Sekai no Yamachan Japan Restaurant

平日去食 大概7點左右既時間 吾需要等位 可以直接入位 餐廳系地下一層 裡面風格系傳統居酒屋 燈光偏暗既環境 座位都闊落 同隔離枱既距離吾算好近一入座我就即刻叫左招牌既夢幻雞翼 上菜速度十分快！紅味噌味道吾錯  吾會太咸  烏冬份量都夠2個人食 裡面都有竹輪 雞蛋 紅蘿蔔 同蔥 雞蛋卷 蛋味幾香 配上蘿蔔蓉同豉油 幾好味最後叫左個甜品 意外地好好味 份量有3粒 有附上牛油 食落又脆又香 裏面既紅豆蓉甜度適中…Read More

朋友知我鍾意食雞翼特登推介呢一間等我去尖沙咀試吓今次去 世界之山 夢幻雞翼到達餐廳時間大約7點半鐘入邊客人就唔算多基本上唔使等位就可以入到去夢幻雞翼餐廳都幾貼心同一款雞翼可以揀唔同數量又會有一張餐紙教你點樣食雞翼咁我同朋友就非常小心啦叫咗五隻試吓味先打算如果好食呢就大量吸入雞翼尺寸比較細外皮炸得唔算太脆調味非常之日式 唔算太特別所以食完五隻我哋就再冇落單鐵板蛋配蝦餅雞蛋蛋漿唔算多，非常之薄再用鐵板煮嘅時候好容易煮到雞蛋過龍雞蛋唔滑蝦餅好淋唔脆一放入口口水接觸到蝦餅已經變咗漿都幾黐牙所以食咗兩日就轉場去第二間餐廳再食過…Read More

【世界の山ちゃん 】🇯🇵 屹立尖沙咀多年，聽日本朋友介紹，得知呢間居酒屋原來喺居港日本人圈子好有名氣，以招牌「夢幻雞翼」打響名堂，香港亦只此一店，經常都要排長龍 👅下午5/6點嚟到，目測已經見到有3枱日本客，餐廳裝潢別具日本風味，牆上掛有日本掛畫，食物價錢大眾化，座位寛敞舒適 👏🏻🐔夢幻雞翼/15pcs🥚香煎鰻魚雞蛋卷🍙香炸竹輪海苔卷🥘名古屋鐵板炒麵🥃茉莉梅酒加冰📍世界の山ちゃん (尖沙咀)尖沙咀金馬倫道57-59號金馬倫中心地庫…Read More

成日行過尖沙咀都會睇到呢間舖頭，之前夜晚經過happy hour要排隊入，但而家疫情關係5:00pm左右經過見冇人排收入咗去。舖頭啲枱其實都隔幾遠幾闊落，周圍貼曬日本style posters介紹返名古屋，入面仲會一路播住啲日文歌，仲有Arashi🥰！！整體都好有日本🇯🇵嘅感覺，聽講連舖頭主理人都係日本人嚟㗎！呢個時間唔算太餓，所以叫左一客雞翼、一客意粉同燒酎梳打。枱枱都一定會叫既招牌夢幻雞翼，5隻為一客（$48）。餐廳仲有食雞翼教學，要先食雞中翼再食雞翼尖，入口好香既胡椒味，好脆送酒一流，配埋chuhai真係可以食多幾碟！飲品方面叫左杯沖繩香檬汁燒酎梳打（$48），好清新淡淡嘅燒酎味，好易入口，女仔都一定鐘意飲！主食就叫左名古屋鐵板拿破崙意粉（$78），係配料有洋蔥、青椒、腸仔既乾炒茄汁意粉，呢道菜係日本人鐘意既偏甜茄汁口味，上菜時餐廳仲會配埋芝士粉同辣椒仔，加少少惹味好夠！希望疫情快啲過去，可以約埋成班朋友傾計飲酒食雞翼！…Read More

