Together (Sai Yu Street)

對個人來說,認識元朗緣聚是有些故事;相較於幾年前,很多事情確是物換星移,但餐廳依然屹立;這次好友約局元朗晚飯,湊巧是選了這間;由於好友早於我到達,所以我搭巴士到元朗大馬路落車之後,根據Openrice大神的地圖功能指引,加上略有的印象,很快就到了;雖然餐廳位處地庫,但抽氣系統良好不侷促;而且一進入餐廳,職員即時幫客人量體溫,是令人安心用餐的好措施!樓底有一定高度,餐枱凳的排列很闊落,加上燈光很柔亮,安座當中确是很舒服!全個落單過程用手機掃二維碼進入官網去選擇食物,方便快速又準確!由於好友先看過一遍,等我看過就可以集中落單;綜合來說,所有食物之中,我覺得刺身類最有看頭,其次是燒物類;而且,還有火鍋供給客人;好友與我的首選當然是刺身,待我們品嚐過之後,同樣認為是很新鮮有質素,而且是真正的任點任食,加上菜速度很快,份量亦很適中!當中的鮮帶子刺身,中拖羅刺身以及紅螺片刺身,竟比某些酒店的自助餐同類食材更有質素!鮮帶子刺身,口感綿滑中透出爽勁,沒有雪水或腥味,蘸上芥末及醬油後,在味蕾上呈現出濃濃的海潮氣息,加上甜甜的回韻,配上任飲的甜美清酒,一下子就令人愉悅!中拖羅刺身,油份適中,而且肉質亦嫩滑,細意品嚐之下鮮味四溢,也是搭上清酒之後,其味是鮮上加鮮!紅螺片刺身很爽彈,本味濃郁,此味配上任飲的啤酒更突出鮮甜味!另外,鮑片亦有相當質素,切成的厚度適中,易於品嚐,令其鮮味更好地釋出!此外,以任食壽司來說,竟然有中等水準;尤其和牛壽司,令人驚喜!和牛的選料本身較優質,壽司的飯團大小比例也剛好,估計是經過輕醃的和牛,擺上蒜子後用火槍炙燒之後,上枱時還能聞到這種誘人的煙燻味!入口輕嚼幾下,油潤的和牛已臻溶化之境,厚重的味感與珍珠米飯團形成剛柔並濟的美味!北寄貝壽司較為突出鮮甜味,中拖羅壽司有更飽滿的質感!海膽手卷中的海膽也說得上鮮甜,但紫菜不夠脆口,影響了整體口感;拖羅軍艦反而十分好,有著近似廚師發辦的質素,色香味皆齊備!炸物類的天婦羅大蝦做得甚好,脆漿夠薄身,鎖住大蝦的肉汁,令其既爽脆又帶點綿滑,份屬海洋生物的鮮味在味蕾上蔓延!番薯天婦羅脆口之中又很甜美,本味很濃;蒜蓉燒蠔略為遜色,原因是個頭太細,未能嚐其真味;與好友一邊品嚐食物,一時間也過得很快,轉眼已來到最後的食物環節--西日式類及甜品;我們點選了煎羊排,大蝦,鐵板牛柳粒以及炒雜菜:鐵板牛柳粒上來時熱氣騰,醬汁味豐厚,牛柳粒質地也彈牙,算是不俗!煎羊排肉質油潤嫩滑,本味濃郁卻沒有羶味,處理得非常好!而煎大蝦肉質結實,有著豐富的蝦膏,煙燻味加上鮮味令人滿足!難得的炒雜菜也有蔬菜鮮甜味,在口感及營養角度上是很好的平衡!雖然甜品的選擇也不少,但由於好友出與我喝了不少酒,食了很多食物,已撐不下了,就此别過!整體來說,緣聚的用餐環境氣氛不俗,而且人均二百多港幣有如此食物質素,令人滿足,确是可以一再光臨!…Read More

