Burgeroom (美麗華廣場1期) (Closed)

一直想搵機會食啲heavy嘢滿足吓做肉食者嘅願望，依間Burgeroom出名超大份，今次就嚟試吓有幾誇張！餐廳位置比較側，未到門口已經見到個醒目嘅霓虹燈招牌，美式工業風裝修，環境寬敞，座位亦非常多，雖然預先訂位，我哋2人都只喺俾到張好細嘅2人枱，相對上比較迫，而同樣都喺2人，旁邊就留位4人枱🥲Menu選擇非常多，單單burger都有42款，仲有各款小食同沙律🥗 自助點餐形式免收加一👍🏻雙層牛肉芝士漢堡🐮🐮$145店員一拎到埋嚟，我就俾雙層牛肉震撼到，原本單層都有2cm厚，加埋各種蔬菜配料就疊到超高身，一級嘅視覺享受😍 Burger好貼心咁切開2份，用竹籤拮好，食得方便唔會出洋相之餘又可以同朋友share食👍🏻 手打牛肉非常出色，未食已經見到碟上流滿肉汁，證明非常Juicy！缺點就喺漢堡包底會浸到濕晒，影響咗整體口感同美觀😂 但不得不讚牛肉好正🤤 打打嘅關係完全唔實，成功鎖住肉汁，食落唔會鞋口，牛味非常濃郁，加上溶溶哋嘅芝士，真喺無敵牛油果醬芝士牛肉漢堡🥑$98相比起上面爆餡果款，依款份量就正常啲，單層牛肉上面塗滿濃厚幼滑嘅清淡牛油果醬，配上新鮮肉茄、生菜，層次豐富又能夠中和吓牛肉油膩嘅感覺，𣊬間減低邪惡感大烤菇沙律🍄$80沙律表現不錯，份量足，大烤菇烤得不錯夠多汁，沙律菜夠新鮮，配上柚子醋，酸酸非常開胃👍🏻總體嚟講， Burgeroom 名不虛傳，份量超足料，抵食又高質，性價比高，下次都會再嚟試其他款式burger 同薯條…Read More

是日一行四人來到食漢堡點餐的話要自行到收銀櫃前下單飲水之類的亦是自行拿取，是半自肋形式所以亦沒有加一服務費牛油果醬芝士薯條 $62牛油果醬配芝士，口感幼滑又香，邪惡布里芝士餅 $50/5PC熱辣辣脆卜卜，仲有拉絲效果，正的大烤菇沙律 $75、軟殼蟹沙律 $120兩款沙律既SIZE都比想像中大烤菇啖啖菇肉，四人分沒難度，很適合素食者炸軟殼蟹很鬆脆，配上酸酸沙律醋，很開胃鵝肝鱈魚漢堡 $165、鵝肝雞柳漢堡$165終於到主角了鵝肝肥美，炸鱈魚外脆內軟烤雞柳肉質嫩滑不乾，兩款鵝肝漢堡都不錯呢蜜桃冰茶 $38桃味香，FRESH的飲品，用來配漢堡是不錯的總括而言，是一間質素不錯的漢堡店晚餐時間人較多，想食預早少少來等位哦…Read More

約左喺美國長大的朋友午餐，特登選了他家鄉美食 - 尖沙咀美麗華商場Burgeroom。反正自己都好耐冇食過漢堡飽 來到當然一定要試試 Burgeroom 著名嘅鵝肝牛肉漢堡。午市仲有套餐：只加$30便有埋粗薯條及飲品。厚厚的牛肉再加上肥美的鵝肝! 鵝肝控仲可以要 Double 鵝肝！朋友一啖咬落去一邊話邪惡但他滿足的表情完全出賣了他。講求健康的我雖然都忍不住咬了一口Burger，但自己就揀咗一個大烤菇沙律。未上枱已經聞到烤菇的香味。另外加了一客牛油果醬芝士薯條，估唔到牛油果同薯條非常之夾! …Read More

