Big Boil's Club

同朋友去左一間中國風韻的火鍋店，用餐環境古色古香。必試鍋底 - 玲瓏浮凸花膠雞湯鍋（半隻）一上枱已經聞到濃郁的雞湯香氣，花膠雞湯鍋用上三黃雞熬製嘅湯底，飲落口好滋潤，加入厚身的花膠，滿滿膠厚感。蟶子皇（四隻）從蘇格蘭沿岸採購，肉質爽口，在湯底襯托下更加突出鮮甜味道，脂肪含量低。新鮮鮑魚（兩隻）鮑魚新鮮肥美，肉厚得誇張，涮熟後肉質柔韌又有咬勁，每咬一口都感受到鮑魚鮮美的滋味。極品棉花魚肚魚肚吸收哂濃濃雞湯，入口柔軟。手打鵝肝墨汁墨魚丸手打墨魚丸質感特別有嚼勁，帶著一絲綿密鵝肝香氣，真心推介。大滾友牛肉拼盤（細）一次過試晒多款牛肉：頂級雪花牛：油脂分佈均勻，入口軟嫩滑腴。牛頸脊：肉質結實，口感細腻，滿口都是肉香。牛舌：口感爽脆帶著微微韌性。牛柳粒：小巧又飽滿，肉汁四溢。自家製竹蔗茅根打邊爐必點‼️竹蔗水甜香，清肺解腻。…Read More

今日天氣又凍返！天氣凍就想打邊爐，同火鍋控朋友臨出門前決定encore大滾友，一邊食好西一邊愉快girls’ talk 古色古香中式宮廷裝潢擺放靚靚嘅醬料九宮格💫花膠雞湯鍋餐牌有好多款鍋底選擇，揀咗「花膠雞湯鍋」，湯頭帶膠質，店員建議我們地要先飲湯，味道夠甜（不像一般味精雞湯），飲完一碗接一碗，暖心暖胃🫶🏻作為女士梗係要搶食花膠🤓💫大滾友牛拼盤（細）白色牛胸油十分爽口而不油膩，其餘係本地手切，安格斯，金錢𦟌肉味最濃，和牛粒，牛舌都出色，我覺得可以一試，唔使再調味都已經very good！💫伊比利亞橡果豬油脂豐富細嫩，肉香多汁，唔食牛肉嘅大推💫黑松露蟹肉餃脹卜卜皮薄餡靚，黑松露味道濃郁，蟹肉味道鮮甜💫大滾友雜菜拼盤新鮮呀！好大盆！💫黃金藏嬌和牛丸咬開中間藏咗一舊和牛，有和牛油脂味，好食💫火焰焦糖豆腐花淋上冧酒點火，好有gimmick，面頭係焦糖，豆腐綿滑…Read More

🙋🏻‍♂️餓底探員去元朗調查呢間火鍋店，餐廳裝修復古，天花板掛住大紅燈籠，爐具同器皿都充滿宮廷風，環境舒適，食物高質份量多，啱晒約齊三五知己嚟呢度烚下烚下chill返晚🐤花膠雞湯鍋 $328🙋🏻‍♂️表示個湯鍋有半隻雞同兩大片花膠，店員會幫忙剪開花膠再放入鍋中，等花膠煮好就可以放雞入去加熱，個湯頭飲落超濃郁，充滿雞嘅鮮味，花膠爽口，吸收咗湯汁好入味，雞肉鮮嫩，食到咁上下店員會加湯可以開始打邊爐🥩大滾友牛肉拼盤 $428🙋🏻‍♂️表示個拼盤有雪花牛肉，牛頸脊，牛舌，金錢展等唔同部位，最驚喜係有牛崩沙，食落鬆軟，牛味濃郁，雪花牛肉油花均勻，食落充滿油香，其他牛肉部位都好鮮嫩，呢個拼盤連稀有部位都食到，正呀喂👍🏻🐖伊比利亞橡果豬 $228🙋🏻‍♂️表示個豬肉用上西班牙頂級嘅豬肉，啲豬以橡木果實食主食，令豬肉帶有橡果香味，脂肪豐富，油花清晰，食落肉質鮮嫩，味道脂香帶榛子味🍡黃金藏嬌和牛丸 $78🙋🏻‍♂️表示個丸外層係墨魚丸，口感爽彈，咬開入面有和牛粒，味道香濃又多汁，一粒丸有兩個層次，過足口癮🐖黑松露午餐肉 $88🙋🏻‍♂️表示個午餐肉厚切，混入黑松露，食落鹹香得嚟又有黑松露嘅獨特香味，幾特別🥬大滾友雜菜拼盤 $118🙋🏻‍♂️表示個拼盤有生菜，油麥菜，萵筍，黑木耳，番茄，粟米等多款新鮮蔬菜，食咗咁多肉，食返啲清甜嘅蔬菜幫助消化，解解膩感🔥火焰焦糖豆腐花🙋🏻‍♂️表示臨尾仲會奉送甜品，店員會先將酒燒著再倒入豆腐花，等個火熄咗就可以享用，極具視覺效果，豆腐花經高溫燒過，表面會形成一層好似豆皮嘅薄膜，食落口感紮實，豆腐花軟滑香甜，呢個甜品驚喜又滿足📈吃貨指數😋好味度 8.5/10🔙返啅度 8.5/10…Read More

