PUTIEN (Lee Theatre Plaza)

來到銅鑼灣突然想食優質中菜？第一家想到的肯定是莆田，不論地點、環境或味道都無可挑剔，最近她推出鰻魚節推廣，作為鰻魚控的我們當然要支持一下🤣✏️位置（9/10）：時代廣場對面商場7樓，位於銅鑼灣中心地帶✏️環境（9/10）：裝修華麗，環境闊落舒適✏️服務（9/10）：侍應衣着較其他分店正規，而且相當有禮貌✏️食物（9/10）：食材新鮮，擺碟精緻，味道不錯🌟黑金蒜燒鰻魚 - $168黑金蒜的醬汁口味香濃，鰻魚香滑鮮繳，而且夠入味，啖啖肉，而鰻魚骨比較大不容易哽親😜🌟普寧豆腐焗鰻魚 - $168普寧豆腐很香及味道較重，焗出來的鰻魚水份沒有燒鰻魚多，但就更入味，口感軟滑，較容易食😊🌟大白菜燉軟豆腐 - $128用香滑濃厚的軟豆腐、海蠣、蟶子、瑤柱、蝦乾、豬肉及大白菜煮出來香甜味美的湯，顏色奶白，豆腐超嫩滑可口，絕對必點😍🌟福建紅菇海鮮滷麵 - $138莆田最有名的主打菜，有著充滿魔性的粉紅色，食材有紅菇、海蝦、蜆、蠔乾、豬肉、芥菜、豆腐卜，味道相當鮮甜，滷麵亦香滑入味，十分惹味😋🏠莆田(銅鑼灣)📬銅鑼灣波斯富街99號利舞臺廣場7樓A號舖…Read More

happy friday放工後想同朋友食d有新意d 嘅菜式，見到呢間米芝蓮級嘅福建菜，位置又好近我地，就決定去食下😆餐廳內座位都坐得舒服，而且都幾大幾多位～非常認同餐廳menu上所寫，三分考廚師，7分考食材，所以呢到嘅食材的確不錯。而家係「跳跳魚」主題（又叫彈塗魚），跳彈力超強。見難得有得試下，當然要點黎食！🐟香酥椒鹽跳跳魚估唔到跳跳魚內都幾多肉，而且肉質白雪雪的，外層脆香惹味，配上彈彈幾嫩嘅魚肉，口感豐富。🌟傳統海蠣煎無論係食咩菜，見到蠔仔餅我都必點，福建整法嘅傳統海蠣煎都幾特別！入面超多蠔仔，係薄薄蛋香配蔥香，加上粒粒滑香蠔仔，食落去幾滋味。🌟興化炒米粉興化炒米粉係比較有驚喜的，用上幼身米粉，炒到好乾身，配上豐富配料如蜆肉、蝦、蟶子、豆腐乾（蝦更加係細心地挑走蝦線的），夠曬香口。🍲大白菜燉軟豆腐大白菜燉軟豆腐係一鍋上的，可以飲埋湯，湯味道清甜，入面除了多軟淋豆腐外仲有好多菜、蠔仔、蜆、蟶子，拍得住海鮮湯。石鍋上熱辣辣夠暖胃🌶️另外都好推介點他們自家製辣醬，味道比較辣，食落去幾刺激味蕾。醬料是百搭的，點上後為野食添上層次感，更惹味！🤩…Read More

每次食中菜好容易就諗起小籠包、北京填鴨或者廣東菜，不過食得多會膩。呢間福建菜味道幾合香港人口味，個人覺得有幾道菜要值得推薦。環境：最近裝修完，比以前較走輕奢風，卡位冇再升高，方便左。另外多咗梳化圓枱位，幾comfy前菜：太肚餓忘記左相機食先。雲耳正常，咸酸菜較出色，酸甜適中，爽口蟶子兩食：必試程度2/5椒鹽版本香口又唔會過咸，幾好蒜蓉蒸正常，但有碎殻同少少腥，少失望大白菜燉軟豆腐必試程度：3/5勁香芹菜味，湯頭唔錯帶胡椒味，軟豆腐其實係豆卜，好索湯，成個湯好舒服黃花魚必試程度：3/5主要係性價比高，$38條，又有鮮味而唔腥，幾好黃金荷葉包必試程度4/5呢個介乎叉子燒餅同炸饅頭，唔會好炸又唔會太多澱粉入口，配埋個京醬肉絲好好食酥炒芋心必試程度4/5表面少少焦糖脆皮，裏面軟心嘅芋頭，會食唔停口嘅好食包菜飯必試程度2.5/5似荷葉飯加椰菜，個椰菜唔夾個飯，要食飯嘅都可以叫佢總評:環境闊落雅緻，食物中上，想試非京川滬菜非廣東中菜可以揀呢間…Read More