聽朋友講過唔錯，今日約閨密食晚飯等我試下咩料先👀裝潢都幾型格..其實係門口都影左張，有個女仔既壁畫好正，但唔想post 自己，就post呢張算🙈其實配料選擇都幾多，有牛肉、海鮮、雞鴨仲有素菜類😯我地一場黎到當然見廚師推薦，選擇左最貴個個*雙鵝肝牛肉漢堡*。份量都幾勁，之前都有聽講過，所以今次醒目一份兩份食✌🏻首先包包鬆軟，芝士流晒咁，生菜蕃茄爽甜（平時唔多食蕃茄既我都清晒架），牛肉漢堡厚身得黎唔會乾保留到肉汁，厚切鵝肝更係好油香🥰*大烤菇沙律*呢個d生菜都好鮮甜，烤大啡菇手板咁大隻，烤得香而且內裡juicy。*芝士旋風薯條*大大兜，芝士基本都包覆到大部份既薯條，由於我被個漢堡吸引左，放凍左d薯條，但都keep到脆👍🏻當然身為酒鬼既我，一定要試下呢度既手工啤，包裝好得意，個杯都有晒design，飲落果香重，唔會有甘味，好易入口，送burger食的確配襯👍🏻…Read More

兩個女孩子叫一份burger🍔一份小食加多個沙律🥗已經好飽因為全部份量都好多👍🏻👍🏻👍🏻👍🏻👍🏻之前都有去過CWB 個間Burgeroom 個人喜歡尖沙咀呢間環境大啲又舒服傾下計談心一流同埋比較特別小小系佢地岀去點好菜職員會再為你送上餐好！不如講下食物如何先首先講下主菜雙鵝肝牛肉漢堡$245 鵝肝入口即溶😆牛肉又juicy配上蕃茄生菜又唔會太膩 good👍🏻大烤菇沙津 $75 好新鮮 菇又燒得岩岩好 可以叫黎試下（女孩子無論咩時候都會想食得健康啲，保持完美身材，所以無理由咩都系肉 ）哈哈芝士旋風薯條🍟$52食burger無薯條又點得呢好多芝士OMG😝薯條又炸得岩岩 好正Li~洋甘菊茶 總結價錢合理環境舒服地點方便適合傾計員工態度非常滿意！滿意！滿意！…Read More

相信大部份香港人對漢堡包ge認知都係黎自M記，「方便」、「快捷」同時，亦係「熱氣」、「drunk food」代名詞。所謂漢堡，只可Hea食而不可正餐，但如果有緣試過呢間Burgeroom，相信會重新定義你對漢堡包ge印象。星期一朝早放假，決定食個大餐黎迎接忙碌ge一星期，尖沙咀黎講，美麗華商場貴價food court已經係算係「人煙稀少」，夾埋平日朝早就更加少人唔駛等啦。呢間Burgeroom顧名思意主打漢堡，美式裝潢、bar檯酒杯，環境舒適整潔。美式餐廳要自助點餐同自行加水，不過點完之後侍應會送餐過黎，我點左「軟殼蟹漢堡」($108)、「牛油果芝士薯條」($62)做主菜，再加一碟「大烤菇沙律」($68)黎中和下熱氣。飲品方面，店員推介我點呢杯特色飲品「Iced Pineapple Fruit Tea」($38)。過住係M記食食包ge經驗，令我直覺「漢堡+薯條」係唔會食得飽，但Burgeroom每一道菜ge份量都比想像中大好多好多！「軟殼蟹漢堡」我點果陣仲以為只有一少片蟹肉放面，點知佢真係成隻蟹咁上碟，忍唔住要影相打卡！蟹肉即使係油炸，但仍然保持肉質鮮嫩，配搭鬆軟麵包加醬汁，既開胃又惹味！「牛油果芝士薯條」當中ge醬汁配搭一絕，口感味道同M記drunk food兩個世界；「大烤菇沙律」入面塊菇大到好似小朋友手板，望到都飽飽地！周邊疏菜亦非常新鮮，正好中和番主菜ge熱氣。至於「Iced Pineapple Fruit Tea」就感覺一般，下次再黎會試飲其他。一人brunch，叫左三個人份量，最後我都總算食左８成，結果就係飽到去夜晚。埋單總數$276（唔駛加一），朝早食得咁貴，開頭都有少少罪疚感，不過諗落一餐當三餐，又唔算係太奢侈。總括黎講，呢度對食開M記ge朋友一定有驚喜，而且環境、食物質素都同價錢成正比，下次會再黎！…Read More

