Wagyu Yakiniku Ichiro (Po Hon Building)

餐廳環境闊落有卡位坐而且好光猛乾淨✨幾適合朋友聚會同情侶約會 有提供即棄圍裙好貼心👍🏻任食燒肉套餐有分4個級數可以食120分鐘 餐廳用QR code落單上菜有效率 所以有足夠時間食😬今次先試試中價位的Course B $448再加一 (星期五至日及公眾假期$498再加一) ✨Course B🔸以下102款食物任點任食：25種類特選牛肉｜牛肉刺身3款｜日本豚肉6款｜豚肉8款｜雞肉4款｜野菜8款｜料理38款 🔶點餐後會送上以下兩款盛盒：舟·盛合：特選牛、豚、雞、海鮮、野菜桶·盛合：牛肋肉、牛里脊肉、豚、雞兩個盛盒擺盤精美 好適合打卡😍海鮮夠新鮮 肉類平均質素都好高質 值得一讚是每盤肉類都會放上小牌子 清楚自己食左邊款肉😬私心推薦以下幾款食物：✨大判壽喜燒牛里脊肉薄切又大大塊🥩夠快熟👍🏻肉質比較瘦但非常細嫩 牛味濃郁又有口感🍳沾著壽喜燒醬汁的溫泉蛋一起食好滿足❤️encore左好多碟！✨極上厚切牛舌好厚切牛肉味重吾會騷 口感軟嫩 燒完帶焦香油香✨牛肋條厚度同油花適中帶有嚼勁🥓更配有不同醬汁可以揀 較特別的有沙嗲 BBQ 咖哩...😋✨炙燒拌生牛肉牛肉輕輕炙燒過🔥表面帶焦香 加上蛋黃同蔥花增添牛肉鮮味🤤適合初嘗試生牛肉的朋友👍🏻✨熱食/炸物熱食類選擇都不少 除了有幾款熱湯外 仲有麵食丼飯同壽司卷物🤩一定夠飽肚啊！居然有漢堡扒都幾特別所以都叫了來試🍤幾款炸物都炸得夠乾身不油膩 推薦一試牛肉薯餅 share半個份量剛好🤭✨沙律前菜外面自助bar都好豐富🥗salad bar櫃好乾淨整齊蔬菜新鮮 仲有三款醬汁自己落 仲有幾款韓式前菜小菜包括泡菜 青瓜 菠菜等可以QR code落單🥒✨飲品有各種自家製果茶、罐裝飲品同汽水選擇🥤熱飲亦有供應咖啡機及茶包自己沖😬✨甜品雪櫃入面放左幾款小甜品 我試左玉桂青蘋果芝士餅🍎同焦糖布甸🍮質地好綿密味道幾有誠意👍🏻驚喜位系有個放滿🇯🇵日本雪條的雪糕櫃‼️幾款入面試左紅豆夾心鯛魚燒同明治抹茶朱古力雪條都好正🤤要留肚食啊！另外仲有爆谷機🍿雪糕機(有配料加)🍨同印有牛牛🐮既巨型棉花糖好可愛😆📍和牛燒肉一郎 (寶漢大廈) (銅鑼灣)銅鑼灣波斯富街24-30號寶漢大廈2樓…Read More

而家差唔多兩個禮拜就會同老公去食一次飯，今次揀咗佢鍾意食嘅燒肉，呢間之前喺佐敦都食過一次，今次試吓銅鑼灣分店😋等佢放工差唔多八點幾先到餐廳，我哋揀咗Course B 120分鐘 102款+舟. 盛盒（牛、豚、雞、海鮮、野菜）+桶盛盒（牛肋肉、牛里脊肉、豚、雞）。精選牛肉有成25款，之前覺得好食嘅今次再叫返，大判壽喜燒牛里脊肉、特選薄炙牛肋肉、薄切上等牛舌心。仲叫咗蒜蓉牛油海蝦、蒜蓉牛油帆立貝、廣島蠔肉、吉列炸蠔同埋吉列炸蝦。大判壽喜燒牛里脊肉，我哋揀咗配雞蛋，牛里脊肉色澤粉嫩，油脂分布平均，擺落網燒唔使10秒搞掂🤤，入口肥而不膩，口感一流，點埋蛋汁一齊食、不得了🤤特選薄炙牛肋肉，呢個牛味濃郁，肉質非常軟嫩又有肉汁👍🏻薄切上等牛舌心，呢個又係燒10秒就OK，超鍾意呢個爽脆嘅口感😋因為薄切嘅關係就算燒耐咗都唔會靭，不過就容易黐住個網蒜蓉牛油蝦同帆立貝都好正，超香蒜蓉味，帆立貝仲要大大粒🤤所以每樣都encore左兩次😌吉列炸蠔同蝦都好食、炸漿唔會好厚，但夠熱夠脆最後兩條雪條做結尾，飽到上心口🤣🤣…Read More

