Lady 13 Kitchen (Tung Choi Street)

食咗八年了，次次去都鬼死咁多人排隊，人氣不減，喺今時今日嘅香港，一間餐廳可以做到咁真係好難得。講到食物，佢嘅鵝肝煎蛋撈飯真係一絕！鵝肝煎得啱啱好，外脆內滑，撈埋佢個豉油同隻太陽蛋，每一口都好有層次，米飯吸咗鵝肝香味，每一啖都好滿足。再嚟就係炙燒手撕雞伴雞油飯，呢道菜真係唔可以錯過！雞肉外面炙燒得香脆，裡面又嫩，配上雞油飯，味道真係無得輸，食完好滿足。西多雞翼更加係必試！炸雞翼配西多士嘅楓糖醬，估唔到可以咁夾，食到停唔到，一口接一口。最後，爆漿芝士煉奶炸年糕係完美的甜品！外層炸得金黃，咬下去瞬間有芝士同煉奶爆出，口感層次豐富，食完真係令人驚喜。總之，呢間餐廳無論環境定係食物，都令我好滿意。無論同朋友定係家人聚餐，呢度都會帶來一個好難忘的用餐體驗，真係好推介！…Read More

旺角逛街經過，剛好發現有位置，立即入去試試。首先叫了「十三飛」，即是牛肩胛、牛肋條、溏心蛋湯麵，我特別轉配六蔬配銀針粉，又健康又低卡。牛肉肩胛和牛肋條入口嫩滑多汁，肉汁和湯頭結合在一起，口感超濃郁！溏心蛋口感綿密值得加分，而且拉麵變成六蔬配銀針粉，菜的鮮甜和銀針粉的清爽口感，簡直是絕配！這道菜不僅美味，營養也超豐富！推薦給喜歡牛肉又想健康飲食的你們，絕對不會失望～另外同行友人叫了「大三元」，即是燒手撕鷄拌鷄油飯，配燒鷄叉燒，當然啦飯亦轉成椰菜花飯。手撕鷄肉質鮮嫩多汁，經過烤制後散發出濃郁的燒烤香氣，口感細嫩，搭配燒鷄叉燒的微甜和燒烤香氣，又係絕配！而且飯被椰菜花取代，輕爽清新，口感獨特～這間餐廳料理不僅好吃，而且健康，推薦給喜歡新奇料理和注重健康的你們，一定會大呼過癮。…Read More

餐廳裝潢充滿中式古典味道，主打新派港式撈飯及陽春麵，食材矜貴以平民煮法呈現，創意又惹味!!🧧- 鮮蟹粉沾麵 HK$158 🦀🍜蟹香滋味甘香美味!!鮮蟹粉非常超料加入蟹黃及蟹肉，蟹味濃郁又自然，再加入大量蟹油令香氣更濃郁，味道好有層次感。陽春麵口感軟滑有彈性，吸收所有蟹黃精華!!亦可加入蟹醋轉換口味，仲非常貼心準備了薑茶驅寒，補身又滿足!!- 大三元 HK$78 🐣🐥🐤🍚雞肉勁量套餐！！炙燒手撕雞伴雞油飯雞絲超多，伴入雞油及豉油咸香十足啖啖肉。蔥、紫洋蔥及炸蒜香氣十足，超惹味令人無法抗拒!!炙燒雞叉燒肉質嫩滑無比，出色!!- 蔥油雞腿肉串 HK$28 🐣可以不試!!蔥油味道偏咸味充滿油膩感，雞腿肉偏乾，兩者未能融為一體。…Read More

🍽旺角美食低碳之選【十三姨】上個月去左旺角我至愛十三姨 點了十三飛和大三元🥣【招牌十三飛】我另加點了18元轉了雜菜翠肉瓜麵條因為少左碳水，合乎我需要佢個十三飛的安格斯牛肩甲肉都偏瘦👍湯底都好正，都唔口喝嘅食完🥣【大三元】大三元好似好多嘢食，有灸燒雞叉燒，糖心蛋和手撕雞伴雞油飯。飯食落好惑味，不過原來用雞油嘅🥲大家取捨嚕套餐配飲品和餐前小食蝦片，好味一餐，值得推薦👍🍽十三姨 (通菜街)旺角通菜街1M-1T號華發大廈地下C號舖…Read More

