Deluxe Daieiki Japanese Restaurant

今日返工太忙，忙到晏晝飯都無食，收工已經8點。即刻約老公去屋企附近食日本放題。嚟到極尚大瀛喜時間啱啱好，可以食到平價時段  8：30 開始，價錢再平啲 $278/位，抵食~出面有前菜、熟食、生果可供選擇。飲品方面，選擇極多。凍飲有幾個大個雪櫃，放滿汽水啤酒。熱飲則有咖啡、紙包飲品。另有清酒、梅酒可供選擇。先極快速點刺身～ 呢間刺身種類都幾多，點左：挪威三文魚刺身、日本油甘魚刺身、 吞拿魚刺身、劍魚腩刺身魚類刺身全部都厚切😍 俄羅斯甜蝦刺身、赤蝦赤蝦夠晒大隻，彈牙鮮甜八爪魚刺身、北海道帶子刺身、北寄貝刺身、酒煮榮螺片刺身、赤貝刺身八爪魚刺身口感爽脆；酒煮榮螺片爽口黃金日式炸蝦伴居酒屋他他醬炸物上枱全部熱辣辣，炸粉好薄，好脆口。炸蝦沾上濃郁他他醬，不錯。鹽燒雞軟骨串芝麻雞翼，蟹皇蒜蓉粉絲蒸扇貝鹽燒雞軟骨味道適中，不會太咸。雞軟骨爽脆。雞翼外皮炸得金黃酥脆，配上芝麻，好香口。扇貝底粉絲吸晒味，扇貝配上炸蒜一齊食，鮮味更出。精緻鮑汁花膠盛宴，椒鹽風沙炒唐揚魷魚花膠好大塊，芡唔會太杰。魷魚鬚炸得酥脆。鵝肝壽司，酥炸自家製雲吞鵝肝就比較薄而且細塊，當過下口忍癮。黑椒蜜汁一口牛，松露翡翠野菌炒虎蝦球霸王麻辣水煮牛三寶唔好睇少呢個麻辣，以為放題會無料到。食落真係好辣，三寶有牛吞、和牛牛丸、牛栢葉。鍾意食辣嘅，不妨試試。壽喜燒牛肉鍋壽喜燒牛肉份量都幾多，仲有蔬菜底。紫心香芋丸，榴槤炸彈榴槤炸彈係我最愛，榴槤餡末料足，外皮煙韌厚度適中。鍾意食榴槤，必試。…Read More

每當想食日式放題🇯🇵，我第一時間就會諗起「極尚大瀛喜」。觀塘店我仲食過起碼五六次，因為同屋企人成日去。呢晚放工過到嚟九點，時間啱啱好，可以食宵夜時段😜，每位$268。其實只要唔太細食嘅話，基本上我覺得都抵食，因為居酒屋閑閑哋都呢個價。我哋前後嗌咗兩轉嘢食，上菜速度合理，亦無漏單👍。食物賣相大致上都吸引，而且份量適中，唔會用澱粉質塞飽你。由於我哋鍾意食飯，所以主攻壽司🍣，而唔係刺身。首先嚟一份自製三文魚盛盒，包括鹽燒三文魚腩、三文魚腩以及京蔥煙三文魚。幾款各有特色，不分高下。另外，再加芝士鰻魚玉子燒，呢度嘅玉子菜式比較少，多啲就好。其他壽司款式包括火炙蒜香牛肉、蒜香牛油大蝦以及鹽燒左口魚邊。🦐大蝦新鮮好食，肉質彈牙。左口魚有啲失望，因為帶唔出魚油香。卷物方面，我哋嗌咗牛油果加洲卷、辣味三文魚卷同鵝肝壽司。🌶辣味三文魚嘅辛辣好惹味，醒神開胃。鵝肝好細嚿，非入口即化嗰種。迷你多士好的骰🍞，麵包本身都唔錯，富牛油香、烘至微微脆，兩款口味分別為牛油果煙三文魚同龍蝦沙律伴櫻花蝦，佢哋唔乾身，啱晒配多士。跟住就嚟到熱食部份，我認為全部都好食，兼且係新鮮熱辣辣整起🔥，絕對唔會因為係任食而變咗劣食。殿堂宴客醉鮑魚同埋牛油翠玉瓜串燒係全晚最值得推介，同埋我哋Encore咗幾次。酒釀鮑魚超入味🤤，酒味濃而不烈，質感好軟稔，而且鮑魚都算大隻。翠玉瓜燒完都仲好多汁。鐵板蜜汁蒜香牛柳粒，🥩牛柳粒好正，有咬口得嚟唔韌。每粒蘸滿蒜香蜜汁，好惹味；伴旁仲有三色椒同洋蔥一齊炒香。燒紐西蘭香草羊鞍同鹽燒牛舌亦同樣出色，兩款肉質軟嫩，而且火侯同生熟度控制得宜🍖。羊鞍唔會太羶，而牛舌又有一定厚度，抵讚。每次嚟都必食壽喜燒牛肉鍋🍲，湯底充滿醬油甜香，飲完都唔覺口乾。牛肉片同娃娃菜係膽，兩樣都吸盡壽喜燒精華，而底部更墊有少量薯粉。呢度天婦羅都有得食🍤，我每樣嗌咗件，包括虎蝦、皇帝蟹棒、南瓜同蕃薯仔。天婦羅即叫即炸，炸皮又鬆又薄，蝦同蟹棒都並非頹貨。食到最後當然唔少得甜品，其實佢有成個蛋糕櫃，但已經太飽，所以淨係食咗扭扭雪糕🍦。抹茶味同朱古力味都好濃郁，而且質感唔會太稀，並可DIY加配料，啱晒貪玩嘅小朋友。飲品選擇亦係花多眼亂🍵，我比較鍾意佢嘅自家冷泡茶，無糖飲落消滯。餐廳嘅自取食物區面積幾大，所提供嘅菜式都幾多元化，包括小食、前菜、熟食、湯同炸物等🍢。雖然味道無乜驚喜，不過有得好似酒店自助餐咁拎嘢食都開心嘅。總括嚟講，極尚大瀛喜保持一貫水準😁，放題質素之中佢算好好，食物款式同味道均令人滿意。餐廳現時採用QR code落單，唔使再搣紙畫紙，方便好多。佢嘅餐牌定期會更新，就例如連近期大熱嘅酸菜魚都有得食！…Read More

