The Dining Room

好耐冇食上海菜，路過南小館，見到唔洗點等位，于是入座。 一坐低，侍應就准備了玄米茶，非常香，好喜歡點都要飲多幾杯，比出面d玄米茶都要香甜。 難得見到菜牌上的「黑松露素鴨」仲未售罄，即刻order 左一份，因為之前一直都未試過呢道菜。 端上來，已聞到好香的黑松露味，腐皮夠脆，非常好，值得一試 另外我地order 左「外婆紅燒肉燒買」啖啖滿足，糯米與紅燒肉的完美組合，很有上海特色，這道菜夠新鮮熱辣，現蒸出爐 主食，我地order 左「大良炒飯」次次來必點粒粒米飯爽滑，伴有松子仁，金華火腿丁，相當惹味「老乾媽年糕」是用老乾媽辣醬炒，微辣，好好味，有上海特色南小館很多區都有分店，是很不錯的上海菜餐廳，值得一試…Read More

今日第ㄧ次初嘗南小館，就已爱上它。环境方面，算是不太逼。員工十分有禮貌。食物方面，它整体來説都是好吃。个人推薦小籠包。小籠包有幾款選擇，每款都有𠰠特色。另外，它炒飯和鍋貼都是水準以上。个人十分推薦大家去食!!…Read More

今日外籍阿頭請客，而佢係對gluten敏感嘅，喺越/泰/滬菜餐館之中，我哋揀咗食南小館。原來阿頭之前喺elements分店試過，佢都好鍾意！聽聞呢頭lunch time人頭湧湧，為咗避免要等位，我11點半打咗去book枱！我哋未夠12點半就去到喇～餐廳好大！有17x個位，我哋入座時餐廳應該只有3成滿～不過約1點就已經full house了！餐廳裝修好靚！有好多舊式擺設，有水壺、手提皮喼、油燈，等等，整體感覺係好contemporary！一入座就serve咗杯蕎麥茶，我唔係好識飲茶，我覺得似玄米茶嘅味道，唔知玄米茶同蕎麥茶有咩分別呢，好香！今餐由阿頭同同事發板，我負責食食食 上菜好快，即刻睇相！本身我好鍾意食爽口嘅菜，四季豆啱晒我 唔會好油，味道唔會好濃味，鹹味適中！ 100分！跟住有四小拼涼拌，雲耳秋葵中規中矩，四喜烤麩應該係豆腐乾，兩款素食都係比較清淡。我食得太慢，想食口水川雞時已經冇晒，所以冇份食，但我要大讚花雕白雞好香酒味，雞肉質好滑，只係食咗一塊，已經好impressive!! 100分！呢個蝦肉紅油抄手，蝦肉Q彈，略嫌唔夠辣得刺激！呢個大良炒飯，我同同事都覺得好疑惑！明明呢度食上海菜，而大良明明係順德地方，點解會喺南小館食到大良炒飯呢？我哋冇繼續深究落去，炒飯趁熱食！呢個炒飯有小蝦仁、松子仁，雖然係用瓦鍋上，但一啲都冇黏底，而且每粒飯都炒得好乾身 呢個白菜炒年糕就比較油，較濃味，不過我覺得味道都唔錯嘅！跟住有鮮肉小籠包，一對筷子夾起冇穿，咬一口啲汁就會流出嚟，一定要用匙羹接住嚟食！味道冇乜特別，都係一般小籠包嘅味道～金網生煎鍋貼，外皮甘香脆卜卜，包住好多肉汁！煎鍋貼要煎得靚，餃子皮固然重要，包餃同煎餃都要好有技巧！小妹都會間中自己包餃子，因時間關係，通常都會買現成嘅餃子皮，餃子皮有大有細、有厚有薄，太厚會好似食麵粉噉影響口感，太薄的話要擔心餡料太多汁令個皮易穿，而煎餃對於我嚟講係高難度動作，好難煎到又香又唔燶，唔知係咪我技巧唔ok定我嘅煎pan唔ok！不過我我欣賞呢度煎餃煎得好嘅！呢個生煎包同樣地都係煎得好好，包底脆卜卜，包身軟綿綿，餡料多汁，味道適中啦！雖然食得飽飽，但一開始就已經開啟咗個甜品肚（睇menu時已經流口水），所以一定要點～同事們揀咗3款甜品，有桂花蜜拉糕，細沙南瓜糰，金柚脆麻球。先試咗桂花蜜拉糕，一入口已經食到糕面嘅桂花蜜，配清香嘅拉糕甜而不膩，好夾！細沙南瓜糰，賣相好得意，整番一個小南瓜，紅荳蓉略甜，不過屬接受範圍！金柚脆麻球有3重口感，首先會被柚子香吸引咗，一口咬落去有沾滿金香黑白芝麻、脆卜卜嘅波波，入面再有黑芝麻餡，食呢個甜品，溫馨提示，食完一定要照鏡，睇吓啲牙仔喔！今餐4人食咗$627，平均每人$160有找～報告完畢！…Read More