Hono Fokkusu

居酒屋永遠都係放o左工飲兩杯撐下檯腳r 下水吹o既熱門之一，呢間爐端燒位於荃灣千色入少少，細細o既一間，設計簡約，帶點水泥粗獷o既感覺，附以一d 日本電影同埋清酒o既招紙作為佈置。爐端燒主要都係食串燒或者一d 煎炸類料理，先寫個豆腐唐揚($30 未加一)，亦即係日式炸豆腐。蘸上粉漿後拎去炸，外層少少薄脆，裡面非常之軟滑。加上少許蘿蔔蓉同紅椒絲伴碟，浸o係熱熱o既醬油入面，鹹鹹地，佐酒就最一流。牛舌($40) 一串只有三片，感覺高級，以黑椒同蒜粒調味，咬落去肉質爽口。雞翼($25) 相信加o左岩鹽去燒，充滿鹹香，亦可擠d 檸檬汁上去，酸酸地更教人口水直流～汁燒墨魚咀($32) 係店方o係黑板上列明o既是日推介之一，口感煙韌，連埋燒汁，眨下眼就俾人清晒。大啡菇芝士燒($38) 係朋友指定話要叫，賣相好吸引，上面一大pat 半溶芝士燒到燶燶地，侍應上檯o個陣特登叫我地趁熱快d 食。由上面切落去，芝士o既綿滑瞬間伸延到下層juicy o既肉菇之中，一齊食十分味美！另外我地都嗌o左一個飯，呢個蟹膏海鮮炒飯($108) 富有鑊氣，係炒香蝦殼o個類香氣。三隻蝦新鮮肉質結實，個飯連同蟹膏去炒，味道帶鹹而惹味。同埋佢份量剛好，唔會話好似中式o個d 一大碟食死人，俾大家多d 空間，試多一兩款串燒或者飲多一兩杯。…Read More

當小妹在荃灣區辛勞了一天，想出外食得舒服一點的時候，就經過四坡坊這一間好像新開了一陣子的【火狐路端燒】，放工後不應是怱怱忙忙的！應與好友或家人聚一聚，談談天，說說地！呢個說法套落用於日本菜也不錯吧。門面夠日式風格。進入店時右邊是水吧位。內裡都是偏日式風格，但係不算打正旗號全日系的，裝修以簡約為主，牆身是水泥牆般...空間細小但係可以感覺上暫時抽離在外邊世界既煩惱，慢慢食適當地調節一下心情。餐牌在牆上都睇到D招牌同餐廳推介，打開Menu，日系Design，如果有埋圖片會更好呢。由朋友發板。爐端燒方面點了幾樣野食。👉🏻豆腐唐揚 $30先到的是...豆腐唐揚，極少食呢樣野，豆腐搭配生蘿蔔泥和柴魚醬汁，清新爽口。簡單又好吃的日式炸豆腐。內裡係都估唔到係咁滑口，控製得好好。👉🏻大啡菇芝士燒 $38見到好多人都有叫，所以跟跟風，果然慢工出細貨，賣相已經很吸引，芝士燒得剛好。切落去個陣，好JUicy，D汁已經流緊出黎，但一口食落去會覺得大啡菇鎖到水分，好豐富，啖啖菇味同芝味係口。燒溶左既芝士真係好好食。👉🏻汁燒墨魚咀 $32朋友見到就即刻點了，都係居酒屋嘅主打食品，此咀並非常見乾身得個「脆」字那種，而是爽而軟身，墨魚味很鮮很濃。 每人叫多一串 我選雞翼佢選牛舌👉🏻雞翼 $25雞翼驚喜度 100 分！！！！一開為二既雞翼，顯得細心，花心思嘅表現。雞翼表皮都燒到金黃色，外皮燒得又香又脆，但雞肉仍然保持到雞翼應有既嫩滑，即叫即燒，火候掌控得好好，食得出絕對係即叫即燒。無論如何都係很花心思嘅表現。👉🏻牛舌 $40怎樣做才好吃我們都知道牛舌的美味無法代替，牛舌就用簡單嘅鹽及黑椒帶出牛舌嘅香味，又是剛剛好，沒有過老。夠厚，口感好，爽口有嚼強卻不韌 。👉🏻蟹膏海鮮炒飯 $108最後都決定點了，蟹膏海鮮炒飯！「海鮮炒飯」你心中幻想的畫面會是怎麼樣的呢？我沒有期望太多，落枱時店員提及係用日本白米。炒飯最緊要炒得夠乾身，呢度候得到，炒得很香而且二人份量，剛剛好！飽到不禁吃了好多口。當中份面蟹膏味不是太出，但都好好食，蝦件份量都算多，YummyYummy！【火狐路端燒】比到得✈🇯🇵去咗日本旅行嘅感覺，因為食物細心夠認真，隱隱世世，又舒服。成晚我地每款只叫一串，但餐廳都好有心思分開碟上，Service何期重要呢？果然每次「期望越小．驚喜愈大」…Read More