又係放縱嘅時候‼️🔥 一早已經 bookmark左呢間 係燒肉界嘅口碑😛 雖然而家少食放題但係燒肉同火鍋係例外☝🏻真係出去食好過自己買💁🏻‍♀️ 靚肉都唔平🤣✨特選牛套餐 Set B (120 mins) $448✨102款食物任點任食‼️ 平啲嘅餐 $298 都有72款💕 生日仲有四人同行一人免費🥳要大力讚佢個爐好易燒 人人都係燒肉達人*ˊᵕˋ)੭❣️舟·盛合 ❣️桶·盛合每台有各一set 已經執好晒俾你😎 坐低就有得食🔥 擺得好靚一定要打卡📸而且俾嘅肉都係靚嘅 唔係想質飽你( ˙༥˙ )[特選牛肋肉/特選牛肋條/特選牛里脊肉/ 雞肉/ 五花肉/ 海蝦/ 帶子]本身有輕輕調味加啲鹽黑椒已經好有肉味🐄最鍾意係牛里脊👍🏻 雞肉係驚喜地滑 omgg🐓五花肉最好就燒到冇咁肥配啲泡菜食🐷 蝦有encore~❣️两色蔥花牛舌(鹽味)/薄切上等牛舌芯/ 極上厚切牛舌/特上牛舌棒/薄炙蔥花牛舌(鹽味）令我最想叫呢個餐一定係牛舌‼️‼️真係好鍾意食 有勁多款揀喺天堂🥹呢幾份牛舌係超級勁好食💕 厚切薄切唔同部位都有( ᵒ̴̶̷̥́ _ᵒ̴̶̷̣̥̀ ) 🔥 最推薦厚切牛舌 口感一流‼️ 薄嘅配檸檬同蔥都勁好食🤤❣️大判壽喜燒牛里脊肉以為係普通肉點知咁有誠意💁🏻‍♀️ 好似之前申子食嗰款😛切到好薄好快就熟 再點生蛋黃同壽喜燒汁 must eat✨❣️自助沙律吧/特調飲品吧/汽水飲品/雪糕雪條選擇都幾多 飲品有誠意有自家製( ⸝⸝⸝⁼̴́◡︎⁼̴̀⸝⸝⸝) 竟然仲有部爆谷機🥜最鍾意佢用明治嘅雪條 一定要留肚食呀🙆🏻‍♀️❣️清酒/啤酒 任飲 $88勁抵‼️幫大家驗證左清酒係偏甜又唔辛口🍶🥳 啤酒有kirin sapporo配燒肉好爽🍺…Read More

❤️🧡❤️瘋狂燒肉肉🥩近排好似去到邊都聞到燒肉味，就連發夢都燒肉肉🤦🏻‍♀️燒肉真係令人無法抗拒，今次就去咗銅鑼灣和牛燒肉一郎燒肉肉🔥其實佢一共有4間分店，遍布港九新界😏荃灣廣場嗰間仲係新分店添😝咁去到邊都可以瘋狂食肉肉啦！❣️Course B❣️ $448今次揀咗Course B，有102款食品放題💕當中有25種特選牛牛🐮另外仲有自助吧㗎！😆🧡桶·盛合🧡嗌咗套餐後，店員隨即送上桶·盛合🪵入面有雞肉、豚肉、牛肋肉、牛里脊肉、野菜，雞肉嘅部份好嫩滑，肉肉都好新鮮😋💛舟·盛合💛一大艘船🤣未食已經大飽眼福！舟·盛合🚢份，有雞肉、豚肉、牛肋肉、牛肋條、牛里脊肉、野菜、海鮮😍最鍾意牛里脊肉，油花適中剛剛好😝另外帆立貝都好鮮嫩多汁，好味！❤️大判壽喜燒牛里脊肉❤️ 配雞蛋好欣賞佢哋嘅肉肉有得自選配雞蛋🥚牛肉配蛋蛋，雙倍滋味！依個牛里脊肉為薄切大大塊(用嚟當面膜敷都得😂，燒薄切嘅肉肉記住睇火呀！因為好快熟🔥🤍薄炙蔥花牛舌🤍 鹽味牛舌有厚有薄，兩款我都鍾意😛不過以賣相嚟講，薄切嘅大片又吸引😙肉肉爽嫩，肉味濃👅🤎牛肉可樂餅🤎咁多款炸物中，最推薦牛肉可樂餅😝外層金黃酥脆，內層餡料滿滿，口感豐富！