相撲手日式放題

見到呢間放題既餐牌同食評都幾吸引，一直期待左好耐，琴日終於去左食，滿懷希望去到食完真係失望!首先，叫野既時候侍應話熟食好快整好會冇位擺，叫我地叫住刺身先，咁唔緊要啦叫左刺身先點知都等左好耐先有得食，之後都索性比晒所有餐紙佢。呢間野最特別可以話係會有SPECIAL OFFER推出，我地呢晚係燉湯, 黑松露炸豆腐. 但每樣得6 7份，根本唔夠分 不過有特別野出下都叫OK GE. 我淨係試左燉湯, 還可以亦好大兜 會填飽你個肚, 係木瓜湯.仲會有廚師表演切魚生, 叫大家影相不過冇得食~ 仲因為有客人生日冇啦啦熄晒燈播歌咁 個人就覺得麻麻.羊架唔知點解冇晒, UPGRADE左做炸羊架, 反而都幾好食, 算係全晚最好食既野.牛乳水餃鍋, 其實係煎餃放左落去變水餃, 搞到D煎餃淋晒=__=刺身算不錯, 三文魚就冇乜味, 北寄貝還好, 帶子就第一ROUND唔錯, 第二ROUND就腥到不得了, 其他一般.天婦羅方面南瓜唔錯, 腐皮蝦卷就唔好食, 蟹肉忌廉薯餅超難食, 都唔知食左D咩落肚....食完即係冇晒胃口.食食下個WAITER冇啦啦走埋尼話我地D SUSHI同串燒放左好耐, 凍左唔新鮮, 所以要扔左佢叫我地再叫過, 真係O晒咀, 其實都唔係放左好耐, 而且好想食D SUSHI, O晒咀望住佢扔左我D食物...都費事再叫-_- 淨係食左舊和牛壽司, 都還可以既.串燒牛吞好UN, 好多筋. 扇貝還可, 但上面個PAT都唔知係乜...類似腸粉皮既物體.龍脷柳都唔錯.雪糕就有朱古力同芝麻.BTW等位等到過左8:45都未入得, 仲有9個字就要LAST ORDER. 完全食唔足兩個鐘.最最最不滿係佢強行扔左D壽司, 可能呢間餐廳中意浪費食物.質素唔可以話係好差，但每人三百蚊既價錢就真係唔多值， 如果百幾蚊可能都比得落中評。…Read More

朋友生日，我們一早訂了位到相撲手吃放題。這家店放題的價錢可觀，而且壽星會有特製蛋糕贈送，因此吸引了我們一試。第一輪永遠都會點一大堆食物 幸好我們旁邊的桌子沒有坐，可以把食物擺在旁邊 日式放題必備刺身，刺身盤用了冰底保鮮，都算新鮮，但味道普通。蟹籽沙律是比較多人愛吃的，而且不會太飽，又開胃，所以一共點了三客，可惜沙律的沙律醬與平時的不同，遜色於其他放題店。手快快點了五件多春魚，誰知朋友們都不太討好，結果我把全部吃光，多春魚不算多春，因此口感一般，裡面的骨不算多，吃的時候也不會麻煩。炸物只點了三樣，分別是天婦羅、餃子和芝士春卷。天婦羅是普通的，餃子內的餡不太合口味，而且易飽，但芝士春卷是不錯的，外脆內軟，十分適合芝士迷。多款食物中，串燒的份量是最多，牛肉很大顆，一串有三粒，吃完後已經佔了肚子一個位置 不過味道是可以的，牛肉經黑椒醃製，重口味的我覺得味道剛剛好。每次吃放題必吃燒菠蘿，今次也不例外，菠蘿不會太酸，之後不停encore再encore 說完食物，這家店的Special Offer才是我最欣賞的地方，在這家店吃放題挺有氣氛，雖然食物的味道一般，但環境使我不感後悔。因為有朋友生日，所以有一個特製蛋糕送給壽星，為配合爆竹爉蠋，店員獻上蛋糕的時候，整家店的燈會關掉，很有氣氛。蛋糕沒有用「蛋」和「糕」製，而是用魚，挺特別的。這些都是Special Offer，雖然沒有甜品的餐牌，但也特別提供了幾個甜品，分別有番茄啫喱、焦糖燉蛋和朱古力腸粉，是挺好吃的，而且有一個環節是即場切魚。也是挺有噱頭。總的來說，第一次吃相撲手感覺是不錯的，食物方面有改善空間，有機會的話仍會再來一試。…Read More