莆田系香港少數有得食福建菜既餐廳，佢係好多地方都有分店，仲攞左幾屆米芝蓮推介。本身以為價錢會比較貴，但係驚喜發現原來佢既午市套餐好抵食，一個人食都可以食得好豐富，有前菜有主食仲有湯，仲免加一添！1⃣️莆田午市一位餐（$68） 包左三款自選小菜、主食同埋燉湯  👉滷水燉豆腐滷水唔會太鹹  👉水晶豬蹄凍幾精緻，但係食落有少少肥  👉家常燜筍乾 鹹鹹地燜得幾入味  👉興化炒米粉配料都幾豐富，有蝦、豬肉、菜等等，面頭既紫菜係脆脆地既伴埋米粉食幾唔錯☺️米粉炒得好爽，一啲都唔油，唔會好重口味，食落幾香😋  👉玉米蘿蔔排骨燉湯 呢度既燉湯係每日都唔同既。飲落清甜唔油，入面仲有粟米、排骨、蘿蔔，唔洗70蚊仲有燉湯飲都幾正👍  2⃣️莆田午市頭等餐（兩位用）（$198） 👉蝦苗伴頭水紫菜好鍾意呢個紫菜🤤紫菜係冷盤黎，加左啲醋調味，酸酸地好開胃，仲有啲蝦米。簡簡單單但係好好食。  👉大白菜燉軟豆腐 大白菜煮得好淋，湯底清甜就咁飲都好唔錯😚豆腐索曬湯汁，軟軟地，食落口好有豆香而且好綿，可以即刻係口到化開既感覺。  👉傳統海蠣煎 蠔餅有好多唔同既做法，有台式、泰式、潮式，福建菜既版本都係第一次食😯薄薄一層蛋皮，面頭鋪滿好多既蠔仔，蘸一下佢配上既酸辣醬汁，好有鮮味！  👉漁民紫菜燜飯原鍋上，入面有紫菜、豬肉、蠔，飯燜得好入味，飯粒吸收曬啲紫菜碎加蠔既鮮味，好食😋  👉甜品甜品係雪耳糖水，有少少太甜。  3⃣️芋香鴨（$99）外皮好脆，脆皮下係芋泥，中間包住鴨肉，好有層次感🤩食落感覺唔油膩，鴨肉唔會好肥，搭配埋芋泥食個口感好正～芋泥增加口感但係唔會蓋過鴨味😌  …Read More