諗起我對想一次食Burgeroom都已經係三四年前，莫講話仲未開尖沙咀分店，就好似連銅鑼灣加路連山道分店都仲未搬舖。今次專登黎試試尖咀分店，既品嚐漢堡包質素有無變，又試下佢漢堡包以外既小食我地今餐特別早食，6:00pm就到，仲係閒日，所以即刻有位舖位空間寬敞，裝潢帶點酒吧feel，的確係可以飲酒的🍺舖頭風格同以前銅鑼灣舊店比都幾唔同。此外，餐廳除左漢堡包外，仲提供多種小食、沙律同埋酒精類飲品，實行產品多樣化首先上場既就係鱈魚手指配他他醬合共五條，炸得唔算油膩，炸皮同魚肉分得較開，口感爽口一點，用黎點他他醬食永遠係最佳配搭:)之後就係牛油果醬芝士薯條起初有點懷疑究竟夾唔夾，一試就有驚喜牛油果本身味道就係牛油咁嘅味，配埋芝士嘅騷味互相輝影，配少少蕃茄，令整體感覺冇咁乾，仲帶一點甜，推介 依味單骨雞翼配蜜糖芥末醬係餐廳嘅新菜式，味道更特別，重點係個醬度，甜中帶少少辣，感覺刺激，雞翼炸得可口多汁，而雞翼係單骨，食起上嚟更方便，另一推介食咁多煎炸野點到需要搵啲蔬菜食下，見依味大烤菇沙律係餐廳嘅推介菜式，就一於叫佢。佢啲生菜感覺好fresh，佢淋上䄂子汁，口味清爽得黎微微帶酸甜，用黎平衡食完煎炸食物後的味蕾就最岩最後介紹當然就係主角漢堡包啦我叫左餐廳推介既雙鵝肝牛肉漢堡，佢真係俾足兩大塊鵝肝，仲好肥美架建議留一半鵝肝夾麵包黎細味鵝肝味道，另一半同牛排一齊食包入面既芝士夠濃，加上千島醬，連埋漢堡包一齊食，味道唔會互相掩蓋而且又夾。講番塊漢堡排，牛味夠濃，較一般漢堡排有咬口一啲，感覺到有筋腱的彈牙口感。依個漢堡包絕對推薦最後，建議大家想食嘅都要早啲嚟排隊攞位，因為我食完之後行出舖頭已經排左成十個人左右，以佢舖頭size唔細，加上係閒日都咁樣，可想而知幾咁hit:)…Read More

人總是得一想二.. 想食得Burger 又想Happy Hour飲杯野傾計開心下.. 當然Burgeroom一定係數一數二.. 我自己都幾鐘意Burgeroom環境好又帶幾分型格.. 一入鋪就見到車軚牆身而且水吧位都整成貨櫃咁樣.. 完全有種型格廢車場嘅感覺.. 側邊都有幅塗鴉美女食住Burger.. 真係"心動不如行動".. 幸好.. 朋友早收工不用等位就有得入座咯.. 見到Happy Hour有優惠.. 叫左杯日本柚子手工啤飲下先.. 柚子味就唔覺有.. 似普通啤酒咁.. 反而我支果汁都係大路野.. 都幾好飲.. 大烤菇沙律: 沙律菜菜種不多.. 令我很喜歡大大塊蕃茄.. 似是外國蕃茄好juicy好鮮..哈哈.. 還有煎過的大菇總是很多汁上面加左茄蓉.. 最啱我呢個菇類愛好者.. 再配埋洋蔥圈甘甘地.. 令整個沙律味道豐富好多.. 黑松露芝士薯條: 我朋友最愛黑松露.. 不得不叫這個.. 每條薯條都明顯係由薯仔直接整無加工.. 見到部分薯條都有薯仔皮.. 芝士味夠香濃.. 反而黑松露粒粒係有但食落又覺得味道不夠.. 勝在夠多汁.. 不過一乾左就"傑傑"地食落就會覺得好"流".. 鵝肝牛肉漢堡: 罪惡感極高嘅漢堡包.. 一見到上面鵝肝煎得好香又多汁.. 下面就有芝士漢堡厚切蕃茄加生菜.. 全部都係我鐘意食架.. 牛肉漢堡感覺似hand-made.. 不過有嗰筋位咬唔到.. 如果無埋就perfect喇.. …Read More

依間burgeroom 裝修以汽車爲主，好型牛油果醬芝士薯條新鮮蕃茄粒，加埋香滑既牛油果醬同邪惡既半溶芝士真係好正醬既份量好多，唔會食到底時唔夠醬薯條又好香脆大烤菇沙律烤菇好香又多汁，配埋新鮮爽口既蔬菜好正！沙律份量勁多，要兩個人share 先食得哂今日既主角終將出現啦係超大既double decker !我地兩個人食一個包真係剛剛好成個包勁厚身！牛肉都好係勁厚身！厚身既牛肉唔un，而且好多汁，有濃濃既肉味流出而且每層都有芝士！…Read More