今日和媽媽要到元朗探親戚，本身是一起食午餐，但親戚臨時有時要做，要我們等等，轉而改食晚飯。我們空着肚子，忽發其想想食lunch 放題，順道打發時間。於是就上OpenRice 找找元朗區的放題餐廳。一找就找到在我們附近有一間「緣聚西日餐廳」，正合我們心意。「緣聚」內裡位置頗大，在星期六的中午時分都有不少街坊捧場，看來受人歡迎。餐廳以電話QR Code 落單，非常方便。第一時間當然是看看有什麼食物。↭ 1. 刺身放題就當然少不免刺身。緣聚的刺身都相對新鮮，每一款都是以冰凍的狀態呈上。我們每款都點一些試試，當然包括有三文魚、帶子、甜蝦、象拔蚌等等。↭ 2. 壽司食完刺身，就當然要試試這裡的放題壽司。與其他的放題相比，緣聚的壽司做得料多飯少，對於放題來說十分重要，可少減少飽肚感。我會覺得佐口魚裙邊壽司、黑松露三文魚腩壽司都是相對出色，我們都encore 了兩次。↭ 3. 雞軟骨串燒愛雞軟骨之人，就會嚐得出串燒和炸雞軟骨的分別。緣聚兩樣都可以選擇，但我和媽媽都一致認同串燒是更為好食，所以可以不停encore。↭ 4. 燒三文魚頭燒物來說，三文魚頭絕對是沒得輸。三文魚頭既大份，又啖啖肉，燒過後外皮脆爽而內裡三文魚肉順滑，非常好食。↭ 5. 天婦羅天婦羅都是十分不錯，因為是剛剛炸起，一定要趁熱食。↭ 6. 飲品 ｜ 甜品飲品類都是應有盡有，值得一讚的是這緣聚還提供自家水吧，可以點平常茶記的凍、熱飲。甜品的話，必推雀巢的煉奶雪條，平時買都要$10 一枝。中午時段的放題是無限時的，食完可以慢慢坐，休息一下。…Read More

為慶祝肥表弟11歲生日，約埋呀豬媽一齊去緣聚西日餐廳食餐飽嘅🤗呢度放題依舊，款式多，有日式又有西式，仲有得打邊爐添，CP值高，2人同行一人半價都幾抵食。餐廳冷氣非常夠，打邊爐的話就岩岩好。搵左個卡位坐，其實舒適闊落嘅，只係我地叫得太多野食，枱都唔夠放，哈哈。不過店員好好，會不時過黎幫手收碟，聽到我地有野未到，又主動追單，有禮貌又好殷勤，thank you❤入門口就有一排雪櫃放滿各式各樣嘅飲品。而家餐廳用電話掃QRcode點餐，豬幾喜歡，方便快捷🤗刺身正，好新鮮，點左三文魚、甜蝦、帶子和象拔蚌等，三文魚切得夠厚身，入口鮮甜有魚味。甜蝦同帶子新鮮肥美多肉，肉質結實彈牙，口感一流！金黃色嘅天婦羅，入口唔會感覺油膩，脆漿面層鬆化。熱辣辣嘅蟹粥，俾呀豬媽食，粥底綿綿的，蟹味濃郁。濃湯煮蜆，蜆肉鮮甜，湯底帶有酒香味，酒香撲鼻！蒜香牛柳粒，encore2次，牛柳份量十足，脂肪比例平均，外脆內軟，牛味濃郁。黃金雞軟骨，外酥內脆嘅雞軟骨口感豐富，加上樸實簡單嘅調味，減輕油膩感。漢堡扒，雞扒同燒羊架，食落非常香口同入味，肉質嫩滑多汁，當中羊架燒得再金黃色，表弟愛上❤同呀豬媽一齊再黎一件。壽司有水準，份量細細件，咁就可以試多幾款喇。Order左幾款，當中有鰻魚、帶子、蟹肉、火灸三文魚壽司，賣相味道都唔錯。日式蟹皇翅，足料碗仔翅，熱辣辣，正。甜品選擇多，甜品櫃差唔多有十款，蛋糕，布甸，豆腐花，啫喱，各式各樣都有。行多幾步隔離就係雪糕雪條，仲有部雪糕機同爆谷機，表弟畢左一碗，我地食行傾下，又幾好食，叫佢拎多碗😂另外可以點自家製海鹽雪糕同焦糖牛奶雪糕，細細個喺豬嘅最愛。走時經過有d cardboard for影相，生日影一張都幾開心🥳…Read More