💚特選拌生牛肉💚如果唔拒抗生牛肉，必食依個🤤生牛肉切成條狀，將蛋黃撈埋一齊食就好似沾咗蛋黃液嘅麵條咁！肉質鮮嫩滑溜 好易入口🥩💙甜品💙甜品吧有杯裝小蛋糕、慕絲、軟雪糕同埋多款日式雪條，當日有8款口味！幫大家試晒㗎喇😝推薦款式就係我手上揸住嗰啲，因為係第♾️次encore㗎啦！如果真係要揀，最鍾意就係煉乳芒果雪條，流心嘅效果有驚喜🥭另外紅豆夾心鯛魚燒，甜度適中 粒粒紅豆口感豐富🫘🖤自助吧🖤除咗甜品，飲品同埋沙律都可以喺自助吧搵到！如果諗唔到有咩嘅一定要試吓佢哋嘅自家製飲品🍹全部配搭都好新穎，味道清新解膩！餐廳有日本直送多款優質和牛，而家仲有全新推出嘅午市套餐㗎！想快啲有得食？餐廳仲有埋全港首創「燒肉新幹線」智能化送餐模式，真係唔錯㗎！📍和牛燒肉一郎 📍銅鑼灣波斯富街24-30號寶漢大廈2樓-…Read More

 一價全包的燒肉放題向來深受港人喜愛，今次我就來到和牛燒肉一郎的分店滿足「肉」望。內裡的原木系裝潢簡約，卡位座位寬敞，坐得舒服，加上枱面又夠大，可以放到大量食物。這裡貼心地供應了圍裙，吃燒肉時就不用擔心衣服會被濺污了。店內供應數款放題套餐，最平低至每人$298 起限時100分鐘。今次我就選了限時120分鐘的B套餐，成人每位 $448。掃描QR code後就可用手機點菜，環保方便又有效率，order的食物全都一目了然，全程也沒有漏單。一坐低侍應就會端上只限一客的舟盛合，內含特選牛、豚肉、海鮮、雞肉、野菜等等，份量澎湃。桶盛合同樣只限一客，包括牛肋肉、牛里脊肉、豚肉和雞，上桌時還會徐徐飄出煙霧，當然要第一時間相機食先。爐火火力夠猛，很快就可燒熟食物，不怕會外焦內生。烤肉時燒好一邊才反轉，切忌兩邊反來反去流失肉汁。特選薄炙牛里脊肉切成薄片，肉質細嫩，脂肪比例平均。個人尤其喜歡肉汁飽滿的大判壽喜燒牛里脊肉，以和風甘甜醬汁醃製後更能突出紅肉鮮味。海蝦肉質新鮮爽彈，加上已對半開殼，吃時更方便。帆立貝亦夠厚肉，味甜富彈性。魷魚鮮味肉厚，肉質爽口彈牙。炸物小食即點即製，熱得盪口，炸得乾身不油膩。吉列炸蠔體型飽脹，外脆內軟，內裏多汁，鮮而不腥。牛肉可樂餅同樣是值得推介，脆卜卜的金黃外層下是軟綿粉糯的薯蓉。無限量供應的自助沙律吧款式不少，例如溫室青瓜、紅芯蘿蔔、車厘茄、鮮甜粟米、椰菜、甘筍、四季豆、紫洋蔥及新鮮蔬菜，拌以芝麻沙律醬、和風沙律汁及柚子醋。甜品有四款可選，包括焦糖布丁、玉桂青蘋果芝士餅、檸檬忌廉杯及石板街。牛奶軟雪糕質地軟滑，可以自行加上不同配料。還有任食明治雪條，總共有七款口味之多，冰爽透心涼。飲品都是自取，罐裝汽水種類繁多。另外還有八款果汁，酸甜解渴，讓人暑氣全消。不想喝凍飲的話，也可選擇沖杯熱茶，解膩又消滯。…Read More