真系樣樣都好食啊😆十三姨聽過好多人推介話好食既，終於去左試，去到仲要吾洗點排隊喎🤪打麻將既人去到呢度就會有熟悉既感覺啦，有吾同既食糊組合名黎做餐牌-呢間係飯好食過麵既，佢地既大三元好有特色，利用雞油去撈飯，好惹味好香口🤤，但佢地既炙燒雞叉燒口感有啲柴😕而西多雞翼都系招牌黎架❗️佢地將雞翼一分為二，可以備客人容易食用👍🏻，外皮好入味，但內𥚃就吾太入味啦～炸蠔必點，雖然size頗為細隻，但味道好新鮮，熱辣辣♨️亦都抵食😋…Read More

今次返嚟旺角開餐，旺角除咗係商場或者大街可以搵到各色其式出名嘅連鎖餐廳，其實位於女人街攤檔後面嘅地鋪一樣有好多出色嘅餐廳架。今次要介紹嘅店鋪就係靠近登打士街果邊嘅女人街嘅「十三姨」喇！😉聽個店名咁特別，原來佢提供嘅嘢食好多都係圍繞住「十三」E個稱號嚟命名架喎。例如「十三么」同「十三飛」等等，都幾盞鬼。😂我就點咗以「大三元」命名嘅雞撕雞雞油飯拼雞叉燒套餐。雞油飯食落好香，雞叉燒都幾特別，食完有啲意猶未盡添！👍🏼…Read More

繁忙時間經常都要排隊，等位都大約要30-40分鐘。入面環境走古色古香中國風，枱與枱之間比較逼。叫完野食，每一枱都會附送一杯即炸蝦片同埋兩杯熱茶(茶包)，蝦片夠脆。十三么 $66評分：★★★★☆餐牌入面就教先飲啖湯，之後再加小小檸檬汁，再根據自己口味落甜醬油。湯底本身係清雞湯味，自己個人就會加檸檬汁、小小甜醬油，最重點係加個靈魂十三姨辣椒醬（日日新鮮整），個鮮椒味將成個湯底昇華。麵底方面係粉絲拼米粉，加腸粉；配料有椰菜絲、芽菜，食落好豐富，一D都唔寡！手撕雞索埋D湯汁食好正！雞叉燒同溏心蛋就普通。大三元 $68評分：★★★★☆個飯上面佈左大量嘅炸蒜蔥花，食落好香口，用黎撈埋個飯食一流！個飯加左雞油，但唔夠咸，要加埋個秘醬撈飯豉油，但個人覺得個醬汁係普通咸豉油，將灸燒手撕雞一齊撈，好香，食落好滿足！溏心蛋做到溏心，但係冇咩味道似白烚，冇放落醬油浸，如果要加錢叫就覺得冇咁嘅必要。灸燒雞叉燒應該係用雞腿肉卷左定型再煮，最後切同燒，食落有小小焦燒味道，但個雞冇咩調味，有啲可惜。🌟總括：整體味道好唔錯，食得辣嘅朋友記得加個辣椒醬，令到個麵唔同左！而且價錢合理，如果唔洗等好耐，都好值得食！…Read More

經常我都大排長龍，今日少左人排，所以等一等，其實都好似等左差唔多半個鐘😅菜名都好特別，所以要留意下括孤嘅餸名。大三元：有炙燒手撕雞伴雞油飯，炙燒雞叉燒，溏心蛋。我覺得最特別係雞叉燒，做法似日本拉麵嘅叉燒。不過溏心蛋蛋黃冇咁熟會更好食。手撕雞油飯係日本珍珠米，加埋自家製醬料會更好味。十三飛 ： 有安格斯牛肩胛、牛肋條、溏心蛋、粉絲拼米粉 （我轉咗銀針粉）湯底濃，上面張相係安格斯牛肩胛，牛肋條我覺得好似牛腩。整體黎講都好味。無論食乜嘢，都會有蝦片。脆脆的秘制飯豉油…Read More