父親節當日周街都full booking，幸而緣聚尚有少量座位，想起幾年前吃過記憶中質量還不錯，便毫不猶豫訂座。父親節1700的價錢是$228/位，連加一約每人$250。選擇還挺豐富，飲品除了罐裝飲品外，還可以叫水吧即沖，可以點港式奶茶等沖調飲料。咸口內裝潢略簡單，面積不大，比較焗促，噪音較大。甫落座便送上一板海膽，凡訂座四位便送一客。我感覺海膽還挺新鮮，口感好好。然後最快上菜的是扒類，但點得太多了。上菜時還是熱辣辣，剛煎起，是即叫即做的！。不得不說他們煎得非常好。西冷牛排還是嫩滑不韌，十成熟居然還挺好吃，不過肉味欠奉，稍微可惜。還有羊架，我覺得太腥，吃不了太多，爸爸說還挺對他口味。大蝦也很新鮮，大大隻，肉汁很多。意想不到炸物也很好吃！我很愛吃炸蝦、榴連、蟹柳等等炸物！熱辣辣，每件都啖啖肉，炸粉很薄一層。刺身質素還挺一般，薄切三文魚，口感不太好，肉質偏「林」，脂肪不多，沒有魚油味，比爭鮮還差....蝦也不太好吃，肉質還是林，沒什麼味道。八瓜魚，又乾又硬，味道欠佳。帶子，好小一塊，有雪藏味道。玉子，算是最正常。以放題來說，每件壽司的飯太多，而且還有餘溫。煙三文魚不夠新鮮，好咸，而且薄切沒有口感。卷物大多都好吃。手卷份量挺好，不會太大件。牛柳挺好吃，醬汁惹味。同屋企長老吃放題，他們都不太吃刺身，而這裡的非刺身類的選擇多，水準亦高，適合全家一起去吃。可是刺身類真的不太好吃啊！…Read More

呢日放工返到元朗, 又要諗下食咩, 食完先返屋企~突然好想食放題, 近近地搵一間食- 緣聚西日餐廳!入面人唔算多, 坐得舒服~唔會似出面d放題咁, 迫到喊~同埋佢真係有好多自取區呀!有熱飲櫃, 有自斟雪糕,有自斟啤酒, 甜品櫃同沙律corner!眼花瞭亂!連點菜紙都有好多!然後呢, 佢+$118/位, 可以任食蠔+蟹+鵝肝多士+黃金大蝦!!我地都好中意食長腳蟹同鵝肝..所以..忍唔住加埋刺身款式都幾多, 賣相都唔錯~刺身新鮮甜美~壽司壽司都有好多唔同選擇,份量大小適中, 唔會令人過飽~松葉蟹呢個真係超級正!!!蟹腳隻隻粗身厚肉!蟹肉仲要好鮮甜!好食過唔少酒店自助餐!估唔到一間小小放題店, 竟然有咁高質嘅松葉蟹任食!我地2個人叫左2轉, 其實都食左佢成隻蟹,絕對回到本佢仲有專用較剪畀你食蟹用~ 唔錯~鵝肝多士呢個又係加左$118可以任食的~都唔錯~黃金大蝦呢個都係加左$118可以任食的~蝦好多隻! 加左蒜同咸蛋黃去炒,香~時令生蠔加左$118可以任食的, 仲有佢~生蠔好新鮮~一D都唔腥~男友完全唔可任何野就咁食都OK~手卷/軍艦/反卷手卷有海膽手卷!好食!火鍋係喇, 呢度仲可以叫火鍋,2個人FREE一個湯底~火鍋配料就任叫的~燒粟米HAHA, 呢個我地2條友食左6條~好甜好好食~香芋綿綿冰食飽飽仲可以叫甜品~我地叫左香芋綿綿冰。有芋頭香味~ 好食~Hoegaarden呢個真係不得了!我真係未見過放題有Hoegaarden任飲!佢除左雪櫃有罐裝Hoegaarden任拎外!仲有Hoegaarden生啤任斟!出面閒閒地都收你幾十蚊杯啦~但呢度任飲唔嬲!正呀!!!總括, 呢間放題我印象真係好好!價$同出面差唔幾, 但食物選擇多同味道都好好!真係好高質!當中不乏貴價食材畀你任拎任食~大滿足! 推薦…Read More

