Oi-Shi-Sushi (Sham Shui Po)

朋友去完旅行後話好想食刺身，所以我就推介左黎呢間OPENRICE評論唔錯、位於深水埗區既日式小店，晚餐有定食、散點、丼飯，價錢亦唔算貴。每款套餐中包含麻醬蟹子沙律、帶子群邊、味噌湯/飲品(可選汽水式烏龍茶)、甜品係雪米磁。沙律菜新鮮、群邊爽口。我個人比較中意食壽司多過丼飯，所以點左個壽司餐 $108內有三文魚、油甘魚、鯛魚、吞拿魚、蟹子、熟蝦、玉子、鰻魚同大赤蝦壽司共10件，另外仲有一件三文魚吞拿魚蓉手卷，食材豐富，份量足；全部魚生都無解凍唔夠既問題，亦無怪味或腥味，但欠缺魚既鮮味。個人覺得味道唔差，但又唔能夠叫好，只能夠講以$100既價錢食到11件壽司加手卷，非常抵食。朋友為刺身而來，所以點左個迷你吞拿魚蓉丼刺身壽司餐 $128本身朋友對呢個價位既刺身無抱太高期望，殊不知味道唔錯、每款都有鮮味、有驚喜!!水炙壽司同丼飯樣子唔差，雖然我無試到，但朋友表示味道尚可。火龍卷 $65入口首先有脆卜卜既蟹子，之後試到脆口既天婦羅，蝦味慢慢滲出黎，整體味道唔錯，可以一試。估唔到豉油都有份刺身同壽司豉油兩款，後者會甜D。…Read More

誤打誤撞揀咗間高質驚喜小店估唔到深水埗都有呢啲咁高質嘅日本料理晚上七點半左右去到門口已有少量人等緊位，原來基本上都full bookingwalk in位都比較少，好彩有book位 。入到去餐廳裝修比較平民化，但係menu嘅食物就非常吸引 入到去店員會先介紹有兩款豉油 ，一款for刺身; 一款for壽司。晚市有晚餐或主餐牌散叫，見到啲晚餐非常抵，價錢經濟實惠。我哋叫咗個壽司餐$108，有十件壽司加一件手卷晚餐包麵豉湯或飲品、沙律、是日小食及甜品 壽司嚟到非常新鮮，有三文魚、油甘魚、鯛魚、赤蝦、吞拿魚、蟹子、熟蝦、玉子、饅魚及蔥三文魚吞拿魚蓉手卷，好正! 特別係手卷，紫菜夠脆，入面啲蔥三文魚及吞拿魚蓉都好肥美，咬落去勁飽滿另外是日小食係炸蟹柳味道都唔錯見散叫有個御品壽司拼盤$178好飲幾正有15件，勁新鮮肥美三文魚、油甘魚、鯛魚、甜蝦、赤蝦、吞拿魚、帶子、墨魚、左口魚、海膽、魚子、吞拿魚蓉、龍蝦沙律及辣味三文魚，非常豐富 超驚喜另外仲叫左火龍卷$65，真係整到好似條龍咁勁呀！入面炸蝦好脆!炸蝦炸得好脆不過壽司飯就林左啲啲， 不過好多蟹籽夾埋炸蝦都幾好食軟殼蟹手卷$28-夠脆，入面有青瓜絲、蟹籽及沙律醬， 口感豐富晚市不斷有人入嚟食，食完之後終於都明白點解咁多人黎，因為又抵又高質…Read More

