Coucou Hotpot‧Tea Break (NINA MALL 2)

湊湊火鍋‧茶憩，主打台式茶飲及麻辣火鍋，假日經過總係聚滿食客，呢日收工，終於食到期待已久既鹽酥雞同超大杯既珍珠奶茶！餐廳環境闊落有氣派，入場超肚餓，來到醬料枱，除有10 多款不同醬料外，仲有西瓜，蜜瓜，麻辣魚皮，滷肉飯等可自取！ 連麻辣鴨血豆腐都可以任家🍄鹽酥雞 $58真係好鍾意食香口野，鹽酥雞熱辣辣炸起上枱，怕熱氣放左一陣，微暖下依然香脆多汁，鹹鹹香香味道唔錯！🍄白貝海鮮鍋 （單鍋）$258打邊爐，靚既湯底絕對係重點，今次選既白貝湯鮮鍋，融入海參，乾貝，杞子，鮮蠔，雞子，金耳等材料，熬成奶白色湯底，好好味，鮮甜濃郁，忍唔住先飲3 碗，再開始打邊爐！🍄比利時五花肉 $68 （原價 $88 ）來自比利時既五花肉紅白相間，肥瘦均勻，滾30 秒就食得，肉質香軟，入口爽甜唔油膩！⭐️11月30日前點白貝海鮮鍋，再點比利時豬肉，就有特價優惠！🍄深海紅蟹 $298主角深海紅蟹上枱已經將蟹殼打開晒，超有心機，煮4 分鐘就食得，啖啖蟹肉好鮮味！一隻蟹2 個人食剛剛好，蟹腳已去殼，食得好方便！🍄大紅袍珍珠奶茶 $33大大杯！大紅袍珍珠奶茶茶味跟奶味融合得唔錯，香滑有奶香，唔會太甜！超抵飲！🍄燕麥奶茶 $29同樣大杯既燕麥奶茶有濃濃既燕麥香味亦有燕麥粒粒口感，比大紅袍珍珠奶茶甜！食飽，店員會送上沙冰🍧及酸梅甜品！📍湊湊火鍋‧茶憩 📍地址：荃灣大河道98號如心廣場二期1樓121號舖🌙月光太太…Read More

椰子雞湯底 (6.5/10): 略太甜，還是花膠雞鍋最好，蕃茄牛膝骨鍋也不錯。麻辣鴨血豆腐 (8.5/10) 👍🏼 免費反而最好 羔羊肉 (8/10) 👍🏼 安格斯牛板鍵 (6/10) 「企鵝」墨丸 (7/10)松板魚糕 (4/10) 👎🏼大紅袍珍珠奶茶 (7.5/10) 👍🏼———————————————————————————⭕️總評：環境舒適，湯底不錯，首推花膠雞鍋。已翻食✅ 💵Budget: $250 pp (lunch) …Read More

今日經過見到好多人拎住呢間野既杯，就好奇埋去睇下，一直以為只係一間火鍋店，點知原來佢係有珍珠奶茶外賣，見到佢既大紅袍珍珠奶茶係推薦主打，就買一杯少甜少冰黎試下，點知一飲發現佢超好飲，真係好有茶味之餘，其實茶同奶都各有位置，因為佢既奶令到杯奶茶好滑，雖然我叫左少甜都仲係偏甜，但佢既甜唔係死甜果種，所以一啲都唔反感，而佢既珍珠係偏細粒，唔會太大粒所以食落唔會覺得好漏，同埋佢啲珍珠既甜味亦恰到好處，總之成杯珍奶我覺得好滿意，一定係我飲過既珍奶既TOP3!…Read More

終於都幾到食過新年飯，甘梗系試吓新野喇！我哋揀咗呢間台灣過江龍一試，佢既鴨血一般，佢既胡椒豬肚湯同麻辣可以，佢好在可以鴛鴦鍋，（麻辣湯底任加鴨血同豆腐）甘就可以試到兩個湯底，佢所有野都系好精緻，價錢都偏貴，人均$300-400左右，佢既珍珠奶茶都好飲，可以揀甜度，佢既蝦好似吾系好新鮮，所以麻麻…Read More