燒肉放題往往都會令人覺得油膩﹑款式有限﹑質素參差既問題，甚至聽朋友講有餐廳會利用拖延送餐戰術令你可以食到既燒肉份量有限 - 今晚小編與老公響銅鑼灣行街搵食個陣就試到間高質素既燒肉放題，值得推薦俾大家試下!和牛燒肉一郎位於銅鑼灣廣場一二期後街既十字路口旁，由港鐵銅鑼灣站C出口，一出地面既對面就會見到餐廳既招牌，非常方便!如果行樓梯上2樓既朋友，一上到去會俾兩隻牛牛擺設嚇一嚇，雖然唔騎上去但個尺寸都唔講得少，放公仔上去影張打卡相都唔錯 (可惜小編個日一心行街無帶，同埋最好問問店員先放，以免唔小心整爛就大鑊) >_<響門口見佢個Menu有分6個唔同價錢既燒肉放題，店員響門口主動介紹個陣提及到，任何放題都會包沙律吧﹑汽水﹑特調飲品及甜品都係任飲，而價錢分別在於放題A-B餐以美國牛為主﹑C餐以澳洲牛為主﹑而D-F餐就會以餐廳主打日本小田牛 - 和牛為主，然後再視乎價錢有更高級同多樣既和牛肉提供。考慮一陣後，小編與老公都決定試下套餐E，雖然價錢偏貴但因為見到有生牛肉料理，所以即管試試抵唔抵食先。可能店員都見我地有少少懷疑既眼神，佢地都即刻加以介紹 - 原來每間燒肉一郎都會有本日黑毛和牛既產地及批次編號，同時佢地都會唔介意將和牛放響當眼既雪櫃內，如果真係有懷疑，可以要求佢地提及和牛既驗證編號，以便你即時去日本農林水產省既網頁內查詢批次是否正貨。有哂每隻牛既出生同屠宰史，小編都真係佩服佢地準備既資料!入座之前都望望沙律吧同飲品區先 - 小編最深刻佢地既特調飲品款式好多，而且除左會令人飽肚既果汁外，仲有唔同種類既水果茶﹑當然仲有熱茶包既茶，夠哂貼心。燒爐方面，有別於比較多數餐廳使用既圓形爐，燒肉一郎選用長方形既爐，或者方便上菜個陣有足夠既空間放吧；雖然尺寸上相對比較細但火喉夠，而且響爐邊既抽風力都幾強，所以響燒牛肉個陣既火力都足夠。正式正式講野食喇，小編與老公因為太為食關係，而揀既E餐大大話話有92款食物可選擇，我地盡量揀選精選既肉類同大家介紹同推介喇：1) 本日の寶箱 (D-F餐 - 每枱只有1客)：高度推介。寶箱其實係即切既和牛肉眼，淨係睇和牛既紋理已經係值回票價啦! 店員會幫你燒埋所以唔駛擔心會浪費 - 肉眼既肉質嫩，而且真係有種入口即溶既感覺，呢刻會覺得和牛既油脂並唔會影響你任何食慾，相反寶箱作為開頭既菜式令你想繼續品嘗其他牛肉。2) 和牛里脊肉 (D-F餐)：推介。相對肉眼黎講里脊肉既肉感會更結實，咀嚼上會有質感好多!   3) 牛外橫隔膜 (A-F餐)：OK。都係以咀嚼既感覺為主但因為橫隔膜小編好少試到所以覺得得意既!4) 和牛牛肋肉 (D-F餐)：高度推介。如果剛才肉眼入口即溶既感覺想繼續有既話，牛肋肉既入口即溶而豐有均勻油脂既情況會令你有驚喜。相對肉眼牛肋肉會更快燒熟，5成左右既熟度就剛剛有肉汁既濃香同即溶既效果。5) 和牛西冷 (E-F餐)：推介。西冷既油脂排列會明顯得多，所以口感上會令你即刻分為肉同脂肪味道上唔同，再咀嚼個陣融合埋一齊會令人響往!6) 薄切上等牛舌芯 (A-F餐)：推介。薄切既牛舌芯方便你可以在爐內以幾秒既速度即刻燒肉﹑反轉﹑再上碟，牛舌芯特色有彈口既感覺，好味!7) 特上牛舌棒 (E-F餐)：高度推介。平時食開切片，原來牛舌棒可以有咁上下粗度，經店員既溫馨提醒下，燒個陣可以每條長邊咁燒至表面微燶，然後再90度轉，當你燒到最後一面個陣，牛舌既深度都會剛好熟而食得。