居酒屋🏮表示老闆多次到訪日本學藝， 誓將日本古法地道爐端燒帶入香港。👍🏻.位置開係一間荃灣好岀名既米線隔離，裝修都好有日本feel🤤座位就唔算多，得幾張枱，但我平日既8點去食都唔洗等位既🤣-1️⃣蟹膏海鮮炒飯$108［滿星］⭐️⭐️⭐️⭐️⭐️‼️依個飯好有驚喜😍好有香味，飯充滿蟹膏味，材料有蝦、帶子、魷魚，份量適中，而且唔油，好多時食炒油食到底會見到好多油係碟，佢只有小小油，依個質素黎講一啲都唔貴！🤤🤤/2️⃣大啡菇芝士燒$38⭐️⭐️⭐️⭐️大啡菇既size有一個拳頭👊🏻咁大🤣同有一塊燒過既芝士放左係上菇上面，咬落去菇仲會有水湧岀黎，同埋芝士會融埋一體😍成個層次升級💕/3️⃣雞翼$25⭐️⭐️⭐️⭐️望落去以為好乾，但原來唔係！一咬落去肉已經會同骨輕易分離，而且有黑椒味係到，味道唔會太單調👍🏻/4️⃣牛舌$40［滿星］⭐️⭐️⭐️⭐️⭐️‼️一向好怕食好硬既牛舌，但依個係爽口的😱加上調味料，令佢更好食，更有口感，真係會想再食多串😍/5️⃣豆腐唐揚$30⭐️⭐️⭐️我係一個唔中意食豆腐既人黎😂但依個豆腐食落都幾特別，豆腐上面有啲配料，而豆腐係炸過的，內層的豆腐仍然是滑到一夾就散，醬汁酸酸甜甜，幾得意🤣/6️⃣汁燒墨魚咀$32⭐️⭐️⭐️醬汁是燒汁的味道，墨魚咀新鮮爽口，可是沒有一種想再食的感覺，個人認為炸墨魚咀更好吃-環境：8/10服務：9/10好味指數：8/10回頭率：8/10…Read More

講左好耐要同家姐去食日本野，終於有時間同佢去食啦！唔知係唔係平日既關係呢，一入去就有位啦，唔使等位。店舖四圍都有貼上日本電影海報，就連洗手間（おてあらい）都用日文字表示，睇得出好想營造出日本既感覺。先點了個小食同埋串燒先，我哋叫左唐揚豆腐，牛舌，燒汁墨魚咀，雞翼先。唐揚豆腐，新鮮炸出嚟，熱辣辣，要等多陣先食得。😅牛舌燒得剛剛好，好正呀！火喉、時間都控制得剛好。燒汁墨魚咀都好有咬口，不錯不錯！！雞翼好細心，單骨雞翼，方便進食！！大啡菇芝士燒一出嚟就好大陣香菇味，一切開就爆汁啦，好juice！最後，我哋加左個蟹膏海鮮炒飯。超多海鮮料，有大蝦、帶子、🦑 魷魚。個炒飯炒得好乾身，唔知係唔係用鐵板炒既呢？原本以為兩個人食唔哂，最後都食光光，滿足的一餐。…Read More

昨天到荃灣逛街，途經四陂坊，看見火狐爐端燒，門面充滿日本風味，覺得幾吸引，決定進去試試！店舖不大，只有六張四人餐桌，加上一張二人餐桌，即二十六個座位，但感覺很舒適，燈光柔和，牆壁上貼上了不少日本漫畫主角「浪人劍客」的海報，店主可能是井上雄彥的粉絲吧！除了海報，牆上還有飛鏢靶，很有居酒屋感覺，令氣氛更加輕鬆。餐廳中央位置，放置了一個大電視，播放著電影，電視旁邊是手寫的餐牌，字體端正秀麗，整體環境很好，下班後跟朋友或同事相聚聊天最適合不過。主食，點了蟹膏海鮮炒飯$108，鑊氣十足， 蟹膏味道非常濃郁，蝦很大隻爽口，帶子魷魚，鮮味，加上葱粒點綴，炒飯更加惹味！爐端燒，不論是鳥、豚、牛或是荀菜，都很有原味，只是加上了少許鹽或黑椒，保留了食物原本的鮮味！雞翼$25，香味十足，外皮少燶，咬開裡面依然嫩滑，加上點滴檸檬汁，超級好味。黑豚五花腩 $28，牛舌$40，又香又惹味，五花腩肥滑而不膩，加上檸檬汁，可消解滑膩。大啡菇芝士燒$38，大啡菇鮮味多汁，很厚肉，配上芝士片，很juice，超正！忌廉薯餅 $30，忌廉味道超濃，外脆內軟，好味道。飲品方面，餐廳有售汽水、日本清酒、果酒、威士忌、雞尾酒及啤酒，配日式串燒，更加圓滿。…Read More

