大漠 (Closed)

個人好鐘意食羊,  什麼羊腩煲, 羊架, 羊串, 羊肉片.... 都係心頭好! 可惜身邊朋友及女友都係抗羊之士, 慶幸家人同我一樣都係同一陣線, 剛巧屋企有飯局, 一直有留意的"大漠"終於可以起行一會!在店門口已經飄來陣陣的羊羶味, 一入店這味道更加濃烈. 同行的女友面色亦變得有點意外, 因未有想到味道會勁成咁. 一行5人, 時間尚早, 坐了埋邊的圓枱. 打開餐牌, 都點了一些推介的食物, 裡面裝潢有點異國風情, 弄得像內地的食店, 只係侍應未有穿上什麼少數民族的受飾. 這裡燈光昏暗, 份外有格調, 正正配合主題, 來自"大漠"這股神秘感吧!這2款調味粉跟烤肉, 串燒這類食品係絕配. 手抓餅我只能用滿瀉來形容, 載滿了餡料, 包括羊肉, 果仁, 花生, 提子乾, 香料, 再插兩條菜作一個點綴. 外表吸引, 但進食就有點難度, 因為皮身易穿及易變形, 餡料會因拎起時瀉出, 所以有點尷尬, 但味道口感都唔錯, 有果仁花生的脆, 同時有羊肉提子乾的煙韌, 不錯的配搭!萬眾期待的燒羊鞍, 唔知係未太期待??? 羊鞍燒得唔夠勁有點生??? 還是我地仲未真正欣賞羊羶味??? 點鮮味道會騷得成咁??? 曾經同一個大排檔的老闆請教過點解羊會有羶味??? 佢話老羊羶味會越重??? 如果佢所言是對的, 那這羊鞍是否來自一班好高齡的羊呢??? 有咖哩雞, 一定要有餅類先係完美, 咖哩唔會死辣, 反而煮得幾香, 雞肉就少點但肉幾入味. 配上熱烘烘的餅醮著吃非常開心. 我就將餅由中間打開, 將咖哩雞夾著吃, 真的蠻不錯!!!!非常普通的炒飯, 味道只係一般, 沒有一些較搶味的材料, 變得淡淡的....一款跟這食店有點格格不入的菜, 因為呢款食物味道總好似去飲宴時食的小棠菜扒雙菇這一類東西.  菇味夠濃, 同時口感像鮑片! 這款黑啤算我飲過味道最淺的黑啤, 所以對於黑啤苦澀味的我真的有點到喉唔到肺! 很香奶味的甜品, 但吃完後真的變得口乾!…Read More

一直都鍾意特色菜, 新彊四川雲南等絕對係我杯茶, 今次同好友晚餐, 決定遠少少去到土瓜灣尋羊.餐廳唔算大,環境都幾有特色,不過實在燈光太暗,d相都影得麻麻. 而我地坐既位對正風口, 成晚都唔係好感受到熱騰騰既食物溫度.入正題嘞. 我地order左2人餐, 有羊肉湯, 大漠高湯燴阿魏菇, 古法炒紫椰菜, 孜然香烤羊肋排, 羊奶凍, 十分豐富!大漠高湯燴阿魏菇:有ｄ似中式酒樓口味，菇身厚，好彈牙同入味。古法炒紫椰菜：好香蒜味，唔太油膩，不過本身呢種菜偏硬，要幾用力咬，份量幾多，飽！羊奶凍：好like奶味，呢個奶凍好ｏｋ，好滑味道非常濃。羊肉湯：羊肉放湯反而最保存羊味，全晚其他食物都較乾身，有呢個湯可以中和下。大漠羊鬆手抓卷：唔太食到羊，有好多其他蔬菜之類，個餅身幾厚，但又唔太大塊，唔係好包到曬ｄ材料，食到有ｄ狼狽。孜然香烤羊肋排：令人期待的菜色，賣相ok,香脆可口但就稍為乾身左, 有羊味但唔重, 反而孜然粉味極濃, 略咸, 講真有少少失望.下次如果人多可以試羊腿或羊肉崩沙腩.服務ｏｋ，不過店舖較細，客人講野同侍應拉櫈（ｄ櫈係好重嗰隻）都幾嘈同騷擾。總結：貪新鮮既好羊一族可以去試…Read More