下雨天最適合打邊爐，之前經過鳳攸南街已經留意到呢間充滿中國特色嘅邊爐店，忙碌左一日終於有幸食到。店舖雖然傳統風格，但入邊嘅邊爐配料同埋湯底就好有特色。湯底有平時少見嘅椰子番薯蜆濃湯、花膠雞湯，同埋我點嘅龍躉片木瓜魚湯，感覺好補身養顏。果然無揀錯湯底好清甜，趁未淥野之前飲咗幾啖湯！湯底有整個木瓜，木瓜煲咗好耐仲好甜。龍躉片都唔少，件件都好厚身，肉質爽口。同朋友有選擇困難症，決定點左兩個拼盤，分別係大滾友牛肉拼盤同埋大滾友海鮮拼盤。大滾友牛肉拼盤有安格斯牛肉、牛頸脊牛舌片、牛黃喉、牛展、牛肉粒同肥牛。歐美來講牛頸脊最濃。牛舌由於係薄切，所以好快就熟，口感嫩身。平時少食牛黃喉，原來係牛喉嚨軟骨嘅位置，外表有少少似牛柏葉，食落估唔到咁爽口。至於大滾友海鮮拼盤同樣好豐富，有六款時令海鮮，今日有蜆、蠔、帶子、扇貝、海蝦同聖子，望落好新鮮。配合海鮮嘅主題，我哋仲叫咗兩個滑，分別係手打黑松露墨魚滑同埋瑤柱乾貝滑。前者好濃黑松露味，口感亦都較彈牙。而後者真係有瑤柱係入面。打邊爐點少得響鈴、丸同埋餃。響鈴竟然都有拼盤，有傳統嘅響鈴同埋黃金響鈴。黃金響鈴即係鹹蛋黃響鈴即使淥咗一陣，濕咗，入面仲有鹹蛋黃嘅鹹香，比起傳統響鈴更加惹味。我哋不停挑戰自己，點咗三重芝士腐乳牛丸，好有驚喜。面頭已經有芝士條着標記。原本以為淥完之後會唔見晒啲芝士，點知一咬落去入邊都有芝士同埋腐乳，有少少爆漿效果。腐乳同埋牛肉味配合得唔錯，重口味人士表示好鍾意。下次去必食。另外點咗龍蝦餃，佢特別之處係用燒賣黃皮，包住龍蝦肉。我覺得相對普通餃子皮用咗燒賣黃皮口感比較硬身，唔會淥到個皮淋晒、爛晒。味道方面好Juicy。飲品方面點咗蜂蜜菊花茶一齊飲，清清地。果然連個茶壺都精美過人。下次去元朗打邊爐就有好去處！！…Read More

