Sushi Tachi (Cameron Plaza)

🍣立食壽司最近在香港掀起一股熱潮，以企立用膳增加翻枱次數來節省成本，食物質素自然更理想。「立鮨」作為一間近期熱門食店，名氣度因為各種宣傳推廣而大幅上升，但網上評價亦更兩極化，今日試過以後，特別說說心中所想～▪️▫️店面略小，大概只有八人席位。清潔度滿意，當天一共三位師傅站崗，制作效率很好。香港的日本料理店因為成本因素會被迫選用養貨，所以本人基本上不會在本港食用白身魚或拖羅食料，今次也不例外，主要以貝類、蝦、熱食等為主。📝 牡丹蝦刺身選用替代品種加拿大牡丹蝦，非日本正宗的貴價種斑紋牡丹蝦，不過考慮到地理位置及收費關係乃意料之內的事。吃過以後有大驚喜，蝦膏無半點天然腥味不特止，更有獨特的天然鹹鮮，作為較下價之物，店家在保持新鮮度及選貨方面絲毫沒有馬夫，致力做到把節省下來的成本盡數回歸食材，這一點值得鼓舞。📝 燒牡丹蝦頭味噌湯把蝦頭烤燒提味令味噌湯有份外的層次度，集鮮甜、鹹香於一身。不過味道較淺，整整碗湯只用到一個蝦頭也無從挑釁，價格才15元一碗算得上物超所值。📝 大滿足海膽特盛最具爭議性的料理之一，98元收費來說份量絕對十足。只不過部份網評題到海膽的質素較差。▪️▫️其實一板海膽最貴可以動輒7000至8000元港幣。眼見當時的份量有接近三件海膽軍艦，以最上等貨價而言會收費近400元，以其原本價格自然跟白身魚及拖羅一樣不會用上貴價貨，質素有差也無可厚非。▪️▫️試吃後發覺鮮甜味較低而且有丁點苦澀味，但以其收費及份量較大來說絕對合理亦算是意料之內，建議各位如再光顧這類平價定位的正宗日本料理店，宜選擇沒有養貨或質素表現參差的食材，用餐體驗會更為理想。▪️▫️📝 由於貝類壽司及其他食材的拍攝表現較差，就不作出作品展示。赤貝、粒貝、蟹棒等的表現都比預期的更好。算得上推介食店之一，有興趣可以試一下。…Read More

最近頗多人推介的一間立食壽司，今日就來一試究竟🤔🤔🍣大滿足海膽特盛（迷你）$98海膽十分鮮甜，海膽份量大概等於三件海膽軍艦，值得一戰。🍣特上吞拿魚盛合$160大拖羅、中拖羅、赤身、碎吞拿魚軍艦、火炙各一，感受到食材的鮮度，合格以上，但我件大拖羅有條大筋，扣了點分。🍣特選三文魚盛合$58赤身、魚腩、火炙、三文魚小卷、辣味三文魚軍艦各一，填肚之選，值得一讚是辣味三文魚軍艦，味道調教得不錯。🍣燒蝦頭味噌湯$15加上燒蝦頭的味噌湯帶淡淡的焦香，推介。總結：整體不算便宜（加上立食），不適合一邊聊天慢慢享受，但價錢跟食物質素成正比。…Read More

晚上7時多，下着雨，立鮨門口已經有人在等待用餐，我們等了大概30分鐘終於可以進去，餐廳沒有座位，只有一張吧枱圍着製作壽司的師傅，我們填好要吃甚麼之後直接把下單紙交給師傅，當然少不了點了最多人推薦的三文魚籽軍艦和大滿足海膽特盛。三文魚籽軍艦多到滿溢的三文魚籽，光看賣相已經非常吸引，鮮甜的魚油在口中滲出來，非常滿足，紫菜很脆👍大滿足海膽特盛海膽甘甜，珍珠米圓潤飽滿，口感軟綿，吸收了海膽和醬汁的味道😙另外我們也叫了火灸三文魚壽司，三文魚壽司，吞拿魚壽司，帶子壽司... 三文魚厚切肥美; 吞拿魚入口即融，其他刺身亦非常新鮮，全部好評，能用這實惠的價錢吃到高質的壽司，站着吃也值得!!😋😋…Read More

