Mirai

去旺角行完街想食嘢，我朋友話有間新開好grand嘅居酒屋話要帶我去食，重講到一定唔會令我失望。咁犀利，梗係要跟佢去睇吓食吓啦！喺門口已經覺得個間餐廳好型！有一道八角形嘅門，入去感覺好似去咗另一度咁，餐廳乾淨得嚟又有啲神秘感。話明居酒屋，緊係要飲吓酒先啦。朋友就點咗「一滴入魂」，我重笑佢係咪想飲醉，要我送佢返屋企。我就鍾意梅酒多啲，所以就喺入邊揀咗國盛無過濾梅酒。講返啲酒先： 🍶一滴入魂聞上去有一種淡雅自然嘅米香，入口順滑柔和但又不失濃郁。甜味同酒精度完美平衡。👍🏻🥃國盛無過濾梅酒果味香濃，入口順滑，梅酒嘅甜味同果香令人一啖接一啖咁飲。 ❤️✨梅子蕃茄 有梅子嘅酸味加上蕃茄嘅鮮味，呢個配搭清新之餘亦都好開胃✨燒味醂魚乾飲酒，梗係唔少得配酒嘅小食，呢個魚乾令到我食唔停口，好味✨雞頸肉、雞心、雞皮雞心爽口，雞頸肉肉質非常鮮嫩，雞皮香脆可口✨鹽燒手羽 外皮酥脆，肉質多汁鮮嫩，串燒一定要叫燒雞翼✨自家製雞肉棒雞肉棒味道鮮甜再配上無菌蛋特製醬汁，令雞肉棒味道更上一層樓。✨墨魚汁香腸呢個第一次食好有驚喜，入面個餡嘅油香好豐富好Juicy，仲要有一粒粒嘅墨魚粒，口感豐富。✨牛小排洋蔥串牛小排帶油脂香氣，加上烤製過嘅蔥，令牛肉的鹹香完美平衡✨牛舌芯串牛舌烤得恰到好處，加上調味,冇得彈👍🏻✨翠玉瓜冇諗過翠玉瓜都可以燒得咁好食，外面乾身，但食落口仲充滿水份同保留瓜菜嘅鮮甜。✨杏鮑菇 外層微焦帶點韌性，內裏多汁但又有啲似肉嘅口感，令人食完又想再食。 ✨最後不得不提烤飯團，喺日本食過嘅烤飯團都冇佢呢度烤得咁好味，外面好似飯焦一樣咁脆，入邊就軟綿綿。呢度用料新鮮好味，火候同調味都恰到好處，廚師用心煮，店員服務好，朋友真係冇介紹錯，我哋又有一間好食嘅串燒店可以放工去飲吓酒，傾吓偈啦！ …查看更多

串燒食得多，但聽到主打用備長炭烤肉既，我就衝咗黎試了因為基本上用得備長炭，就係好食，同埋健康傳統火炭只係會將舊肉表面烤熱，但就鎖唔住肉汁，所以出面食到既多數乾爭爭凳都未坐暖要即刻黎杯suntory先返工返到谷鬼氣另外仲叫左杯清酒呢杯係東洋美人 太白銀虎 純米大吟釀我平時好驚飲清酒 因為覺得好苦但呢隻真係好易入口  非常醇滑既感覺而且有淡淡既果香味  配串燒係一流雞心我鍾意雞心本質獨特既味道 而且佢燒得好好食 咬落去有彈性 食得出有落功夫較好比例既鹽香同調味 令佢更更更好食雞頸肉 ＆ 雞皮雞皮真係 我經常講食一間串燒店有無料就要睇佢串雞皮外層酥脆 調味要好 嘴嚼時d脂肪香要響口到𠺘下呢到想講講雞翼 （鹽燒手羽！雞翼呢d平民野好似成日食但響呢到食好似想像唔到原來經常食既野原來可以更好食…果種用靚炭燒出黎既炭香味 外皮脆脆 咬落去勁有肉汁…真係好想瘋狂食十串呢舊野是咪好得意！豚肉生菜卷 就係肉包住d菜，即刻諗起韓燒d 生菜包肉食但呢款食落又係兩回事 因為佢生菜好密咬落去比起單單一塊葉係有層次好多 而且豚肉非常高質 一路食就係食到肉既油脂香 但同時有菜做中和好夾好好食我超鍾意呢串野 睇落勁似潤腸外協絕對會鄙視左佢先但食落果種爆發既墨魚香真係勁驚喜唔好睇佢細細舊咁 墨魚粒佔好鬼大比例 真材實料基本上覺得無咩野可以挑剔…因為呢到既串燒本身用料已經靚 而且靚炭燒對比出面大陸串燒 一層層唔知咩粉呢到既調味更顯肉串既高質 順帶一提呢到既裝潢＆服務態度都好好有服務＝一定返轉頭幫襯…查看更多