在荃灣行完街在附近覓食，發現在後巷有一間日本餐廳，店內只有十多個座位不是很大，主打吃日式串燒及小食，而且價錢大眾化。汁燒墨魚咀 - 日式醬汁跟墨魚咀十分配。牛舌 - 肉汁鮮嫩。雞翼 - 雞皮夠脆，還細心弄了單骨。大啡菇芝士燒 - 香濃燒芝士配合切開後的大意想不到很juicy，而且充滿菇汁，完全不會太乾，大讚！豆腐唐揚 - 外脆內滑，加上自製醬汁的精華，很有驚喜！蟹膏海鮮炒飯 - 海鮮豐富有蝦、帶子和魷魚，而且每一粒飯也充滿蟹膏的味道，很滿足。…Read More

之前經過四陂坊都有留意到呢間日式餐廳 裝修和風幾別緻已經想試 今晚終於去左一嚐佢地既爐端燒啦🤩 入面座位唔多 建議想食既朋友記得book位😉前菜小食我地就先試左豆腐唐揚同忌廉薯餅 小食既賣相好精緻😍 越簡單既菜式要做得好先最難 炸豆腐睇落平平無其 但係炸到外脆內軟 點埋d醬汁一齊食真係好正🤤 而忌廉薯餅當然都係即炸啦 忌廉滿滿的 咬落好滿足👅爐端燒方面我地就叫左大啡菇芝士燒 牛舌 黑豚五花腩 同埋雞翼啦😆 大啡菇用刀切落去d汁已經流緊出來 燒到剛好仲勁juicy 配埋面頭燒溶左既芝士 好perfect 👍🏻 牛舌同五花腩都用上黑椒做調味 火候掌控得好好 唔會過老又好夠味😋 雞翼表皮都燒到金黃色 皮脆肉嫩 好食😛淨係食串燒始終唔夠既 所以我地叫多左個蟹膏海鮮炒飯食 超足料地入面有3隻大蝦 2隻帶子同2隻墨魚🦑 大蝦仲係非常彈牙 炒飯粒粒分別夠乾身 仲勁香蟹膏味 食到停唔到口🌟…Read More

今日早左放工就約埋朋友去荃灣食好野😋上網search過火狐爐端燒既食評都非常唔錯，就決定去依間食lu😎雖然細細既一間舖頭，但坐得好舒服🙂野食都好好味添😎豆腐唐揚 $30外表香脆內裏滑嫩既豆腐浸係湯汁中，帶出豆腐既香味，又伴著湯汁既精華🤤大啡菇芝士燒 $38菇整得非常軟身入味，而且上面舖著燒過既芝士，每一口都係菇香同芝士混合既味道，依個係我至愛😍汁燒墨魚咀 $32墨魚咀好彈口，唔會燒得乾，剛剛好，讚👍雞翼 $25雞翼係普通既燒雞翼，香味一樣吸引😋牛舌 $40牛舌爽口又香，又係必叫之一😎蟹膏海鮮炒飯 $108炒飯好夠鑊氣，粒粒飯分明，伴有蝦，鮮魷等海鮮，正😋…Read More