新年前約朋友聚會，最好不過同朋友圍爐取下暖。香港人鍾意打邊爐，要眾多火鍋突圍而出，當然要有特別過人的地方。今次朋友發板去到了元朗「大滾友火鍋」，未入店前門口已經有幾個宮廷款式火鍋爐在門外，裝修風格加上火鍋、碗碟，都統一用上了古色古香中國宮廷裝修，連菜單都好特別，如同頒佈聖旨一樣。打邊爐最緊要選湯底，大滾友火鍋湯底款式多，亦都很有特色。我們都是很喜歡海鮮， 柯打了櫻唇半開 - 特色卜卜蜆。卜卜蜆鍋底有大量芹菜，卜卜蜆分量多，粒粒蜆肉都飽滿新鮮。火鍋是用上宮廷特色鍋，配上高煙囪，未食我得已經先打卡。火鍋料選擇多，有半份或全份可供選擇，更有不少配料拼盤，鍾意試多款式的朋友可以考慮選擇叫拼盤。大滾友牛肉拼盤（大）-  愛牛人士不容錯過，一個拼盤可以試齊足九款牛。牛肉質素佳，肥瘦適中，紋理平均，肉質柔嫩。大滾友餃子拼盤（八粒）-  一碟有4款的自家製的餃子，其中一款有原隻鮮蝦，入口彈牙，蝦味十足。大滾友響鈴拼盤(各三條) - 響鈴打邊爐都是必食，除了平日經常食的原味響鈴，仲有鹹蛋黃響鈴，每款各3條。這裡的即炸響鈴，鹹蛋黃響鈴鹹香味十足，看來鹹蛋黃熱潮仍未有減弱遠看以為是沙冰塔，原來是新鮮肥美鵝腸圍繞著冰塔。只要落鍋一灼就可以食用，入口爽脆甘香。…Read More

= = = = = = = = = = = = = = =ms.C 鍾意火鍋的程度真是和非一般的愛，每當想不到吃什麼，第一時間想到的就是火鍋。過年前要和朋友聚一聚，當然又係吃火鍋，今次和朋友就去了元朗「大滾友」。 - - - - - - - - - - - - - - - - -「大滾友」以中國宮廷風格裝修，除了裝修古色古香，連火鍋、碗碟、器皿都是宮廷風，配套做足。 - - - - - - - - - - - - - - - - -火鍋首要是湯底，「大滾友」鍋底選擇多樣，點了櫻唇半開 - 特色卜卜蜆。上枱時加入了乾冰，煙霧瀰漫，同時用上了高煙囪鍋，十分有氣派，影相打卡一流。卜卜蜆鍋底用上大量芹菜，蜆量亦都十分多，蜆肉大粒鮮味。 - - - - - - - - - - - - - - - - -火鍋料的選擇也很多，單是餃類還是丸類至少有5類以上，「大滾友」的火鍋有半份或是全份選擇，更加有提供拼盤，絕對適合ms.C這些三心兩意既人。 - - - - - - - - - - - - - - - - -大滾友牛肉拼盤（大）- 一個拼盤友齊多款不同的牛肉，牛肉肉質柔嫩，而且肥瘦適中，看得到牛肉的油花分布均勻，入口肉鮮濃香，油脂甘香。大滾友肉丸拼盤（十粒） - 5款丸中較喜歡鵝肝墨魚丸，有咬口，食得出墨魚粒粒外，更有一小粒鵝肝在中間，鵝肝油香帶出墨魚鮮味。大滾友餃子拼盤（八粒）- 當中較特別的是「鳳尾鮮蝦雲吞」，用上原隻連尾的鮮蝦，入品鮮味十足。新鮮鵝腸 - 整個冰塔圍繞著鵝腸，鵝腸新鮮肥美，只要一灼，油香十足。 - - - - - - - - - - - - - - - - -友人叫了一壺「自家製足料竹蔗茅根」都是用上了中式味的壺，入口清甜，飲多2杯也不會太甜膩。#火鍋 #講女搵食團 #ms.Cammy #卡咪黃 #元朗 #大滾友火鍋 #美食 #元朗美食 - - - - - - - - - - - - - - - - -大滾友火鍋網址: 地址: 元朗鳳攸南街9號好順利大廈一座地下G4-G5號舖電話: 36184885…Read More

