拿魚赤身，每款都非常新鮮🍣💗南非鮑魚南非鮑魚肉質爽口彈牙，非常鮮味🦪💗帆立貝（+$68）帆立貝雪白鮮嫩，以牛油同黑胡椒簡單調味已經能食到其鮮味🤍💗火焰北寄貝（+$128）北寄貝爽嫩彈牙，配埋生海苔汁清甜又提鮮，配埋火焰效果好啱打卡🐚💗大蝦天使麵先將天使麵炸得金黃酥脆，再加上以蝦頭熬製秘製蝦汁同爽口彈牙大蝦，蝦味非常濃郁，口感亦好豐富🦐💗鵝肝香煎鵝肝肥美而且油香滿溢，入口即化，夾入漢堡包仔一齊食，造型可愛🪿💗牛舌芯厚切牛舌芯脆嫩有彈性，口感一流👅💗美國牛肉薄燒($555)薄切牛肉捲住蔥花同炸蒜片，口感非常豐富而且更惹味🧄💗美國牛肉厚燒($605)厚切牛肉煎得啱啱好五成熟，肉質軟嫩juicy，而且肉味濃郁🥩💗季節野菜四款野菜分別有翠玉瓜、杏鮑菇、紅椒同粟米芯，食完清新解膩🥙💗炒飯·湯·漬物炒飯用上雞蛋、海鮮、紅蘿蔔、洋蔥、同蔥花等多款配料，得哂豐富，炒得有鑊氣而且粒粒分明🍚另配一份漬物同味噌湯🍲💗香蕉煎餅香蕉煎餅煎得香脆，咬開係滿滿軟熟綿密嘅香蕉，再淋上香甜嘅煉奶，簡直係絕配🍌💗甜品最後送上香甜嘅抹茶紅豆大福🍡…Read More

今天跟米飯班主經過這間位於銅鑼灣的「板神鉄板燒日本料理」，見到餐廳推出了5週年的週年慶套餐，一人前套餐$555起就可以品嚐到15品料理，性價比好高❣️餐廳裝潢高貴又有格調，環境空間感強，其中幾間獨立廂房靠近落地大玻璃，可以望到維港，飽覽維港夜景👍而且服務很到位，師傅亦會介紹菜式及食法。5週年週年慶套餐美國牛肉薄燒 $555 | 美國牛肉厚燒 $605🔹️時令蔬菜沙律・季節前菜今天的前菜是味噌蜆肉。蜆肉好飽滿，爽滑味美，經過味噌烹調後，好惹味🥰而蔬菜沙律🥗好新鮮，面頭放有炸脆春卷皮，配搭酸汁伴吃，很開胃。🔹️刺身3款隨餐附送刺身3款，今天有赤蝦、間八 及 赤身，刺身好新鮮，赤蝦肉質軟滑鮮甜，間八魚肉口感韌中帶有少許的脆感，赤身魚味濃郁。🔹️南非鮑魚南非鮑魚鮮味十足，肉厚帶嚼勁及軟韌🦪切片後蘸點玫瑰鹽同食，令鮑魚鮮味更濃郁。🔹️北寄貝 +$128我們加配了一隻北寄貝，北寄貝飽滿厚肉，味道鮮甜，配埋海苔汁一起吃，鮮味更突出。🔹️大蝦天使麵 | 龍蝦 半隻 +$198🔸️將其中一個大蝦天使麵升級了龍蝦半隻，龍蝦肉味濃郁🦞又飽滿，肉質嫩滑彈牙，味道鮮甜，再將龍蝦膏配搭芝士及秘製蝦汁炒香後做佐料醬汁伴食，鮮味非常🤩🔸️而大蝦同樣飽滿啖啖肉🦐，而且肉質嫩滑彈牙，味道鮮甜，而經油炸過的天使麵很脆口，配搭秘製蝦汁伴食，很惹味😍🔹️季節魚・鵝肝・牛舌 (3選1)🔸️我們選了鵝肝及季節魚😊厚切的鵝肝用了漢堡麵包夾著，煎香後的鵝肝入口即溶，質感幼滑，香脆的漢堡麵包盡吸鵝油，一啖咬落去，口感味道都非常豐富。🔸️今天是日本魚塊🐟，魚肉煎至金黃色，肉質細嫩，滑溜而不膩，配搭香蔥牛油汁伴食，好惹味。🔹️季節野菜4款今天有意大利青瓜🥒、雞脾菇🍄‍🟫、粟米仔🌽及紅椒😊好清甜，可以清清口，準備品嚐牛肉❣️🔹️美國牛肉薄燒 | 美國牛肉厚燒🔸️用牛肉薄片🐮包裹住蒜片🧄、香蔥等，薄牛肉片煎至Medium，好嫩滑軟稔，入口即化，與炸蒜片同食，令味道更提升。🔸️牛肉厚燒選用了肉眼的位置🐮，我們選了Medium，食落去肉質嫰細緻，有彈性又夠肉汁，牛肉味濃郁，師傅將肉眼切成小塊，食起來肉味四溢。🔹️炒飯炒飯粒粒分明🍚，加了牛肉碎粒和簡單的配料去炒已經好好味🤩🔹️龍蝦麵豉湯 | 麵豉湯利用剛才的龍蝦腳🦞烹調成龍蝦味噌湯，濃濃的龍蝦味融入了麵豉湯裡面，鮮味十足。而麵豉湯味道很濃郁❣️🔹️漬物漬物口感清爽，可以解解膩。🔹️香蕉煎餅咬下煎餅外皮酥脆帶有奶油香氣，內餡的香蕉蓉口感軟嫩，再淋上香甜的煉奶，很幸福❣️🔹️朱古力布甸・咖啡 (2選1)布甸入口非常軟滑🍮，朱古力味超濃厚，有輕微的蛋香，真心正❗️…Read More