家人將外遊一趟，故預先與小妹到此預祝生日。小妹是首次光顧相撲手，因6時入座，當下班後，立即趕來尖沙咀，幸好位置尚算易找到>口<餐廳最具特色是與別的放題感覺不同，大玩Gimmick，同場還有MC，亦有不少特別活動，營造歡樂氣氛。只覺得卡位及枱也有點細，坐得比較逼，手碰手般，親密一點吧。媽媽早已點定不少刺身及壽司。先來一大盤刺身，有三文魚、吞拿魚、帆立貝、油金魚、甜蝦、飽片等，尚算新鮮。刺身數量與我們點的數量差不多，沒有份量。小妹比較喜歡帆立貝，鮮甜滑身，晶瑩肉厚。而吞拿魚比較鞋身，是當中較為失色。甜蝦亦是不錯的選擇，大大隻啖啖肉，蝦頭亦藏滿蝦膏，十分滋味。正當在吃刺身時，經理邀請我們Like Facebook就有一客燒和牛，當我們Like完後，即有侍應拉著車仔在旁即燒，(因突然搶火= ="，所以沒有拍照啦。) 而一口和牛有點韌，味道一般，不過免費的就不要求太多吧^^"至於壽司款色頗多，小妹愛吃的火炙壽司亦做得不錯，特別是岩鹽三文魚，肉質幼嫩帶微鹹，值得一讚。而花之戀亦是推介之一，三文魚配合置中的足料蟹子，屬精華的沙律醬份量剛剛好，而且整體沒散開。我們亦點了幾隻生蠔，但好像不太新鮮，有點兒腥及苦，故吃了幾口便沒吃。當吃到一半時，侍應們突然合力拿一條巨型魚出來。原來最精彩的環節來了! 生劏9尺長針魚(○゜▽゜○) !? 餐廳內的客人紛紛來到近門口的位置，幸好小妹一家坐在表演枱附近，可靜座欣賞。首先MC邀請大家「相機食先」，小妹亦不執輸啦。針魚的確非常巨型，侍應亦叫我們一家拿起針魚鰭共同拍照。好緊張! 師夫即場生劏針魚，他們解說是最肥美的部位。稍後亦邀請客人一個個排隊，即場拿碟針魚刺身品嚐。針魚刺身味道的確一般，有點失所望。雖然新鮮及啖啖肉，但肉質好鞋且比較乾。吃了那麼多刺身，當然是要來個熟食的蟹粥啦。蟹粥杰身綿滑，不過不太夠蟹味，而內裡的蟹雖稱不上是啖啖肉，但鮮味。聽說生日的朋友會送上特別的環節，而當MC宣佈場內有幾位朋友生日，突然全店燈光關上，黑漆漆同時播放著生日歌，而侍應亦將壽司蛋糕送到小妹面前，別具驚喜^^尾聲來到甜品環節，仍是MC宣佈提供幾款甜品，想吃的招手示意，而我們點了2款。番茄凍外層是滑一滑的果凍，內有全個番茄，口味好因人而已，細佬覺得不太好，但喜歡吃番茄的小妹，覺得不太難吃，中規中距啦。紅豆批味道較好，送來時批還熱騰騰，鬆脆可口帶點甜。食物味道的確一般，但場內氣氛不錯，打破只是靜靜地吃放題的一面，而枱比較細，放食物的空間不多，但侍應亦主動收碟，服務不俗，價錢亦合理，如果不是對食太高要求的話，值得一去，這晚總算帶給小妹生日前一個驚喜、開開心心! (○゜▽゜○) ノ…Read More

今日朋友請我去尖沙咀相撲手食日式放題，以為好普通啫。點知一入到去，近門口位置已經企滿人，原來老闆話今日會即場開一條剛由日本落機嘅吞拿魚比大家食，我當然試下，真係好好味，我個女食完又食! 同場仲有甜蝦，size仲大過我個女隻手，超大隻。另外仲有生蠔壽司，象拔蚌，好味又新鮮，仲無限量供應，真係每款食幾隻都抵返唒。…Read More