千之味即將去日本旅行，唯有去深水埗買張電話卡用下啦。到咗午飯時段，就去咗Openrice 搵下食，一搵見到間日本餐廳擁有不少食評，加上見到啲食物相都幾正，咁樣就行咗過去睇下情況。到了餐廳門口，我已經感覺到濃厚嘅日本嘅氣氛了，心諗明明仲係香港，未到日本㗎喎⋯⋯原來門囗一直播著日本歌曲，令到此餐廳非常有日本味道。加上，午餐仲做緊半價添，嘩⋯⋯唔再諗又唔再搵lu......一於揀佢啦 <御品。千之味店>。餐廳供應咗兩種豉油：昆布豉油，高身果支，專用來點刺身的，帶多點咸味。甜豉油，矮身果支，專用來點壽司，帶點甜可化解帶酸的壽司飯。三色丼(三文魚，帆立貝，魚子)三文魚，厚切，份量算不少，味道新鮮，加少少昆布豉油，魚肉味更濃。帆立貝，白白淨淨，肉身彈牙，味道帶甜，厚身大件，加少少甜豉油，可帶點海洋味。魚子，非常多，大大粒，味道帶咸，用來餸飯真的不錯，粒粒魚子像水珠般爆開，鮮魚味爆發。推介指數：7/10壽司餐(三文魚，油甘魚，白玉豚，赤蝦，吞拿魚，蟹子，熟蝦，玉子，饅魚，蔥三文魚吞拿魚蓉手卷)油甘魚壽司，油甘魚味濃郁，整件放落口內，非常有口感。吞拿魚蓉，味道鮮甜，與三文魚一起做成手卷，味道非常合配。推介指數：7/10脆脆單骨雞翼，2件，熱辣辣脆卜卜，有點韓國feel，雞肉鬆軟有肉汁，味道香脆可口。推介指數：8/10甜品(朱古力糯米糍)，糯米𦔒細細粒，煙煙韌韌，不太甜，味道幾好。推介指數：7/10…Read More

這天到了朋友位於西九龍中心🐉的店探班，剛好到了午飯時間🌞，朋友提議一起去來一個女生午餐聚會💞，在路上遇到了這家日式小店🍱，就挑它吧~午飯時間🌞，店內坐無虛席😲，還好碰巧好幾位客人買單了😌。午市套餐的選擇蠻多📜，由一般的壽司🍣到烏冬🍜等熟食，包羅萬有，絕對能滿足每個人的愛好和要求👍🏻。隨餐附送前菜🥗：每個套餐都包括了一客沙律🥗及加州卷🍣。沙律以青瓜🥒為主，配上粟米粒🌽和蟹子🦀，味道酸酸甜甜的，為悶熱的天氣帶來了一點點小清新🍃；加州卷包著蟹柳🦀及玉子🍳，外層沾上了蟹子🦀，一口一個的，非常方便😋。日式魚生飯🐟：在滿滿的魚生飯🍚的上層舖了三文魚🐟、吞拿魚🐠、八爪魚🐙等各式各樣的刺生，單是看著已經很豐富😍，份量亦是十分足夠👍🏻。每種魚生🐠都非常新鮮，以這價錢來說的確很實惠🤩。壽司餐🍣：共有九件壽司🍣及手卷一份，同樣地，每款壽司🍣也是鮮味十足，特別是三文魚🐟更是非常肥美。總結：特別一提的是他們提供了三文魚🐟放題，當日同場已經看到了不少三文魚控在怒食中🤤，價錢也算是蠻物超所值的👍🏻，自認是三文魚🐟控的可以來嚐嚐看😊。…Read More

今日去買電腦野前，經過荔枝角道附近，見到一間門面光鮮及乾淨的日本餐廳，就決定入去試試。店內環境簡潔，給人舒服的感覺。店舖食物種類多元化，有放題，有散叫，午市還有午市套餐。由於近排食得太多放題，所以今次就叫了午市套餐。每個午市套餐包括1碟沙律，2件加州卷及1款自選飲品。而主菜我叫了一份壽司餐，有9件壽司及1件手卷。食物一上枱，第一個感覺是很大份，第二個感覺是壽司好新鮮。三文魚手卷，紫菜脆身，三文魚肥美，魚生及飯的比例不錯；三文魚壽司、油甘魚壽司及吞拿魚壽司的魚都新鮮肥美，切得都厚身有口感；北寄貝壽司，合乎標準；蟹子壽司的蟹子卜卜脆；辣味三文魚壽司，紫菜脆身，辣度合適；鰻魚壽司的鰻魚軟綿綿，微微燒過之後，魚味香濃；甜蝦壽司的甜蝦新鮮美味；壽司餐的性價比不錯，值得推介。另一份主菜則叫了日式魚生飯，魚生有甜蝦、油甘魚、三文魚、吞拿魚、北寄貝及八爪魚。魚生亦是很新鮮，切得亦厚身，配上壽司飯，亦都不錯。…Read More