幾個月前，第一次經過呢間湊湊鍋嘅時候，買咗杯大紅袍奶茶，覺得好好飲，大紅袍茶嘅味道令我對佢念念不忘。今次嚟到荃灣，特意走過嚟再幫襯。見餐牌上有大紅袍拿鐵，向店員查詢下有咩分別，原來大紅袍奶茶係用奶粉沖，拿鐵係用鮮奶沖。於是今次點咗用鮮奶嘅拿鐵（少甜少冰），滿心期待，結果係超級失望個樣好似好吸引，不過可能因為啲奶變咗奶泡嘅狀態，同啲茶完全混合唔到。完全冇奶茶嘅味道，個甜度又蓋過咗個茶，啲冰碎溶埋，變咗冇咩味嘅糖水，完全冇諗過會係咁... 之後我哋忍唔住再點返個招牌大紅袍珍珠奶茶，三分糖少冰。這次，大紅袍奶茶嘅味道終於出現返，不過可能真係唔同師傅嘅手勢有異，今次個奶味比較重，個人覺得有點兒嘥咗個大紅袍茶。好懷念第一次飲嗰杯大紅袍奶茶嘅味道，真係可遇不可求。…Read More

已經係第四次光顧，之前幾次都係21:30後特價時段黎食，所以都試過一次遇上鴨血/豆腐無得添加嘅情況（店經理解釋話因為未夠入味所以無得添加，最後費事我地唔開心，所係勉為其難咁幫我地添加左一次，但完全唔夠候）所以今次決定唔再等特價時段；由於係星期五晚食，19:00拎飛，二人枱等16張，最後接近21:00入座我地揀左招牌嘅勵志鍋·台式麻辣鍋由於食食下先記起要影相，所以未必影得好好今次非特價時段無再遇上鴨血豆腐無得加；不過由於人手不足、全場爆滿，所以都係要主動告知店員先會加比你肉類本來想試羊，可惜近兩次黎都話無最後都係點左一豬一牛肉類質素好，但份量多多少少更好以呢個份量黎講會略嫌有d貴得幾塊，食唔夠喉原本點左一份蝦滑，都預左係機打，所以唔夠起膠突然忽發其想其實可以再自己搞搞佢打到佢起膠🤣🤣老公覺得唔會work,不過最後都留返半份比我玩下最後係成功打到佢起膠嘅，即刻變得好食左👏🏻👏🏻😋😋所以老公再點左份墨魚滑比我玩不過墨魚滑我估因為佢爆多蟹子嘅關係，所以味道偏甜，我地唔太岩食，最後都無食哂最後要推介嘅係大紅袍珍珠奶茶無諗過餐廳飲品都可以飲到飲品專門店嘅質素同味道👍🏻珍珠比起平時嘅細粒d,我覺得好好咬！後記：店舖拎飛係掃QR code登記,建議會再食嘅忠粉們可以影低門口前台個QR code個人覺得特價/非特價時段價錢唔爭幾多，而且非特價有機會無鴨血豆腐加，變相仲唔抵；另外埋單時會送上乳酸冰沙同梅子茶凍，但4次光顧之中得一次係店員主動比、有2次無比；今次係我主動催先上😂😂梅子茶凍係幾清香，唔會好酸，食到茶味👍🏻大家想食嘅埋單時記得要留意唔好急急腳走左喇😛…Read More

在疫情未期，大家都急不及待想出街吃過好的晚餐，尤其是周末，商場食肆也是人山人海，在openrice發現荃灣有這樣高檔的台式麻辣火鍋，所謂高檔即是並非放題形式和有服務那種。見門口冇乜人等位，於是立刻登記排隊攞位，6:15p.m.登記，最終都要等到 8:15p.m.才能入坐，等位途中，店舖有職員出嚟派小食，很好味的圓形球體金黃色的炸物。餐廳內的座位寬闊空間也很大，因為是火鍋的形式所以冷氣也夠凍，店員也細心講解火鍋湯底和各樣食物的食法和留意的地方，台式火鍋的其中一樣特色就是豆腐和鴨血是免費任添加的。…Read More

行完吉之島經過如心廣場見到呢間火鍋店開左附帶飲品部有得外帶就望下個menu有咩好飲大大隻字寫話: 大紅袍珍珠奶茶"推介"甘就決定飲呢一款試試佢首先個女仔就簡單一句:要凍嘅? $33.我就好奇台式飲品唔係應該有得選甜度/冰量?而吧台上個menu亦唔見有寫呢一行我就問個女仔:有無得話少甜架?個女仔先話:有啊要我問先答咀嘅:(我就要左少甜少冰.甘係等飲品嘅時間問個女仔有無咩其他飲品都係好飲佢都係答大紅袍吖.茶味濃嘅.等左一陣好快就有杯飲品上面嘅貼紙就寫:8分糖/少冰我無即時飲, 因為出面落雨, 所以係拎到返屋企先飲(十五分鐘後度)一飲...甜嘅奶味嚟嘅茶味得1%甘上下都唔知有無啲珍珠係細粒款, 但好淋身無咬口幾失望下, 因為掛住個名係茶味行先而個女仔都話呢一款係茶味濃我亦本身中意茶味重嘅飲品但無諗住如此差唔會再想試第二次.…Read More