如果燒得靚既話就會好似食廚師腸個質感，但同時有香濃既肉味!8) 大判壽喜燒牛里脊肉 (C-F餐)：推介。如果大家開始覺得食太多牛會有飽滯感，壽喜燒版既肉會切合你既需要。薄切既關係放到爐面上大約10-15秒就要反轉，再燒，然後就可以輕輕捲成筒狀再浸響壽喜燒+蛋汁一齊食，蛋汁既滑口感覺，以及壽喜燒既甜感會幫到你中和口內既油膩感。9) 薄灸蔥花牛舌 (鹽味) (D-F餐)：高度推介。小編個人就真係未試過食咁長身既牛舌 - 燒既方式同薄切既肉差唔多，但時機上就好似一般燒牛舌咁留意邊位開始收縮既時刻反轉再燒相若既時間，就可以食到更彈口而撕得開既牛舌喇。10) 和牛薄灸里脊肉 (D-F餐)：高度推介。又係一款薄薄燒肉食落口，既唔會太油膩但又可以繼續不斷添食既款式 (小編最後都食左4塊)。油脂分佈均勻令燒個陣牛肉表面燒熟既程度一致，肉質嫩滑而香口真係好吸引人去食!表面上已經食左咁多牛肉，正常都會覺得飽肚? 唔會，呢間餐廳既肉好多都係薄切所以唔會令你有太強既罪惡感。小編入座個陣為左生牛肉料理而揀左E餐，即管試下佢地相關既料理先!11) 生牛拖羅刺身 (白身，E-F餐)：高度推介。可能你會覺得生既油脂一定會好難咬開：其實唔一定既，拖羅刺身既油脂比較易即刻咬開，而牛肉本身既油香都即刻食得出黎。如果怕生牛肉既所謂腥味既話，拖羅刺身會岩你。12) 生牛肉刺身 (赤身，D-F餐)：高度推介。以小編既立場，無論係白身定赤身都有佢獨特既口感，赤身會比較需要咀嚼，建議落少少薑蓉一齊食就會無左頭先講既所謂腥味!13) 特選拌生牛肉 (D-F餐)：推介。如果嫌棄生牛肉比較難咬既話，利用蛋漿所拌既牛肉就適合你 - 攪碎既牛肉加上蛋漿既話就好似免治牛肉咁，易入口得黎又試到佢地既香味。14) 生牛中腹肉壽司 (D-F餐)：OK。中腹肉食落口需要努力咀嚼，但比想像中肉味算高。15) 香蔥生牛腹肉碎壽司 (D-F餐)：OK。有埋香蔥既配搭個效果又唔錯! 一口既壽司會令你覺得滿足既。食左咁耐其實都離埋單仲有30分鐘，店員都會幫你預先埋單及提醒落最後1張單。小編與老公響最後既作戰中都有兩樣特式食物想推介俾大家：16) 明太子薯仔沙律：一般既明太子沙律都偏向咸而且明太子量少，但呢間餐廳撈出黎既味道好明顯落足料，甚至會令你食到明太子過多而有既苦味，用黎中和下牛肉油脂都唔錯。17) 紅豆夾心鯛魚燒：響接近門口既地方就係雪糕區，而當中玩得又食得既必選鯛魚燒：只要你用細火將鯛魚燒放上燒爐，耐心既慢慢反轉，當鯛魚燒表面開始燶個陣，同時內裡雪糕層既表面都溶化個刻，就係最最最好食既時間。表面既暖加上內裡既涼係完美既享受!整餐晚飯和牛質素又高﹑又有得玩有得食﹑地點又方便，小編與老公都認為燒肉一郎係值得推薦俾大家去試。理解E餐人均消費超過800蚊係好貴，所以如果想試和牛既款式既話，C餐或D餐價值差100蚊情況下，會推薦大家試下D餐吧!…Read More