串燒一向係阿魚最愛!!! 不過就會唔經唔覺食左勁多~~~~~.所以今次就黎到荃灣既火狐!!!.🐟💬：.（1）豆腐唐揚 ($30/一磚).*呢個真係要推介比大家！因為真心好特別！外脆內滑，外熱內凍～～～～.真係幾好食～豆腐面係有紅椒絲～～～～有dd辣架.（2）大啡菇芝士燒 ($38/一隻).雖然芝士係卡夫芝士，不過熱溶左都好好食～～～而大啡菇好有菇味，雖然都有少少水出，不過都好正！.豚大腸山葵燒 ($28/一串).wasabi味都幾攻鼻～～～豬大腸都幾脆卜卜～～～.雞軟骨黃金燒 ($20/一串).好大粒ge雞軟骨😆重有咸蛋黃味！不過就唔太入味，只係表面一層有咸蛋黃味，喜歡食呢種味的可以一試！.牛舌 ($40/一串).唔係太大舊，不過都少少厚，重黑椒味，算爽口！.蟹膏海鮮炒飯 ($108).真係有海鮮架！有成3至4隻蝦，又有帶子，調味不錯（朋友覺得重口味，但阿魚就接受到！）飯粒煙un幾得意.牛油燒帆立貝($50/一隻).帆立貝好大隻，又重牛油香，肉質爽口，好好食！.煎餃子 ($45/5隻).啲皮勁脆！好正～～～～～.明太子雞翼 ($22/一隻).呢個一定要試～～～～脹卜卜，雞翼啲肉好滑，入面重充滿住明太子～～～～～.和牛 ($68/一串).黑椒味重！不錯！.🐟FISH'S REMINDER🐟💡阿魚提醒💡.一定要試豆腐唐揚！牛油帆立貝！明太子雞翼😍😍下次要再試其他串燒～～～.🐟📝：8.5/10.🍽🐟📝📌火狐爐端燒📍荃灣四陂坊12號雅緻大廈地舖(港鐵荃灣站 B1 出口, 步行約6分鐘)📞電話: 3564814494479527 (WhatsApp訂座)⏳營業時間：星期一至日12:00 - 15:0018:00 - 00:00*最後落單時間: 22:30…Read More

今天約了朋友在荃灣見面，過往對荃灣感覺是舊區，食物素質選擇不多，不過今次友人提議的日本餐廳令我有左唔同既觀感。呢間日本居酒屋在千色匯後面，全靠google map才少走了冤枉路。我們點的食物不多，算是淺嚐一下這件餐廳既燒物。蘑菇芝士燒算是中西合壁，蘑菇新鮮，燒焦的芝士味道亦濃郁，頗為開胃。大腸配上少許山葵，中和左肥膩既感覺。 雞軟骨與其他居酒屋水平相當，適合配搭小嚼兩口。牛舌亦燒得不錯，焦香味略濃。豆腐唐揚炸得外脆內鮮，蘿蔔蓉也不算太苦。海鮮炒飯份量可以再多d，不過海鮮配上蟹油香氣四溢，味道不錯。總體黎講這間居酒屋在荃灣亦算不錯👍…Read More

屋企係無飯煮婦，每日都要諗下食咩好，其實真係幾煩，屋企附近好多嘢食都試過曬！咁岩發現有間舖唔知幾時已經轉左手後一直都未試過既！係荃灣好出名既米線舖隔離！火狐爐端燒其實就咁睇個名都唔知主要食D咩既，但原來佢係一間居酒屋，有多款串燒、海鮮燒、麵食、炒飯等...今次食左5款串燒，但唔係款款都好食，大蔥雞肉 $28- 雞肉燒得太乾太柴啦！牛舌 $40 - 唔錯，厚身唔會燒得太熟岩岩好！豚大腸山葵燒 $22 - 燒豬大腸都唔會太乾，但山葵唔知係邊，無山葵味！雞軟骨黃金燒 $25 - 用左依家最 Hit 鹹蛋黃來調味，好香，食多串都可以！牛肉露荀 $35 - 牛肉味道唔錯，不過露荀就唔係條條嫩！睇彩數！仲叫左個炒飯- 蟹膏海鮮炒飯 $108，個樣望落唔錯食落味道都係唔錯，只係太多油，食完個碗底好多油留低左！兩個人食無以為好多嘢其實都未飽，樣樣份量唔多，所以再叫左個 大啡菇芝士燒 $38 同 豆腐唐揚 $30，個大啡菇真心唔錯，但個豆腐就好淡，無咩味！個厚燒玉子望落都好似好吸引咁，不過今次無叫到！可惜！…Read More