依稀記得當我還是很小的時候，曾聽過現年九十多歲的外婆憶述從順德鄉下來港謀生的軼事，現在欲多了解外婆在鄉間的生活點滴，惜為時恨晚，因近十年外婆的記憶及聽力已嚴重衰退。這晚我們特意安排單有離開居住範圍的外婆到銅鑼灣用膳，雖然不是嚐她家鄉的順德菜，但也希望藉著莆田農家菜的風味，勾起外婆點點的回憶！雖然外婆的兒女大多在外國生活，但我們作為孫兒能經常與老媽、曾孫兒齊齊整整用膳，看到外婆的笑容，心裡倒是懷有一份感恩！每人可獨自選擇飲料，我隨意地選擇了熱茶。除了熱茶、開水，「莆田」還備有多款果汁。侍應端來五顏綠色的果汁，即時令我想起去年夏天在台灣旅行，每晚在夜市購買鮮榨果汁的情景。綠色的混合鮮榨果汁、淺黃的是自製玉米汁、紅色的是鮮榨西瓜汁，味道自然，不會過甜，感覺還好！打開印上「辣媽」的瓷盅，裡面是鮮橙帶有辣椒碎、辣椒籽和香料的醬汁，質感比辣椒醬稀薄，辣中帶酸，恰似泰國的海鮮醬，倒是令人開胃！先點來幾款前菜。帶著鹹香的阿元香草雞，香草味不太明顯，而雞肉較為結實，也許是冷盤的緣故！自從在台灣嚐過很不錯的竹筍菜式，腦子便經常懷念那番滋味。點了這道家常燜筍乾，且看看如何！筍乾燜煮得軟腍無渣，每口筍乾也注滿了醬汁的少甜味兒，但筍香卻不如鮮荀子般鮮明，也許筍乾有著另一種特殊韻味，不過個人還是較喜愛鮮筍的爽脆和香氣！一品醉蚶是莆田縣的名菜，先將螄蚶用秘方醃製，入口香味濃厚，最重的要算是蒜香，繼而是酒香及蔥香。雖然是重口味之作，但是調味與螄蚶的鮮味卻非常匹配，感覺惹味之餘又來得自然。雖然外婆對螄蚶並無概念，純粹單憑味覺享用，可是她竟主動要來添加！看似是普通的大腸，但經嘴巴細嚼，口感立即活現。還是第一次感受得到特別分明的層次感與爽彈，配合溫醇入味的滷汁，味道與口感果然別具一格。原來九轉小腸使用了特級大腸，經過廚師以傳統的九層摺疊技巧，產生出與別不同的層次，怪不得同是莆田名菜之一！愛吃苦瓜的我，看到餐牌上這道冰浸涼瓜，又怎能錯過！涼瓜片削得十分纖薄細長，味道甘中有苦，口感冰涼爽脆，再蘸上清香的蜂蜜，甘苦中又帶出一點點香甜，仿如經歷一段人生。能夠活在當下，細味自創的路途，無論如何甘苦，也樂於面對，苦瓜是人生的領悟！嚐過五款前菜，要來一鍋湯水清洗味蕾！未料到「莆田」的軟豆腐就如街市常見長條狀的鮮腐竹，不過一入口後，便知龍與虫之別。「莆田」的軟豆腐豆香濃郁，質感也相對滑溜。而湯頭更是令人一振，乳白的色澤透出一份純和與鮮甜，相信當中的蟶子乾發揮不少的作用，光靠軟豆腐和黃芽白該達不到這般美妙的效果。自然的鮮味恰如家裡的製作，多來一碗也未夠！曾聽食友提及，她上次嚐芋香鴨如油浸鴨的不愉快經驗，當晚差點兒放棄選擇它的機會。幸好最終還是點了，要不然便錯過這份用芋蓉包裹鴨件的美味！外層是軟滑酥香的炸芋蓉，內層是細薄、軟滑不乾的鴨肉，口感並不膩滯，在一食間帶出兩種滋味，要比純芋蓉更為出色！看到脹臌臌的炸漿，我有點卻步，但也不能不試。用手撇開前後兩端多餘的炸漿，發現炸漿並沒有過厚，而且質感還算幼細，入口鬆化！而餡料夾雜肉與蔬菜不同的層次感，味道自然純樸，更滲出清幽芳香，實在不錯！福建莆田縣有著深遠的文化背景，物產不論禽畜、蔬果及海產，同是相當豐盛！我們愛吃魚，加上魚肉相對其他肉類軟腍，適合外婆進食。原味小黃魚以最簡單的水燜方法烹調，無添加的純味，可謂是品嚐魚鮮的最佳方法。小黃魚新鮮度足、魚肉細緻嫩滑、而且魚脂豐腴，質量不俗，趁熱進食，盡顯魚鮮。唯此純味之作不是每一個人都懂得欣賞！脆皮蒜香雞恰如其名，皮脆、肉嫩、蒜香滿盈，味道滲進每一口雞肉，且充滿著香氣，最感意外的是雞件完全不油，喉嚨倍感舒暢！我們欲多嚐魚類，侍應介紹了一道油浸游水鱸魚。甜香的豉油襯托著金黃焦香的魚皮，與及嫩滑的魚肉，做功與調味也相當稱心，不過在眾多味嚐過的菜式之中，油浸游水鱸魚算是較為平乏，未能突圍而出！對「莆田」的豆腐有著好感，於是要了一個芥蘭豆皮。芥蘭細嫩，豆皮較軟豆腐細薄，質感富有韌性，豆香亦不錯，反而不太喜歡其甜甜的醬汁。燜豆腐跟港版的老少平安有著相似的口感。將豆腐揉碎，放於砂鍋烹調。於豆腐加進蔥花、香芹、冬菇粒、花生和甘筍粒等，味道過於清淡，而豆香亦未見突出！本身不太喜歡麵線軟腍的質感，但媽祖麵線的醬汁實在調得太美味了，自然的香氣更是吸引，配合簡單的食材已令我愛上！我們一家也很喜歡這道芥菜粥，粥底綿滑、蘊含獨特的清香及甜美，彷彿重遇小孩年代粥品的韻調，究竟這老味兒要如何烹調？為何消失於現今的世代？我認為芥菜粥是必試的主食！「莆田」收費不算昂貴，以其菜式及主食的質量，勝價比頗高，只是餐廳實在太繁忙了，週末及假期等劃分三個時段用餐，時間較為趕急，未能好好與家人享受。在都市化的香港，即使是郊區的務農者，在法例規定下也不能散養家禽，光是這一點已未能滿足農家菜的真正要素！不過，幸好「莆田」將福建莆田縣的農家風味帶來香港，讓我們一嚐那種自然、純樸，與及被遺忘了的味道。對於經常外出用膳的我，味蕾早已給「污染」，樸實的農家味道，頃刻給味蕾洗去俗氣，感覺煥然一新！…Read More