已經有好一段時間沒有吃壽司，今晚女朋友帶我來到尖沙咀金馬倫道的立鮨，一嚐立食壽司。餐廳主打立食壽司，店面不大，只有大約十個位置，人多時需要等候入店，但店內空間充足，就算滿員都不覺逼狹。壽司的魚生皆放在客人面前的雪櫃之內，確保食材新鮮衛生，同時是對食材挑選自信的表現。店家有提供綠茶粉給客人自行沖飲，可以自己控制綠茶的濃淡。餐牌選擇極多，有不同的單點壽司、刺身等，還有各式壽司盛合。三文魚籽軍艦最先上枱的是三文魚籽軍艦，三文魚籽份量澎湃，多得滿瀉，魚卵晶瑩剔透，顏色鮮艷，一口咬下，味道鮮香甜美，一試便知是用了上等的貨色。大滿足海膽特盛這個可以算是店家的名物，海膽在醋飯上堆積如山，外形飽滿完整，色澤金黃，表面乾身兼且顆粒明顯，入口有鮮味甘腴的非凡滋味。嚴選火炙盛合/特上吞拿魚盛合叫了兩個盛合，第一個是前排的嚴選火灸盛合，五款火炙壽司，有三文魚、帶子、左口魚邊、中拖羅及松葉蟹腳，其中以火炙左口魚邊最出色，一咬下去油脂豐厚，鮮味甘香，回味悠長。特上吞拿魚盛合特上吞拿魚盛合包括有赤身、中拖羅、大拖羅、碎蔥吞拿魚及火炙中拖羅，中拖羅、大拖羅當然脂肪豐富，甘腴可口，但其實我更鍾情赤身，即脂肪較少的肌肉部分，更能確實地品嚐到吞拿魚自身的味道。自選壽司其餘的自選壽司同樣出色，其中以珍寶牡丹蝦最令人念念不忘，牡丹蝦身型巨大，一咬蝦肉爽滑鮮甜，滋味雋美，無與倫比。三文魚壽司價格最實惠的三文魚壽司亦毫不馬虎，三文魚厚切，而且新鮮味美，絕非大而無當。店家亦有提供不同的酒類飲品，可以小酌一杯。…Read More

夜晚放工次次行過金馬倫道都見到呢間立食壽司都有不少人排隊，而今次星期日約左朋友唔係繁忙時間去食!終於明白點解成日都咁多人排隊啦!這間立食店舖位很少，每次可能只可以有10個客人左右在店內，但因為係立食，所以好快就可以再有其他客人入。Bar枱上有豉油及綠茶粉供使用，枱下有位置供客人放置自己私人物品。店員安排位置企後會遞上點餐紙及餐牌。燒蝦頭(配鮮蝦味噌湯)($15)，這個湯非常鮮甜，味噌味唔會太淡，有淡淡的鮮蝦味，而且湯入面有一個燒過的牡丹蝦頭!本鮪赤身(吞拿魚)($58)，吞拿魚色澤夠紅，魚肉新鮮鮮甜!立鮨壽司拼盤($78)，這個拼盤包括了海膽軍艦、北海道帶子、三文魚、赤蝦及油甘魚!帶子鮮甜肥美，海膽鮮甜!而且壽司飯唔會大個刺身，所以啖啖肉!三文魚籽軍艦($20/件)，係香港真係第一次可以食到三文魚籽滿瀉的軍艦。魚籽粒粒飽滿，面頭有少少柚子皮碎帶起鮮味，而且上碟時壽司師傅說明這款是不用點豉油吃的。鰻魚壽司($15/件)，鰻魚唔似出面仿間食到的鰻魚肉「林林」的，肉質較為結實，食得出這款鰻魚是有燒過的，而且醬汁也很美味!大滿足海膽特盛($98)，滿滿的海膽像個海膽山，海膽鮮甜肥美，配埋本身已經有味的壽司飯，非常夾呢!原隻活赤貝壽司($30)、安康魚肝壽司($38)、珍寶牡丹蝦壽司($38)、芥辣八爪魚軍艦($12)、吞拿魚壽司($20)，赤貝爽口鮮甜，安康魚肝食落creamy，牡丹蝦鮮甜彈牙!碎蔥吞拿魚手卷($28)，這裡的手卷紫菜在手卷底部會有一塊包住，那樣飯及餡料都不會跌出來!吞拿魚碎已經調了味，再配蔥一齊食更加惹味!總括來說，這間立食店價錢唔算好貴，食物質素都好高，有時間一定會再黎食!…Read More