今晚同屋企人去左緣聚食放題，呢間西日放題都已經黎過幾次，食物種類都幾多款式，有炸物，壽司，主食，一品料理，串燒，刺身等等。叫幾多黎幾多，唔會俾少。上菜夠快，收拾速度亦一d都冇怠慢，值得一讚呀。呢度刺身包括三文魚，中拖羅，鮑魚片，鮮帶子，像拔蚌，甜蝦，賣相唔錯，款款都肥美鮮甜，象拔蚌爽口彈牙，而且好乾淨👍壽司同手卷，細細件，唔會好快飽，咁就可以試多幾款。我地叫左花之戀，火炙和牛壽司，火炙鰻魚壽司，芝士鰻魚飯卷，牛油果軟殼蟹卷同香芒炸蝦卷 等等，我地最中意食芝士鰻魚飯卷🍣芝士加鰻魚呢個配搭都唔錯，所以再encore多次。澳洲羊扒同香煎雞髀肉好食，燒得金金黃黃嘅羊架，非常吸引，見到已經垂涎欲滴。食落非常香口同入味，肉質嫩滑多汁另外，蟹粥，瑞士雞翼，雞肉串都同樣好食，不可錯過。蟹粥綿綿的，入口帶海鮮嘅甜。天婦羅方面有番薯，茄子，脆炸三文魚骨，南瓜同蝦。天婦羅炸得幾脆，南瓜同番薯好香，咬落唔乾。蝦天婦羅外脆內軟，仲有三文魚骨好香三文魚味，連唔食三文魚嘅呀豬媽試左之後都愛上。鵝肝多士，鵝肝份量非常夠，厚身而有鵝油嘅香氣，煎得剛好，入口溶化亦充滿鵝肝獨有嘅油脂香，非常好食。飲品選擇亦好多，有清酒，梅酒，啤酒，紙包飲品。除左雪櫃飲品隨意揀，仲可以叫意大利即磨咖啡，奶茶，檸茶，檸水，柑桔，呢d都嫌普通？黑牛，白牛，紅豆冰，綠茶，相信仲有一樣岩心意。甜品可以到甜品櫃拎，有豆腐花，泡芙，布甸，又有唔同雪糕雪條，亦可以揀藍海鹽雪糕，焦糖3.6牛乳雪糕，香芋綿綿冰，榴槤雪條，不過呢d每人限叫一次。海鹽雪糕顏色好靚，入口少少鹹，但唔會怪，質地好滑身。而焦糖3.6牛乳嘅焦糖都幾甜，牛奶味好香。…Read More

今天朋友來香港玩, 於是便帶他們來到元朗這家放題朝聖。他們之前沒有吃過放題, 所以對於陌生日式放題的他們來說, 味道最為真實。我推介了他們2人, 食日式食物當然少不了刺身及壽司;這裏的刺身款式不少, 我們點了三文魚刺身, 中拖羅刺身, 八爪魚刺身, 鮑魚片刺身, 大甜蝦刺身, 鮮帶子刺身及希靈魚刺身; 而壽司, 以花之戀為我的最愛, 火焰鵝肝帶子壽司, 火焰鰻魚壽司及火焰蟹棒壽司;而另一個朋友則點了一個鍋, 日式牛肉昆布湯底鍋;一大盤刺身端上, 各式刺身厚切, 鮮紅肉色的三文魚, 魚油豐富, 入口即化.  洁白的八爪魚, 清甜爽口; 鮑片厚切的, 甜甜的肉汁, 爽口無比; 晶瑩剔透的甜蝦, 顯得格外新鮮, 蝦味濃郁; 鮮帶子, 帶子味清甜幼滑; 黃黑相間的希靈魚, 肉質有少少脆口, 鮮甜但帶點兒腥味;而壽司方面, 花之戀為我的最愛; 三文魚四方八面地包裏著飯團, 上面撒上鮮紅色晶瑩透亮的蟹子, 咬下去蟹子的精華爆出, 十分鮮甜;  配以酸甜的沙律醬, 為壽司增添了多重味感;我試了一下朋友叫的牛肉昆布湯底鍋, 清澈的湯底醬汁, 能一眼看到底, 醬油味十分濃, 喝下去較鹹, 配以三文魚腩骨餚制, 魚油散佈於整煲湯中, 使魚湯更為鮮濃。在這裏, 刺身, 壽司, 湯鍋款式應有盡有, 下次朋友來, 多一處落腳地。  …Read More

