Red Lobster (Fashion Walk)

第一次食哩間西餐龍蝦專門店，知道外國都好多人食哩間，所以搵個機會試試看，平時多數食龍蝦一定要揀任食Buffet, 始終一隻龍蝦唔平而且一隻份量唔算多。今次點選了主打龍蝦，味道還可以，都算新鮮，醬汁配搭唔錯，最有驚喜係龍蝦組合，有原條龍蝦尾再配上龍蝦汁意粉，龍蝦汁味道香濃。性價比都高。夏威夷椰子蝦$48/3隻忌廉磨菇活龍蝦$448龍蝦 &大蝦手工Pizza$88龍蝦組合$298龍蝦 大蝦 蟹肉配栗米片$128…Read More

-⧫HAPPY BIRTHDAY TO ME ;)生日飯系列⧫-美國著名的人氣海鮮餐廳Red Lobster今年又攪風靡全球的  Endless  Shrimp任食大蝦菜式 八款不同風味煮法的蝦啱哂最愛海鮮嘅我 生日飯局就決定了超熱門 極難訂位我們收工馬上walk in甜品寫碟仲會影紀念相 慶生的好選擇 ⧫⧫ ENDLESS SHRIMP⧫⧫ $258 / 90分鐘每位$258就可以任食八款大蝦的菜式鼓勵用消費劵 以支付寶或八達通付款再減$30即係$228(小童價為hk$158)加錢有啤酒任飲 仲免收加一真係勁抵 我哋試勻哂八款蝦 肚皮爆開滿足到痺-⧫車打芝士鬆餅⧫可任添的招牌名物 久仰大名終於一試芝士味濃濕潤且鬆軟 怕飽不然還想吃-⧫沙嗲大蝦串⧫ (上）烤得香口結實 配搭沙嗲醬非常之惹味啱哂重口味嘅人 伴碟酸青瓜開胃解膩-⧫意式大蝦濃湯意粉⧫ (下）意粉煙韌大蝦爽口 蕃茄加上青醬好夾-⧫干邑XO醬煮大蝦配脆米⧫大蝦煮得濃郁入味 加上脆米很有口感 -⧫夏威夷椰子蝦⧫椰子刨絲與蝦同炸 酥脆之餘更有層次配上自家製的椰香醬汁 很有熱帶風情-⧫香茅咖哩大蝦⧫是我頗喜歡的一道 咖喱辛香卻不刺激連殼大蝦爽口且鮮甜 怕飽記得叫少飯-⧫招牌蒜蓉蝦⧫  (左上）滿滿牛油香氣 蒜蓉味頗香濃份量適中-⧫惹味大蝦捲餅⧫（右上）包著大蝦肉絲配Bbq醬 口感豐富惹味-⧫辣椒大蝦配油炸鬼⧫醬汁濃稠溫和 配迷你油炸鬼頗為特別 -⧫香辣雞翼⧫ $48 / 4 pcs傻呼呼的怕吃蝦吃膩 加了愛吃的雞翼雞翼大隻飽滿脆身惹味 幾乎完全不辣-⧫巨浪朱古力蛋糕⧫ $78朱古力味濃郁偏甜 甜品的胃又打開了寫了名字點上蠟燭 店員還主動拍了照還送上相框值得一讚 難怪很多人慶生-⧫Berry Sangria⧫ $58果味濃而酒味淡 賣相很漂亮打卡一流…Read More

