Dimpot (Chi Sing Mansion Sing Fai Terrace)

丫妹口中經常提到「點煲」嘅煲仔飯好好食, 一search原來公司附近都有分店, 約埋同事今晚放工一齊去食返餐。果然真係冇令我失望! 絕對值得推介同埋加入encore list。餐廳內霓虹燈佈置, 令整體感覺很有香港地道風味。Menu上有數款中菜, 當然唔少得主打嘅煲仔飯!【金銀蒜開邊蝦煲仔飯】HK$88煲仔飯熱辣辣上檯, 開蓋散發香噴噴, 多隻開邊金銀蒜蝦佈面, 香蒜令蝦肉鮮甜味提升, 緊貼煲仔邊嘅飯生成了金黃脆卜卜飯焦, 加上餐廳秘製豉油, 超好味!+HK$20 追加花雕浸雞腎冷盤凍食, 雞腎很入味, 甘香香醇花雕味濃郁, 雞腎爽口唔硬。另外見到呢款燒雞勁吸引, 順道order咗, 點知同樣有驚喜!!【備長炭火燒雞】HK$198燒雞燒得金黃, 原隻上檯, 跟一張「剪雞大法」自行將雞剪成一件件, 一剪開發覺燒雞勁juicy!! D肉汁多到漏出黎!! 皮脆肉嫩正好形容呢隻燒雞, 唔洗再額外調味, 已經食到雞嘅原汁原味。…查看更多

東南西北，今日篤中呢個方位係東面！今日一路向東，走到太古城最貼地，以燒雞同埋煲仔飯聞名既「點煲」，圍爐唔一定要打邊爐，煲仔飯都得咖姐？👇🏻📌主 菜 - ▪️ 備 長 炭 火 燒 雞 - ▫️ 呢個主角「備長炭火燒雞」不得不讚，事關佢地用既鬍鬚雞非常新鮮，雖然等既時間都要30分鐘左右，但慢工出細火，一上枱真係感受到果種炭燒既香味，而原隻上會有把較剪比你逐part剪開，一般情況由客人自己搞，如果真係搞唔掂都可以好似我咁向staff求救既。果然一食落便知龍與鳳，外皮燒到卜卜脆，裡面肉質夠哂Juicy，完全唔乾，油香係口腔裡不斷徘徊，飲返啖香片解解膩，食極都唔怕滯！📌煲 仔 飯 - ▪️ 北 菇 滑 雞 煲 仔 飯 - ▫️ 煲仔飯又係必嗌，我就揀左個「北菇滑雞煲仔飯」，雞肉一件件唔會好多碎骨，可以話係啖啖肉，每一舊食落都豐腴肥美，肉質夠哂飽滿；加少少餐廳自家製豉油，撈埋黎食，真係風味十足，食到底仲有粒粒飯焦，夠哂脆口，份量岩岩好二人份，整體相當滿足。📌前 菜 -▪️ 花 雕 浸 雞 腎 - ▫️ 估唔到前菜「花雕浸雞腎」都幾有驚喜，酒味夠濃香之餘仲幾入味，雞腎個口感都幾爽脆，唔錯。…查看更多

過往煲仔飯係時令菜式，冬天總會食番煲嚟暖身，不過宜家就唔一定喇！對煲仔飯嘅聯想係要去啲好「地」嘅地方先至有風味，但原來食煲仔飯嘅地方，都可以坐得舒適兼有玩味，就好似「點煲」，舖外牆身「降龍18掌」的霓虹招牌，頗有玩味！店舖標榜No. 1首創備長炭煲仔飯，以及備長炭火燒雞。備長炭源自日本，好多日式串燒店都會用上，燒出嚟嘅食物更有木炭香，所以我都好期待用備長炭煲出嚟嘅煲仔飯。食招牌菜之前，先食咗個前菜「花雕浸雞腎」，雞腎入口帶酒香，鹹度適中，口感爽脆。金銀蒜開邊蝦煲仔飯：成煲飯上枱已經香噴噴，開邊蝦很新鮮，配上金銀蒜同幾滴自家製燒豬油，香上加香。飯粒分明，金黃色嘅飯焦，卜卜脆之餘，又帶有焦香味。備長炭火燒雞是現場即燒，需時30分鐘，食過之後，絕對值得等待！雞皮脆到不得了，拎住隻雞脾嘅時候，炭香味撲鼻，雞油滴曬落我隻手，一口咬落去，皮脆肉嫩，雞油甘香，好正😋雖然有「剪雞大法」說明書，不過我實在太雞手鴨腳喇！有勞服務員，只見佢剪得何其專業，手起剪落🤭真心覺得服務員主動同回應快👍🏻…查看更多