今日約左個朋友食飯由於大家都咁岩係荃灣, 所以決定係荃灣食野本身諗住食隔離果間米線, 但見到咁多人排緊, 望一望呢度既MENU都唔錯所以決定轉場去左火狐爐端燒入到餐廳好有去日本居酒屋既感覺, 餐廳主要食串燒為主除左串燒都會有主食例如烏冬及炒飯, 餐牌分開UPLOAD首先就叫左個胡麻秋葵, 個麻醬好好食, 再加埋木魚絲, 好味!跟住就開始食串燒, 串燒我地叫左1.雞翼 $25 - 燒得好香口, 調味岩岩好, 雞皮脆卜卜2.雞軟骨 $20 - 軟骨位帶小小雞肉, 食落去口感好好唔好硬3.牛舌 $40 - 都算幾厚身, 牛味香4.豚大腸山葵燒 $28 - 少少脆身, 唔會有臭腸味, 同個山葵醬味道都幾夾5.豚肉荔枝$30 - 燒到有少少脆既豚肉包住清甜既荔枝, 一咸一甜, 配合得幾好好鍾意食啡菇, 見到有大啡菇芝士燒$38, 又點可以錯過個菇燒得好香好好味, 又唔會燒到太乾, 岩岩好最後就叫左個蟹膏海鮮炒飯 $108個人覺得呢個係必點, 蟹膏味好香但又唔會腥, 而且好足料有3-4隻大蝦, 魷魚片, 帶子粒, 連朋友都讚個炒飯出色餐廳仲會有酒類供應, 好適合放工黎飲返杯食下串燒傾下計!!…Read More

加班後帶住疲倦身軀返到屋企附近, 經過呢間居酒屋被吸引了, 門口細細真係好有和風 feel!餐廳佈置以4人柗為主,  所以我一支公都可以坐4人位, 好闊落!侍應推介這個大啡芝士菇, 本身我喜歡吃芝士亦喜歡菇類, 上枱時見到芝士好足料, 加上燒香了既大蘑菇, 非常惹味!其它串燒類亦燒得很有火喉!炒飯等了較長時間, 米身好細粒, 乾身,雖然有點偏咸, 但和牛跟露荀都很多, 份量夠, 一個人吃不了, 還外帶呢!餐廳佈置都有日本感覺, 播放著日文既音樂, 玷知道老闆有無刻意去選歌, 播著既音樂都係有尹編為中文既歌曲, 令我更加投入!…Read More

荃灣不嬲多好野食，小食西餐打邊爐雞煲咩都有，今日女朋友就係四陂坊揾到間串燒小店🤩除咗餐牌上既食物，餐廳內既黑板都有其他小食串燒，選擇超多👍🏻天氣開始悶熱，叫返個豆腐涼涼地食下先！超中意上面既白蘿蔔蓉😍 加埋落個汁到好好食呀!!!! 自從上次女朋友試過牛舌之後，每次食串燒都必定叫☺️ 師傅燒到肉質岩岩好，咬落去仲好 juicy😋大菇配芝士一齊燒呢個 combination 由我細細個已經有食開☺️ 不過可以燒得再乾身少少就 perfect 啦👍🏻👍🏻👍🏻呢個雞軟骨黃金燒真係有驚喜，因為叫個陣係見到雞軟骨就叫，冇留意到黃金燒呢幾隻字😂 估唔到而家串燒都有用到咸蛋黃😋腸大腸都好出色，不過個人覺得比雞軟骨比下去😂😂😂粟米冇野好講，一個字正‼️ 唔會痴牙！兩大隻廣島蠔都只係$40，好抵呀🤩大蔥雞肉好食，一舊肉配一條蔥食就最岩😉 串燒都唔可以淨係食肉既最後加多個蟹膏海鮮炒飯就完美咁 end 咗呢餐飯啦😍 …Read More

前幾日去荃灣行街，之後順便在附近找地方醫肚~ 行行下發現有間居酒屋，門口掛著一個個紅燈籠🏮充滿地道日本風味，於是決定同朋友試試🍴——————————🔹雞軟骨黃金燒 $25平時鹽燒雞軟骨就食得多，但是用鹹蛋黃燒的就未試過，食起來好香鹹蛋黃味，配上爽口的雞軟骨，真是好夾❤🔸豚大腸山葵燒 $28這個豬大腸燒得外脆內軟，沒有任何雜味，配上嗆味的醬汁，非常特別～🔹牛舌 $40牛舌每塊都很厚身，吃起來爽口鬆化，口感不錯；不過價錢略嫌小貴😋🔸大啡菇芝士燒 $38這個大啡菇偏細，底部燒得有點燶，不過芝士味濃郁，菇汁亦豐富；如果火候掌握得更好，還是很不錯的～ 🔹豆腐唐揚豆腐炸到外脆內軟，非常嫩滑，浸入鹹鹹的醬油，入味又香濃，非常邪惡😋🔸蟹膏海鮮炒飯 $108這個炒飯份量很多！好高質！未食已經聞到好香蟹膏味，食落所有海鮮都新鮮彈牙，令人一啖接一啖，強烈推薦👍🏼…Read More