屋企人好鍾意食龍蝦，喺未有限聚令前帶佢地試黎自美國既Red Lobster，當日近乎full house，我地訂左位所以獲安排坐樓上，比較闊落舒適，呢度除左龍蝦外都有其他海鮮、pasta同pizza。 🍽芝士鬆餅入座前店員已將鬆餅已擺喺枱上，雖然佢只係免費嘅前菜，但唔好睇少佢，差不多枱枱都會refill，鬆餅外脆內鬆化，牛油同芝士味平分秋色，我食嗰陣係微暖，如果新鮮出爐應該更好食。🍽夏威夷椰子蝦炸粉加左椰絲，啲蝦炸到酥脆，面頭有菠蘿同紅椒粒，配充滿椰香嘅Piña colada醬，好食不過呢啲熱氣野淺嚐就好。🍽夏威夷吞拿魚塔個塔由蠶豆、醬油醃吞拿魚桶芒果粒砌成，三樣食材嘅味道同口感都好鮮明，賣相唔錯，配幾片無咩味嘅薄脆，我唔鍾意食生野所以唔評論魚生啦。🍽美式蒸活龍蝦(兩磅)龍蝦原隻上，畀客人影完相再由店員拆殼，我地嗰隻僅僅熟所以好黐肉，見店員都拆得好辛苦，淨係呢個服務都值回票價。龍蝦係北美貨，鮮甜多汁，都算彈牙，配熱牛油醬好夾，望返啲相好掛住喺歐洲旅行餐餐食海鮮嘅日子。🍽蟹肉鮮蝦扁意粉意粉好大份，仲配湯或沙律，係飽肚之選。是日例湯係南瓜湯，香料味太勁，我地飲左少少就放棄。個意粉普普通通，配料有烤南瓜、鼠尾草同果仁，鮮蝦爽口，個汁油左啲。🍽松露、芝士、蘑菇手工薄餅餅底較薄，口感似餅乾，toppings都唔少，食到松露味，但整體比較乾同單調，可skip。🍽烤焗冰島比目魚即叫即焗所以都等得比較耐，上枱見到個份量真係嚇親，足足28安士好抵食，四人分享都有啲勉強，比目魚皮脆肉滑唔腥，近尾嘅位置都幾多骨啲要小心啲食。整體黎講海鮮質素唔錯，夠新鮮仲要無收加一，員工態度都好好，會成日check有咩未上枱，龍蝦迷可以一戰。…Read More

喺雜誌見到Red Lobster 有大蝦無限任食，每位$198，我覺得非常之吸引，既然有特價就打電話去嘗試book枱，原來唔使book枱，由11:30開始，walk-in就得。上星期食飯時間我途經Red Lobster，見到有位於是乎就入去食。我哋order咗之後，店員就免費送我哋一客車打芝士鬆餅，鬆餅入口鬆化，可惜芝士較淡。另外叫咗兩杯沙冰，一杯芒果一杯香桃，味道非常非常淡，好似食緊雪一樣。大蝦無限任食包括六款大蝦，都係即叫即煮，每次只可order 4款，蝦好細隻，唔稱得上係大蝦，但都算新鮮。我覺得這個pizza 無論賣相同味道，都係pizza hut 好啲。大蝦意粉最好食，真係即叫即煮，食到最後仍然好熱，個龍蝦醬味道好濃郁。當日客人不多，侍應亦有4-5位，但唔明點解好難搵到佢哋落order， 佢哋三兩個聚埋傾偈，完全唔會望下啲客人。其中一位女侍應明明見到我叫佢佢都當見我唔到，另一位忙緊嘅男侍應提佢， 佢都唔肯過黎，直至那位男侍應忙完先過黎同我落order，你會感覺到整體服務都好鬆散。總結，只吃大蝦真係好悶，雖然每款味道唔同，味道都唔差，但唔會食得多，以這個價錢食lunch, 可以有其他更好的選擇，我唔會再黎食。…Read More