今日又係元朗食好西啦！過左一排，又忍唔住要幫襯返緣聚，事關佢真係好抵食，只係需要加98蚊，就可以係呢度食到我最鍾意既松葉蟹同生蠔！唔淨止蟹腳，成個蟹身都有得食埋！生蠔都好鮮甜刺身緊係唔少得啦，有三文魚、北寄貝、鮑片、螺片、甜蝦、八爪魚，擺相非常吸引炸物選擇都好多，有蝦、南瓜、茄子等等，全部即叫即炸，夠哂熱辣辣！熟食方面都唔惹少，焗蠔都已經有兩款，芝士同蒜蓉，蒜蓉會有少少辣，唔食得辣既朋友請注意！個蜆有少少酒味，d蜆都洗得好乾淨，冇沙粒個麵認真唔錯，食得落既話可以挑戰下粥入面有隻蟹仔，夠哂鮮甜壽司製作都非常認真…Read More

是日day off，入元朗搵食。元朗大大細細要差唔多十間放題韓燒，但是最值得推介就係呢間。第一輪叫左個刺身，份量都算比得足，刺身相比旺角d放題黎講，新鮮好多倍....特別係我至愛既甜蝦，我應該食左30隻...第二輪都叫左刺身，今次既甜蝦竟然係帶頭甜蝦！真係處處有驚喜！呢個香煎大蝦其實好大個，影相唔覺得大。仲以為放題既蝦會好唔新鮮先落咁多黑椒汁，但其實食落d肉好食好正。下次必食！作為蝦迷既我，試左差唔多四款蝦，呢款黃金蝦味道最特別，係鹹蛋黃既味道好特別，第一次食到呢個配搭，都幾好味。沙律和雞軟骨都好正....目前為止未試過食過伏野。原來打算食完放題買個b仔雞翼尖食，但原來呢度都有！味道有b仔8成相似，食左四兜雞翼尖....手卷和壽司都值得推介，雖然會飽肚，但完全值回票價。平時去放題係唔會有凍咖啡飲，今次竟然有凍檸茶和凍咖啡，好飲過出面茶餐廳！最後埋單二人$348.....真心平到無朋友。決定一個禮拜食一次…Read More

今日向元朗友人話都想食放題，我心中必選一定係緣聚西日放題，皆因我與友人也很喜歡飲啤酒、食刺身，呢度有蘋果酒、黑啤及各式各樣的飲品可供大人小朋友選擇急不及待點了雜錦刺身拼盤，有我喜愛的長腳蟹及生蠔只需 +$98就可任食，來讓我食個痛快吧我們先選擇天婦羅、手卷所點的食物也是新鮮製作，可以加點分亦點了幾款壽司作，壽司十分精緻飯團亦細細粒綿綿的蟹粥是不可遺留的，因為一碗也有蟹及蟹籽，絕不吝嗇甜品亦有很多款，用飲管啜豆腐花是常識吧店舖燈光柔和，員工岀餐的速度十分快多款飲品任你揀多款甜品款式，有乳酪、啫喱、豆腐花、泡芙、雪糕及雪條.......來讓你盡情享受…Read More

難得假期，當然要帶媽媽去搵美食～為左滿足唔同要求，又可以慢慢食坐耐d，首選梗係放題講真唔專登搵都未必見到，但做好功課見價錢抵味道評價都好，即刻決定同媽媽試下揀左豪華，但都唔貴，而且選擇好多入面空間幾大，裝修唔似傳統放題嘅日風，反而有美國街頭風，坐得幾舒服選擇好多，除左日本野仲有火鍋、扒、西式風味揀，未點先期待放題梗係先黎刺身，選擇係大眾都鐘意嘅幾款。冇雪到硬哂得冰嘅感覺，三文魚油脂分佈幾均勻，有魚香；帶子雖然細細粒但夠哂鮮甜；甜蝦反而欠少少鮮味，但整體水準唔錯對壽司嘅份量好滿意，細細地可以試多幾件，推薦牛肉，好味到叫左兩轉想食少少暖野，蟹粥味道比想像中更好，粥底好綿，又有海鮮鮮味炸野全部都推薦！新鮮炸起好脆，而且味道樣樣都唔錯，天婦羅炸漿唔會過厚，好味另外推薦蝦餅同芝士蝦丸，個人最愛食左輪壽司刺身，叫左火鍋試試，牛肉昆布湯底味道偏濃，就咁食會咸但淥菜好入味，要睇下個人鐘唔鐘意重口味～另外火鍋料選擇幾多，蔬菜亦新鮮，一邊打一邊傾計幾正飲品選擇多到有兩個雪櫃，不過最正梗係啤酒任飲，食住炸物邊爐加啤酒，超爽！一定要試特製甜品！焦糖牛奶雪糕一開始覺得外觀唔太吸引，一試奶味超濃，又香又滑；芝士味一樣香濃，好味到食左幾個！榴連雪條香榴連嘅人一定要食，有榴連清香，並唔係香精味道，唔會過甜又夠滑，好食到我決定上網搵下邊度有得賣其實仲有好多選擇，雪條雪糕連豆腐花都有～呢間放題環境舒服，食物選擇多，而且款款出品都唔錯，加上價錢合理，最難得係店員有效率得黎好nice，相信會再黎encore!…Read More