有鑒於近日思鄉情緒特別高漲 所以連續幾篇食評都係寫日本料理 今次就係掛住名古屋山哥名古屋雞翼係當地名物 香港原本有兩間分店 而家就只係剩返尖沙咀一間其實佢哋嘅手羽先(夢幻雞翼)味道唔錯 有日本本店八成以上水準 其他料理都不俗 但就唔知為何顧客唔算好多 晚上黃金時段都唔坐滿人 但正正係咁樣反而可以慢慢坐低 一邊食雞翼 一邊飲啤酒 一邊同朋友傾偈 唔會限時限刻要還枱 非常寫意食住夢幻雞翼 發覺可以慢活一點傾下偈 就決定加單 再叫咗一客炙燒鰩魚翅 食落好似暖嘅魷魚絲咁 蘸上芝士醬來佐酒一流👍之後再叫咗一客味噌烏冬鍋 上菜時熱辣辣 入面好足料 有麵筋 雞肉 生雞蛋和烏冬 再配以味噌湯底 抵食然後友人再叫一客雞皮餃子 出奇地好食 不需兩秒已清枱其實以佢哋嘅食物質素同種類 喺香港應該可以站得住腳 尤其是而家冇得去日本 當係一個精神食糧 所以要多多支持💪…Read More

經過「山哥」好多次，一直都想試下呢間嚟自名古屋嘅居酒屋，今次喺尖沙咀諗緊食乜嘅時候終於諗起佢啦！餐廳喺地庫，沿住樓梯一路落去真係似去咗日本居酒屋，平日嘅晚上8點唔多人，坐得非常闊落。我哋兩個人叫咗：夢幻雞翼 5隻 （$48）～ 招牌雞翼又真係幾惹味又唔油膩，簡單嘅椒鹽味已經令人食唔停口，用嚟佐酒一流，想encore!鐵板蛋配蝦餅 （$58）～ 個蛋火喉唔錯，用鐵板上都唔會過熟，入面仲好滑，同大板燒風味醬汁好夾，蝦餅略嫌唔夠脆。味噌烏冬鍋 （$78）～ 湯底係日式嘅傳統味噌口味，湯底夠香濃，配獅子狗同炸腐皮，烏冬口感都唔錯。我哋仲叫咗啤酒（$50）同清酒（$45），呢餐每人食咗$150 ，雖然餐牌嘅選擇唔算好豐盛，但食物水準唔錯又比到你一個舒舒服服嘅地方可以把酒暢談一晚🍻值得一試！…Read More

依間餐廳既枱好細，肥小小或者攞得太多野都好難坐，我地兩個人叫兩個煱（每個份量唔算好大），佢都已經唔知點放，好采餐廳既店員都好識做，同我地轉左張4人枱，咁我地D 食客先會再反黎傢麻雞翼同雞翼尖中間舊骨好輕易就可以扭開，好方便女士們進食份量略為少咗D, 加多少少鹽會更出色個煱好淺， 好快就滾瀉， 要小心翼翼先可以攪得 勻， 唔係面頭既餸會冇味，底下既餸又會太鹹唔係太重既咖哩烏冬依個本身餐牌冇得叫，要另一個手寫餐牌先有，不過魷魚好韌， 好似炸完留左氣咁……Read More

以前喺尖東呢頭返工，都會經過呢間日本野鋪頭，但成日啲人我都排到上地面，今日見唔使點排隊，就去試吓啦😍😍佢入邊嘅餐具都好有特色，筷子圖上面都有漫畫教你點樣去食雞翼，睇唔明唔緊要，餐廳有另一張用中文寫嘅雞翼說明書，好貼心啊！😆😆我哋唔係話特別肚餓，所以就嗌左少少野，夢幻雞翼五隻$48 ，炸芝士$48 ，同埋一個豬肉鐵板燒$108首先雞翼好快上枱，唔好睇佢細細隻，都幾多肉，而且佢打得好好，調味又好味，唔經唔覺好快就食晒，有少少醬油味加調味粉，真係幾好味😋然後上枱嘅咋芝士就不過不失，都炸得幾好，唔會話好油膩，芝士就無乜拉絲效果臀肉鐵板燒上枱嘅時候有大約五六片豬肉，加上好多好多好多嘅蔬菜，雖然佢話鐵板燒，但其實個底係有湯汁嘅🤪大概煮左5分鐘之後，菜都開始軟身啦，我幾中意佢個湯底，少少辣，好啱送飯，而且佢嘅豬肉應該係日本產豬肉，食落都特別好味啲🥳🥳…Read More