日本feel立食壽司🍣啱晒香港人要快靚正嘅生活態度😂-其實已經7月時食 依加係到分享番❤️佢哋嘅壽司飯係用咗赤醋 顏色啡啡地🍣大滿足海膽特盛$98海膽鮮甜 但份量太少了 不值$98🦐燒蝦頭配鮮蝦味噌湯$20味噌湯帶有燒過嘅蝦頭甜味 好濃郁👍🏻🍣鰻魚壽司$15口感軟綿 表面有燒過微暖帶有焦香味再配同鰻魚一絕嘅生椒粉 另味道更有層次🍣三文魚子壽司$20👍🏻加咗青檸皮碎係面 無平時食嘅腥味 提起魚子嘅鮮甜味👍🏻紫菜夠脆-其實仲有叫好多唔同款嘅壽司全部壽司魚生都大舊厚切例如大toro都入口溶化😍比較少地方食到嘅鮟康魚肝佢哋都有得賣👍🏻雖然佢哋要排隊等位又要企喺到食但真係過足壽司癮😭❤️好有日本立食感覺…Read More

之前都未試過喺香港食過立食壽司，本身諗住去食放題嘅但係就見到有呢一間鋪頭所以就想試吓一入到去就係Bar枱形式嘅立食 ,好有日本嘅風味,本身都以為係尖沙咀嘅壽司店都應該價錢要上$1000。點知一睇個價錢就真係令我非常之驚喜，性價比超高。雖然間餐廳係立食嘅形式但係質素非常之高。全部食材都好新鮮，全部每日由築地即送香港個人其實唔係十分喜歡食海膽。但係呢一個海膽特盛真係比到驚喜我。用嘅都係日本嘅海膽，個人就認為非常之新鮮。但係份量就少咗少少新鮮，肉質口感彈牙，爽甜由左至由到上至下分別係金目鯛，象拔蚌，蟹肉蟹膏，赤鯥以及中拖羅➡️象拔蚌非常之鮮甜而且新鮮又爽口,我本身都非常喜歡食象拔蚌,呢一次亦帶比我另一個層次嘅提升➡️好少見有香港嘅壽司店有赤鯥,非常之特別亦都係個一晚我認為最好食嘅壽司你通常只會係一啲貴價嘅Omakase 先會搵到而家平民價錢就可以享受到➡️中拖羅好肥美鮮甜,充滿油脂紫菜非常脆,蟹肉蟹膏亦都非常鮮甜,完全冇雪藏味,真係每日新鮮運送至香港最後總括一下呢一間立食壽司店性價比非常之高,好值得去食。而且我認為立食鋪頭其實喺香港非常適合,只需要花45分鐘至一個鐘嘅時間就可以食到咁高質素嘅魚實在難得人均消費大概只係$350至$400,如果唔係追求食好多野嘅話呢一間立食壽司店絕對值得一試雖然犧牲左嘅係環境. 但係換來嘅係高質素嘅壽司。如果唔介意企喺度食嘅話非常值得去…Read More

每次經過都好想試呢間立食壽司，但每一次見到條人龍都會放棄。今晚九點幾經過，可能已經過晒食晚飯嘅時段，難得唔洗等位就入咗去食嚕。一望到menu確實比個價錢嚇親，原來比我想像中平。佢杯綠茶更加係我係香港日本餐廳飲過最出色嘅，拍得住日本宇治嘅水準，忍唔住不停自斟自飲。見到好多人推介大滿足海膽特盛，所以平時好少叫飯嘅我地都order咗一客。真係無介紹錯，細細碗仔舖滿海膽，佢嘅飯粒都有調過味，一啖飯再配以一啖海膽夾住黎食，真係無得輸！兩個人share啱啱好，仲有quota可以試其他野。另外要推薦嘅就仲有佢既三文魚腩壽司，啖啖魚香夠晒肥美，什麼膽固醇都唔好諗喇，食完先算啦！其他壽司都唔錯架，鰻魚唔腥燒得幾香，玉子就普通啦，唔算太有驚喜。整體上都算高質，唯一覺得可以再好啲就係紫菜太淋。不過我一定會再encore架，始終咁夜先食飯就唔敢order太多嚕，希望下次再去可以叫多幾款黎試啦！…Read More