Canton Bistro

【#新年 中菜篇】🔺適合聚會 🔺廣東順德菜🔺適合長輩節慶飯 🔺會不定期轉Menu🔺中高價 ———————————————「欣賞肯做不時不食的餐廳，轉Menu轉菜式要做嘅野實在太多。」 ———————————————🍊🍊鮑汁柚皮扣和牛臉頰 $298》柚皮出名麻煩難整，首先細心剝走粗糙的外皮，以去除柚皮苦澀的味道，仲要去腥、漂洗和煮熟，令柚皮煮得腍又能吸收所有鮑汁 ，好麻煩，所以每次有依度菜都會叫，但都唔係間間都好食。南海小館的柚皮扣汁好好，又腍又入味，每啖都好Juicy，好食！》和牛臉頰都做得好靚，肉質軟嫩，味道濃郁，重點係唔黏牙，成碟餸的兩樣野都好難整但都恰到好處～欣賞！🍊大良炒鮮奶 $288》大良炒鮮奶重點在於鮮奶要香，口感要濃郁。好多地方嘅炸鮮奶都可以好難食，好少人做得好食。今次試完感覺似賽螃蟹，足料，但未算好特別。🍊菜甫桶蠔煎蛋角 $288》正常發揮，桶蠔都算大隻，啖啖肉，不過蛋角稍微帶焦，整體偏鹹，啱配飯，但依個價就貴左啲。🍊白飯$25.茶錢$35/位. 餐前小食$30》茶幾好飲，餐前小食(青瓜）都幾好食～💬後記：平時去到餐廳總會習慣睇下食評，見到想食嘅野原來係季節菜，食唔到，原來都會幾失望，所以都係即場叫餸啦，不要太因為食評而去哈哈(倒米Mode)》侍應們都好親切，好有禮貌。》菜式不定期替換，要有心理準備去到無咗想食嘅菜式呀～回頭率：🍊🍊🍊🍊/5消費：每位$4-500+…………………………………………🍊南海小館黃竹坑黃竹坑道180號海洋公園香港海洋公園萬豪酒店B區地舖…………………………………………#乜乜飲食日記 #乜乜黃竹坑 #南區美食 #mug4fun…Read More

南海小館開業於海洋公園萬豪酒店。作為酒店中菜館，店內陳設簡潔舒適，但餐桌擺放密度比一般酒店餐廳高，加上小朋友食客數目比較高，用餐環境相對嘈吵。一行四人前後點了五餸一飯麵，份量剛好。每客主食小菜約二三百元一碟，人均消費約五百元，以酒店中菜廳來説都算合理。西檸煎軟雞出品熱辣，外皮香脆，雞肉軟嫩。酸酸的檸汁味道特別醒胃，置於飯局初段作為開胃菜剛好。大良炒鮮奶炒得白滑軟身，質感剛好而不會過於鬆散，並輕泛美味的牛奶香氣。避風塘炒蝦球所用上的海蝦大隻厚肉，口感爽彈，外層金衣酥脆，評價佳。避風塘金沙味道稍鹹，建議追加辣度以添惹味感。薑蔥蒜子班斑腩煲內含的海斑腩肉及近翅骨的部位數量參半。腩肉肉豐，但魚皮原韌；翅骨相對肉少，但肉質較軟嫩，各有捧場客。小編喜愛香口美食，大蔥蒜子更討歡心。鮑汁柚皮扣和牛臉頰牛味濃香，紋理清晰，膠質感重，食感黏軟，以鮑汁引味，效果合拍。柚皮炆煮得夠火喉，吸汁入味。順德家鄉炒米粉炒得乾身不油膩，簡簡單單以鹹肉、芽菜、大蔥等炒勻已有不俗的效果。另一吃法是澆上剛才的鮑汁，自製一道可口的炆米，一菜兩食。整體而言，小編對南海小館評價中上，有機會會下午造訪試試一眾點心小炒。…Read More

朋友推薦，約咗一班同事試新野。金鐘搭一個站到海洋公園，出閘後再行幾分鐘就到，交通方便。餐廳用餐空間舒適，氣氛悠閒，非常適合聚腳傾計。講番食物，同枱順德同事話，順德菜唔錯，會同屋企人再黎食。我唔係順德人，一樣覺得食物質素出色，一定會再encore。是日菜單(午餐): 點心拼盤 、叉燒、煎蓮藕餅 、順德拆魚羹 、支竹火腩炆鉗魚、大良炒鮮奶 、順德煎排骨 、冬菜雲吞浸莧菜 、虾子包汁撈粗及蛋白杏仁茶。真心覺得樣樣都好味，特別推薦魚羹及鉗魚！…Read More