🌸銅鑼灣和牛燒肉🌸和牛燒肉一郎🥩🏃🏻‍♀️捉緊晚市堂食的尾巴為了捉緊晚市堂食的尾巴，而臨近新年，於是在暫停晚市堂食前的一晚特意相約好友到一間位於銅鑼灣的主打豪華和牛的日式燒肉放題店-「和牛燒肉一郎」享用一頓滋味日式燒肉放題❗餐廳寬敞舒適，裝修簡約舒適，座位寬闊❗店員殷勤有禮，會不時替客人收拾碗碟及更換潔淨的烤肉網；客人透過二維碼自助點餐，既方便又快捷❗1️⃣餐廳提供多款120分鐘燒肉放題組合，而同一枱的客人需要惠顧同款燒肉放題組合，🍽我們惠顧了以下120分鐘燒肉放題套餐：👉🏻 C餐🤩包括72款配料+小舟盛合+桶·盛合（牛肉2款）💰價錢（未連加一）：👉🏻星期一至四：$448👉🏻星期五至日：$498而放題套餐包括：🥗前菜有款冷盤前菜如韓式泡菜、青瓜及蘿蔔等，還有自助沙律吧，有新鮮爽脆的沙律菜、粟米粒、蕃茄粒及蘿蔔絲等。🐂嚴選牛肉有非常種類的嚴選上盛美國及澳洲牛肉，有不同部位，牛肉主要以燒肉或鹽醃製，今次主要點了牛肋肉、薄炙牛肋肉、牛肋間肉、里脊肉、薄炙里脊肉、牛外橫隔膜肉、牛舌、熟成壼漬牛外橫隔膜、大判壽喜燒牛里脊肉。各款牛肉肉質鮮嫩，烤熟後口感不會韌，當中我最喜歡桶盛合的和牛肉及大判壽喜燒牛里脊肉，和牛入口即溶，壽喜燒牛里脊肉相當鮮嫩大塊。🐷精選豚肉此套餐包含有2款日本鮮嫩豚肉，包括香嫩豚肋肉及豚里脊肉，另外還有4款豚肉包括豚肋肉、豚里脊肉、厚切火腿肉及薩摩豚香腸。當中我最喜歡鮮嫩肥美的日本豚肋肉，烤熟後豬肉相當鬆化。🐓日本雞肉此套餐包含有2款日本香滑雞肉，包括嫩滑雞腿肉及啖啖雞胸肉。🐟海鮮有3款新鮮時令海鮮，包括鮮甜帆立貝、鮮味大蝦及爽口墨魚。🍤特選料理還有多款特選料理如惹味香脆的炸薯條配黑松露醬、脆口嫩滑的吉列炸蠔、滋味炸雞及鮮味脆口炸蝦。🥬蔬菜配料有11款款新鮮時令蔬菜配料如西生菜、洋蔥、南瓜片及杏鮑菇等豐富配料。🍲熟食有多款熱炳炳的即叫即製的特式熟食，當中包括辛辣牛肋肉拉麵及牛肉石頭鍋飯等。今次我點了辛辣牛肋肉拉麵，拉麵麵質爽口彈牙，湯底辣度適中，充滿濃厚牛肋肉味。🍨甜品有多款高質日本雪糕任君選擇，有井村屋宇治金時雪條、雪糕三文治、樂天朱古力脆皮雪條及雪糕杯等，還有滋味自家製甜品杯如楊枝甘露小杯、野莓奶凍小杯及Oreo木糠布甸小杯等。🥤飲品有多款飲品任君選擇，包括多款罐裝飲品如可樂、無糖可樂、忌廉汽水等，還有多達8款自家製飲品如西瓜紅莓茉莉茶、美人果茶及甘荀蘋果美人水等。醬料方面，有自家燒肉汁、黑椒及香鹽！總括而言，此日式燒肉放題食物質素高，有多款新鮮肉食選擇❗餐廳地點鄰近銅鑼灣站，交通方便，是銅鑼灣內必到的高質和牛燒肉放題之選❗🔖總體評分：美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕…Read More

放題吃得飽之餘也想吃得有質素，主打和牛的燒肉餐廳早在開幕時已對它虎視眈眈，那晚終於有機會與男朋友品嚐，經過用餐體驗後，我倆一致認為不論食物與環境也不負期望，同樣優質！甫進餐廳，便看到來自不同產地的和牛存放在凍櫃中，每件真空包裝並貼上日期標籤，不但看到和牛的肉質與新鮮度，還得悉儲存方法正確，令人更放心更期待品嚐和牛一刻。收銀處旁還掛有今批黑毛和牛的產地與編號，提供到簡單和牛資訊。場內那純白的裝潢加上木系的配搭，整體感覺帶出日本的簡約和諧感，紅色霓虹燈招牌在潔白整潔的環境下顯得更出眾鮮明。