SOYmart by 豆乳狂人

呢日lunch好肚餓又好想食甜嘢，於是就嚟呢間又有粢飯又有甜品嘅舖頭😙 呢間分店有座位，咁就食得非常方便啦 。多芒小丸子呢個係非常經典嘅芒果甜品，最鍾意就係佢煙煙韌韌嘅小丸子，配埋西米、芒果汁同埋椰奶，真係啖啖都咁滿足✌🏻 入面仲有好多芒果粒粒，用上果香十足嘅新鮮芒果🥭Oreo 奶蓋珍珠布丁見到呢個係期間限定嘅新品，就嗌咗份同友人share。入面有豆乳布甸、可可豆乳、珍珠同埋勁厚身嘅芝士奶蓋🧀 另外仲有一兜Oreo嘅曲奇碎，可以加埋奶蓋同埋豆乳布甸一齊食，入口略帶點鹹香，底下嘅豆乳布甸非常香滑，整個配搭又飽肚又豐富呀🍫牛油果鰻魚玉子粢飯之前已經試過呢間餐廳嘅狂人粢飯，今次就食佢呢個升級版🥰 入面有基本嘅肉鬆同埋油條之外，仲有鰻魚、牛油果、玉子、青瓜絲，用上鰻魚汁調味，食落口唔會太乾。呢餐都食得好飽吓，因為每樣嘢都好足料，仲有好多其他甜品同小食都好想試，下次再嚟食過😋…Read More

豆乳狂人由沙田河畔花園一間街坊小店起家，憑着各式各樣揉合創意與傳統的豆品打響名堂。單是招牌7.6特濃豆乳系列已經有逾十款口味之多，更有豆乳奶蓋系列、豆乳茶系列、狂人豆花、狂人雪糕、狂人粢飯等千變萬化。食客需要先到櫃檯付款下單並自行尋找座位、取餐及收拾。因應全新期間限定的西瓜系列，店內亦換上以西瓜為主題的佈置及壁畫。芋泥奶蓋小丸子 ($42)相比鮮芋泥豆乳，芋泥奶蓋小丸子額外加上豆乳布丁、小丸子及芋泥奶蓋，芋泥奶蓋令整體質感更加綿密稠杰。多芒小丸子 ($48)許留山全線結業後都甚少嘗到其經典甜品多芒小丸子，豆乳狂人用上鮮芒果、芒果汁、特調椰奶、西米及小丸子，味道香甜自然，真材實料可謂更勝一籌。夏日之選 ($60)期間限定西瓜系列中最豐富的莫過於夏日之選，西瓜及芒果新鮮清甜，加上芋圓煙煙韌韌，豆乳布丁嫩滑並富豆香，配以黑糖漿甜而不膩。狂人栥飯 ($32)雖已嘗過不下數十次但依然百吃不厭，糯米煙韌軟糯亦可免費轉為十六穀米更加健康；傳統配搭加入肉鬆、榨菜及油炸鬼，樸實無華但油炸鬼一如既往保持鬆脆。拉絲炸蛋 ($38)將栥飯搖身一變成為飯團，除了肉鬆及油炸鬼之外更加入芝士及玉子，經過油炸令糯米外層猶如飯焦般香脆可口。…Read More