我同太太都係放題控,今日星期日走黎元朗行街街,行到累之後就周圍搵野食準備食好西~去到一個好唔起眼既位置.竟然比我地搵到一間有放題食既餐廳,二話不說馬上入去試試去,可能因為我地早走,唔需要等就可以直入有得食一入到去,佢既裝修竟然有驚喜佢唔似平時食開既放題餐廳,而係充滿住工業風格調!無論係燈,椅及牆壁擺設都係有主題性及有用心思,最重要既係坐既位置夠晒寬敞,無焗促既感覺當然最令我驚喜既係佢有無限任飲Hoegaarden Rosee,係自助形式,鐘意飲幾多都隨便酙,唔會限住其他飲品既選擇都好多酒既選擇係最多既,愛飲beer 既實鐘意當然緊係飲住Hoegaarden黎慢慢睇下有咩食啦刺身同一般放題一樣,選擇差不多,不過佢既刺身唔會有雪味,條蝦仲要幾大隻又夠鮮甜燒粟米超甜,估佢唔到壽司種類唔少,不過個人想食多啲其他野,所以只點左幾舊試試,都幾有水準可能因為元朗,所以有雞翼尖點,我覺得呢個真係好大驚喜,佢唔算超辣,但係好夠味,用黎佩啤酒真係無得輸炒辣蜆同埋辣魷魚鬚真係要講講,似人地大排檔那些,有鑊氣,又係佩啤酒無得頂!黃金蠔無腥味,醬汁帶出鮮味菠蘿又係一大驚喜,甜到爆,個樣睇唔出~最後甜品時間,最欣賞牛乳雪糕,超濃郁的牛奶味,仲加左少少焦糖,食落唔會太甜,而且佢杯杯都唔大杯,可以試多幾款!總括今次放題,價錢合理,食既野全部都滿意,相信還會再黎~…Read More