夢幻雞翼 💲144（15隻）❌ 可能我唔識欣賞 但成$10一隻又乾又鹹既雞翼都幾肉痛😫 如果真係想試味的話叫最少5隻可以了 除返每隻都係同價西尾抹茶炒飯 💲58❔ 抹茶炒飯同預想一樣係冇綠茶味嘅😂 不過炒飯飽肚🍵👅Taste：3/5💰CP值：2.75/5🙋🏻‍♀️Service：3/5👁‍🗨Stylishness：3.25/5…Read More

男朋友成日經過尖東都同我講話幾好食，今日終於去左，第一次食到夢幻雞翼，究竟有幾夢幻呢？叫左5隻［夢幻雞翼］，食第一隻既時候，食落其實偏鹹，不過食多隻會覺得又幾好食，可能因為味精好多同有少少辣關係，又幾好食。［關東煮］蘿蔔好林好食既［味噌烏冬］好入味［炸芝士年糕］普通…Read More

其實一早就想試，話晒係名古屋名物~睇過下食評都大概心裡有數，不過作為一個為食妹點都想自己試下先死心 XDD我地2個人叫左3樣野同2杯野飲首先係必食名物：夢幻雞翼味道泥講其實唔錯，夠重口，送酒應該好適合！不過如果好似我咁就咁食就覺得只係撈左一堆味粉上面…太鹹…而且隻雞翼好瘦…炸到有d乾…唔差既~但係一定唔叫好食lo跟住係真心推薦既味增烏冬鍋，呢個就好好食wo！味增夠濃，烏冬又唔會林晒，配料吸左d味增湯好正！最後係吉列火腿扒，講真加埋個sauce幾好食，不過唔知點解塊火腿可以整到咁乾…um....但係又唔太影響味道既~不過不失咁啦~野飲方面叫左維他命力量(櫻桃汁+西柚汁)同可樂，個可樂明明問左係罐裝先叫…點知係杯上…仲要$28…有d被騙既感覺…杯維他命力量，唔可以話難飲，但係我期望會甜d…同埋一d櫻桃味都無…只係一杯多冰西柚汁…講真d野食咁鹹你比杯咁既野我其實同水無咩分別…總括泥講，味道就不過不失，但係無想像中咁好食，如果想同朋友飲野吹水都不失為一個好地方！…Read More

我諗冇乜人會抗拒食雞翼，我都唔例外。朋友介紹話佢啲雞翼好好食，梗係黎試下啦！餐廳有教點樣食可以將雞中翼兩條骨中間既肉一次食晒。跟住佢既教學黎食，真係得。夢幻雞翼炸得好香脆，好香胡椒味，辣辣地好惹味。不過略嫌有啲乾，食得多既話好熱氣，所以最好叫杯啤酒下一下火。黑色雞翼有日式醬油，甜甜地，幾好食因為有醬油既關係，肉質唔會乾，亦都冇咁熱氣。鰻魚雞蛋卷好香滑，加少少豉油，好食呢個意粉有腸仔、洋蔥、青椒同蛋。味道冇咩特別驚喜，但加左芝士粉會好味啲啲，但整體黎講一般。我好少飲清酒，見佢有熱既清酒，覺得幾特別就叫左黎試下。個人覺得一般，因為好似消毒藥水咁，唔啱飲。有唔少日本人都係度食，所以應該幾正宗。佢既雞翼又確係唔錯，鐘意食雞翼既朋友，真係要黎試一試！…Read More