食放題要求高質.又要交通方便及CP值極高的實在好難得.今日介紹大家觀塘地鐵站附近有間極尚大瀛喜日本高質日式放題.呢間放題已經開業多時.一直有固定讚賞及推介.OpenRice都有630個推介.今天因為要就家人放工.所以我哋卜咗晚上七點至九點成人放題$288 X 3位.我哋準時入座.呢度係用QR落單.今晚我哋食啲嘢太豐富.款式太多.包羅萬有.所以今晚食評唔會逐一介紹.只能覺得食物差劣才會展示給大家.但今晚我哋食咗太多款式.好彩都仲未有食物差劣.呢度食物品質唔錯.用2佰幾蚊食到咁多款式又高質食物.實在超值之選.今晚食物相片太多.只能在此上傳10多張相片給大家作為參考！…Read More

最近好多朋友生日，不停食放題😂，今次就食上次講過勁好食個間既分店，啲野食基本上都差不多一樣，係自助區唔同小小🤣環境方面，都係好大坐得舒服既，不過行岀去自助區多人既話就要小心啲行喇～-星期一至四：💵5:30-7:30 $248/位✨另收加一-💕 自助區前菜、炸物、熟食、海鮮、凍熱飲品、甜品、自制雪糕🍦.前菜：除左平時會見到個十幾款前菜外，前菜部上面仲放左menu冇既軟殼蟹卷，炸得香脆加上沙律醬，仲有日式櫻花蝦豆腐，正🥰.炸物：泡菜餃子、章魚小丸子，章魚小丸子入面有2粒章魚仔🐙，唔會好粉感👍🏻.熟食：豉椒炒白鱔🥰必食‼️好食過岀面大排檔個啲😨豉椒味勁濃，白鱔魚皮煙韌彈牙😍肉質嫩腍唔算多骨，拎左幾次，好惹味勁正😍🥰.自制雪糕🍦：依間雪糕就有朱古力味🍫同綠茶味🍵，配料就係夾糖有個啲軟糖同朱古力🤣。-💕 煮物壽喜燒牛肉鍋：必食‼️好多人放題唔敢食鍋物咁飽肚既野，但佢其實份量唔算好多，配料有3-4塊牛肉、娃娃菜、金菇、豆腐，湯頭好香甜😍上菜個陣牛肉仲係粉紅色，所以唔怕浸耐左會鞋，牛肉肉質好嫩腍，娃娃菜都好爽口，入哂味，好正😍-環境：7/10服務：7/10整體味道：7/10回頭率：7/10…Read More

係亞太中心既co working space 做野到午飯時間就去樓下既大瀛喜試下個午市套餐午市套餐以壽喜燒黎講5係太貴，68蚊送壽司加沙律飲品任食算係好抵壽喜燒湯汁甜甜地幾開胃同好送飯，肥牛片算薄容易入口，成個鍋係幾好食飲品選擇都多，有平時韓燒提供既韓式飲品…Read More