元朗嘉城商場附近有間不錯的放題餐廳，基本上個個元朗人都曉。身為元朗人的我，三不五時當放題癮發作的時候都會來一趟。今次由於有朋友告知有任飲Hoegaargen，所以決定和爸來啤一啤。我們平日去，九點前入座，任食兩小時，每人$228是基本收費。餐廳內好寬闊的呢，裝橫是必俱特色，好有玩味的擺設隨處可見。我們被領到一張四人的大卡枱，枱上有一個小小的電磁爐，座位乾淨整潔。店員先端上一杯玩味十足的飲味，一個發光的SKULL玻璃杯內有兩枝試管，裡面的飲品味道好像是小時候食的冰條。點食物的紙有好多，食物種類多不勝數！不論火鍋、刺身、壽司、小食、沙律，天婦羅，西式、日式的食物都有。重點是這裡的Hoegaarden Rosee是任飲的，平時在酒BAR一杯都要四十多元，現在是任飲的哦！Hoegaarden Rosee 味甜，女仕大愛，老闆還是之後會有原味的Hoegaarden任飲呢，期待。先來一個韓風豬骨湯的火鍋，好重豬骨的味道，湯帶有少少辣，韓風味不錯。火鍋的配料都好新鮮下，點的蔬菜都好翠綠，三文魚腩骨鮮味。滑雞件大大件，十分嫩滑，入口鮮甜有咬口。海蝦都挺大隻的呢，新鮮程度十分，放湯滾完食肉質彈牙！任食真的好化算！老豆慣了一定要有澱粉質落肚，所以他要了一個拉麵。拉麵吸收了微辣豬骨湯的味，十分不錯。這裡的壽司要比想像中好，飯的大細適中，而且飯是新鮮不是隔夜食得出。我個人比較喜歡食焰燒過的壽司，所以點的都是火焰壽司。壽司全部都得好吃，魚肉的肉質燒過帶有微焦香，加上肉質新鮮甘甜，十分推薦。刺身放在一個放有乾冰的木船，造型別出心裁，乾冰又能令刺身保持新鮮。多款刺身裡面，十分推介甜蝦、三文魚和鮑魚片刺身，真的十分甘和可口。甜蝦鮮嫩甜美，三文魚肥腴，鮑片有韌度。不得不提這裡加＄88就可以任食時令生蠔和松葉蟹腳！大大隻生蠔好爽脆可口，雖然大隻但肉質爽口值得番戟。堅大大隻松葉蟹腳，肉地厚而且甘甜。只需加少少錢就可以食到高質的蠔和松葉蟹，必食呢。這個刺身沙律不錯，鹹香的蟹籽和肥腴的三文魚，配上酸酸甜甜的沙律醋，十分開胃，食完又可以幫助消化一下剛才的食物，之後又再接再厲。印度薄餅，點了練奶味和咖哩味的啦。練奶味好特別，咖哩就是比較傳統，如果咖哩可以辣一點更好吃。炸物是即點即炸，非常新鮮！薄薄的麵粉漿，炸出來好脆口，調味都剛剛好。黃金燒蠔好香口，焦香芝士十分誘人。清酒凍蝦，蝦好脆甜，吸收了清酒的味道後帶有淡淡的酒香！食完熱食，當然要食飲品，這裡的甜品種類好多，有一大個冰櫃放甜品。這個是榴槤雪條，好特別！真的有好重榴槤味。要數特別都要提一提這裡有韓國雪糕，我平時未見過，所以要食支嚐一嚐呢～比平時的甜筒少甜一些，味道還不錯。是冷用餐十分滿意，這裡的食物質素比起平時的放題要好，環境又舒適，而且服務又好，我們食完的碟好快就有人來收捨，食物上枱速度又快！重點是平時要貴飲的Hoegaarden現在可以任飲！十分推薦朋友來元朗一試！…Read More

由元朗工作的朋友仔口中，得知緣聚西日餐廳的午時放題性價比高，而且用餐時間長，所以心血來潮去試一試。緣聚在西裕街金福閣地庫，但門口在內街的小巷，也要花些時間尋找。餐廳環境舒適，有很多卡位，食客可以坐得舒舒服服的情況下，享受美食。如果一大班人來幫襯，餐廳也有2個比較寬敞的長卡位座，適合一大班人來開Party。當我們一坐下，店員便立刻為我們送上兩杯<夢幻特飲>，分別是荔枝和葡萄特飲，用乾冰而營造的煙霧效果，非常迷幻，看到已經有透心涼的感覺。喝下去有濃濃的荔枝清香，十分解暑，如果可以加入荔枝肉或啫喱，感覺更清新。雞肉串燒雞肉串燒最先送到，可能太肚餓的關係，熱辣辣又塗滿甜甜燒汁的雞肉串燒，吃下去啖啖肉，真的吃到停不了。之後我也點了雞軟骨串燒，充滿嚼勁的骨膠原，同樣滋味十足。刺身三文魚、吞拿魚、甜蝦、帶子、玉子和八爪魚刺身，排列賣相精美，同樣用了乾冰煙霧效果，刺身冰鎮美味。三文魚和吞拿魚新鮮、甘飴肥美；甜蝦晶瑩、嫰滑；帶子厚實、滑溜；玉子香甜、重蛋香；八爪魚鮮味而富彈性。整體來說，刺身水準不俗，而且厚切大片。蟹籽沙律、芝麻八爪魚、螺肉蟹籽沙律上舖滿蟹籽和沙律醬，最喜歡脆卜卜的蟹籽和爽甜青瓜絲的組合；芝麻八爪魚和螺肉非常彈牙有嚼勁，醬汁甜而帶微辣，惹味可口。壽司火焰鰻魚、花之戀、黑松露帶子壽司當中，我最欣賞是黑松露帶子壽司，黑松露的獨特香氣配合帶子的淡淡海水味，非常吸引；火焰鰻魚鮮甜肥美，但略嫌燒汁味不足；花之戀壽司豐滿的蟹籽和沙律醬，真令人垂涎三尺! 黃金、蒜香燒蠔/ 鹽燒鯖魚黃金燒蠔絕對是必食推介，半溶而燒至金黃的燒蠔，Creamy香滑、入口即溶；蒜香燒蠔蒜味極濃，香辣而刺激口感；鹽燒鯖魚燒至焦脆的魚身，淋上檸檬汁，超級開胃。手卷蟹籽沙律手卷、三文魚籽手卷的餡料略嫌比較少，但三文魚籽的魚油，慢慢在口中散發，也相當吸引。天婦羅大蝦天婦羅是我的心水推介，大蝦彈牙，粉漿薄身，炸到金香酥炸，一食完便立刻再Encore；茄子和蕃薯天婦羅炸後，仍然保持軟滑、濕潤，值得一試。肉醬薯蓉肉醬薯蓉蕃茄味濃郁，薯蓉拌合得軟滑Creamy，重忌廉香味，非常美味! 辣味炒蜆炒蜆與辣椒、蒜頭和洋蔥爆香後，超級惹味，具避風塘特色，但吃完之後要馬上喝喝特飲解辣。焦糖3.6牛乳雪糕焦糖雪糕是出乎意料的驚喜，表面的焦糖燒至焦脆，重甜的口感，配合一口奶滑的3.6牛乳雪糕，箇中滋味實在難以形容，我也忍不住吃了3大杯! 甜品bar還有琳琅滿目的選擇，有紅豆味、雲喱嗱雪糕杯；蜜瓜味、香蕉味、草莓味Melona雪條；Yogurt、雪糕泡芙和朱古力蛋糕等，真的心思思很想食光全部。。。總括而言，緣聚西日餐廳的午時放題性價比高，日式美食水隼不錯、選擇也多，甜品bar也足夠吃過過癮，有機會也會再來! …Read More