同學聚會，選了這裡(選這間因爲我有過敏，其他餐廳我都易出事)。在地庫，走了後面進入，因為正門難搵。說回食物，一行7人點了以下這些。應該話吸引人、可以選的不多。出名的雞翼當然要點，有3款：夢幻、塩燒、黑色。夢幻的不夢幻同埋好鹹、塩燒唔鹹但佢冇乜味、黑色就係甜的反而味道都算ok。不夢幻的夢幻雞翼。其實係好乾身，我鍾意有番d肉的。冇味的塩燒雞翼呢個黑色雞翼ok，係甜醬油味，但得3隻唔夠分。其他的都只是一般，都係偏鹹同濃味。好得意在日式餐廳有台灣炒麵。咁多碟最好味係香煎雞蛋卷，夠熱夠滑。跟住佢食係勁麻煩，都係用番自己的港式食法。都算貼心有個罐放骨，不過我覺得佢似啖罐多d。這炒麵好一般，鹹。壽喜鍋都係鹹。呢樣ok，不過不失。簡單的反而最穩陣，雞扒飯味道不錯說。全晚呢個蛋卷最好味道。我想食多次。味噌烏冬。鹹，濃味係正常，味噌嘛。台灣炒麵。如果我去日本的話，唔會點囉。但其實味道係ok的。食物方面，雞翼同主食堅係一般，某些小食有驚喜。飲品的名稱都幾特別，有杯叫村姑，有杯叫活力energy什麼的，都幾搞笑(其實係普通飲品)Again，友好共聚，我重氣氛多些，有個地方舒服些，大聲講野又唔驚嘈到人，呢度會係個好地方。至於食物嘛，在這裡就不要太高期望了。…Read More

尋找到名古屋之美味7 月尾去左轉名古屋, 試左當地的特產名物手羽先, 發現我地原來香港都有分店. 一於試下. 人山人海等位, 好彩我地算早食, 唔係等左好耐. 我地叫左個味噌烏冬鍋味噌味道的確同日本名古屋好似, 味濃.  夢幻雞翼的確係大家的至愛, 眼見枱枱都有叫. 同響名古屋時食的手羽先一樣味. 無就香港人而改到味道. 兩個人食5隻唔多夠. 飲品價錢比較貴, 飲酒好似抵少少. 地點唔難搵, 之前係落樓下機鋪. …Read More

第一次黎食既時候，銅鑼灣分店都未開，不過之後黎食多幾次都係黎番尖沙咀食今次平日8點幾左右黎，都有人等緊，咁就一路睇住menu一路等啦~等左10分鐘左右都有得入去嚕睇咁多食評都係推薦夢幻雞翼($48)同咖喱烏冬($78)，除左依兩樣之外，今次仲嗌左鰻魚雞蛋卷($78)，同兩杯嘢飲夢幻雞翼不愧係依到既招牌味道特別，但又出奇地夾，又夠脆，送酒一流係出面食唔到既雞翼咖喱烏冬咖喱味十分濃郁，入面既料吸晒咖喱湯，好入味鰻魚雞蛋卷就比較普遍，雖然雞蛋都算滑溜，但係就欠缺左鰻魚既香，整體都唔太夠味:(兩個人share三樣嘢，食晒發現唔夠飽，又想再試多款雞翼，就嗌多左個塩燒雞翼。相對夢幻雞翼，塩燒雞翼較鹹，味道無乜特別，唔算出色。早知就嗌多個夢幻雞翼依到既嘢飲起碼都要差唔多$40/50一杯左邊既係水蜜桃酒，飲落去有陣陣既水蜜桃味，又唔會太甜，好飲右邊係朋友嗌既，唔記得叫咩，但佢都話幾好飲埋單兩個人加埋$350左右，份量唔多，晚餐嚟講唔算太飽。下次會食啲嘢先再嚟食咖喱烏冬同夢幻雞翼…Read More