上次我生日時同男朋友食完Red Lobster覺得好正，所以今次男朋友提早成個月book定位，早幾日慶祝父親節。依家有$198大蝦無限任食，但我地都係決定散叫。首先都係有車打芝士鬆餅，鹹鹹地又鬆軟，今次冇refill到，太飽。夏威夷椰子蝦，炸蝦鋪住椰絲同菠蘿，酸酸甜甜，唔會炸到好油膩。我同男朋友揀左蒜香檸檬炒蝦意粉同大蝦三重滋味拼盤share食。兩款都配有沙律或是日例湯，我地各一都要。南瓜湯依然好飲，甜甜的又夠濃味。沙律幾大份，鋪滿車打芝士，屬於凱撤沙律，唔錯。蒜香檸檬炒蝦意粉冇side dish，好大碟，有少量菠菜、番茄仔同松子仁。我就覺得正常，可能我唔好蒜，但男朋友覺得好食，夠蒜味，只係多油左啲。大蝦三重滋味拼盤有酥脆炸蝦、蒜蓉焗大蝦及龍蝦醬大蝦意粉，兩款side dish要左黑松露薯條同薯蓉。依然保持水準，食到舐舐脷。姨姨叫左加勒比烤蝦，side dish要西蘭花同烤南瓜片，我試左一隻烤蝦，勁好食!烤得岩岩好，唔會乾，鎖到肉汁，推介!叔叔叫左海陸雙鮮既牛柳(6安士)配龍蝦尾，side dish要西蘭花同黑松露薯條。叔叔話牛柳食到鹹魚味，於是同負責人講，佢好好甘話換俾我地，呢碟唔收錢。最後改左要西冷牛排(7安士)就算，冇鹹魚味，但都係偏鹹，可能今日廚師失準。 最驚喜係負責人送左三款甜品俾我地，好有心，全部都好正。經典芝士蛋糕有兩層，上層係勁似食緊雪糕既cream，下層係芝士蛋糕，仲有我鍾意既餅底。野莓酥餅佢地覺得最好食，呢款比較多cream，所以我冇佢地甘鍾意，但都係好食既。奶茶意式鮮奶凍有驚喜，奶凍好滑，濃濃奶茶味，只係珍珠唔太煙韌。…Read More

Red Lobster推出了六月Promotion🥳🤩而我超喜愛食海鮮，所以知道有得任食Shrimp🦐當然要同男朋友仔來試試-🎈Endless Shrimp $198/person呢個大蝦無限任食分別可以選擇六款既大蝦菜式﹗而一開始每位客人可先點選其中一款既鮮蝦美食，之後就可以無限任添架啦～當然仲可以額外加$98任飲Stella Artois生啤😎-🎈夏威夷椰子蝦夏威夷椰子蝦炸到很香脆，仲要蝦上面有少許菠蘿粒，食落都幾好味，係感覺有點兒熱氣～-🎈烤大蝦大蝦上都放了菠蘿粒🤣我覺得烤得還可以的，都挺惹味的😳-🎈招牌蒜蓉蝦我都挺喜歡呢個菜式，雖然好普通但配上香蒜牛油汁，完全係可以瘋狂任食😆-🎈爆谷蝦 炸得真係好似爆谷既爆谷蝦😝香脆可口～-🎈大蝦手工薄餅這款手工薄餅係薄脆款，個人感覺很普通，不過不失﹗-🎈大蝦意粉配龍蝦醬呢個真心encore左好多次🥰因為用龍蝦醬黎煮成個味道昇華左﹗食落一點兒都唔會膩，仲會有想繼續食既感覺😚-🎈周打蜆湯 $38散叫左呢個真係好好飲﹗個湯好濃郁同埋有超多蜆係入面，好足料🤩-🔸Red Lobster📍銅鑼灣加寧街8號Fashion Walk地下地下K號舖及1樓…Read More

來自美國的Red Lobster 提供多款海鮮西餐，餐廳環境優美，兩層都用上落地玻璃採光度高☀️，海鮮性價比高，無論龍蝦或鮮蝦，都烹調出多款不同食法菜式，新鮮亦惹味🔥一磅龍蝦🦞其實份量也不惹少，肉質厚而彈牙，啖啖肉釀滿蘑菇忌廉，連伴碟的蒜蓉多士也不馬虎，配上超濃郁精華龍蝦醬汁連粒粒龍蝦肉，這個西式龍蝦吃法確是滋味🥰足20oz的「冰島比目魚🐟」Size巨型🤩，熱辣辣上桌，魚皮脆口，肉質烤焗得十分嫩滑，魚骨輕易拆走，是要多人一起分享的菜式🍴「夏威夷椰子蝦」的椰子醬味道夠清新又減膩，「蟹肉鮮蝦扁意粉」彈牙也夠惹味，「龍蝦手工薄餅」也不錯😋每枱免費供應的「車打芝士鬆餅🧀」是由店家自家製，鬆軟程度是一用手拿起就碎🤪，芝士味香濃👍🏻可惜週日午市不提供Booking， walk-in排隊需時，但要食到性價比高的西式海鮮，等待都是值得的🧡…Read More