我倆安排就座6人卡位確實寬敞，枱面亦十分寬闊，擺放了秘製醬汁、鹽及黑胡椒，用具方面每人提供筷子、碟、紙巾、濕紙巾、鐵夾、醬油碟及小圍裙。餐廳有combo A至 F 6款套餐供應，食物款式隨套餐價錢增加，我倆選擇價錢中等的combo c試試，包含72款食物、小船盛合及木桶盛合各一客。小船內有2款牛肉、豬肉、雞肉、扇貝、海蝦及蔬果，肉類新鮮色澤紅潤，所有食物都不經醃製，牛肉無雪味之餘更突出肉汁鮮味，但肉質較煙韌咀嚼需時，豬與雞肉薄切顯得較乾身而味道清淡，適合與餐廳提供之秘製醬汁一同品嚐，個人較喜愛船上扇貝與海蝦，扇貝鮮甜海蝦爽口。里脊肉脂肪比例甚高，燒後有大量油脂浸出，而且脂肪分怖平均，質感爽口入口即溶不失牛鮮，沾上自家製鹽味檸檬汁可減輕油膩感。薄切牛里脊肉色澤鮮紅，脂肪不多但分怖平均，在爐中小燙熱數秒，再沾上雞蛋與帶輕甜壽喜燒混和的醬汁，該醬甜蛋鮮更帶出牛肉豐富的肉汁。無飯不歡的男朋友就算品嚐燒肉也不忘自己最愛，白飯加上軟薄咸香海苔絲、新鮮蔥花及大隻溫泉蛋是毋庸置疑的絕配，連同壽喜燒牛里脊肉一同進食，添加牛肉汁後更惹味完滿。「炸蠔」在各大放題中已是常客，但此炸蠔卻意外地令我倆難忘，大隻炸蠔外貌炸至金黃色，即叫即炸咬下時熱燙豐富蠔汁爆出，蠔size 較大令炸粉比例減少，而炸粉與蠔未有明顯分離。2款牛舌中較喜愛配蔥花與洋蔥，燒時卷起不但進食方便，Topping還可平均分怖於牛舌上，令牛舌更有口感更鮮味之餘不過蓋過牛鮮味，略嫌薄切未能品嚐到牛舌爽口的質感。牛肋肉角燒後肉質軟腍，沾上放在枱面的自家製味噌醬汁，那咸香提升肉的惹味度。除了一貫汽水外，伴著我整頓燒肉餐是自家整果準，有甘荀蘋果美人水、西瓜紅莓茉莉茶及柑桔美人水，柑桔美水人酸中帶輕甜有助解去肉類油膩感，最後配上一杯熱茶大大減去負擔。無論有多飽滿，甜品也是不可或缺，雪櫃內大約有6款雪糕，旁邊還有自助軟雪糕機，被中本牌子吸引的我選擇了脆皮雲呢拿雪糕，一改日本雪糕偏甜的風格，香濃朱古力味脆皮包裹著實在軟滑雲呢拿雪糕，帶濃郁忌廉奶味，甜點作完結是最完美的結尾。—整體評語：食物-肉類新鮮品質甚高，色澤鮮艷不會過於雪藏亦不會出血水，所有肉類不經醃製，不但嚐出牛鮮味，更提供足夠醬料及調味料調出個人喜歡口味。值得一讚餐廳為提升燒肉質素，加入不同配搭，例如雞蛋壽喜燒汁配牛里脊肉、香蔥海苔溫泉蛋拌飯配燒肉、蔥花/洋蔥配牛舌，令燒肉變得更惹味更有層次！.服務-餐廳自助形式加上服務員忙碌送餐，所以未有自動提供服務，但服務員仍殷勤有禮，上菜速度合理，落單無走單，只略嫌自助吧醬汁有空瓶情況，未有及時補充。.衞生-所有用餐及餐具都乾淨整潔，一塵不染，沒有發現任何食物殘渣及黏立情況，餐廳亦採用無煙技術，煙氣冒出是已在爐邊吸收，煙味的確沒有伴隨回家，還提供小圍裙保護衣物，做到做到防油防煙措施。.環境-純白簡約環境感覺潔淨療癒，由如進入實驗室，晚市座位8成滿也不會份外嘈吵.抵食-套餐C款式自覺足夠，肚子也未有足夠空間逐一品嘗，500元有找能食到和牛及有質素燒物，算是一個合理的價格。…Read More