我好鍾意食羊肉 以呢間大漠一直係我既wish list入邊排係幾高既位置 是晚同F兄食飯聚舊正好可以黎呢一度一試餐廳門面唔係太 ‘新疆’但一入到去原來別有洞天~內裡燈光比較暗 播放好有民族feel既音樂 同埋所有waiter都係外藉人士(雖然呢間賣新疆野食 但睇落似係印印~) 總之感覺幾有外地feel啦我地一早book左位7:00 準時去到 個時得一台客人 但出發現2/3既台已經有張紙仔寫住reserve左 20分鐘之後(7:20)全場漓座….好在F兄有先見之名 個日係星期四但都係好旺場 大家去食記得要book位呀~!btw個menu係布造的 幾有特色~講番野食我地其實花多眼亂唔知食咩好 同埋見價錢都幾貴 見佢有套餐喎 決定就食吓佢個二人餐啦一共有兩個二人餐供選擇 一個多啲羊 一個冇咁多我地選擇左多幾味羊肉既’二人A餐’($278)個餐包括7個courses 可能因為呢啲係standard野 我地落左單冇耐 真係超快唔洗5分鐘就開始上菜 我同F兄都好驚訝 原本有啲擔心上菜上得咁快會唔會因為一早正好已變凍哂唔好食呢!幸好~呢件事只係係我地既內心發生左XD 實際上所有熱食既溫度都好夠熱~同埋我見大門口有推介新疆黑啤所以我地都叫左一支黎飲 覺得同普通啤酒冇咩大分別 但賣三十五蚊 唔值得涼拌豆腐: 拌料有紅蘿蔔絲,花生,提子乾,少少芫茜同埋甜醬油 豆腐與醬油之間用一片生菜分隔開 匆得啲豆腐太過濃味 幾有心思的啲豆腐都夠凍的 作為前菜冷盤做得唔錯 唔係主角 OK啦~清真羊肉粉絲湯:個湯其貌不揚 但其實羊酥係超級濃郁!講你可能都唔信 呢個湯既羊酥味竟然係全晚七個菜入邊最勁最重既一味!!!!!! 既然佢咁酥 啲湯料固然有唔少羊肉啦~同時亦有些紅蘿白絲,冬菇絲同埋蔥花夠大碗又暖粒粒 出邊天氣寒冷 飲一啖羊肉湯立即全身暖哂~~正呀!!!呢個真係意外驚喜~蜂蜜炒紫椰菜:呢個炒菜落左好多花生同提子乾 好似之前個涼拌豆腐 當然唔少得蜂蜜啦見台台都有食 我諗呢個炒菜都係招牌菜之一了F兄認為呢個菜太甜 食落怪怪地 但可能因為我好甜啦 我又覺得唔錯喎大漠羊鬆手抓卷:呢個卷物幾特別喎 出邊好少有得食羊肉鬆既手卷: 上台個時重係熱騰騰的共有三個卷 真係其奇怪明明我地食二人餐但居然比三個我地 呵呵! 最後我食多一舊~啲餡料冇咩‘花神’叫得佢羊鬆卷就係得羊鬆!(其實都有少少西生菜裝飾)雖然個SIZE係細左啲 約只有平時日本手卷一半既長度 但肉鬆比得絕不手軟~整個卷充滿哂粒粒羊鬆 一啖咬落去絕對會食到一台都係~ 係食到亂七八糟既美食囉xdxd 高湯燴阿魏菇:冇賣相 唔特別 唔明同新疆有咩關係 只係間場用….孜然香酥羊肋排:呢個絕對係今餐既主主菜!!!