-{旺角港式fusion菜🫖}又黎到旺角食野😂今次係度食左個lunch~🤤大三元🤤 ($68)有麻油手撕雞 糖心蛋同叉燒配飯 店員一排都一會建議落雞油撈飯 超級香😙個精粹喺雞油但其他料一般尤其係糖心蛋 隻蛋冇乜味只係得流心🥺👖褲評: 7/10🤤西多雞翼🤤 ($34)個西多雞翼同西多嘅有啲似 自己揸得記趣不過入面唔多汁😂👖褲評: 6.3/10午餐幾抵食😙份量都好多同埋一開始有蝦片食幾搞笑😜旺角諗唔到有咩食都幾好嘅選擇😆性價比: 8.3/10服務: 7.5/10環境: 8/10🚩十三姨🚩地址: 旺角通菜街1M-1T號華發大廈地下C號舖佐敦白加士街42-50號金寶樓地下6號舖 #fuudjai #fuudjai港式 #fuudjai中菜 #fuudjai旺角 #fuudjai佐敦…Read More

今日經開旺角原本想食拉麵點知去到排晒隊唯有轉去第二間無諗過呢間咁正！好滿足我哋都喺門口等咗半個鐘先有位舖頭座位唔多但裝修都幾靚古色古香枱與枱之間都唔算好密由於我哋第一次嚟所以都嗌晒佢所有招牌食物坐低竟然有蝦片食幾好喎特別係呢間食店要排隊啱啱我真係好肚餓可以有啲嘢落下肚好貼心杯茶都幾香唔係普通茶記既茶依家d食店想啲人去嗌嘢飲賺錢嘅時候佢提供埋靚茶有心個西多雞翼簡直係不得了首先係熱辣辣仲要又脆又甜嘩 真係勁好食如果你有食過和x既黑糖脆雞翼呢度係完勝極推介！！！！！男朋友叫咗大三元（$68）一嚟到好多碟好豐富！首先糖心蛋收貨個雞卷好有雞味又滑絕對食唔到雪味再講下個飯手撕雞再加蒜片脆脆地口感好好好嘞！重點黎啦就係呢個佢個秘制飯豉油真係好好味一定要落去啲飯到！！佢係淡淡地嘅鹹味同埋有酒味神來之筆我都係叫咗招牌十三么（$68）入面有雞卷，糖心蛋，手撕雞同埋（腸粉？）雞卷同糖心蛋依然好正個腸粉唔難食但係有啲奇怪係加落去有啲奇怪係咪gimmick黎 等人容易啲記得 哈哈Btw個湯底都好正 佢跟埋舊檸檬落埋落去 好fresh好啱女仔食仲要有少少菜佢個麵底係米粉拼粉絲嚟㗎好聰明嘅做法就咁粉絲又唔夠口感但係米粉又唔夠吸湯兩樣加埋就啱晒好犀利不過唯一缺點係張枱太細咁一叫多咗嘢就唔夠擺希望可以改善下啦整體來講服務幾好，有禮貌環境都尚算好坐，地方就腳食物簡直係不得了我一定會黎試埋牛肋條銀針粉架等我我同男朋友都好滿意既一餐…Read More

一入店面，撲面而來古裝劇的客棧格調，坐下的時候已經會提供蝦片作小食，可以慢慢看餐牌再考慮餐點。點了兩款飯點 -- 大三元($68)及老闆娘鵝肝撈飯($108)，及一款飲品 -- 手作話梅可樂($13)。大三元有一個雞絲撈飯、雞叉燒及溏心蛋。雞絲撈飯，雞油香氣每啖都在口腔入面綻放，蔥花除了令菜點色彩繽紛之外還可以中和油潤口感，帶點清新味道。但是雞叉燒及溏心蛋卻有點比下去，雞叉燒有點嚡而溏心蛋很淡，蛋香欠奉。老闆娘鵝肝撈飯十分有驚喜，煎蛋焦香流心，撈飯一流。自製的XO醬為味道的主要來源，香辣惹味，份量味道剛好，沒有常見的過咸的問題。重點的鵝肝煎得外脆內軟，入口油潤甘香，份量亦毫不吝嗇，配上惹味的撈飯，令人回味。手作話梅可樂味道特別，製作亦很有心思，有點似沙示的味道，可能不是這個年代的飲品，可以試下但不會再點。…Read More