餐廳的風格走古代宮廷風，不論裝修、座位、餐具器皿都帶有該原素。值得留意的是店主為食材所取的名稱非常有趣，而且食材質素甚高、款式豐富，是朋友聚餐的好選擇。其中幾款是我認為值得推薦的餸菜。特色卜卜蜆鍋• 極力推薦給喜歡吃蜆的朋友✨湯底極之鮮甜，蜆的份量絕不吝嗇同時蜆肉十分新鮮，還有我喜愛的芫荽也是佈滿整個鍋。• 建議在未放食材之前，可以先嘗一下湯底，嘗試一下最原始的鮮味。宮廷醬芥• 除了有普通的醬料香菜等選擇，還有他們特製的香油，非常建議跟醬油拌在一起。大滾友牛肉拼盤• 令人驚艷的拼盤，附上不同的牛部位：牛舌片、骰子牛肉粒等⋯⋯整體都非常香嫩，其中令我印象最深刻的是牛骨髓，極之爽口、口感也很獨特。• 我們四人點的雖然是小份，但已經滿足吃牛肉的慾望。瑤柱乾貝滑、手打黑松露墨魚滑雙拼• 墨魚滑的口感爽口、充滿彈性。• 其中瑤柱乾貝的味道十分突出，而且份量甚多，基乎每一口都可以吃到瑤柱肉。• 黑松露味同樣非常突出，跟墨魚滑很匹配，不過松露味不是我喜歡的每款。陳年花雕醉雞• 雞的肉質嫩滑無比，但是花雕酒味不算濃郁，可能被湯底的味道遮蓋了。即炸黃金響玲• 邪惡之軸心的一款食物✨炸得極之香脆，没有油膱味，同時咸蛋黃均勻分布在響玲裡，十分香口！• 我覺得不用浸湯，保持鬆脆的狀態更加好吃，也可能應該這款湯底不適合吧。西班牙黑毛豬• 肉質香軟、同時帶有少少咬口，同樣可以吸收湯底的鮮味，令黑毛豬的肉香更為明顯。蜂巢冰豆腐• 我認為吃火鍋其中一款必點之選，尤其遇上高質湯底的時候。• 豆腐質感緊緻，像海綿一樣充分吸收了湯底的精華在內，配合豆腐的豆香，令味道更加豐富。珊瑚、桂花蚌雙拼• 十分新鮮、口感極之爽脆，因為蜆肉湯底的關係，味道非常匹配！整體而言食材質素都十分滿意，跟價錢成正比，而且店員也非常有禮，會協助和解答食材的一切。…Read More

元朗有很多火鍋店，雞煲😀今次我是第二次來大滾友火鍋店，對上一次應該是半年前有多吧😝第一次食完的感覺非常良好，所以今次趁着媽媽生日，帶她來品嚐一下非常出色的元朗火鍋小店😝好彩我早四日前已經book位一進來顧客已坐滿了😁…Read More

發現元朗有好嘢食，當然要約埋女朋友們一齊來試下，感覺同之前滾得囍好似，裝修古典風味，吸取上次點菜既經驗，今次都先喺openrice取經，睇下推介先點菜，侍應都好積極推介活魚刺身，海鮮拼盤，不過我哋唔想食海鮮，番茄濃湯豬軟骨鍋，又名朝三暮四，點解我都唔明，不過佢的菜都有名堂，好搞笑，上枱就冒曬煙，搞下綽頭，湯底真係好濃郁，我哋飲咗好多湯，不過之後唔係加番茄濃湯就無咁濃郁了，龍頭鍋一模一樣，好霸氣，不過呢個中間有個鍋仔，其實唔明咩用意，如果整雙拼鍋就正啦！口我哋3個女人樣樣都想試，所以就點咗牛肉拼盤，鬼馬油炸鬼，侍應話我哋聽蟹子蝦滑嗰面放落湯，油炸鬼浮面，食既時候油炸鬼仲有少少脆，好有創意，餃子拼盤，我只食咗2隻，韮菜餃子好味但一般，黑松露蟹肉餃就唔一樣了，齋名就贏咗9條街，好香既黑松露味又不失蟹肉鮮味，贏呀⋯⋯朋友再點新鮮聖子，佢有點失望咁細隻，哈哈呢個價錢係咁上下啦！不過真係好新鮮，但無咩肉食囉⋯⋯即炸魚皮，真係熱辣辣，好酥，當然價錢都唔平啦！三個女人一齊去滾，當然要食好d啦！最衰限時有點唔夠盡情⋯⋯…Read More

今日入左元朗呢個美食天堂，去食下大滾友先，開左約兩個幾月，今日就食你特色卜卜蜆鍋(櫻唇半開)$168 唔貴，蜆肉大粒又鮮甜，湯底還帶有芽菜、芫茜香味大滾友牛肉拼盤-有牛頸脊、牛肉粒、安格斯、牛舌粒、牛展、牛胸尖、牛邊抓，牛肉味香濃、新鮮，每一個部位我地都很喜歡牛舌食得多，但食牛舌粒真是第一次，很爽口牛胸尖唔係週圍有得食蟹子鮮蝦丸很彈牙，內裏還有蝦肉蓮藕片正常貨式番薯糖水飯後甜品~~~免費的招牌幾有氣勢店內大約有四十幾個坐位，最好預先 book 定，可以同知自慢慢食…Read More