因為四舊羊肋骨份量都幾大的 聞落好有香料味 但同樣唔太酥 咬一口 外層夠香脆同時有好濃烈既香料味道 內層散發著羊肉既酥味 兩屠肉之間既油脂令較乾既烤羊肉更香口!重申多次 呢個羊肋排既味道係七分香草三分羊酥 就算唔太食到酥味既朋友相信都接受到呢個羊肋排係我同埋F兄都大讚既美食 對於愛羊之人既我 一定比佢唔錯既分數啦 不過~ 尢於我食得到酥味 所以呢個羊肋排若可以再重啲羊味就會更吸引我喇羊奶凍:相信係呢到既名物之一 見openrice好多朋友都有食呢個好多人讚呢個奶凍好食 但我就認為普通左啲因為第一 佢叫做羊奶凍但跟本冇羊味 第二 太甜了 好似食白糖糕咁總結就係 好好食 好想快啲再黎食! 見到其他食評好似肥羊叉燒同埋哈蜜瓜炸牛腩都好正 XDXD 但係我得承認食物價錢較貴 相信要有人生日or大時大節先有機會再黎lu~…Read More

星期一我地八個人嚟左呢度食羊,朋友一直都話呢度好好味,全部都係食羊既,所以就嚟左呀!一早訂左位坐圓枱,餐廳係食新疆菜,環境都好有feel呀!餐牌係布做架,仲有好靚既圖案添,地方唔算大.仕應一早已擺好晒枱上既餐具還有一碟紫椰菜絲,味道都幾好,爽爽甜甜加埋d芝麻,good呀!我地點左都幾多嘢食呀:先嚟個羊肉湯,我之前唔食羊架,因唔係好鍾意d酥味,不過呢個湯聞落去好似好酥但飲落去一d都唔酥架,好味呀,有些紅蘿白絲,冬菇絲,一些蔥花,羊肉,飲好暖呀!跟住就係酸辣海蜇拌老虎菜,這個係仕應介紹的,酸酸地好開胃呀,紅蘿白條,海蜇條,腰果脆卜卜,好有口感,味道都好好,加埋d老虎菜一齊食好清新.炒紫椰菜,同餐廳免費供應的差唔多,不過就切得大塊d,都係爽甜又爽口架.大漠羊鬆手抓卷,好似壽司手卷咁,好特別,朋友極力推介話好好味,外層係手抓餅,入面係有些羊鬆,花生粒,仲有些香葉一齊食,好香同埋都真係好味呀,不過要食得小心d,因為會跌晒出嚟.我地叫左9個添呀!!哈蜜瓜炸牛腩,朋友見到個名好特別所以好想試下,賣相好靚架,用兩件哈蜜瓜夾住一件牛腩來炸,味道都好特別,外層甜甜地,入面係牛既咸味,好味呀,牛腩保持住有肉汁及肉質都仲好滑的古法羊胺,我地咁多人叫左珍寶,每人一件,好香好吸引呀,唔會好生,唔會好肥,加埋d孜然粉及辣椒粉嚟食,好好味呀,我完全唔覺得酥,烤得啱啱好,好香口及惹味,啖啖肉架,好鍾意!!蜜味肥羊叉燒,我初初真係以為係叉燒,賣相係同叉燒一樣架,原來係羊肉,所以味道係有一點點分別,但唔係好出既羊酥味,蜜汁甜甜地加埋叉燒肥肥地好好味喎,朋友話用嚟送黃薑飯一流,佢話d蜜汁甜甜地整落碗本來唔係好重薑味既飯度,就變左好好味呀!!當歸杞子湯浸崩沙羊腩,這個湯係好茲補的,有當歸還有杞子,不過都唔係好濃味的,崩沙羊腩好淋好好味,好易入口,一咬即斷,唔會有根,又唔係好肥,加埋浸左落d湯度所以都好有當歸杞子既味道.本來朋友還order左梅花鹿肉的,不過餐廳已經冇做,好彩冇嚟,因為已經食左好多啦!!還order左每人一個羊奶凍,樣子似布甸,用羊奶嚟做,好滑好味,唔覺好出既羊奶味.唔係好甜,味道啱啱好.食羊既人果然有福了!!…Read More