早排已經食過一次十三姨，俾佢個雞絲撈飯深深咁吸引住，今次決定再黎回味一番。呢間餐廳常常爆滿，不過呢排疫情就少啲人排隊，我今次平日七點入座都唔需要排隊就直接入到去。大三元個人最中意呢個雞絲撈飯，配合蔥花同埋炸蒜，成碗飯好香好下飯，唯一就係有啲油膩。糖心蛋就正常發揮，雞叉燒肉質都算幼嫩。但係我會覺得再濃味少少會好食啲。炙燒雞叉燒湯陽春麵呢一款本身係米粉，朋友轉左陽春麵。湯底覺得係用新鮮雞炮製而成嘅，唔似出邊嗰啲味精湯。至於個陽春麵我覺得就一般，同平時喺超市買返嚟嗰啲白掛麵煮出嚟口感差唔多。椒鹽魷魚鬚雖然佢包住一層麵包糠，但係炸出嚟成條魷魚酥係霖身的，唔脆。個人覺得麻麻地。…Read More

黎一個餐前小食先熱茶+七彩蝦餅脆卜卜！🍛老闆娘鵝肝煎蛋撈飯三大塊鵝肝加自家製XO醬足夠大叫「老闆娘加飯。唔該！」SORRY!! 加飯要加錢架XD不過呢~呢個真係加多個飯都完全冇問題鵝肝好重油脂 好香加埋個XO醬 再加隻蛋........oh my god!!!!🍛大三元醃過既炙燒手撕雞絲 鹹鹹地配上大量蔥花+蔥油平時慣性「走青」既小編都出奇大讚好味🤤事關蔥油帶出粒粒米飯香再配上微辣既自家蘿蔔醬汁送飯一流！真係食到停唔到口…Read More

「十三姨～～」 當你聽到十三姨呢個名，你會諗起咩？淫賤搞笑的毛舜筠還是氣質美女關之琳？我就會想起位於旺角的一間名為「十三姨」的食店。此店主打濃雞湯手撕雞陽春麵，亦有手撕雞雞油飯，而且仲有串燒供應！裝修亦是古色古香，以木材為主調。未叫餐前先有小食蝦片奉上，蝦片脆卜卜，可以一邊吃一邊等待。但我地只吃了幾片，食物已經送到。大三元包括有炙燒手撕雞伴雞油飯，炙燒雞叉燒，溏心蛋。調味料亦有秘製飯豉油，先試一口未有加味道的原味，感覺淡了一點，於是再加秒製豉油，豉油比較淡色，亦不算濃味，配合雞油飯恰到好處！老闆娘鵝肝煎蛋飯鵝肝煎得金黃，但吃不慣有點辣的飯！雖然食到好飽，但仍然可以食到一粒飯都無！呢間食店絕對可以encore!…Read More

張寶仔之前已經食過兩次啦，因為張生好鍾情於呢度嘅大三元飯，所以一於推介俾大家食啦！星期五放工之後發現原來係要排隊架，不過排咗大約15分鐘就可以入去都算可以接受！一入到去佢就會送一個蝦片同埋攞杯茶俾你，感覺唔錯，跟住先慢慢點菜！大三元($68)張生諗都唔使諗就叫咗個大三元，佢好鍾意個雞油飯底，非常之香，完全清晒成碗飯，但佢覺得啲雞扒肉就麻麻哋啦⋯⋯雞絲湯粉麵($60)隔左差唔多半年，寶仔又揀返呢一個麵食，都仲係覺得好難食，個湯咸到不得之了，係喊到食唔落嗰種，我諗我真係以後都陪唔到張生食嗰個飯啦，因為寶仔唔係太鍾意食飯㗎，而呢度嘅湯底做得真係比較咸，但見到隔離枱嘅人竟然喺度飲湯。。唔知係咪我哋兩個嘅問題呢，因為我哋都覺得個湯好鹹。。…Read More