放題食刺食燒食呢d好基本，但係有得食生蠔既，真係太少！為左食生蠔，可以去到幾盡？今次特登入元朗，盡情食！ 地方頗有american street style，比起一般日本餐廳式裝潢，更顯個性。Welcome drinks坐底無耐，餐廳送上兩杯welcome drinks俾我地 Container外型特別，不失霸氣；加入乾冰營造煙霧特效，別居特色。左為雜果賓治，右為荔枝梳打，味道不錯，夏天時飲一杯梳打，即刻令人有爽涼消暑感覺 生蠔、松葉蟹腳野食準備時間唔算耐，生蠔同長腳蟹都幾快就黎到 上台時，會同時俾埋茄汁。而我更喜歡食生蠔時配tabasco，另外request的話，餐廳都會提供 生蠔都幾大隻！creamy，海水味亦足夠，加上檸檬汁同tabasco蓋過我唔太喜歡既腥味，格外好味易入口。以任食黎講，水準算係唔差！松葉蟹腳同樣唔錯。餐廳會提供特殊較剪，用黎拆蟹腳 蟹肉冰凍又鮮甜，係另一樣消夏欣物 刺身是日放題第二重點：刺身！刺身水準十分令人滿意，三文魚、甜蝦、帶子，我最鍾意食就係呢三款刺身！份量點幾多黎幾多，無俾人cut單，刺身們鮮甜爽口，足以顯示其新鮮程度 炸物 炸物之中，我最鍾意雞翼、紫薯波！雞翼炸得恰到好處，外皮十分爽脆，入面雞肉肉汁仲好豐富，值得一食！而紫薯波外脆入軟，不乏嚼感之餘，紫薯剛好的甜度，令人欲罷不能，encore之選 壽司 比較特別的壽司有：芝士和牛壽司、黑松露帶子壽司。作為芝士愛好者既我，諗都無諗就點左芝士和牛壽司 芝士香濃，配左鬆軟、脂肪分佈平均既牛肉，香口又惹味！黑松露帶子壽司亦無被搶哂風頭。爽口又香既黑松露，佐以甘甜新鮮既帶子，一黑一白，最強的壽司黑白配 焦糖芝士雪糕最後點少得甜品時段！甜品有分甜品紙點的，同自己出去雪糕拎的，前者只限一人一份，後者就係任食！焦糖芝士雪糕就係要用甜品紙點的。係射燈下，焦糖反射出閃令令既光，外型十分吸引！建議大家食既時候唔需要太急，可以放佢一陣先，因為岩岩上台既佢比較硬身。焦糖同芝士味好襯，同樣的香濃，所以一份就夠哂，食太多反而怕滯呢…Read More